1 * 2 * 3 * 4

---

ПРЕСВИТЕР: Мир всем.
НАРОД:И духови твоему.
ДИАКОН: Главы ваша Господеви приклоните. НАРОД:Тебе, Господи.
ПРЕСВИТЕР: Благодарим Тя, Царю невидимый, иже неисчетною Твоею силою вся содетельствовал еси, и множеством милости Твоея от небытия в бытие вся привел еси. Сам, Владыко, с Небесе призри на подклоньшыя Тебе главы своя: не бо подклониша их плоти и крови, но Тебе страшному Богу. Ты убо, Владыко, предлажащая всем во благое изравняй, по коегождо своей потребе: плавающым сплавай, путешествующым спутешествуй, недугующыя исцели, Врачу душ и телес, благодатию, и щедротами, и человеколюбием Единороднаго Сына Твоего, с Нимже благословен еси, со Пресвятым и Благим и Животворящим Твоим Духом, ныне и присно и во веки веков. НАРОД:Аминь.
ПРЕСВИТЕР: Вонми, Господи Иисусе Христе, Боже наш, от святаго Жилища Твоего и от Престола Славы Царствия Твоего, и прииди во еже освятити нас, иже горе со Отцем Седяй, и зде нам невидимо Спребываяй: и сподоби державною Твоею рукою преподати нам Пречистое Тело Твое и Честную Кровь, и нами всем людем.
(Таже покланяется ИЕРЕЙ, глаголюще тайно, трижды:) Боже, очисти мя грешнаго и помилуй мя.
ДИАКОН: Вонмем.
ПРЕСВИТЕР (вознося Святый Хлеб): Святая Святым.
НАРОД:Един Свят, Един Господь, Иисус Христос, во славу Бога Отца. Аминь (И поет причастен или причастны, если их несколько. Царские врата и завеса на это время закрывается, паникадило гасится, перед Царскими вратами ставится свеча.)
(ПРЕСВИТЕР, раздробляя Святый Хлеб на четыре части со вниманием и благоговением, глаголет: )
Раздробляется и разделяется Агнец Божий, Раздробляемый и Неразделяемый, всегда Ядомый и никогдаже Иждиваемый, но причащающыяся Освящаяй.
(Таже полагает IHС на вышней стране святаго дискоса, яже есть на востоце, ХС же, от долу, еже есть на западе: а еже, NI, от северныя страны, КА же, с полуденныя страны.)
ДИАКОН: Исполни, владыко, Святый Потир. (ПРЕСВИТЕР, взем горе лежащую частицу, яже IHС, творит с нею крест верху святаго потира, глаголя:) Исполнение Духа Святаго.
ДИАКОН: Аминь. Благослови, владыко, теплоту.
ПРЕСВИТЕР: Благословенна теплота святых Твоих всегда, ныне и присно и во веки веков. Аминь.
ДИАКОН (вливает, елико довольно, крестообразно внутрь святаго потира, глаголя: ) Теплота веры исполнь Духа Святаго. Аминь.
(После этого ПРЕСВИТЕР берет частицу, яже ХС, и разделяет ее по числу причащающихся священнослужителей. Затем все они молятся: ) Ослаби, остави, прости, Боже, прегрешения наша, вольныя и невольныя, яже в слове и в деле, яже в ведении и не в ведении, яже во дни и в нощи, яже во уме м впомышлении; вся нам прости, яко Благ и Человеколюбец.
(После молитвы священнослужители кладут земной поклон перед Престолом, кланяются друг другу, находящимся в алтаре и верующим, находящимся в храме, со словами: ) Простите ми, отцы и братие (и снова творят земной поклон, говоря: ) Се прихожду к Безсмертному царю и Богу моему.
ПРЕСВИТЕР: Диаконе, приступи.
ДИАКОН (принимая Святый Хлеб): Преподаждь ми, владыко, Честное и Святое Тело Господа и Бога нашего Иисуса Христа.
ПРЕСВИТЕР: Имярек священнодиакону, преподается Честное и Святое и Пречистое Тело Господа и Бога нашего Иисуса Христа
(Таже ПРЕСВИТЕР, взяв частицу Святаго Хлеба, глаголет: ) Честное и Пресвятое Тело Господа и Бога и Спаса Нашего Иисуса Христа преподается мне, имярек, священнику, во оставление грехов моих и в жизнь вечную.
(Священнослужители, приклонив главу молятся: ) Верую, Господи, и исповедую, яко Ты еси воистинну Христос, Сын Бога Живаго, Пришедый в мир грешныя спасти, от нихже первый есмь аз. Еще верую, яко Сие есть Самое Пречистое Тело Твое, и Сия есть Самая Честная Кровь Твоя. Молюся убо Тебе: помилуй мя, и прости ми прегрешения моя, вольная и невольная, яже словом, яже делом, яже ведением и неведением: и сподоби мя неосужденно причаститися Пречистых Твоих Таинств, во оставление грехов и в Жизнь вечную. Аминь.
