1 * 2 * 3 * 4
ПРЕДСТОЯТЕЛЬ: Мир всем !
НАРОД: И духови твоему.
ДИАКОН: Станем добре. Станем благочестне. Станем со страхом Божиим и сокрушением. Вонмем: святое возношение в мире Богу.
НАРОД: Милость мира, жертву хваления.
ПРЕДСТОЯТЕЛЬ: И знаменательно одевающая священнодействие покровы гаданий открыв, ясно покажи нам, и умные очи наша необыменного Твоего света исполни, и очистив нищету нашу от всякия скверны плоти и духа, достойны соделай ны страшнаго сего и ужаснаго предстояния, яко преблагоутробен и милостив Бог еси, и Тебе славу воссылаем, Отцу и Сыну и Святому Духу, ныне и присно и во веки веков.
(И благословляет народ: )
Любы Бога и Отца, и благодать Господа и Бога и Спаса нашего Иисуса Христа и причастие и дар всесвятаго Твоего Духа буди со всеми вами.
НАРОД: И со духом твоим.
ПРЕДСТОЯТЕЛЬ: Горе имеем ум и сердца.
НАРОД: Имамы ко Господу.
ПРЕДСТОЯТЕЛЬ: Благодарим Господа.
НАРОД: Достойно и праведно.
ПРЕДСТОЯТЕЛЬ: Яко воистину достойно есть и праведно, лепо же и потребно, Тя хвалити, Тя пети, Тебе кланятися, Тебе славословити, Тебе благодарити всякия твари видимыя и невидимыя содетеля, сокровище вечных благ, источника жизни и бессмертия, всяческих Бога и Владыку, Егоже поют небеса и небеса небес, и вся силы их, солнце и луна и весь звездный лик, земля, море и вся яже в них, Иерусалим пренебесный, собор избранных, Церковь перворожденных, написанных на небесех, дуси праведных и пророк, души мученик и апостол, ангелы, архангелы, престолы, господьствия же и власти, и силы страшныя, херувими многоочитии, и шестокрилатии серафими, иже двема крилама покрывают лица своя, двема же ноги и двема летающе взывают друг ко другу неусыпными усты, немолчными славословеньми: Победную песнь великолепныя Твоея славы, светлым гласом поюще, вопиюще, взывающе и глаголюще.
НАРОД: Свят, Свят, Свят Господь Саваоф, исполнь небо и земля славы Твоея! Осанна в вышних, благословен грядый во имя Господне, осанна в вышних !
ПРЕДСТОЯТЕЛЬ: Свят еси Царю Веков и всякия святыни Господи и подателю. Свят и единородный Твой Сын, Господь наш Иисус Христос, Имже вся сотворил еси. Свят же и Дух Твой всесвятый, проницаяй всяческая, и глубины Твоя, Бога и Отца. Свят еси всесильне, страшне, блаже, благоутробне, наипаче состраждаяй созданию Твоему. Сотворивый от земли человека по образу Твоему и подобию, и даровавый ему наслаждение райское, преступивша же заповедь Твою и отпадша, сего не презрел еси, ниже оставил еси, блаже, но наказал еси его яко благоутробный Отец, призвал еси его чрез закон, наздал еси его чрез пророки, последи же единородного Твоего Сына, Господа нашего Иисуса Христа ниспослал еси в мир, да сам пришед Твой обновит и возставит образ. Иже сошед с небесе и и воплощься от Духа Свята и Марии Приснодевы и Богородицы, споживе же человеком, вся устрои ко спасению рода нашего. Хотяще же вольную и животворящую смерть крестом прияти, в нощь, в ню же предаящеся, паче же Сам Себе предаяше за мир живот, и спасение, прием хлеб во святыя и безсмертныя Своя руки, воззрев на небеса, и показав Тебе Богу и Отцу, благодарив, благословив, освятив, преломив, подаде святым и блаженным Своим учеником и апостолом, рек:
"Приимите, ядите, сие есть Тело Мое еже за вы ломимое во оставление грехов.
