1 Книга родства Иисуса Христа, сына Давидова, сына Авраамля.
2 Авраам роди исаака. Исаак же роди иакова. Иаков же роди иуду и братию его.
3 Иуда же роди фареса и зару от фамары. Фарес же роди есрома. Есром же роди арама.
4 Арам же роди аминадава. Аминадав же роди наассона. Наассон же роди салмона.
5 Салмон же роди вооза от рахавы. Вооз же роди овида от руфы. Овид же роди иессеа.
6 Иессей же роди давида царя. Давид же царь роди соломона от уриины.
7 Соломон же роди ровоама. Ровоам же роди авию. Авиа же роди асу.
8 Аса же роди иосафата. Иосафат же роди иорама. Иорам же роди озию.
9 Озиа же роди иоафама. Иоафам же роди ахаза. Ахаз же роди езекию.
10 Езекиа же роди манассию. Манассиа же роди амона. Амон же роди иосию.
11 Иосиа же роди иехонию и братию его, в преселение вавилонское [Ст. 11 в нeкиих греч.: иосиа же роди иоакима и братию его. Иоаким же роди иехонию в преселение вавилонское.]
12 По преселении же вавилонстeм, иехониа роди салафииля. Салафииль же роди зоровавеля.
13 Зоровавель же роди авиуда. Авиуд же роди елиакима. Елиаким же роди азора.
14 Азор же роди садока. Садок же роди ахима. Ахим же роди елиуда.
15 Елиуд же роди елеазара. Елеазар же роди матфана. Матфан же роди иакова.
16 Иаков же роди иосифа, мужа мариина, из неяже родися Иисус, глаголемый Христос.
17 Всeх же родоов от авраама до давида родове четыренадесяте: и от давида до преселения вавилонскаго родове четыренадесяте: и от преселения вавилонскаго до Христа родове четыренадесяте.
18 Иисус Христово рождество сице бe: обрученнeй бо бывши Матери его марии иосифови, прежде даже не Сынитися има, обрeтеся имущи во чревe от духа свята.
19 Иосиф же муж ея, првдн сый и не хотя ея обличити, восхотe тай пустити ю.
20 Сия же ему помыслившу, се, ангел Господень во Сынe явися ему, глаголя: иосифе, сыне давидов, не убойся прияти мариам жены твоея: рождшеебося в ней, от Духа есть свята:
21 родит же Сына, и наречеши имя ему Иисус: той бо спасет люди своя от грeх их.
22 Сие же все бысть, да сбудется реченное от Господа пророком, глаголющим:
23 се, дeва во чревe приимет и родит Сына, и нарекут имя ему еммануил, еже есть сказаемо: с нами Бог.
24 Востав же иосиф от Сына, сотвори якоже повелe ему ангел Господень, и прият жену свою,
25 и не знаяше ея, дондеже роди Сына своего первенца, и нарече имя ему Иисус.
1 Иисусу же рождшуся в вифлеемe иудейстeм во дни ирода царя, се, волсви от восток приидоша во иерусалим, глаголюще:
2 гдe есть рождейся царь иудеиский? видeхом бо звeзду его на востоцe и приидохом поклонитися ему.
3 Слышав же ирод царь смутися, и весь иерусалим с ним.
4 И собрав вся первосвященники и книжники людския, вопрошаше от них: гдe Христос раждается?
5 Они же рекоша ему: в вифлеемe иудейстeм, тако бо писано есть пророком:
6 и ты, вифлееме, земле иудова, ни чимже менши еси во владыках иудовых: из тебе бо изыдет вождь, иже упасет люди моя Израиля.
7 Тогда ирод тай призва волхвы, и испытоваше от них время явльшияся звeзды,
8 и послав их в вифлеем, рече: шедше испытайте извeстно о отрочати: егда же обрящете, возвeстите ми, яко да и аз шед поклонюся ему.
9 Они же послушавше царя, идоша. И се, звeзда, юже видeша на востоцe, идяше пред ними, дондеже пришедши ста верху, идeже бe отроча.
10 Видeвше же звeзду, возрадовашася радостию велиею зeло,
11 и пришедше в храмину, видeша отроча с мариею Материю его, и падше поклонишася ему: и отверзше сокровища своя, принесоша ему дары, злато и ливан и смирну.
12 И вeсть приемше во Сынe не возвратитися ко ироду, иным путем отидоша во страну свою.
13 Отшедшым же им, се, ангел Господень во Сынe явися иосифу, глаголя: востав поими отроча и Матерь его, и бeжи во египет, и буди тамо, дондеже реку ти: хощет бо ирод искати отрочате, да погубит е.
14 Он же востав, поят отроча и Матерь его нощию, и отиде во египет,
15 и бe тамо до умертвия иродова: да сбудется реченное от Господа пророком, глаголющим: от египта воззвах Сына моего.
16 Тогда ирод видeв, яко поруган бысть от волхвов, разгнeвася зeло и послав изби вся дeти сущыя в вифлеемe и во всeх предeлeх его, от двою лeту и нижайше, по времени, еже извeстно испыта от волхвов.
17 Тогда сбыстся реченное иеремием пророком, глаголющим:
18 глас в рамe слышан бысть, плачь и рыдание и вопль мног: рахиль плачущися чад своих, и не хотяше утeшитися, яко не суть.
19 Умершу же ироду, се, ангел Господень во Сынe явися иосифу во египтe,
20 глаголя: востав поими отроча и Матерь его и иди в землю Израилеву, изомроша бо ищущии души отрочате.
21 Он же востав, поят отроча и Матерь его и прииде в землю Израилеву.
22 Слышав же, яко архелай царствует во иудеи вмeсто ирода отца своего, убояся тамо ити: вeсть же приемь во Сынe, отиде в предeлы галилейския.
23 И пришед вселися во градe нарицаемeм назарет: яко да сбудется реченное пророки, яко назорей наречется.
1 Во дни же оны прииде иоанн креститель, проповeдая в пустыни иудейстeй
2 и глаголя: покайтеся, приближибося царствие небeсное.
3 Сей бо есть рeченный исаием пророком, глаголющим: глас вопиющаго в пустыни: уготовайте путь Господень, правы творите стези его.
4 Сам же иоанн имяше ризу свою от влас вельблуждь, и пояс усмен о чреслeх своих: Сынeдь же его бe пружие и мед дивий.
5 Тогда исхождаше к нему иерусалима, и вся иудеа, и вся страна иорданская,
6 и крещахуся во иорданe от него, исповeдающе грeхи своя.
7 Видeв же (иоанн) многи фарисеи и саддукеи грядущыя на крещение его, рече им: рождения ехиднова, кто сказа вам бeжати от будущаго гнeва?
