1 * 2 * 3 * 4
ДИАКОН: Миром воспоем Христу: да никто от оглашенных, да никто от непосвященных, да никто от немогущих молитися с нами. Познайте друг друга. Двери. ПрОсти вси.
ВЕЛИКИЙ ВХОД
НАРОД: "Да молчит всяка плоть человеча. . ." (Херувимская Великой Субботы)
(Дойдя до стоящего на середине храма амвона, иерей с диаконом становятся на нижней его ступени и поминают поименно живых и умерших)
ДИАКОН: Всех вас да помянет Господь Бог, всегда, ныне и присно и во веки веков.
НАРОД: Аминь.
(После этого священник с диаконом идут дальше и становятся на солее. При архиерейском служении епископ выходит навстречу им из алтаря через Царские Врата. СВЯЩЕННИК приветствует его: )
Архиерейство твое да помянет Господь Бог во Царствии Своем, всегда, ныне и присно и во веки веков.
АРХИЕРЕЙ отвечает: Священство и диаконство ваше да помянет Господь Бог во Царствии Своем, всегда, ныне и присно и во веки веков. Аминь.
(После этого, по-прежнему стоя лицом к народу, произносит молитву предложения. При служении иерейским чином ее произносит иерей, который несет потир, обратившись лицом к престолу: )
Боже, Боже наш, небесный Хлеб, пищу всему миру, Господа нашего Иисуса Христа пославый, Спаса, и Избавителя, и благодетеля, благословяща и освящающа нас. Сам благослови предложение сие и приими е в пренебесный Твой Жертвенник.
(Потир и дискос поставляются на Престол).
ПРЕДСТОЯТЕЛЬ: Помяни, яко благ, и Человеколюбец, пренесших и ихже ради принесоща; и нас неосужденны сохрани во священодействии Божественных Твоих Таин. Яко святися и прославися пречестное и великолепое имя Твое, Отца и Сына и Святаго духа, ныне и присно и во веки веков. Аминь.
(Кадит Святые Дары на Престоле, говоря: ):
Владыко вседержителю, Царю Славы, ведый вся прежде бытия их, прииди к нам во святый час сей призывающим Тя, и избави нас от срама греховного, очисти наш ум и помышления от нечистых похотей и мирския прелести и всякаго диавольскаго действа, и приими из рук нас грешных фимиам сей, якоже приял еси приношение и Авелево, и Ноево, и Аароново, и всех святых Твоих, избавляя нас от всякаго деяния лукаваго, и спасая во еже всегда благоугождати, и поклонятися, и славити Тебе, Отца и Единородного Твоего Сына, и Духа Твоего Всевсятаго, ныне и присно и во веки веков. Аминь.
Поется или читается Символ Веры:
Верую во Единаго Бога Отца, Вседержителя, Творца небу и земли, видимым же всем и невидимым. И во Единаго Господа Иисуса Христа, Сына Божия, Единороднаго, иже от Отца Рожденнаго прежде всех век: Света от Света, Бога Истинна от Бога Истинна, Рожденна, Несотворенна, Единосущна Отцу, Имже вся быша. Нас ради человек и нашего ради спасения Сшедшаго с Небес, и Воплотившагося от Духа Свята и Марии Девы, и Вочеловечшася. Распятаго же за ны при Понтийстем Пилате, и Страдавша, и Погребенна. И Воскресшаго в третий день по Писанием. И Возшедшаго на Небеса, и Седяща одесную Отца. И паки Грядущаго со славою, судити живым и мертвым, Егоже Царствию не будет конца. И в Духа Святаго, Господа, Животворящаго, иже от Отца Исходящаго, иже со Отцем и Сыном Спокланяема и Сславима, Глаголавшаго пророки. Во едину Святую Соборную и Апостольскую Церковь. Исповедую едино Крещение, во оставление грехов. Чаю воскресения мертвых: И жизни будущаго века. Аминь.
ПРЕДСТОЯТЕЛЬ: Боже и Владыко всех, достойны ны соделай часа сего недостойных, да очистившася от всякаго коварства и лицемерия, соединимся друг другу любве и мира союзом, утверждены Твоего боговедения священием, ради Единородного Твоего Сына Иисуса Христа, с нимже благословен еси, со Пресвятым и Благим и Животворящим Твоим Духом, ныне и присно и во веки веков. Аминь.
ДИАКОН: Возлюбим друг друга лобзанием святым
НАРОД: Возлюблю Тя Господи, крепосте моя, Господь прибежище мое и избавитель мой.