НАРОД: Аминь.
ПРЕДСТОЯТЕЛЬ: Такожде по еже вечеряти, прием чашу и растворив от вина и воды, зряща на небеса показав Тебе Богу и Отцу, и благодарив, освятив, исполнив Духа Свята, подаде святым и блаженным Своим учеником и Апостолом, рек:
"Пейти от нея вси: сия есть Кровь Моя Новаго завета, яже за вы и за многи изливаемая и предаваемая во оставление грехов."
НАРОД: Аминь.
ПРЕДСТОЯТЕЛЬ: Сие творите в Мое воспоминание: елижды бо аще ясте хлеб сей и чашу сию пиете, смерть Сына Человеческаго возвещаете и воскресение Его исповедуете, дондеже не приидит.
ДИАКОН (обратившись лицом к Святой Трапезе): Веруем и исповедуем.
НАРОД: Смерть Твою, Господи, возвещаем и воскресение Твое исповедуем.
ПРЕДСТОЯТЕЛЬ: Поминающе убо и мы грешнии животворящия Его страдания, спасительный крест, и смерть, и погребение, и тридневное воскресение, и еже на небеса восхождение и одесную Тебе Бога и Отца седение, и еже второе славное и страшное Его пришествие, егда приидет со славою судити живыя и мертвыя, егда хощет коемуждо воздати по делом его: пощади ны, Господи Боже, наипаче по благоутробию Своему, приносим Ти, Владыко, страшную сию и безкровную жертву, моляще да не по грехом нашим, ниже по беззаконием нашим воздаси нам, но по Твоему снисхождению и неизреченному Твоему человеколюбию презрев и изгладив еже о нас рукописание Тебе молящихся, подаси нам небесныя и вечныя Твоя дарования, ихже око не виде, и ухо не слыша, и на сердце человеческое не взыде, яже уготова Бог дюбящим Тя, и не ради грехов моих отринеши люди Твоя, человеколюбче Господи.
(И поет с сослужащими во глас 5: )
Людие бо Твои и Церковь Твоя молят Тя.
НАРОД (отвечает в тот же глас: )
Помилуй нас, Господи Боже, Отче вседержителю.
(Повторяется трижды)
ПРЕДСТОЯТЕЛЬ: Помилуй нас, Боже вседержителю, помилуй нас Боже, спасителю наш, помилуй нас Боже по великой милости Твоей и ниспосли на ны и на предлежащия Святыя Дары сия Духа Твоего всесвятаго, Господа Животворящего, сопрестольного Тебе, Богу и Отцу и единородному Твоему Сыну, соцарственного, единосущнаго же и совечнаго, глаголавшего законом и пророки и новым Твоим заветом, сошедшаго в виде голубине на Господа нашего Иисуса Христа во Иордане реце и пребывающаго на Нем, сошедшаго на святыя Твоя апостолы в виде огненных язык в горнице святаго и славнаго Сиона в день святыя Пятидесятницы, сего Духа Твоего Всесвятаго ниспосли, Владыко, на ны и на предлежащия Святыя Дары сия: да посетив святым и благим и славным Своим наитием, освятит и сотворит хлеб убо сей Тело святое Христово.
ДИАКОН: Аминь.
ПРЕДСТОЯТЕЛЬ: И чашу сию Кровь Честную Христову.
ДИАКОН: Аминь.
ПРЕДСТОЯТЕЛЬ: Да будет всем иже от них причащающимся во
оставление грехов и жизнь вечную."
ДИАКОН: Аминь.
ПРЕДСТОЯТЕЛЬ: Во освящение душ и телес, аминь. Во плодоношение дел благих, аминь. Во утверждение святыя Твоя соборныя и апостольския Церкве, юже основал еси на камени веры, да врата адовы не одолеют ей, избавляя ю от всякия ереси и от соблазна делающих беззакония, сохраняя ю даже до скончания веков.