8 сотворите убо плод достоин покаяния,
9 и не начинайте глаголати в себe: отца имамы авраама: глаголю бо вам, яко может Бог от камения сего воздвигнути чада аврааму:
10 уже бо и сeкира при корени древа лежит: всяко убо древо, еже не творит плода добра, посeкаемо бывает и во огнь вметаемо:
11 аз убо крещаю вы водою в покаяние: грядый же по мнe крeплий мене есть, емуже нeсмь достоин сапоги понести: той вы крестит духом святым и огнем:
12 емуже лопата в руцe его, и отребит гумно свое, и соберет пшеницу свою в житницу, плевы же сожжет огнем негасающим.
13 Тогда приходит Иисус от галилеи на иордан ко иоанну креститися от него.
14 Иоанн же возбраняше ему, глаголя: аз требую тобою креститися, и ты ли грядеши ко мнe?
15 Отвeщав же Иисус рече к нему: остави нынe: тако бо подобает нам исполнити всяку правду. Тогда остави его.
16 И крестився Иисус взыде абие от воды: и се, отверзошася ему небеса, и видe духа Божия сходяща яко голубя и грядуща на него.
17 И се, глас с небесе глаголя: сей есть Сын мой возлюбленный, о немже благоволих.
1 Тогда Иисус возведен бысть духом в пустыню искуситися от диавола,
2 и постився дний четыредесять и нощий четыредесять, послeди взалка.
3 И приступль к нему искуситель рече: аще Сын еси Божий, рцы, да камение сие хлeбы будут.
4 Он же отвeщав рече: писано есть: не о хлeбe единeм жив будет человeк, но о всяцeм глаголe исходящем изо уст Божиих.
5 Тогда поят его диавол во святый град, и постави его на крилe церковнeм,
6 и глагола ему: аще Сын еси Божий, верзися низу: писано бо есть, яко ангелом своим заповeсть о тебe (сохранити тя), и на руках возмут тя, да не когда преткнеши о камень ногу твою.
7 Рече (же) ему Иисус: паки писано есть: не искусиши Господа Бога твоего.
8 Паки поят его диавол на гору высоку зeло, и показа ему вся царствия мира и славу их,
9 и глагола ему: сия вся тебe дам, аще пад поклонишимися.
10 Тогда глагола ему Иисус: иди за мною, сатано: писано бо есть: Господу Богу твоему поклонишися и тому единому послужиши.
11 Тогда остави его диавол, и се, ангели приступиша и служаху ему.
12 Слышав же Иисус, яко иоанн предан бысть, отиде в галилею,
13 и оставль назарет, пришед вселися в капернаум в поморие, в предeлeх завулоних и неффалимлих:
14 да сбудется реченное исаием пророком, глаголющим:
15 земля завулоня и земля неффалимля, путь моря об он пол иордана, галилеа язык,
16 людие седящии во тмe видeша свeт велий, и сeдящым в странe и сeни смертнeй, свeт возсия им.
17 Оттолe начат Иисус проповeдати и глаголати: покайтеся, приближися бо царство небeсное.
18 Ходя же при мори галилейстeм, видe два брата, симона глаголемаго петра, и андреа брата его, вметающа мрежи в море, бeста бо рыбаря:
19 и глагола има: грядита по мнe, и сотворю вы ловца человeком.
20 Она же абие оставльша мрежи, по нем идоста.
21 И прешед оттуду, видe ина два брата, иакова зеведеева, и иоанна брата его, в корабли с зеведеом отцем ею, завязующа мрежи своя, и воззва я.
22 Она же абие оставльша корабль и отца своего, по нем идоста.
23 И прохождаше всю галилею Иисус, учя на сонмищах их и проповeдая евангелие царствия, исцeляя всяк недуг и всяку язю в людех.
24 И изыде слух его по всей сирии: и приведоша к нему вся болящыя, различными недуги и страстьми одержимы, и бeсны, и мeсячныя, и разслабленныя (жилами): и исцeли их.
25 И по нем идоша народи мнози от галилеи и десяти град, и от иерусалима и иудеи, и со онаго полу иордана.
1 Узрeв же народы, взыде на гору: и сeдшу ему, приступиша к нему ученицы его.
2 И отверз уста своя, учаше их, глаголя:
3 блажени нищии духом: яко тeх есть царствие небeсное.
4 Блажени плачущии: яко тии утeшатся.
5 Блажени кротцыи: яко тии наслeдят землю.
6 Блажени алчущии и жаждущии правды: яко тии насытятся.
7 Блажени милостивии: яко тии помиловани будут.
8 Блажени честии срдцем: яко тии Бога узрят.
9 Блаажени миротворцы: яко тии Сынове Божии нарекутся.
10 Блаажени изгнани правды ради: яко тeх есть царствие небeсное.
11 Блаажени есте, егда поносят вам, и ижденут, и рекут всяк зол глагол на вы лжуще, мене ради:
12 радуйтеся и веселитеся, яко мзда ваша многа на небесeх: тако бо изгнаша пророки, иже (бeша) прежде вас.
13 Вы есте соль земли: аще же соль обуяет, чим осолится? ни во чтоже будет ктому, точию да изсыпана будет вон и попираема человeки.
14 Вы есте свeт мира: не может град укрытися верху горы стоя:
15 ниже вжигают свeтилника и поставляют его под спудом, но на свeщницe, и свeтит всeм, иже в храминe (суть).
16 Тако да просвeтится свeт ваш пред человeки, яко да видят ваша добрая дeла и прославят Отца вашего, иже на небесeх.
17 (Да) не мните, яко приидох разорити закон, или пророки: не приидох разорити, но исполнити.
18 Аминь бо глаголю вам: дондеже прейдет небо и земля, иота едина, или едина черта не прейдет от закона, дондеже вся будут.
19 Иже аще разорит едину заповeдий сих малых и научит тако человeки, мний наречется в царствии небeснeм: а иже сотворит и научит, сей велий наречется в царствии небeснeм.
20 Глаголю бо вам, яко аще не избудет правда ваша паче книжник и фарисей, не внидете в царствие небeсное.
21 Слышасте, яко речено бысть древним: не убиеши: иже (бо) аще убиет, повинен есть суду.
22 Аз же глаголю вам, яко всяк гнeваяйся на брата своего всуе повинен есть суду: иже бо аще речет брату своему: рака, повинен есть сонмищу: а иже речет: уроде, повинен есть гееннe огненнeй.
23 Аще убо принесеши дар твой ко олтарю и ту помянеши, яко брат твой имать нeчто на тя: 24 остави ту дар твой пред олтарем и шед прежде смирися с братом твоим, и тогда пришед принеси дар твой.
25 Буди увeщаваяся с соперником твоим скоро, дондеже еси на пути с ним, да не предаст тебе соперник судии, и судия тя предаст слузe, и в темницу ввержен будеши:
26 аминь глаголю тебe: не изыдеши оттуду, дондеже воздаси послeдний кодрант.
