1 * 2 * 3 * 4
ПРЕДСТОЯТЕЛЬ (перед закрытой завесой):
Оскверненна грехми многими, да не презриши мене Владыко Господи Боже наш. Се бо приступих к божественному сему пренебесному таинству, не яко един сый достоин, но взирая на твою благостыню, глас Ти пущаю: Боже, милостив буди мне грешному; согреших на небо и пред Тобою, и несмь достоин воззрети на святую Твою сию и духовную трапезу, на нейже Единородный Твой Сын и Господь наш Иисус Христос мною грешным и всякою скверною окалянным, тайно приносится в жертву. Сего ради Тебе моление и благодарение приношу, еже ниспослати ми Духа Твоего Утешителя, укрепляющего мя к службе сей, и от Тебя возвещенный ми глас неосужденно проповедати людем сподоби, во Иисусе Христе Господе нашем, с Ним же благословен еси со всесвятым, и благим, и животворящим Твоим Духом, ныне и присно и во веки веков."
(завеса отверзается)
ПЕРВАЯ ВСТУПИТЕЛЬНАЯ МОЛИТВА: Слава Отцу и Сыну и Святому Духу, троичному и единичному свету Божества, сущего во Троице единичне и разделяемого нераздельне. Егоже славу небеса поведают, земля же его владычество и море Его державу, и всякая чувственная и умная тварь Его величество выну проповедает. Яко Тому подобает всякая слава, честь, держава и великолепие, ныне и присно и во веки веков."
ВТОРАЯ ВСТУПИТЕЛЬНАЯ МОЛИТВА: Благодетелю и Царю Веков, и всея твари содетелю, приими приходящую чрез Христа Твоего Церковь Твою. Коемуждо полезное исполни, приведи всех в совершение и достойны ны соделай благодати освящения Твоего, совокупляя ны во святую Твою соборную и апостольскую Церковь, юже стяжал еси чесною кровию Единородного Сына Твоего, Господа и Спаса нашего Иисуса Христа, с Ним же благословен еси, со Пресвятым и Благим и Животворящим Твоим Духом ныне и присно и во веки веков. Аминь
МОЛИТВА ПРИ КАЖДЕНИИ СВ. ПРЕСТОЛА: Боже, приемый Авелевы дары, Ноеву и Авраамову жертву, Аароново и Захарьино кадило, приими и от рук нас грешных кадило сие в воню благоухания и во оставление грехов наших и всех людей Твоих. Яко благословен еси, и подобает Тебе слава, Отцу и Сыну и Святому Духу, ныне и присно и во веки веков. Аминь
(Передает кадило диакону)
НАРОД: "Единородный Сыне..."
МОЛИТВА ВХОДА: ПРЕДСТОЯТЕЛЬ: Боже вседержителю, великоимените Господи, давый нам вход во Святое Святых пришествием Единородного Твоего Сына, Господа и Бога нашего Иисуса Христа, молим и просим Твою благостыню: понеже престрастны и трепетны есмы, хотяще предстати святому Твоему жертвеннику: ниспосли на ны, Боже, благодать Твою благую, и освяти наши души и телеса и дуси, и обрати помыслы наши ко благочестию, да в чистой совести принесем Тебе дары, даяния, плоды во потребление согрешений наших и во умилостивление за все люди Твоя. Благодатию и щедротами и человеколюбием Единородного Сына Твоего, с нимже благословен еси во веки веков. Аминь
ВЕЛИКАЯ ЕКТЕНИЯ
ДИАКОН (лицем к народу): Миром Господу помолимся.
НАРОД: Господи, помилуй (на каждое прошение)
-. О свышнем мире и Божием человеколюбии Господу помолимся.
-. О мире всего мира и единении всех святых Божиих церквей Господу помолимся.
-. О спасении и заступлении святейшего отца и архиепископа нашего (имярек), о всем причте и о христолюбибых людех, Господу помолимся.
-. Пресвятую, пречистую, преславную благословенную Владычицу нашу Богородицу и приснодеву Марию, святаго Иоанна, славнаго пророка, предтечу и крестителя, божественныя и всехвальныя апостолы, славныя пророки, и добропобедныя мученики и вся святыя и праведныя помянем, яко да молитвами их и предстательствами вси помилованы будем.
ПРЕДСТОЯТЕЛЬ: Щедре и милостиве, долготерпелеви и многомилостиве и истинне Господи! Призри от Святаго жилища Твоего и услыши ны молящиеся Тебе, и избави ны от всякого искушения диавольского же и человеческого, и не остави от нас помощь Твою, ниже тягчайшеего силы нашея наказания не наведи на ны. Не довольны бо есмы побеждати противныя, Ты же силен еси, Господи, во еже спасати нас от всех противлений. Спаси ны, Боже, от бедствий мира сего по благости Твоей, яко да вошедше в чистой совести ко святому Твоему жертвеннику, блаженную и трисвятую песнь с пренебесными силами неосужденно возслем Ти, и благоприятную и божественную совершив службу, сподобимся вечные жизни. Яко свят еси, Господи Боже наш, и во святых обитаеши и почиваеши, и Тебе славу и трисвятую песнь воссылаем, Отцу и Сыну и Святому Духу, ныне и присно и во веки веков.
НАРОД: Аминь.
Святый Боже, Святый Крепкий, Святый Безсмертный, помилуй нас.
