1 * 2 * 3 * 4

---

ДИАКОН: Время сотворити Господеви. Благослови, владыко.
ПРЕСВИТЕР: Благословенно Царство Отца и Сына и Святаго Духа, ныне и присно и во веки веков.
НАРОД: Аминь.
ДИАКОН: Миром Господу помолимся.
НАРОД: Господи, помилуй (на каждое прошение)
- О свышнем мире, и спасении душ наших, Господу помолимся.
- О мире всего мира, благостоянии святых Божиих Церквей и соединении всех, Господу помолимся.
- О святем храме сем, и с верою, благоговением и страхом Божиим входящих во нь, Господу помолимся.
- О великом Господине и Отце нашем святейшем Патриархе Алексии, и о Господине нашем преосвященнейшем епископе (имярек) , честнем пресвитерстве, во Христе диаконстве, о всем причте и людех, Господу помолимся.
- О Богохранимей стране нашей, властех и воинтсве ея, Господу помолимся.
- О граде сем [веси сей], всяком граде, стране, и верою живущих в них, Господу помолимся.
- О благорастворении воздухов, о изобилии плодов земных и временех мирных, Господу помолимся.
- О плавающих, путешествующих, недугующих, страждущих, плененных, и о спасении их, Господу помолимся.
- О избавитися нам от всякия скорби, гнева и нужды, Господу помолимся.
Заступи, спаси, помилуй и сохрани нас, Боже, Твоею благодатию.
Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе, и друг друга, и весь живот наш Христу Богу предадим.
НАРОД: Тебе, Господи.
ПРЕСВИТЕР: Господи Боже наш, Егоже Держава несказанна и Слава непостижима, Егоже милость безмерна и человеколюбие неизреченно: Сам, Владыко, по благоутробию Твоему, призри на ны и на святый храм сей, и сотвори с нами, и молящимися с нами, богатыя милости Твоя и щедроты Твоя. Яко подобает Тебе всякая слава, честь и поклонение, Отцу и Сыну и Святому Духу, ныне и присно и во веки веков.
НАРОД: Аминь.
(И поет 1й антифон: либо изобразительный "Благослови, душе моя, Господа . . ." (Пс. 102; в воскресные, субботние дни, в попразднства и в дни памяти святых, имеющих знак не ниже Славословия); либо будничный "Благо есть . . ." ( Пс.91; в будние дни в случае малых святых без знака либо шестеричных); либо праздничный (в дванадесятые Господские праздники, а также на Пасху и во всю Светлую седмицу) )
ДИАКОН: Паки и паки миром Господу помолимся.
НАРОД: Господи, помилуй.
ДИАКОН: Заступи, спаси, помилуй и сохрани нас, Боже, Твоею благодатию.
НАРОД: Господи, помилуй.
ДИАКОН: Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе, и друг друга, и весь живот наш Христу Богу предадим.
НАРОД: Тебе, Господи.
ПРЕСВИТЕР: Господи Боже наш, спаси люди Твоя и благослови достояние Твое, исполнение Церкве Твоея сохрани, освяти любящыя благолепие Дому Твоего: Ты тех возпрослави Божественною Твоею силою, и не остави нас, уповающих на Тя. Яко Твоя Держава, и Твое есть Царство, и Сила, и Слава, Отца и Сына и Святаго Духа, ныне и присно и во веки веков.
НАРОД: Аминь.
(И поет 2й антифон: либо изобразительный "Слава . . . Хвали, душе моя, Господа . . ." (Пс. 145); либо будничный "Господь воцарися . . ." (Пс.92); либо праздничный.
После антифона: "И ныне . . . Единородный Сыне . . ." )
ДИАКОН: Паки и паки миром Господу помолимся.
НАРОД: Господи, помилуй.
- Заступи, спаси, помилуй и сохрани нас, Боже, Твоею благодатию.
НАРОД: Господи, помилуй.
- Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе, и друг друга, и весь живот наш Христу Богу предадим.
НАРОД: Тебе, Господи.