Вечери Твоея Тайныя днесь, Сыне Божий, причастника мя приими: не бо врагом Твоим тайну повем, ни лобзания Ти дам, яко Иуда, но яко разбойник исповедаю Тя: помяни мя, Господи, во Царствии Твоем. Да не в суд, или во осуждение будет мне причащение Святых Твоих Таин, Господи, но во исцеление души и тела.
(И тако причащается в руках Держимаго со страхом и всяцем утверждением. Таже ИЕРЕЙ восклонься приемлет обема рукама с покровцем святый Потир и причащается трижды из него, глаголя:) Честныя и Святыя Крове Господа Бога и Спаса нашего Иисуса Христа, причащаюся аз, раб Божий, священник имярек , во оставление грехов моих и в жизнь вечную. Аминь.
(И тако свои устне и край священнаго потира в руке держимым платом отерев, глаголет:) Се прикоснуся устнам моим, и отимет беззакония моя, и грехи моя очистит.
(Так же причащает диакона. И читают молитву:) Благодарим Тя, Владыко Человеколюбче, Благодетелю душ наших: яко и в настоящий день сподобил еси нас Небесных Твоих и Безсмертных Таинств. Исправи наш путь, утверди ны во страсе Твоем вся, соблюди наш живот, утверди нашя стопы, молитвами и моленьми Славныя Богородицы и Приснодевы Марии, и всех святых Твоих.
(Таже раздробляет священник две части Святаго Агнца оставшии, еже НI, и еже КА, на малыя частицы, чтобы было довольно для всех причастников: и тако влагает их во святую чашу. И покрывает святый потир покровцем, подобне и на святый дискос возлагает звездицу и покровцы, глаголя: )
Воскресение Христово видевше, поклонимся святому Господу Иисусу, Единому Безгрешному. Кресту Твоему покланяемся, Христе, и святое Воскресение Твое поем и славим: Ты бо еси Бог наш, разве Тебе иного не знаем, Имя Твое именуем. Приидите, вси вернии, поклонимся святому Христову Воскресению: се бо прииде Крестом адость всему миру. Всегда благословяще Господа, поем Воскресение Его: распятие бо претерпев, смертию смерть разруши.
Светися, светися, новый Иерусалиме, слава бо Господня на тебе возсия. Ликуй ныне и веселися Сионе: Ты же Чистая красуйся, Богородице, о Востании Рождества Твоего.
О Пасха Велия и Священнейшая, Христе! О Мудросте, и Слове Божий, и Сило! Подавай нам истее Тебе причащатися в невечрнем Дни Царствия Твоего.
(Зажигают паникадило. И тако отверзает двери святаго олтаря. ДИАКОН приходит во двери, и вознося святый потир, показует его людем, глаголя: Со страхом Божиим и верою приступите. (передает Чашу пресвитеру)
НАРОД: (В обычное время: ) Благословен Грядый во Имя Господне, Бог Господь и явися нам.
(На Пасху и в Светлую седмицу: )Христос воскресе из мертвых, смертию смерть поправ и сущим во гробех живот даровав.
ПРЕСВИТЕР и НАРОД (причастники): Верую, Господи, и исповедую (...) (И идут един по единому, и покланяются со всяцем умилением и страхом, согбенне руце к персем имуще: таже приемлет кийждо Божественныя Тайны. ПРЕСВИТЕР же, причащая его, глаголет: ) Причащается раб Божий, имярек , Честнаго и Святаго Тела и Крове Господа и Бога и Спаса нашего Иисуса Христа, во оставление грехов и в Жизнь вечную. Аминь.
(И отирают устне ему платом, и целует причастивыйся святую Чашу, и поклонився отходит. И так причащаются все. НАРОД поет положенный по Уставу причастен или причастен Пасхи: ) Тело Христово приимите, Источника безсмертнаго вкусите.
(По причащении народа, входит ИЕРЕЙ во святый олтарь, и поставляет Святая на святем Престоле. Отирает святою губою зело добре, со вниманием и благоговением, глаголя словеса сия:) Отмый, Господи, грехи поминавшихся зде Кровию Твоею Честною, молитвами святых Твоих.
(И вслух, благословляя народ:) Спаси, Боже, люди Твоя и благослови достояние Твое.
(И обращается ко святей Трапезе и кадит триджды, глаголя:) Вознесися на Небеса, Боже, и по всей земли слава Твоя.
НАРОД: (В обычное время:) Видехом Свет Истинный, прияхом Духа Небеснаго, обретохом веру истинную, нераздельней Троице покланяемся: Та бо нас спасла есть.
(От Пасхи до Вознесения:) Христос воскресе из мертвых...
(От Вознесения до Троицкой родительской субботы: тропарь Вознесения "Вознеслся еси...")
(В Троицкую субботу: тропарь "Глубиною мудрости ...")
(Таже, поклонився СВЯЩЕННИК и приемь святый дискос и потир, и обращься ко дверем, зря на люди, глаголет:) Благословен Бог наш: (И возгласно:) Всегда, ныне и присно и во веки веков.