(Предстоятель, сослужащие и народ восседают для слушания Священного Писания)
НАРОД: Алилуия (трижды)
ЧТЕЦ: (наименование чтения Ветхого Завета)
ДИАКОН: Вонмем
(Чтение Ветхого Завета)
НАРОД: Алилуия (трижды)
ПРЕДСТОЯТЕЛЬ: Возсияй в сердцах наших, Человеколюбче Владыко, Твоего Богоразумия нетленный свет, и мысленныя наши отверзи очи во Евангельских Твоих проповеданий разумение: вложи в нас и страх блаженных Твоих заповедей, да плотския похоти вся поправше, духовное жительство пройдем, вся, яже ко благоугождению Твоему и мудрствующе и деюще. Ты бо еси просвещение душ и телес наших, Христе Боже, и Тебе славу возсылаем, со Безначальным Твоим Отцем, и Всесвятым и Благим и Животворящим Твоим Духом, ныне и присно и во веки веков. Аминь.
ДИАКОН: Прости (т.е. "встанем"), услышим Святаго Евангелия.
(Все встают. Пресвитер или диакон, читающий Евангелие, произносит название чтения)
ДИАКОН: Вонмем святому чтению.
НАРОД: Алилуия (трижды)
ЧТЕЦ: (наименование апостольского чтения)
ДИАКОН: Вонмем.
(Священослужители снова садятся на свои седалища. Читается апостольское чтение)
НАРОД: Алилуия (трижды)
(Предстоятель, или иной пресвитер по его благословению поучает народ)
ДИАКОН: - Рцем вси: Господи, помилуй.
НАРОД: Господи, помилуй (на каждое прошение)
-. Господи вседержителю, принебесне, Боже отец наших, молим ти ся, услыши.
-. О мире всего мира и единении святых церквей, помолимся.
-. О спасении и заступлении святейшего отца и архиепископа нашего (имярек), о всем причте и о христолюбибых людех, помолимся.
-. О еже избавитися нам от всякия скорби, гнева, беды и нужды, пленения, горькия смерти и беззаконий наших помолимся.
-. О предстоящих людех, ожидающих от Тебя богатыя и великия милости, молим Тя, буди благоутробен и помилуй.
ПРЕДСТОЯТЕЛЬ: (Благословляя народ:)
Спаси, Боже, люди Твоя и благослови достояние Твое
НАРОД: Господи, помилуй
ДИАКОН:
- Призри на мир Твой милостию и щедротами.
-. Вознеси рог христианский, силою чеснаго и животворящего креста, молитвою пресвятыя, благославенныя Владычицы нашея Богородицы, предтечи и апостолов Твоих, и всех святых Твоих, молим Тя, многомилостиве Господи, услыши нас, молящихся Тебе, и помилуй.
НАРОД: Господи, помилуй (трижды)
ПРЕДСТОЯТЕЛЬ: Боже, огласивший ны божественными и спасительными Твоими словесы, просвети дущи нас грешных к восприятию преждечтенного, яко да не токмо слышатели явим себе духовных речений, но и творцы деяний благих,содержащия веру нелицемерну, живот незазорен, жительство неукорно, во Христе Иисусе Господе нашем, с Нимже благословен еси, со Всесвятым и Благим и животворящим Твоим Духом, ныне и присно и во веки веков. Ты бо еси благовестие и просвещение, Спас и Страж душ наших, Боже, и единородный Твой Сын, и дух Твой весвятый, ныне и присно и во веки веков. Аминь."
ДИАКОН: Рцем вси: Господи, помилуй.
НАРОД: Господи, помилуй (на каждое прошение)
-. Господи вседержителю, принебесне, Боже отец наших, молим ти ся, услыши.
-. О мире всего мира и единении святых церквей, Господу помолимся.
-. О спасении и заступлении святейшего отца и архиепископа нашего (имярек), о всем причте и о христолюбибых людех, Господу помолимся.
-. О оставлении грехов, и прощении прегрешений наших и о избавитися нам от всякия скорби, гнева, беды и нужды, и восстания врагов, Господу помолимся.
-. День весь совершен, свят, мирен и безгрешен прейти вси у Господа просим.
НАРОД: Подай, Господи (на каждое прошение)
- Ангела мирна, верна наставника, хранителя душ и телес наших у Господа просим.
-. Прощения оставления грехов и прегрешений наших у Господа просим.
-. Добрых и полезных душам нашим, и мира мирови, у Господа просим.
- Прочее время жизни нашея в мире и здравии скончати нам, у Господа просим.
- Христианския кончины живота нашего, неболезненны, непостыдны и добраго ответа на страшном и трепетнем судищи Христовом просим.
- Пресвятую, пречистую, преславную благословенную Владычицу нашу Богородицу и приснодеву Марию, святаго Иоанна, славнаго пророка, предтечу и крестителя, божественныя и всехвальныя апостолы, славныя пророки, и добропобедныя мученики и вся святыя и праведныя помянувше, сами себе и друг друга и весь живот наш Христу Богу предадим.
НАРОД: Тебе, Господи.
ПРЕДСТОЯТЕЛЬ: Владыко животворче и благих подателю, давый человекам блаженную надежду жизни вечныя, Господа нашего Иисуса Христа, сподоби ны Блаже, во освящении и сию Ти божественную совершати службу, в наслаждении хотящего быти блаженства. Яко под державою Твоею всегда храними, и во свет истины путеводими, Тебе славу воссылаем, Отцу и Сыну и Святому Духу, ныне и присно и во веки веков. Аминь.