ДИАКОН: Аминь.
ПРЕДСТОЯТЕЛЬ: Приносим Ти, Владыко, и о святех Твоих местех, ихже благословил еси богоявлением Христа Твоего и наитием всевсятаго Твоего Духа, наипаче же о святем и славнем Сионе, матери всех церквей, и о еже по всей вселенней святей Твоей соборней и апостольстей Церкви, богатыя дары всесвятаго Твоего Духа и ныне подаждь ей, владыко.
НАРОД: Помяни, Господи Боже наш.
ПРЕДСТОЯТЕЛЬ: Помяни, Господи, и иже в ней святыя отцы наши и епископы, иже во всей вселенней православно правящия слово Твоея истины.
НАРОД: Помяни, Господи Боже наш.
ПРЕДСТОЯТЕЛЬ: В первых помяни, Господи Боже наш, преподобнаго отца нашего святейшаго архиепископа (имя рек), старость ему честную подаждь, многолетна его сохрани,
пасуща люди Твоя во всяком благочестии и досточестии.
НАРОД: Помяни, Господи Боже наш.
ПРЕДСТОЯТЕЛЬ: Помяни, Господи, еже зде честное пресвитерство и повсюду, еже во Христе диаконство, прочее всякое служение, весь церковный чин и еже во Христе братство наше и вся христолюбивыя люди.
НАРОД: Помяни, Господи Боже наш.
ПРЕДСТОЯТЕЛЬ: Помяни, Господи, сопредстоящия нам иереи, служащия во святый час сей пред святым Твоим жертвенником во еже приносити святую и безкровную Твою жертву и даждь им и нам слово во отверзение уст наших, во славу и похваление всесвятаго имени Твоего.
НАРОД: Помяни, Господи Боже наш.
ПРЕДСТОЯТЕЛЬ: Помяни, Господи, по множеству милости Твоея, и мене смиренного, и грешнаго, и недостойнаго раба Твоего, и призри на мя милостию и щедротами, и избави и свободи от гонящих мя, Господи, Господи сил, и не вниди в суд с рабом Твоим, и понеже умножися во мне грех, да преизбыточествует Твоя благодать.
НАРОД: Помяни, Господи Боже наш.
ПРЕДСТОЯТЕЛЬ: Помяни, Господи, и святый Твой жертвенник окружающия диаконы, подаждь им жительство непорочно, чисто служение их сохрани, и на степени лучшия возведи.
НАРОД: Помяни, Господи Боже наш.
ПРЕДСТОЯТЕЛЬ: Помяни, Господи, святый Бога нашего град и царствующий град, и всякий град и страну, и в православной вере и благочестии живущия в них, мир и безмятежие их.
НАРОД: Помяни, Господи Боже наш.
ПРЕДСТОЯТЕЛЬ: Помяни, Господи, благочестивейшия и христолюбивыя цари, всю палату и воинство их, и еже с небесе помощь и победу их. Коснися оружия, и защити, и восстани в помощь их, покори им вся враждебныя и варварския языки. Устрой их советы, яко да мирное и тихое житие поживем во всяком благочестии и чистоте.
НАРОД: Помяни, Господи Боже наш.
ПРЕДСТОЯТЕЛЬ: Помяни, Господи, в старости и немощи су- щия, болящия, дряхлыя и от духов нечистых стужаемыя, от Тебе, Бога скорое исцеление и спасение их.
НАРОД: Помяни, Господи Боже наш.
ПРЕДСТОЯТЕЛЬ: Помяни, Господи, всякую душу христианскую, скорбящую и умученную, милости и помощи от Тебе, Бога, требующую, и обращение заблудших.
НАРОД: Помяни, Господи Боже наш.
ПРЕДСТОЯТЕЛЬ: Помяни, Господи, иже в девстве и соблюде- нии и подвизе пребывающия, и ижк в горах и вертепах и пропастех земных подвизаюшиеся отцы и братию наша, и иже зде во Христе собор наш.