27 Слышасте, яко рeчено бысть древним: не прелюбы сотвориши.
28 Аз же глаголю вам, яко всяк, иже воззрит на жену ко еже вожделeти ея, уже любодeйствова с нею в сердцы своем:
29 аще же око твое десное соблажняет тя, изми е и верзи от себе: уне бо ти есть, да погибнет един от уд твоих, а не все тeло твое ввержено будет в геенну (огненную):
30 и аще десная твоя рука соблажняет тя, усeцы ю и верзи от себе: уне бо ти есть, да погибнет един от уд твоих, а не все тeло твое ввержено будет в геенну.
31 Речено же бысть, яко иже аще пустит жену свою, да даст ей книгу распустную.
32 Аз же глаголю вам, яко всяк отпущаяй жену свою, развe словесе любодeйнаго, творит ю прелюбодeйствовати: и иже пущеницу поймет, прелюбодeйствует.
33 Паки слышасте, яко рeчено бысть древним: не во лжу кленешися, воздаси же Господеви клятвы твоя.
34 Аз же глаголю вам не клятися всяко: ни небом, яко престол есть Божий:
35 ни землею, яко подножие есть ногама его: ни иерусалимом, яко град есть великаго царя:
36 ниже главою твоею кленися, яко не можеши власа единаго бeла или черна сотворити:
37 буди же слово ваше: ей, ей: ни, ни: лишше же сею от неприязни есть.
38 Слышасте, яко рeчено бысть: око за око, и зуб за зуб.
39 Аз же глаголю вам не противитися злу: но аще тя кто ударит в десную твою ланиту, обрати ему и другую:
40 и хотящему судитися с тобою и ризу твою взяти, отпусти ему и срачицу:
41 и аще кто тя поймет по силe поприще едино, иди с ним два.
42 Просящему у тебе дай, и хотящаго от тебе заяти не отврати.
43 Слышасте, яко рeчено есть: возлюбиши искренняго твоего и возненавидиши врага твоего.
44 Аз же глю вам: любите враги вашя, благословите кленущыя вы, добро творите ненавидящым вас, и молитеся за творящих вам напасть и изгонящыя вы,
45 яко да будете Сынове Отца вашего, иже есть на небесeх: яко солнце свое сияет на злыя и благия и дождит на праведныя и на неправедныя.
46 Аще бо любите любящих вас, кую мзду имате? не и мытари ли тожде творят?
47 И аще цeлуете други вашя токмо, что лишше творите? не и язычницы ли такожде творят?
48 Будите убо вы совершени, якоже Отец ваш небeсный совершен есть.
1 Внемлите милостыни вашея не творити пред человeки, да видими будете ими: аще ли же ни, мзды не имате от Отца вашего, иже есть на небесeх.
2 Егда убо твориши милостыню, не воструби пред собою, якоже лицемeри творят в сонмищих и в стогнах, яко да прославятся от человeк. Аминь глаголю вам, восприемлют мзду свою.
3 Тебe же творящу милостыню, да не увeсть шуйца твоя, что творит десница твоя,
4 яко да будет милостыня твоя в тайнe: и Отец твой, видяй в тайнe, той воздаст тебe явe.
5 И егда молишися, не буди якоже лицемeри, яко любят в сонмищих и в стогнах путий стояще молитися, яко да явятся человeком. Аминь глаголю вам, яко восприемлют мзду свою.
6 Ты же, егда молишися, вниди в клeть твою, и затворив двери твоя, помолися Отцу твоему, иже в тайнe: и Отец твой, видяй в тайнe, воздаст тебe явe.
7 Молящеся же не лишше глаголите, якоже язычницы: мнят бо, яко во многоглаголании своем услышани будут:
8 не подобитеся убо им: вeсть бо Отец ваш, ихже требуете, прежде прошения вашего.
9 Сице убо молитеся вы: Отче наш, иже еси на небесeх, да святится имя твое:
10 да приидет царствие твое: да будет воля твоя, яко на небеси, и на земли:
11 хлeб наш насущный даждь нам днесь:
12 и остави нам долги нашя, яко и мы оставляем должником нашым:
13 и не введи нас в напасть, но избави нас от лукаваго: яко твое есть царствие и сила и слава во вeки. Аминь.
14 Аще бо отпущаете человeком согрeшения их, отпустит и вам Отец ваш небeсный:
15 аще ли не отпущаете человeком согрeшения их, ни Отец ваш отпустит вам согрeшений ваших.
16 Егда же поститеся, не будите якоже лицемeри сeтующе: помрачают бо лица своя, яко да явятся человeком постящеся. Аминь глаголю вам, яко восприемлют мзду свою.
17 Ты же постяся помажи главу твою, и лице твое умый,
18 яко да не явишися человeком постяся, но Отцу твоему, иже в тайнe: и Отец твой, видяй в тайнe, воздаст тебe явe.
19 Не скрывайте себe сокровищ на земли, идeже червь и тля тлит, и идeже татие подкопывают и крадут:
20 скрывайте же себe сокровище на небеси, идeже ни червь, ни тля тлит, и идeже татие не подкопывают, ни крадут:
21 идeже бо есть сокровище ваше, ту будет и сердце ваше.
22 Свeтилник тeлу есть око. Аще убо будет око твое просто, все тeло твое свeтло будет:
23 аще ли око твое лукаво будет, все тeло твое темно будет. Аще убо свeт, иже в тебe, тма есть, то тма кольми?
24 Никтоже может двeма господинома работати: любо единаго возлюбит, а другаго возненавидит: или единаго держится, о друзeм же нерадити начнет. Не можете Богу работати и мамонe.
25 Сего ради глаголю вам: не пецытеся душею вашею, что ясте, или что пиете: ни тeлом вашим, во что облечетеся. Не душа ли болши есть пищи, и тeло одежди?
26 Воззрите на птицы небесныя, яко не сeют, ни жнут, ни собирают в житницы, и Отец ваш небeсный питает их. Не вы ли паче лучши их есте?
27 Кто же от вас пекийся может приложити возрасту своему лакоть един?
28 И о одежди что печетеся? Смотрите крин селных, како растут: не труждаются, ни прядут:
29 глаголю же вам, яко ни соломон во всей славe своей облечеся, яко един от сих:
30 аще же сeно селное, днесь суще и утрe в пещь вметаемо, Бог тако одeвает, не много ли паче вас, маловeри?
31 Не пецытеся убо, глаголюще: что ямы, или что пием, или чим одеждемся?
32 Всeх бо сих языцы ищут: вeсть бо Отец ваш небeсный, яко требуете сих всeх.
33 Ищите же прежде царствия Божия и правды его, и сия вся приложатся вам.
34 Не пецытеся убо на утрей, утрений бо собою печется: довлeет дневи злоба (попечение) его.