ПРЕСВИТЕР: Иже общыя сия и согласныя даровавый нам молитвы, иже и двема, или трем, согласующымся о Имени Твоем, прошения подати обещавый: Сам и ныне раб Твоих прошения к полезному исполни, подая нам в настоящем веце познание Твоея Истины, и в будущем живот вечный даруя. Яко благ и человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
НАРОД: Аминь.
(И поет 3й антифон, либо изобразительный: "Блажени нищии духом . . ." (Мф. 5:3-12 с тропарями на блаженнах):
Во царствии Твоем помяни нас, Господи, егда приидеши во Царствии Твоем.
(На 12 тропарей: ) - Блажени нищии духом яко тех есть Царство Небесное. - Блажени плачущии, яко тии утешатся.
(На 10: ) - Блажени кротцыи, яко тии наследят землю. - Блажени алчущии и жаждущии правды яко тии насытятся.
(На 8: ) - Блажени милостивии, яко тии помиловани будут. - Блажени чистии сердцем, яко тии Бога узрят.
(На 6: ) - Блажени миротворцы, яко тии сынове Божии нарекутся. - Блажени изгнани правды ради, яко тех есть Царство Небесное.
(На 4: ) - Блажени есте егда поносят вам, и изженут, и рекут всяк зол глагол на вы, лжуще Мене ради. - Радуйтеся и веселитеся, яко мзда ваша многа на небесех.
(Либо будничный: "Приидите возрадуемся Господеви . . ."; либо праздничный (с тропарем праздника)).
(Когда певцы запоют Славу, ПРЕСВИТЕР творит три поклона пред Св. Престолом, берет Св. Евангелие и идет вокруг Престола, предыдущым ему свещеносцам, и изшед северною страною, преклоняет главу и глаголет молитву входа: )
Владыко Господи Боже наш, уставивый на Небесех чины и воинства ангел и архангел, в служение Твоея Славы: сотвори со входом нашим входу святых ангелов быти, сослужащих нам и сославословящих Твою благость. Яко подобает Тебе всякая слава, честь и поклонение, Отцу и Сыну и Святому Духу, ныне и присно и во веки веков. Аминь.
ДИАКОН: Благослови, владыко, святый вход.
ПРЕСВИТЕР: Благословен вход святых Твоих, всегда, ныне и присно и во веки веков.
(По окончании последнего тропаря 3го антифона ПРЕСВИТЕР целует Евангелие, возвышает его и возглашает: ) Премудрость, прОсти. (И входит во св. Алтарь. )
НАРОД: [в дванадесятые Господские праздники, Сретение и Духов день поет входный стих, в другие же дни:]
Приидите, поклонимся и припадем ко Христу. Спаси ны, Сыне Божий,
[- в воскресенья:] воскресый из мертвых, в праздники Богородицы (кроме воскресений): молитвами Богородицы,
[в попразднства (кроме воскресений):] (в каждое попразднство по-своему)
[в праздники святых (вне порпазднств и воскресений):] во святых дивен Сый, поющыя Ти: Аллилуиа.
(Затем тропари по входе )...
ПРЕСВИТЕР: Боже Святый, иже во святых почиваяй, иже трисвятым гласом от серафимов воспеваемый, и от херувимов славословимый, и от всякия небесныя силы покланяемый: иже от небытия во еже быти приведый всяческая, создавый человека по образу Твоему и по подобию, и всяким Твоим дарованием украсивый: даяй просящему премудрость и разум, и не презираяй согрешающаго, но полагаяй на спасение покаяние: сподобивый нас, смиренных и недостойных раб Твоих, и в час сей стати пред славою святаго Твоего Жертвенника и должное Тебе поклонение и славословие приносити: Сам, Владыко, приими и от уст нас грешных Трисвятую песнь и посети ны благостию Твоею: прости нам всякое согрешение, вольное же и невольное, освяти наша душы и телеса, и даждь нам в преподобии служити Тебе вся дни живота нашего, молитвами Святыя Богородицы и всех святых, от века Тебе благоугодивших. Яко Свят еси, Боже наш, и Тебе славу возсылаем, Отцу и Сыну и Святому Духу, ныне и присно и во веки веков.