(И отходит ко святому предложению и поставляет тамо Святая)
НАРОД: (В обычное время: ) Аминь. Да исполнятся уста наша хваления Твоего, Господи, яко да поем славу Твою, яко сподобил еси нас причаститися Святым Твоим, Божественным, Безсмертным и Животворящым Тайнам: соблюди нас во Твоей святыни, весь день поучатися правде Твоей. Аллилуиа, аллилуиа, аллилуиа.
(На Пасху и в Светлую седмицу: ) Христос воскресе из мертвых. . .

ДИАКОН: Прости приимше Божественных, Святых, Пречистых, Безсмертных, Небесных и Животворящих, Страшных Христовых Таин, достойно благодарим Господа.
НАРОД: Господи, помилуй.
ДИАКОН: Заступи, спаси, помилуй и сохрани нас, Боже, Твоею благодатию. НАРОД: Господи, помилуй.
ДИАКОН: День весь совершен, свят, мирен и безгрешен испросивше, сами себе, и друг друга, и весь живот наш Христу Богу предадим.
НАРОД: Тебе, Господи.
(ПРЕСВИТЕР же, согнув антиминс и прямо держа Евангелие, творит над ним крест. И возглашает конец благодарственной молитвы по Св. Причащении, (см. выше: Благодарим Тя, Владыко Человеколюбче ....) Яко Ты еси Освящение наше, и Тебе славу возсылаем, Отцу и Сыну и Святому Духу, ныне и присно и во веки веков. НАРОД:Аминь.
ПРЕСВИТЕР: С миром изыдем.
НАРОД:О Имени Господни.
ПРЕСВИТЕР: Господу помолимся.
НАРОД:Господи, помилуй.
ПРЕСВИТЕР (стоя пред амвоном): Благословляяй благословящыя Тя, Господи, и Освящаяй на Тя уповающыя, спаси люди Твоя и благослови достояние Твое, исполнение Церкви Твоея сохрани, освяти любящыя благолепеие Дому Твоего: Ты тех возпрослави Божественною Твоею силою, и не остави нас, уповающих на Тя. Мир мiрови Твоему даруй, Церквам Твоим, священником, воинству и всем людем Твоим. Яко всякое даяние благо и всяк дар совершен свыше есть, сходяй от Тебе Отца Светов: и Тебе славу, и благодарение, и поклонение возсылаем, Отцу и Сыну и Святому Духу, ныне и присно и во веки веков.
НАРОД:Аминь.
(После заамвонной молитвы иногда бывают вставки: пение тропаря, кондака и величания в дванадесятые праздники, когда пение молебнов не положено по Уставу; благословение колива (в дни чтимых святых); Великое водоосвящение на Богоявление; благословение хлеба и вина в Великую Субботу; молебен в неделю Торжества Православия и др.) Затем:
А: (В обычное время: ) НАРОД:Буди имя Господне . . . (трижды)
ПРЕСВИТЕР (в алтаре): Исполнение Закона и пророков Сам Сый, Христе Боже наш, Исполнивый все Отеческое смотрение, исполни радости и веселия сердца наша, всегда, ныне и присно и во веки веков.
ЧТЕЦ: Пс. 33: "Благословлю Господа . . . "
ПРЕСВИТЕР: Слава Тебе, Христе Боже, Упование наше, слава Тебе. НАРОД:Слава; и ныне: Господи, помилуй (трижды). Благослови. (Священник глаголет отпуст с Крестом в руках: В воскресенья: ) Воскресый из мертвых... (В праздники: в каждый по-своему. В другие дни: сразу:) Христос, Истинный Бог наш, молитвами Пречистыя Своея Матере [и прочая, т.е. чей день недели], иже во святых отца нашего Иоанна, архиепископа Константиня града, Златоустаго: и святаго имярек , егоже есть день [если храм святаго, то и его]: и всех святых, помилует и спасет нас, яко Благ и Человеколюбец. МНОГОЛЕТИЕ: Великаго Господина и Отца нашего Алексия, святейшаго Патриарха Московскаго и всея Руси, и Господина нашего преосвященнейшаго имярек епископа ..., настоятеля, братию и прихожан святаго храма сего, и вся православныя христианы, Господи, сохрани их на многая лета. Б:
(На Пасху и в Светлую седмицу: ) НАРОД:Христос воскресе.. (многократно.
ПРЕСВИТЕР же, изшед, дает людем антидор. По скончании же псалма и раздаяния антидора глаголет: ) Благословение Господне на вас, Того благодатию и человеколюбием, вегда, ныне и присно и во веки веков.
НАРОД:Аминь. В: (От Пасхи до отдания Пасхи (среда перед Вознесением) : ) ПРЕСВИТЕР вместо "Слава Тебе . . ." поет: Христос воскресе из мертвых, смертию смерть поправ.
НАРОД допевает: И сущым во гробех живот даровав.
Затем сразу пасхальный отпуст с Крестом: "Христос, воскресый . . . " НАРОД: Христос воскресе из мертвых . . . (трижды) И нам дарова живот вечный, покланяемся Его тридневному Востанию; (и обычное многолетие.)