1 Не судите, да не судими будете:
2 имже бо судом судите, судят вам: и в нюже мeру мeрите, возмeрится вам.
3 Что же видиши сучец, иже во оцe брата твоего, бервна же, еже есть во оцe твоем, не чуеши?
4 Или како речеши брату твоему: остави, да изму сучец из очесе твоего: и се, бервно во оцe твоем?
5 Лицемeре, изми первeе бервно из очесе твоего, и тогда узриши изяти сучец из очесе брата твоего.
6 Не дадите святая псом, ни пометайте бисер ваших пред свиниями, да не поперут их ногами своими и вращшеся расторгнут вы.
7 Просите, и дастся вам: ищите, и обрящете: толцыте, и отверзется вам:
8 всяк бо просяй приемлет, и ищяй обрeтает, и толкущему отверзется.
9 Или кто есть от вас человeк, егоже аще воспросит сын его хлeба, еда камень подаст ему?
10 Или аще рыбы просит, еда змию подаст ему?
11 Аще убо вы, лукави суще, умeете даяния блага даяти чадом вашым, кольми паче Отец ваш небeсный даст блага просящым у него.
12 Вся убо, елика аще хощете, да творят вам человeцы, тако и вы творите им: се бо есть закон и пророцы.
13 Внидите узкими враты: яко пространная врата и широкий путь вводяй в пагубу, и мнози суть входящии им:
14 что узкая врата, и тeсный путь вводяй в живот, и мало их есть, иже обрeтают его.
15 Внемлите же от лживых пророк, иже приходят к вам во одеждах овчих, внутрь же суть волцы хищницы:
16 от плод их познаете их. Еда обемлют от терния грозды, или от репия смоквы?
17 Тако всяко древо доброе плоды добры творит, а злое древо плоды злы творит:
18 не может древо добро плоды злы творити, ни древо зло плоды добры творити.
19 Всяко убо древо, еже не творит плода добра, посeкают е и во огнь вметают.
20 Тeмже убо от плод их познаете их.
21 Не всяк глаголяй ми: Господи, Господи, внидет в царствие небeсное: но творяй волю Отца моего, иже есть на небесeх.
22 Мнози рекут мнe во он день: Господи, Господи, не в твое ли имя пророчествовахом, и твоим именем бeсы изгонихом, и твоим именем силы многи сотворихом?
23 И тогда исповeм им, яко николиже знах вас: отидите от мене, дeлающии беззаконие.
24 Всяк убо, иже слышит словеса моя сия и творит я, уподоблю его мужу мудру, иже созда храмину свою на камени:
25 и сниде дождь, и приидоша рeки, и возвeяша вeтри, и нападоша на храмину ту: и не падеся, основана бо бe на камени.
26 И всяк слышай словеса моя сия, и не творя их, уподобится мужу уродиву, иже созда храмину свою на песцe:
27 и сниде дождь, и приидоша рeки, и возвeяша вeтри, и опрошася храминe той, и падеся: и бe разрушение ея велие.
28 И бысть егда сконча Иисус словеса сия, дивляхуся народи о учении его:
29 бe бо учя их яко власть имeя, и не яко книжницы (и фарисее).
1 Сшедшу же ему с горы, вслeд его идяху народи мнози.
2 И се, прокажен пришед кланяшеся ему, глаголя: Господи, аще хощеши, можеши мя очестити.
3 И простер руку Иисус, коснуся ему, глаголя: хощу, очистися. И абие очистися ему проказа.
4 И глагола ему Иисус: виждь, ни комуже повeждь: но шед покажися иереови и принеси дар, егоже повелe (в законe) моисей, во свидeтелство им.
5 Вшедшу же ему в капернаум, приступи к нему сотник, моля его
6 и глаголя: Господи, отрок мой лежит в дому разслаблен, лютe стражда.
7 И глагола ему Иисус: аз пришед исцeлю его.
8 И отвeщав сотник, рече (ему): Господи, нeсмь достоин, да под кров мой внидеши: но токмо рцы слово, и исцeлeет отрок мой:
9 ибо аз человeк есмь под властию, имый под собою воины: и глаголю сему: иди, и идет: и другому: прииди, и приходит: и рабу моему: сотвори сие, и сотворит.
10 Слышав же Иисус, удивися, и рече грядущым по нем: аминь глаголю вам: ни во Израили толики вeры обрeтох.
11 Глаголю же вам, яко мнози от восток и запад приидут и возлягут со авраамом и исааком и иаковом во царствии небeснeм:
12 сынове же царствия изгнани будут во тму кромeшнюю: ту будет плачь и скрежет зубом.
13 И рече Иисус сотнику: иди, и якоже вeровал еси, буди тебe. И исцeлe отрок его в той час.
14 И пришед Иисус в дом петров, видe тещу его лежащу и огнем жегому,
15 и прикоснуся руцe ея, и остави ю огнь: и воста и служаше ему.
16 Поздe же бывшу, приведоша к нему бeсны многи: и изгна духи словом и вся болящыя исцeли:
17 да сбудется рeченное исаием пророком, глаголющим: той недуги нашя прият и болeзни понесе.
18 Видeв же Иисус многи народы окрест себе, повелe (учеником) ити на он пол.
19 И приступль един книжник, рече ему: учителю, иду по тебe, аможе аще идеши.
20 Глагола ему Иисус: лиси язвины имут, и птицы небесныя гнeзда: Сын же человeческий не имать гдe главы подклонити.
21 Другий же от ученик его рече ему: Господи, повели ми прежде ити и погребсти отца моего.
22 Иисус же рече ему: гряди по мнe и остави мертвых погребсти своя мертвецы.
23 И влeзшу ему в корабль, по нем идоша ученицы его.
24 И се, трус велик бысть в мори, якоже кораблю покрыватися волнами: той же спаше.
25 И пришедше ученицы его возбудиша его, глаголюще: Господи, спаси ны, погибаем.
26 И глагола им: что страшливи есте, маловeри? Тогда востав запрети вeтром и морю, и бысть тишина велия.
27 Человeцы же чудишася, глаголюще: кто есть сей, яко и вeтри и море послушают его?
28 И пришедшу ему на он пол, в страну гергесинскую, срeтоста его два бeсна от гроб исходяща, люта зeло, яко не мощи никому минути путем тeм.
29 И се, возописта глаголюща: что нама и тебe, Иисусе Сыне Божий? пришел еси сeмо прежде времене мучити нас.
30 Бяше же далече от нею стадо свиний много пасомо.
31 Бeси же моляху его, глаголюще: аще изгониши ны, повели нам ити в стадо свиное.
32 И рече им: идите. Они же изшедше идоша в стадо свиное: и се, (абие) устремися стадо все по брегу в море, и утопоша в водах.