НАРОД: Аминь.
Святый Боже, Святый Крепкий, Святый Безсмертный, помилуй нас. (3 раза, Слава И ныне, вторая половина и снова гимн целиком)
[На Пасху, в Светлую седмицу, Пятидесятницу, Рождество, Богоявление, Лазареву субботу, Вербное воскресенье, Великую субботу вместо Трисвятого поется:] "Елицы во Христа крестистеся, во Христа облекостеся. Алилуия"
[На Крестовоздвижение и в неделю Крестопоклонную:] "Кресту Твоему, поклоняемся, Владыко, и святое воскресение Твое славим"
(Во время пения в третий раз, ПРЕСВИТЕР отходит к Горнему месту)
ДИАКОН: Повели, владыко.
ПРЕСВИТЕР: Благословен Грядый во имя Господне. Благословен еси на Престоле Славы Царствия Твоего, седяй на херувимех, всегда, ныне и присно и во веки веков.
(Во время пения в последний раз, пресвитер благословляет чтеца читать Апостол и принимает кадило.)
(По исполнении Трисвятаго, ДИАКОН: возглашает: ) Вонмем.
ПРЕСВИТЕР: Мир всем.
ЧТЕЦ: И духови твоему.
ДИАКОН: Премудрость.
ЧТЕЦ: Прокимен, глас . . .
(По окончании прокимна: )
ДИАКОН: Премудрость.
ЧТЕЦ: того-то (например, Соборного послания Иаковля) чтение.
ДИАКОН: Вонмем.
(Чтец чтет Апостол. По прочтении ПРЕСВИТЕР глаголет: )
Мир ти.
ЧТЕЦ: И духови твоему.
ДИАКОН: Премудрость.
ЧТЕЦ: Аллилуиа, глас . . .
(Во время пения (согласно Служебнику 1890 г.) ПРЕСВИТЕР кадит. Затем, стоя пред Престолом, глаголет молитву прежде Евангелия: )
Возсияй в сердцах наших, Человеколюбче Владыко, Твоего Богоразумия нетленный свет, и мысленныя наши отверзи очи во Евангельских Твоих проповеданий разумение: вложи в нас и страх блаженных Твоих заповедей, да плотския похоти вся поправше, духовное жительство пройдем, вся, яже ко благоугождению Твоему и мудрствующе и деюще. Ты бо еси просвещение душ и телес наших, Христе Боже, и Тебе славу возсылаем, со Безначальным Твоим Отцем, и Всесвятым и Благим и Животворящим Твоим Духом, ныне и присно и во веки веков. Аминь.
ДИАКОН: Премудрость, прости, услышим Святаго Евангелиа.
(ПРЕСВИТЕР, стоя пред Престолом и зря к западу (т.е. к народу), возглашает: )
Мир всем.
НАРОД: И духови твоему.
ДИАКОН: От [имя] Евангелиста Святаго Евангелиа чтение.
НАРОД: Слава Тебе, Господи, слава Тебе.
ДИАКОН: Вонмем.
По окончании Евангелия НАРОД поет: Слава Тебе, Господи, слава Тебе.
(После Евангелия ПРЕСВИТЕР может сказать проповедь. )
ЕКТЕНИЯ СУГУБАЯ:
ДИАКОН: Рцем вси от всея души и от всего помышления нашего рцем.
НАРОД: Господи, помилуй.
ДИАКОН: Господи Вседержителю, Боже отец наших, молим Ти ся, услыши и помилуй.
НАРОД: Господи, помилуй.
ДИАКОН: Помилуй нас, Боже, по велицей милости Твоей, молим Ти ся, услыши и помилуй.
НАРОД: Господи, помилуй (3-жды - на каждое прошение)
- Еще молимся о Великом Господине и Отце нашем святейшем Патриархе Алексии и о Господине нашем преосвященнейшем епископе имярек и о всей во Христе братии нашей.