(После этого совершается "лобзание мира")
ДИАКОН: Главы наши Господеви приклоним
ПРЕДСТОЯТЕЛЬ (преклонив главу с народом): Едине Господи и милостиве Боже, преклоньшим выи своя пред святым Твоим жертвенником и просящим у Тебя духовные дары, ниспошли благодать Твою благую, и благослови всех нас всяким благословением духовным и неотъемлемым, Иже в вышних живый и на смренные призираяй. Яко хвально и поклоняемо, и прославлено есть имя Твое, Отца и Сына и Святаго Духа, ныне и присно и во веки веков. Аминь
ДИАКОН: Господи, благослови
ПРЕДСТОЯТЕЛЬ: Господь да благословит ны, и да поспешит нам, и достойны сотворит ны предстояния святаго Своего Жертвенника и пришествия (знаменует крестом дискос) Святаго Своего Духа (знаменует крестом потир) своею благодатию и человеколюбием всегда, ныне и присно и во веки веков
НАРОД: Аминь.
ПРЕДСТОЯТЕЛЬ (тихо): Слава в вышних Богу, и на земли мир, в человецех благоволение (трижды). Господи, уста мои отверзеши. и уста моя возвестят хвалу Твою (трижды). Да исполнятся уста моя хваления Твоего, Господи, яко да воспою славу Твою, весь день великолепие Твое (трижды)."
(Сотворив поклон сослужащим, поет вместе с ними: )
Возлюбите Господа со мною и воспоем имя Его вкупе
НАРОД: Дух Святый найдет на тя, и сила Вышнего осенит тя.
ДИАКОН (лицем к народу): Миром Господу помолимся.
НАРОД: Господи, помилуй (за каждым прошением)
- Спаси, сохрани и ущедри нас, Боже, Твоею благодатию
- О свышнем мире и Божием человеколюбии и о спасении душ наших Господу помолимся.
- О мире всего мира и единении всех святых Божиих церквей, Господу помолимся.
- О святей вселенстей и апостольстей Церкви еже от конец земли даже до конец ея, Господу помолимся.
- О спасении и заступлении святейшего отца и архиепископа нашего (имярек), о всем причте и о христолюбивых людех, Господу помолимся.
- О благочестивейших и боговенчанных православных царех, всей палате и воинстве их, и о еже с небесе помощи и победе, Господу помолимся.
- О Святем Христа Бога нашего граде, царствующем граде, всяком граде и стране и о иже в православной вере и благочестии Божии живущих в них, о мире и безмятежии их, Господу помолимся.
- О плодоносящих и добродеющих во святых Божиих церквах, и поминающих убогих, вдовицы и сироты, странные и в нужде сущыя и о заповедавших нам, яко да помянем их в молит- вах, Господу помолимся.
- О еже в старости и в немощи сущих, болящих, труждающихся, и от духов нечистых стужаемых, еже от Бога скором исцелении и спасении их, Господу помолимся.
- О еже в девстве и чистом подвизе, и в честнем браце пребывающих, и о еже в горах, вертепах и пропастех земных подвизающихся преподобных отцех и братиях, Господу помолимся.
- О плавающих, путешествующих, странных христианех, и о еже в пленении и изгнании, и в темницах и в тяжких работах сущих братиях наших, мирном возвращении коегождого в дом его с радостию Господу помолимся.
- О предстоящих и сомолящихся нам в час сей святый и во всякое время отцех же и братиях, тщании, труде и усердии их, Господу помолимся.
- И о всякой душе христианстей, скорбящей и озлобленней, милости Божия и помощи требующей, и о обращении заблудших, здравии болящих, освобождении плененных, упокоении преждепочивших отец и братий, Господу помолимся.
- О оставлении грехов и прощении согрешений наших, и о еже избавитися нам от всякия скорби, гнева, беды и нужды, и возстания язык, Господу помолимся.
- Пространнее о благорастворении воздухов о дождех мирных, росах благих, плодов изобилии, совершенном плодородии и о венце лета, Господу помолимся.
- О еже услышану быти молению нашему пред Богом и ниспослатися нам богатым милостем и щедротам Его, Господу помолимся.
- Пресвятую, пречистую, преславную благословенную Владычицу нашу Богородицу и приснодеву Марию, святых и блаженных Иоанна, славнаго пророка, предтечу и крестителя, Стефана перводиакона и первомученика, Моисеа, Аарона, Илию, Елисея, Самуила, Даниила, Давида пророки, и вся святыя и праведныя помянем, яко да молитвами и молениями их и предстательствами вси помилованы будем.