33 Пасущии же бeжаша, и шедше во град, возвeстиша вся, и о бeсною.
34 И се, весь град изыде в срeтение Иисусови: и видeвше его, молиша, яко дабы прешел от предeл их.
1 И влeз в корабль, прейде и прииде во свой град.
2 И се, принесоша ему разслаблена (жилами), на одрe лежаща: и видeв Иисус вeру их, рече разслабленному: дерзай, чадо, отпущаются ти грeси твои.
3 И се, нeцыи от книжник рeша в себe: сей хулит.
4 И видeв Иисус помышления их, рече: вскую вы мыслите лукавая в сердцах своих?
5 что бо есть удобeе рещи: отпущаются ти грeси: или рещи: востани и ходи?
6 но да увeсте, яко власть имать Сын человeческий на земли отпущати грeхи: тогда глагола разслабленному: востани, возьми твой одр и иди в дом твой.
7 И востав, (взем одр свой,) иде в дом свой.
8 Видeвше же народи чудишася и прославиша Бога, давшаго власть таковую человeком.
9 И преходя Иисус оттуду, видe человeка сeдяща на мытницe, матфеа глаголема: и глагола ему: по мнe гряди. И востав по нем иде.
10 И бысть ему возлежащу в дому, и се, мнози мытари и грeшницы пришедше возлежаху со Иисусом и со ученики его.
11 И видeвше фарисее, глаголаху учеником его: почто с мытари и грeшники учитель ваш яст и пиет?
12 Иисус же слышав рече им: не требуют здравии врача, но болящии:
13 шедше же научитеся, что есть: милости хощу, а не жертвы? не приидох бо призвати првдники, но грeшники на покаяние.
14 Тогда приступиша к нему ученицы иоанновы, глаголюще: почто мы и фарисее постимся много, ученицы же твои не постятся?
15 И рече им Иисус: еда могут сынове брачнии плакати, елико время с ними есть жених? Приидут же дние, егда отимется от них жених, и тогда постятся.
16 Никтоже бо приставляет приставления плата небeлена ризe ветсe: возмет бо кончину свою от ризы (отторгнет бо приставление его от ризы нeчто), и горша дира будет.
17 Ниже вливают вина нова в мeхи ветхи: аще ли же ни, то просадятся мeси, и вино пролиется, и мeси погибнут: но вливают вино ново в мeхи новы, и обое соблюдется.
18 Сия ему глаголющу к ним, се, князь нeкий пришед кланяшеся ему, глаголя, яко дщи моя нынe умре: но пришед возложи на ню руку твою, и оживет.
19 И востав Иисус по нем иде, и ученицы его.
20 И се, жена кровоточива дванадесяте лeт, приступльши созади, прикоснуся воскрилию ризы его,
21 глаголаше бо в себe: аще токмо прикоснуся ризe его, спасена буду.
22 Иисус же обращься и видeв ю, рече: дерзай, дщи, вeра твоя спасе тя. И спасена бысть жена от часа того.
23 И пришед Иисус в дом княжь, и видeв сопцы и народ молвящь,
24 глагола им: отидите, не умре бо дeвица, но спит. И ругахуся ему.
25 Егда же изгнан бысть народ, вшед ят ю за руку: и воста дeвица.
26 И изыде вeсть сия по всей земли той.
27 И преходящу оттуду Иисусови, по нем идоста два слeпца, зовуща и глаголюща: помилуй ны, (Иисусе) Сыне давидов.
28 Пришедшу же ему в дом, приступиста к нему слeпца, и глагола има Иисус: вeруета ли, яко могу сие сотворити? Глаголаста ему: ей, Господи.
29 Тогда прикоснуся очию их, глаголя: по вeрe ваю буди вама.
30 И отверзостася очи има: и запрети има Иисус, глаголя: блюдита, да никтоже увeсть.
31 Она же изшедша прослависта его по всей земли той.
32 Тeма же исходящема, се, приведоша к нему человeка нeма бeснуема.
33 И изгнану бeсу, проглагола нeмый. И дивишася народи, глаголюще, яко николиже явися тако во Израили.
34 Фарисее же глаголаху: о князи бeсовстeм изгонит бeсы.
35 И прохождаше Иисус грады вся и веси, учя на сонмищих их, и проповeдая евангелие царствия, и цeля всяк недуг и всяку язю в людех.
36 Видeв же народы, милосердова о них, яко бяху смятени и отвержени, яко овцы не имущыя пастыря.
37 Тогда глагола учеником своим: жатва убо многа, дeлателей же мало:
38 молитеся убо Господину жатвы, яко да изведет дeлатели на жатву свою.
1 И призва обанадесять ученики своя, даде им власть на дусeх нечистых, яко да изгонят их, и цeлити всяк недуг и всяку болeзнь.
2 Дванадесятих же апостолов имена суть сия: первый симон, иже нарицается петр, и андрей брат его: иаков зеведеев и иоанн брат его:
3 филипп и варфоломей: фома и матфей мытарь: иаков алфеев и леввей, нарeченный фаддей:
4 симон кананит и иуда искариотский, иже и предаде его.
5 Сия обанадесять посла Иисус, заповeда им, глаголя: на путь язык не идите и во град самарянский не внидите:
6 идите же паче ко овцам погибшым дому Израилева:
7 ходяще же проповeдуйте, глаголюще, яко приближися царствие небeсное:
8 болящыя исцeляйте, прокаженныя очищайте, мертвыя воскрешайте, бeсы изгоняйте: туне приясте, туне дадите.
9 Не стяжите злата, ни сребра, ни мeди при поясeх ваших,
10 ни пиры в путь, ни двою ризу, ни сапог, ни жезла: достоин бо есть дeлатель мзды своея.
11 В оньже аще (колиждо) град или весь внидете, испытайте, кто в нем достоин есть, и ту пребудите, дондеже изыдете:
12 входяще же в дом цeлуйте его, глаголюще: мир дому сему:
13 и аще убо будет дом достоин, приидет мир ваш нань: аще ли же не будет достоин, мир ваш к вам возвратится.
14 И иже аще не приимет вас, ниже послушает словес ваших, исходяще из дому или из града того, оттрясите прах ног ваших:
15 аминь глаголю вам: отраднeе будет земли содомстeй и гоморрстeй в день судный, неже граду тому.
16 Се, аз посылаю вас яко овцы посредe волков: будите убо мудри яко змия, и цeли яко голубие.
17 Внемлите же от человeк: предадят бо вы на сонмы, и на соборищих их биют вас,
18 и пред владыки же и цари ведени будете мене ради, во свидeтелство им и языком.
19 Егда же предают вы, не пецытеся, како или что возглаголете: дастбося вам в той час, что возглаголете:
20 не вы бо будете глаголющии, но дух Отца вашего глаголяй в вас.