НАРОД: Помяни, Господи Боже наш.
ПРЕДСТОЯТЕЛЬ: Помяни, Господи, труждающиеся и служашия нам отцы же и братия наша, ради имене Тво- его святаго.
НАРОД: Помяни, Господи Боже наш.
ПРЕДСТОЯТЕЛЬ: Помяни, Господи, всех во благое, всех помилуй, Владыко, всех нас примири, умири множество людей Твоих, истреби соблазны, упраздни брани, умири разделение церквей, ересей восстания скоро утоли, ниспровержи гордыню язык, вознеси рог христиан православных, Твой мир и Твою любовь подаждь нам, Боже, спасителю наш, упование всех концев земли.
НАРОД: Помяни, Господи Боже наш.
ПРЕДСТОЯТЕЛЬ:
НАРОД: Помяни, Господи Боже наш.
ПРЕДСТОЯТЕЛЬ: Помяни, Господи, благорастворение воздухов, дожди мирныя, росы благия, плодов изобилие, совершенное плодородие, и венец лета благости Твоея, очи бо всех на Тя уповают и ты даеши пищу во благовремении, отверзаеши Ты руку Твою, и исполняеши всяко животно благоволение.
НАРОД: Помяни, Господи Боже наш.
ПРЕДСТОЯТЕЛЬ: Помяни, Господи, плодоносившия и плодоносяшия во святых Божиих церквах и помилуй убогия, и заповедавшия нас еже поминати их в молитвах.
НАРОД: Помяни, Господи Боже наш.
ПРЕДСТОЯТЕЛЬ: Еще сподоби, помянути, Господи, и приношения сия принесшия в днешний день на святый Твой жертвенник, и нихже кийждо принесе, или в помышлении имать, и вмале Тебе прочтенныя.
НАРОД: Помяни, Господи Боже наш.
ПРЕДСТОЯТЕЛЬ: Помяни, Господи, и родители наша, сродники и други. Сих всех помяни, Господи, ихже помянухом, православныя. Воздаждь им вместо земных небесныя, вместо тленных нетленная, вместо временных вечная, по обетованию Христа Твоего, понеже живота и смерти облатcь имаши.
НАРОД: Помяни, Господи Боже наш.
ПРЕДСТОЯТЕЛЬ: Еще сподоби помянути, Владыко, и иже от века Тебе благоугодившия по родам, святыя отцы, патриархи, пророки, апостолы, мученики, учители, преподобныя, и всякий дух праведный в вере скончавшийся.
НАРОД: Помяни, Господи Боже наш.
ПРЕДСТОЯТЕЛЬ: Помяни, Господи, архангельский глас глаголющь: радуйся, благодатная, Господь с Тобою, благословенна Ты в женах и благословен плод чрева Твоего, яко Спаса родила еси душ наших. Изрядно о пресвятей и преблагословенней, пречистей Владычице нашей Богородице и Приснодеве Марии.
НАРОД: Помяни, Господи Боже наш.
ПРЕДСТОЯТЕЛЬ: Святаго Иоанна славнаго пророка, предтечу и крестителя, святыя апостолы, святыя пророки и патриархи и праведныя, святыя мученики и исповедники.
НАРОД: Помяни, Господи Боже наш.
ПРЕДСТОЯТЕЛЬ: Помяни, Господи Боже, святыя отцы наша и архиепископы и всякую плоть, юже помянухом и юже не помянухом. Тамо их упокой, во стране живых, во Царствии Твоем, в наслаждении рая, в недрех Авраама и Исаака и Иакова, святых отец наших, отнюдуже отбежит болезнь, печаль и воздыхание, идеже присещает свет лица Твоего.
НАРОД: Помяни, Господи Боже наш.
ПРЕДСТОЯТЕЛЬ: Скончание же живота нашего христианское и благоугодное, и безгрешное в мире устрой, Господи, собирая нв под ноги избранных Твоих, егда хощеши икако хощеши, едине токмо без стыда и прегрешений, ради Единородного Твоего Сына, Господа же и Бога и Спаса нашего Иисуса Христа, Той бо един безгрешен явися на земли.