- Еще молимся о Богохранимей стране нашей, властех и воинстве ея, да тихое и безмолвное житие поживем во всяком благочестии и чистоте.
- Еще молимся о братиях наших, священницех, священномонасех, и всем во Христе братстве нашем.
- Еще молимся о блаженных и приснопамятных, святейших Патриарсех православных и создателех святаго храма сего, и о всех преждепочивших отцех и братиях, зде лежащих и повсюду, православных.
- Еще молимся о плодоносящих и добродеющих во святем и всечестнем храме сем, труждающихся, поющих и предстоящих людех, ожидающих от Тебе великия и богатыя милости.
ПРЕСВИТЕР: Господи Боже наш, прилежное сие моление приими от Твоих раб, и помилуй нас по множеству милости Твоея, и щедроты Твоя низпосли на ны и на вся люди Твоя, чающыя от Тебе богатыя милости. Яко милостив и человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
НАРОД: Аминь.
(Аще же будет о усопших приношение, ДИАКОН глаголет ектению сию: ) Помилуй нас, Боже, по велицей милости Твоей, молим Ти ся, услыши и помилуй.
НАРОД: Господи, помилуй (3-жды - на кадждое прошение)
- Еще молимся о упокоении душ усопших рабов Божиих (имярек), и о еже проститися им всякому прегрешению, вольному же и невольному.
- Яко да Господь Бог учинит душы их, идеже праведнии упокояются.
Милости Божия, Царства Небеснаго, и оставления грехов их, у Безсмертнаго Царя и Бога нашего просим.
НАРОД: Подай, Господи.
ДИАКОН: Господу помолимся.
НАРОД: Господи, помилуй.
ПРЕСВИТЕР: Боже духов и всякия плоти, смерть поправый и диавола упразднивый, и живот миру Твоему даровавый: Сам, Господи, покой душы усопших раб Твоих имярек в месте светле, в месте злачне, в месте покойне, отнюдуже отбеже болезнь, печаль и воздыхание: всякое согрешение, содеянное ими словом, или делом, или помышлением, яко благий человеколюбец Бог, прости: яко несть человек, иже жив будет, и не согрешит: Ты бо Един токмо без греха, правда Твоя правда во веки, и Слово Твое истина. Яко Ты еси воскресение, живот и покой усопших раб Твоих имярек , Христе Боже наш, и Тебе славу возсылаем, со Безначальным Твоим Отцем, и Пресвятым и Благим и Животворящим Твоим Духом, ныне и присно и во веки веков.
НАРОД: Аминь.
ЕКТЕНИЯ О ОГЛАШЕННЫХ:
ДИАКОН: Помолитеся, оглашеннии, Господеви.
НАРОД: Господи, помилуй (на каждое прошение).
- Вернии, о оглашенных помолимся, да Господь помилует их.
- Огласит их словом истины.
- Открыет им Евангелие правды.
- Соединит их Святей Своей, Соборней и Апостольстей Церкви.
- Спаси, помилуй, заступи и сохрани их, Боже, Твоею благодатию.
- Оглашеннии, главы ваша Господеви приклоните.
НАРОД: Тебе, Господи.
ПРЕСВИТЕР: Господи Боже наш, иже на высоких Живый и на смиренныя Призираяй, иже спасение роду человеческому низпославый, Единороднаго Сына Твоего и Бога, Господа нашего Иисуса Христа: призри на рабы Твоя оглашенныя, подклоньшыя Тебе своя выя, и сподоби я во время благополучное бани пакибытия, оставления грехов и одежди нетления, соедини их Святей Твоей, Соборней и Апостольстей Церкви и сопричти их избранному Твоему стаду. Да и тии с нами славят пречестное и великолепое Имя Твое, Отца и Сына и Святаго Духа, ныне и присно и во веки веков.
НАРОД: Аминь.
(ПРЕСВИТЕР простирает антиминс)