21 Предаст же брат брата на смерть, и отец чадо: и востанут чада на родители и убиют их:
22 и будете ненавидими всeми имене моего ради: претерпeвый же до конца, той спасен будет.
23 Егда же гонят вы во градe сем, бeгайте в другий. Аминь бо глаголю вам: не имате скончати грады Израилевы, дондеже приидет Сын человeческий.
24 Нeсть ученик над учителя (своего), ниже раб над господина своего:
25 довлeет ученику, да будет яко учитель его, и раб яко господь его. Аще господина дому веельзевула нарекоша, кольми паче домашния его?
26 Не убойтеся убо их: ничтоже бо есть покровено, еже не открыется, и тайно, еже не увeдeно будет.
27 Еже глаголю вам во тмe, рцыте во свeтe: и еже во ушы слышите, проповeдите на кровeх.
28 И не убойтеся от убивающих тeло, души же не могущих убити: убойтеся же паче могущаго и душу и тeло погубити в гееннe.
29 Не двe ли птицe цeнитeся единому ассарию? и ни едина от них падет на земли без Отца вашего:
30 вам же и власи главнии вси изочтени суть:
31 не убойтеся убо: мнозeх птиц лучши есте вы.
32 Всяк убо иже исповeсть мя пред человeки, исповeм его и аз пред Отцем моим, иже на небесeх:
33 а иже отвержется мене пред человeки, отвергуся его и аз пред Отцем моим, иже на небесeх.
34 Не мните, яко приидох воврещи мир на землю: не приидох воврещи мир, но мечь:
35 приидох бо разлучити человeка на отца своего, и дщерь на матерь свою, и невeсту на свекровь свою.
36 И врази человeку домашнии его.
37 Иже любит отца или матерь паче мене, нeсть мене достоин: и иже любит сына или дщерь паче мене, нeсть мене достоин:
38 и иже не приимет креста своего и вслeд мене грядет, нeсть мене достоин.
39 Обрeтый душу свою погубит ю: а иже погубит душу свою мене ради, обрящет ю.
40 Иже вас приемлет, мене приемлет: и иже приемлет мене, приемлет пославшаго мя:
41 приемляй пророка во имя пророчо, мзду пророчу приимет: и приемляй праведника во имя праведничо, мзду праведничу приимет:
42 и иже аще напоит единаго от малых сих чашею студены воды токмо, во имя ученика, аминь глаголю вам, не погубит мзды своея.
1 И бысть, егда соверши Иисус заповeдая обeманадесяте ученикома своима, прейде оттуду учити и проповeдати во градeх их.
2 Иоанн же слышав во узилищи дeла Христова, посла два от ученик своих,
3 рече ему: ты ли еси грядый, или иного чаем?
4 И отвeщав Иисус рече има: шедша возвeстита иоаннови, яже слышита и видита:
5 слeпии прозирают и хромии ходят, прокаженнии очищаются и глусии слышат, мертвии востают и нищии благовeствуют:
6 и блажен есть, иже аще не соблазнится о мнe.
7 Тeма же исходящема, начат Иисус народом глаголати о иоаннe: чесо изыдосте в пустыню видeти? трость ли вeтром колеблему?
8 Но чесо изыдосте видeти? человeка ли в мягки ризы облеченна? Се, иже мягкая носящии, в домeх царских суть.
9 Но чесо изыдосте видeти? пророка ли? Ей, глаголю вам, и лишше пророка.
10 Сей бо есть, о немже есть писано: се, аз посылаю ангела моего пред лицем твоим, иже уготовит путь твой пред тобою.
11 Аминь глаголю вам, не воста в рожденных женами болий иоанна крестителя: мний же во царствии небeснeм болий его есть.
12 От дний же иоанна крестителя доселe царствие небeсное нудится (с нуждею восприемлется), и нуждницы восхищают е:
13 вси бо пророцы и закон до иоанна прорекоша.
14 И аще хощете прияти, той есть илиа хотяй приити:
15 имeяй ушы слышати да слышит.
16 Кому же уподоблю род сей? Подобен есть дeтем сeдящым на торжищих, и возглашающым другом своим
17 и глаголющым: пискахом вам, и не плясасте: плакахом вам, и не рыдасте.
18 Прииде бо иоанн ни ядый, ни пияй: и глаголют: бeса имать.
19 Прииде Сын человeческий ядый и пияй: и глаголют: се, человeк ядца и винопийца, мытарем друг и грeшником. И оправдися премудрость от чад своих.
20 Тогда начат Иисус поношати градовом, в нихже быша множайшыя силы его, зане не покаяшася:
21 горе тебe, хоразине, горе тебe, вифсаидо: яко аще в тирe и сидонe быша силы были бывшыя в вас, древле убо во вретищи и пепелe покаялися быша:
22 обаче глаголю вам тиру и сидону отраднeе будет в день судный, неже вам.
23 И ты, капернауме, иже до небес вознесыйся, до ада снидеши: зане аще в содомeх быша силы были бывшыя в тебe, пребыли убо быша до днешняго дне:
24 обаче глаголю вам, яко земли содомстeй отраднeе будет в день судный, неже тебe.
25 В то время отвeщав Иисус рече: исповeдаютися, Отче, Господи небесе и земли, яко утаил еси сия от премудрых и разумных и открыл еси та младенцем:
26 ей, Отче, яко тако бысть благоволение пред тобою.
27 Вся мнe предана суть Отцем моим: и никтоже знает Сына, токмо Отц: ни Отца кто знает, токмо Сын, и емуже аще волит Сын открыти.
28 Приидите ко мнe вси труждающиися и обремененнии, и аз упокою вы:
29 возмите иго мое на себе и научитеся от мене, яко кроток есмь и смирен срдцем: и обрящете покой душам вашым:
30 иго бо мое благо, и бремя мое легко есть.
1 В то время иде Иисус в субботы сквозe сeяния: ученицы же его взалкаша и начаша востерзати класы и ясти.
2 Фарисее же видeвше рeша ему: се, ученицы твои творят, егоже не достоит творити в субботу.
3 Он же рече им: нeсте ли чли, что сотвори давид, егда взалка сам и сущии с ним?
4 како вниде в храм Божий и хлeбы предложения Сынeде, ихже не достойно бe ему ясти, ни сущым с ним, токмо иереем единым?
5 или нeсте чли в законe, яко в субботы священницы в церкви субботы сквернят и неповинни суть?
6 глаголю же вам, яко церкве болe есть здe:
7 аще ли бысте вeдали, что есть: милости хощу, а не жертвы, николиже убо бысте осуждали неповинных:
8 господь бо есть и субботы Сын человeческий.
9 И прешед оттуду, прииде на сонмище их.
10 И се, человeк бe ту, руку имый суху. И вопросиша его, глаголюще: аще достоит в субботы цeлити? да на него возглаголют.