В первых помяни, Господи, отца и патриарха нашего (или епископа), егоже даруй святей
Твоей церкви в мире цела, честна здрава и долгоденствующа, права правяща слово Твоея
истины.
ДИАКОН (обратившись лицом к народу: ) О мире и благостоянии всего мира и святых Божиих церквей, и о них и за нихже кийждо принесе, или в помышлении имат, и о предстоящих людех, и о всех и за вся.
ПРЕДСТОЯТЕЛЬ: Даждь им и нам, яко благий и человеколюбец, Владыко.
НАРОД: Ослаби, остави, Боже, прегрешения наша, вольныя же и невольныя, яже в ведении и неведении.
ПРЕДСТОЯТЕЛЬ:
Благодатию и человеколюбием Христа Твоего, с Нимже благословен еси, и препрославлен еси, со всесвятым и благим и животворящим Твоим Духом, ныне и присно и во веки веков.
НАРОД: Аминь.
ДИАКОН: Паки и паки, и непрестанно миром Господу помолимся.
- О принесенных и освященых честных пренебесных, неизреченных, пречистых, славных, страшных, ужасных юожественных Дарех Господу Богу нашему помолимся.
- Яко да человеколюбец Бог наш, приемь я во святый и пренебесный и мысленный Свой Жертвенник, возниспослет нам Божественную благодать и дар всесвятого Духа, помолимся.
- Соединения веры и причастие всесвятогои поклоняемого Его Духа испросивше, сами себе, и друг друга, и весь живот наш Христу Богу нашему предадим.
НАРОД: Тебе, Господи
ПРЕДСТОЯТЕЛЬ: Боже и Отче Господа и Бога и Спаса нашего Иисуса Христа, великоимените Господи, блаженное Естество, независтная Благостыне, всяческих Боже и Владыко, Сый благословенный во веки веков, седяй на Херувемех и прославляемый от Серафим, емуже предстоят тысящи тысящь и тьмы тем ангел и архангел воинства, принесенные убо Тебе дары, даяния, приношения в воню благоухания приими, ихже освятити и совершити сподобил еси, Блаже ! Благодатию Христа Твоего и Всесвятаго Твоего Духа, освяти, Вдадыко, и наши души и телеса и дуси, и прикоснися помышлений, и испытай совести, и отвержи от нас всякое помышление лукавое, всякий помысл срамный, всякую страсть и похоть постыдную, всякое слово неподобное, всякую зависть, и суемудрие, и лицемерие, и всякую лжу, всякое лукавство, всякое искушение житейское, всякое любостяжание, всякое зло, всяку ярость, всякий гнев, всякое злопомнение, всякое оклеветание, всякое сребролюбие и нерадение, всякое движение злое плоти же и духа, чуждое святыни Твоея.
И сподоби нас, Владыко человеколюбче Господи, со дерзновением неосужденно чистым сердцем, душею просвещенною, непостыдным лицем, освященными усты смети призывати Тебе, иже на небесех святаго Бога Отца, и глаголати:
НАРОД (поет): Отче наш, иже еси на Небесех, да святится Имя Твое, да приидет Царствие Твое, да будет воля Твоя, яко на Небеси и на земли. Хлеб наш насущный даждь нам днесь: и остави нам долги наша, якоже и мы оставляем должником нашым: и не введи нас во искушение, но избави нас от лукаваго.
ПРЕДСТОЯТЕЛЬ: И не введи нас во искушение, Владыко Господи, но избави нас от лукаваго и от дел его и от всякаго оскорбления и козни того, ради имени Твоего святаго, нареченного на нашем смирении.
Яко Твое есть Царство и сила и слава, Отца и Сына и Святаго Духа, ныне и присно и во веки веков.
НАРОД: Аминь.