1 * 2 * 3 * 4
ДИАКОН: Главы наши Господеви приклоним.
ПРЕДСТОЯТЕЛЬ: Тебе приклонихом рабы Твои, Господи, своя выи пред святым Твоим жертвенником, чающие от Тебя богатыя милости. Богатую и ныне благодать Твою и благословение Твое ниспосли нам, Владыко, и освяти наши души и телеса и дуси, яко да достойны будем причастницы и участницы святых Твоих Таин во оставление грехов и жизнь вечную.
Ты бо еси поклоняемый и препрославленный Бог наш, Ты и Единородный Твой Сын, и Дух Твой Всесвятый, ныне и присно и во веки веков. Аминь.
(После произнесения молитвы главопреклонения ПРЕДСТОЯТЕЛЬ знаменует крестообразно дискос и потир, а затем выходит на солею и благословляет народ, воздев руки: )
И да будет благодать и милость святыя и единосущьныя и несозданныя и нераздельныя и поклоняемыя Троицы со всеми вами.
НАРОД: И со духом твоим.
ДИАКОН: Со страхом Божиим вонмем
(ПРЕДСТОЯТЕЛЬ совершает возношение Св.Агнца, глаголя):
Святе и во святых почиваяй, Господи, освяти нас словом Твоея благодати и наитием всесвятаго Твоего Духа. Ты бо рекий, Владыко: святи будете якоже аз свят есмь. Господи Боже наш, непостижиме Боже, Слове, Отцу и Духу единосущне, совечне, нераздельне, приими чистую песнь во святых Твоих безкровных жертвах с херувимы и серафимы и от меня грешнаго, вопиюща и глаголюща:
(Возглас: ) Святая святым.
НАРОД: Един Свят, Един Господь, во славу Бога Отца со Святым Духом, Емуже слава во веки веков. Аминь.
ДИАКОН: О спасении и заступлении святейшего отца нашего и архиепископа нашего [имя рек], и всякой души скорбящей и озлобленной, милости и помощи Божия требующей, и о обращении заблудших, исцелении болящих, освобождении плененных, упокоении преждепочивших отец же и братий, вси усердно рцем: Господи, помилуй.
НАРОД: Господи, помилуй (12 раз).
(ПРЕДСТОЯТЕЛЬ преломляет Св.Агнец на четыре части и одну из них омокает в Честной Крови и снова полагает на дискос со словами: )
Соединение Пресвятого Тела и Честныя Крове Господа и Бога и Спаса нашего Иисуса Христа. Соединися и освятися и совершися во имя Отца и Сына и Святаго Духа.
(Затем раздробляет Агнец по числу причастников, говоря: )
Часть святая Христова, исполнена благодати и истины, Отца и Святаго Духа, емуже слава и держава во веки веков.
ДИАКОН (обратившись лицем к востоку): Господи, благослови.
ПРЕДСТОЯТЕЛЬ (встав в Царских Вратах лицем к народу):
Вкусите и видите, яко Христос Господь, разделяемый и неразделимый, и верным раздаваемый, и неиждиваемый, ныне и присно и во веки веков.
НАРОД: Аминь.
ДИАКОН: В мире Христовом поим.
НАРОД: Вкусите и видите, яко благ Господь. Алилуия.
(Диаконы входят в алтарь малыми дверями и становятся вокруг престола. Царские врата и завеса затворяются. ПРЕДСТОЯТЕЛЬ произносит молитву, так чтобы слова ее были слышны находящимся в алтаре диаконам и пресвитерам: )
Владыко Христе Боже наш, небесный хлеб, пище всего мира, согреших на небо и пред Тобою, и несть достоин причаститися святых и пречистых Твоих Таин, но ради благости Твоея и неизреченного долготерпения достойна мя сотвори и неосужденна непостыдна, причаститися Всесвятаго Тела и Честныя Крове во оставление грехов и жизнь вечную.
( По причащении духовенства, алтарная завеса и Царские врата отверзаются. Один из ДИАКОНОВ, встав справа от престола, возглашает: )
Господи, благослови
ПРЕДСТОЯТЕЛЬ (подавая ему Святой Потир): Слава Богу, освятившему и освящающему нас.
ДИАКОН: Вознесися на небеса, Боже, и по всей земли слава Твоя, и царство Твое пребывает во веки веков.
(Предстоятель или один из сослужащих пресвитеров берет дискос со святым Хлебом. ДИАКОН исходит Царскими вратами из алтаря и, показуя народу потир, возглашает:
Со страхом Божиим и верою и любовию приступите.