11 Он же рече им: кто есть от вас человeк, иже имать овча едино, и аще впадет сие в субботы в яму, не имет ли е и измет?
12 кольми убо лучши есть человeк овчате? тeмже достоит в субботы добро творити.
13 Тогда глагола человeку: простри руку твою. И простре: и утвердися цeла яко другая.
14 Фарисее же шедше совeт сотвориша на него, како его погубят. Иисус же разумeв отиде оттуду.
15 И по нем идоша народи мнози, и исцeли их всeх:
16 и запрети им, да не явe его творят:
17 яко да сбудется реченное исаием пророком, глаголющим:
18 се, отрок мой, егоже изволих, возлюбленный мой, наньже благоволи душа моя: положу дух мой на нем, и суд языком возвeстит:
19 не преречет, ни возопиет, ниже услышит кто на распутиих гласа его:
20 трости сокрушенны не преломит и лена внемшася не угасит, дондеже изведет в побeду суд:
21 и на имя его языцы уповати имут.
22 Тогда приведоша к нему бeснующася слeпа и нeма: и исцeли его, яко слeпому и нeмому глаголати и глядати.
23 И дивляхуся вси народи глаголюще: еда сей есть (Христос) Сын давидов?
24 Фарисее же слышавше рeша: сей не изгонит бeсы, токмо о веельзевулe князи бeсовстeм.
25 Вeдый же Иисус мысли их, рече им: всякое царство раздeльшееся на ся запустeет, и всяк град или дом раздeливыйся на ся не станет.
26 И аще сатана сатану изгонит, на ся раздeлился есть: како убо станет царство его?
27 И аще аз о веельзевулe изгоню бeсы, сынове ваши о ком изгонят? сего ради тии вам будут судии.
28 Аще ли же аз о дусe Божии изгоню бeсы, убо постиже на вас царствие Божие.
29 Или како может кто внити в дом крeпкаго и сосуды его расхитити, аще не первeе свяжет крeпкаго, и тогда дом его расхитит?
30 Иже нeсть со мною, на мя есть: и иже не собирает со мною, расточает.
31 Сего ради глаголю вам: всяк грeх и хула отпустится человeком: а яже на духа хула не отпустится человeком:
32 и иже аще речет слово на Сына человeческаго, отпустится ему: а иже речет на духа святаго, не отпустится ему ни в сей вeк, ни в будущий.
33 Или сотворите древо добро и плод его добр: или сотворите древо зло и плод его зол: от плода бо древо познано будет.
34 Порождения ехиднова, како можете добро глаголати, зли суще? От избытка бо сердца уста глаголют.
35 Благий человeк от благаго сокровища износит благая: и лукавый человeк от лукаваго сокровища износит лукавая.
36 Глаголю же вам, яко всяко слово праздное, еже аще рекут человeцы, воздадят о нем слово в день судный:
37 от словес бо своих оправдишися и от словес своих осудишися.
38 Тогда отвeщаша нeцыи от книжник и фарисей, глаголюще: учителю, хощем от тебе знамение видeти.
39 Он же отвeщав рече им: род лукав и прелюбодeй знамения ищет, и знамение не дастся ему, токмо знамение ионы пророка:
40 якоже бо бe иона во чревe китовe три дни и три нощы, тако будет и Сын человeческий в сердцы земли три дни и три нощы.
41 Мужие ниневитстии востанут на суд с родом сим и осудят его, яко покаяшася проповeдию иониною: и се, болe ионы здe.
42 Царица южская востанет на суд с родом сим и осудит и, яко прииде от конец земли слышати премудрость соломонову: и се, болe соломона здe.
43 Егда же нечистый дух изыдет от человeка, преходит сквозe безводная мeста, ищя покоя, и не обрeтает:
44 тогда речет: возвращуся в дом мой, отнюдуже изыдох. И пришед обрящет празден, пометен и украшен:
45 тогда идет и поймет с собою седмь иных духов лютeйших себе, и вшедше живут ту: и будут послeдняя человeку тому горша первых. Тако будет и роду сему лукавому.
46 Еще же ему глаголющу к народом, се, мати (его) и братия его стояху внe, ищуще глаголати ему.
47 Рече же нeкий ему: се, мати твоя и братия твоя внe стоят, хотяще глаголати тебe.
48 Он же отвeщав рече ко глаголющему ему: кто есть мати моя, и кто суть братия моя?
49 И простер руку свою на ученики своя, рече: се, мати моя и братия моя:
50 иже бо аще сотворит волю Отца моего, иже есть на небесeх, той брат мой, и сестра, и мати (ми) есть.
1 В день же той изшед Иисус из дому, сeдяше при мори.
2 И собрашася к нему народи мнози, якоже ему в корабль влeзти и сeсти: и весь народ на брезe стояше.
3 И глагола им притчами много, глаголя: се, изыде сeяй, да сeет:
4 и сeющу ему, ова падоша при пути, и приидоша птицы и позобаша я:
5 другая же падоша на каменных, идeже не имeяху земли многи, и абие прозябоша, зане не имeяху глубины земли:
6 солнцу же возсиявшу присвянуша, и зане не имeяху корения, изсхоша:
7 другая же падоша в тернии, и взыде терние и подави их:
8 другая же падоша на земли добрeй и даяху плод, ово убо сто, ово же шестьдесят, ово же тридесять:
9 имeяй ушы слышати да слышит.
10 И приступивше ученицы (его) рекоша ему: почто притчами глаголеши им?
11 Он же отвeщав рече им: яко вам дано есть разумeти тайны царствия небeснаго, онeм же не дано есть:
12 иже бо имать, дастся ему и преизбудет (ему): а иже не имать, и еже имать, возмется от него:
13 сего ради в притчах глаголю им, яко видяще не видят, и слышаще не слышат, ни разумeют:
14 и сбывается в них пророчество исаиино, глаголющее: слухом услышите, и не имате разумeти: и зряще узрите, и не имате видeти:
15 отолстe бо сердце людий сих, и ушима тяжко слышаша, и очи свои смежиша, да не когда узрят очима, и ушима услышат, и сердцем уразумeют, и обратятся, и исцeлю их.
16 Ваша же блаженна очеса, яко видят, и уши ваши, яко слышат:
17 аминь бо глаголю вам, яко мнози пророцы и првдницы вожделeша видeти, яже видите, и не видeша, и слышати, яже слышите, и не слышаша.
18 Вы же услышите притчу сeющаго:
19 всякому слышащему слово царствия и не разумeвающу, приходит лукавый и восхищает всeянное в сердцы его: сие есть, еже при пути сeянное.
20 А на камени сeянное, сие есть слышай слово и абие с радостию приемлет е:
21 не имать же корене в себe, но привременен есть: бывши же печали или гонению словесе ради, абие соблажняется.