- О Предлежащих честнех и преребеснех, неизреченных, пре- чистых, славнеых страшных, ужасных божественных Дарех и о спасении предстоящего и приносящего сия честнаго отца нашего и архиерея (или иерея, если литургисает иерей) [имя рек], Господа Бога молим
НАРОД: Господи, помилуй. (трижды)
ПРЕДСТОЯТЕЛЬ: Призревый на ны милостию и щедротами, Владыко Господи, и даровавый дерзновение нам смиренным и грешным и недостойным рабом Твоим предстояти святому Твоему жертвеннику и приносити Тебе страшную сию и безкровную жертву о наших гресех и людских неведениих, призри на мя, непотребного раба Твоего, и изглади моя прегрешения благоутробия ради Твоего, и очисти моя уста и сердце от всякия скверны плоти и духа, и остави от мене всякий промысел срамный же и неразумный, и удовли мя силою всесвятаго Твоего Духа, в службу сию, и приими мя ради Твоея благости, приближающагося святому жертвеннику, и благоволи, Господи, приятным быти приносимым Тебе даром сим руками нашими, снисходяще моим немощем, и не отвержи мене от лица Твоего, ниже возгнушайся моего недостоинства, но помилуй мя, Боже, и по множеству щедрот Твоих презри беззакония моя, яко да неосужденно пришед пред славу Твою, сподоблюся покрова единородного Твоего Сына и озарения Всесвятаго Твоего Духа, и не яко раб греха отвержен буду, но яко раб Твой обрету благодать и милость и оставление грехов, в сем и будущем веце.
Ей, Владыко Вседержителю, всесильный Господи, услыши моление мое: ты бо еси вся действуяй во всех, и от Тебе вси чаем во всех помощи же и заступления, и от Единородного Твоего Сына, и животворящего Духа, ныне и присно и во веки веков.
НАРОД: Аминь
ПРЕДСТОЯТЕЛЬ: Боже, иже ради многаго Твоего ради и неизреченного человеколюбия ниспославый Единородного Сына Твоего в мир, да заблудшее возвратит овча, не отвратися нас грешных , вручающим Ти страшную сию и бескровную жертву: не бо на правды наша уповаемы есмы, но на милость Твою благую, (лицем к народу):еюже наш род соблюдаеши. И ныне молимся и просим Твою благостыню: да не будет во осуждение людем Твоим устроенное нам сие ко спасению таинство, но во оставление грехов, во обновление душ и телес, во благоугождение Тебе, Богу и Отцу.
Господи Боже наш, создавый нас и введый в эту жизнь, показавый нам пути во спасение, даровавый нам небесных таин откровение ! Ты бо еси положивый нас в службу сию, силою Духа Твоего Святаго. Благоволи убо, Господи, быти нам служителем Новаго Твоего Завета, слугам Святых Твоих Таинств; приими нас, приближающихся Святому Твоему Жертвеннику, по множеству милости Твоея, да будем достойны приносити Тебе словесную сию и безкровную жертву о наших согрешениих и людских невежествиих; юже приемь во святый, и пренебесный и мысленный Твой жертвенник в воню благоухания, возниспосли нам благодать Святаго Твоего Духа. Призри на ны, Боже, и виждь на службу сию нашу, и приими ю, якоже приял еси Авелевы дары, Ноевы жертвы, Авраамова всеплодия, Моисеова и Ааронова священства, Самуилова мирныя. Якоже приял еси от Святых Твоих Апостол истинную сию службу, сице и от рук нас, грешных, приими Дары сия во благости Твоей, Господи; яко да, сподобльшеся служити без порока Святому Твоему Жертвеннику, обрящем мзду верных и мудрых строителей в день страшный воздаяния Твоего праведнаго.
МОЛИТВА ЗАВЕСЫ: ПРЕДСТОЯТЕЛЬ: Благодарим Тя, Господи Боже наш, яко дал еси нам дерзновение во входе святых, егоже обновил еси нам путь новый и живый чрез завесу плоти Христа Твоего. Сподобившеся же внити на место селения славы Твоея, внутрь же быти завесы, и святая святых зрети, припадаем благостыне Твоей, Владыко, помилуй нас: понеже пристрашни и трепетни есмы хотяще предстояти святому Твоему жертвеннику, и прносити Тебе страшную сию и бескровную жертву о наших гресех и людских неведениих. Ниспосли на ны Боже, благодать Твою благую, и освяти души и телеса и дуси, и премени помышления наша ко благочестию, яко да чистой совестию принесем Тебе милость, мир, жертву хваления. Милостию и щедротами Единородного Сына Твоего, с нимже благословен еси, со пресвятым и благим и животворящим Твоим Духом, ныне и присно и во веки веков. Аминь.