НАРОД: Благословен грядый во имя Господне! Исполни уста моя хваления, Господи, и радости исполни устне мои, яко да воспою славу Твою.
(Предстоятель или иной из сослужащих пресвитеров становится в Царских Вратах с дискосом, диакон же с потиром становится слева от них против иконы Богородицы. Причастники подходят сначала причаститься Святого Тела Христова к ПРЕДСТОЯТЕЛЮ, который произносит: ) Тело Христово.
ПРИЧАСТНИК: Аминь
(Предстоятель влагает ему в уста частицу Святого Хлеба. Причастившись Его, причастник подходит к ДИАКОНУ, который говорит: )
Кровь Христова, Чаша жизни.
ПРИЧАСТНИК: Аминь
(Диакон дает ему отпить Святой Крови из потира.)
ПРЕДСТОЯТЕЛЬ (по причащении мирян):
Спаси, Боже, люди Твоя, и благослови достояние Твое.
НАРОД: Благодарим Тя Христе Боже наш, яко сподобил еси нас причаститися Тела и Крове Твоея во оставление грехов и жизнь вечную, неосужденны ны сохрани, милимся, яко благ и Человеколюбец.
(Священослужители входят в алтарь и поставляют священные сосуды на престоле. Предстоятель влагает частицы Святого Хлеба в потир)
ПРЕДСТОЯТЕЛЬ (кадя Святые Дары): Возвеселил еси ны, Боже, в единении Твоем, и Тебе приносим песнь благодарственную, плод уст, исповедающе благодать Твою, с кадилом сим да взыдет к Тебе, Боже, да не возввратится тщи, но подаждь нам его ради благоухание всесвятаго Твоего Духа, миро пречистое и неотъемлемое, исполни уста наши хваления, и устне радования, и сердце радости и веселия, во Христе Иисусе Господе нашем, с Нимже благословен еси, со Всесвятым Твоим Духом, ныне и присно и во веки веков. Аминь.
(Святые Дары переносятся на жертвенник)
ДИАКОН: Паки и паки, и непрестанно Господу помолимся.
- Яко да будет нам причащение святынь Его во отвращение всякаго лукаваго деяния, в напутие живота вечного, в причащение и дар Святаго Духа помолимся.
- Пресвятую, пречистую, преславную, благословенную Владычицу нашу Богородицу и Приснодеву Марию со всеми святыми и праведными помянувше, сами себе, и друг друга, и весь живот наш Христу Богу предадим.
ПРЕДСТОЯТЕЛЬ: Боже, великаго ради и неизреченного благоутробия снисшедый немощи рабов Твоих исцелити, и сподобивый нас причаститися сея пренебесныя трапезы, не осуди нас, Владыко, грешных о причащении пречистых Твоих Таин, но сохрани ны, Блаже, во освящении, яко да достойны бывше всесвятаго Твоего Духа, обрящем часть и наследие со всеми святыми, еже от века Тебе благоугодившими, во свете лица Твоего, щедротами единородного Твоего Сына, с Нимже благословен еси, со всесвятым и благим, и животворящим Твоим Духом, ныне и присно и во веки веков. Аминь.
ДИАКОН: Главы ваша Господеви преклоним
ПРЕДСТОЯТЕЛЬ: Боже великий и дивный, призри на рабы Твоя, яко Тебе преклонихом выи, и простри руку Твою державную, исполнену благословений, и благослови люди Твоя, и сохрани достояние Твое, яко да всегда и непрестанно прославляем Тя, единаго живаго и истиннаго Бога нашего, Святую и Единосущную Троицу, Отца и Сына и Святаго Духа. Тебе бо подобает и долженствует от всех нас всякое славословие, честь, поклонение и благодарение, Отцу и Сыну и Святому Духу, ныне и присно и во веки веков. Аминь.
ДИАКОН: С миром Христовым изыдем.
ПРЕДСТОЯТЕЛЬ (исходит из алтаря и становится среди народа):
От силы в силу восходяще, и всю еже в храме Твоем исполнив божественную службу, и ныне молимся Тебе, Господи Боже наш: совершенного человеколюбия сподоби нас, исправи путь наш, укорени нас в страсе Твоем, всех помилуй и пренебесного Твоего Царствия достойны покажи, во Христе Иисусе Господе нашем, с нимже подобает Тебе слава, честь, держава, вкупе со всесвятым Духом, ныне и присно, и во веки веков.
ДИАКОН: Отпущаетесь в мире.
ПРЕДСТОЯТЕЛЬ: Благословися Бог, благословляяй и освящаяй нас причащением Святых и Пречистых Его Таин, ныне и присно и во веки веков. Аминь.