22 А сeянное в тернии, се есть слышай слово, и печаль вeка сего и лесть богатства подавляет слово, и без плода бывает.
23 А сeянное на добрeй земли, се есть слышай слово и разумeвая: иже убо плод приносит и творит ово сто, ово же шестьдесят, ово тридесять.
24 Ину притчу предложи им, глаголя: уподобися царствие небeсное человeку, сeявшу доброе сeмя на селe своем:
25 спящым же человeком, прииде враг его и всeя плевелы посредe пшеницы и отиде:
26 егда же прозябе трава и плод сотвори, тогда явишася и плевелие.
27 Пришедше же раби господина, рeша ему: господи, не доброе ли сeмя сeял еси на селe твоем? откуду убо имать плевелы?
28 Он же рече им: враг человeк сие сотвори. Раби же рeша ему: хощеши ли убо, да шедше исплевем я?
29 Он же рече (им): ни: да не когда восторгающе плевелы, восторгнете купно с ними (и) пшеницу:
30 оставите расти обое купно до жатвы: и во время жатвы реку жателем: соберите первeе плевелы и свяжите их в Сынопы, яко сожещи я: а пшеницу соберите в житницу мою.
31 Ину притчу предложи им, глаголя: подобно есть царствие небeсное зерну горушичну, еже взем человeк всeя на селe своем,
32 еже малeйше убо есть от всeх сeмен: егда же возрастет, болeе (всeх) зелий есть и бывает древо, яко приити птицам небесным и витати на вeтвех его.
33 Ину притчу глагола им: подобно есть царствие небeсное квасу, егоже вземши жена скры в сатeх триех муки, дондеже вскисоша вся.
34 Сия вся глагола Иисус в притчах народом, и без притчи ничесоже глаголаше к ним:
35 яко да сбудется реченное пророком, глаголющим: отверзу в притчах уста моя: отрыгну сокровенная от сложения мира.
36 Тогда оставль народы, прииде в дом Иисус. И приступиша к нему ученицы его, глаголюще: скажи нам притчу плевел селных.
37. Он же отвeщав рече им: сeявый доброе сeмя есть Сын человeческий:
38 а село есть мир: доброе же сeмя, сии суть Сынове царствия, а плевелие суть сынове неприязненнии:
39 а враг всeявый их есть диавол: а жатва кончина вeка есть: а жатели ангели суть.
40 Якоже убо собирают плевелы и огнем сожигают, тако будет в скончание вeка сего:
41 послет Сын человeческий ангелы своя, и соберут от царствия его вся соблазны и творящих беззаконие
42 и ввергут их в пещь огненну: ту будет плачь и скрежет зубом:
43 тогда правдницы просвeтятся яко солнце в царствии Отца их. Имeяй ушы слышати да слышит.
44 Паки подобно есть царствие небeсное сокровищу сокровену на селe, еже обрeт человeк скры, и от радости его идет, и вся, елика имать, продает, и купует село то.
45 Паки подобно есть царствие небeсное человeку купцу, ищущу добрых бисерей,
46 иже обрeт един многоцeнен бисер, шед продаде вся, елика имяше, и купи его.
47. Паки подобно есть царствие небeсное неводу ввержену в море и от всякаго рода собравшу,
48 иже егда исполнися, извлекоша и на край, и сeдше избраша добрыя в сосуды, а злыя извергоша вон.
49 Тако будет в скончание вeка: изыдут ангели, и отлучат злыя от среды првдных,
50 и ввергут их в пещь огненную: ту будет плачь и скрежет зубом.
51 Глагола им Иисус: разумeсте ли сия вся? Глаголаша ему: ей, Господи.
52 Он же рече им: сего ради всяк книжник, научився царствию небeсному, подобен есть человeку домовиту, иже износит от сокровища своего новая и ветхая.
53 И бысть, егда сконча Иисус притчи сия, прейде оттуду.
54 И пришед во отечествие свое, учаше их на сонмищи их, яко дивитися им и глаголати: откуду сему премдрость сия и силы?
55 не сей ли есть тектонов Сын? не мати ли его нарицается мариам, и братия его иаков и иосий, и симон и иуда?
56 и сестры его не вся ли в нас суть? откуду убо сему сия вся?
57 И блажняхуся о нем. Иисус же рече им: нeсть пророк без чести, токмо во отечествии своем и в дому своем.
58 И не сотвори ту сил многих за невeрство их.
1 В то время услыша ирод четвертовластник слух Иисусов
2 и рече отроком своим: сей есть иоанн креститель: той воскресе от мертвых, и сего ради силы дeются о нем.
3 Ирод бо емь иоанна, связа его и всади в темницу, иродиады ради жены филиппа брата своего:
4 глаголаше бо ему иоанн: не достоит ти имeти ея.
5 И хотящь его убити, убояся народа, зане яко пророка его имeяху.
6 Дню же бывшу рождества иродова, пляса дщи иродиадина посредe и угоди иродови:
7 тeмже и с клятвою изрече ей дати, егоже аще воспросит.
8 Она же наваждена материю своею, даждь ми, рече, здe на блюдe главу иоанна крестителя.
9 И печален бысть царь: клятвы же ради и за возлежащих с ним, повелe дати (ей)
10 и послав усeкну иоанна в темницe.
11 И принесоша главу его на блюдe и даша дeвицe: и отнесе матери своей.
12 И приступльше ученицы его взяша тeло (его) и погребоша е: и пришедше возвeстиша Иисусови.
13 И слышав Иисус отиде оттуду в корабли в пусто мeсто един (особь): и слышавше народи по нем идоша пeши от градов.
14 И изшед Иисус видe мног народ, и милосердова о них, и исцeли недужныя их.
15 Поздe же бывшу, приступиша к нему ученицы его, глаголюще: пусто есть мeсто, и час уже мину: отпусти народы, да шедше в веси купят брашна себe.
16 Иисус же рече им: не требуют отити: дадите им вы ясти.
17 Они же глаголаша ему: не имамы здe токмо пять хлeб и двe рыбe.
18. Он же рече: принесите ми их сeмо.
19 И повелeв народом возлещи на травe, и прием пять хлeб и обe рыбe, воззрeв на небо, благослови и преломив даде учеником хлeбы, ученицы же народом.
20 И ядоша вси и насытишася: и взяша избытки укрух, дванадесять кошя исполнь:
21 ядущих же бe мужей яко пять тысящ, развe жен и дeтей.
22 И абие понуди Иисус ученики своя влeзти в корабль и варити его на оном полу (предити ему на он пол), дондеже отпустит народы.
23 И отпустив народы, взыде на гору един помолитися: поздe же бывшу, един бe ту.
24 Корабль же бe посредe моря влаяся волнами: бe бо противен вeтр.
25 В четвертую же стражу нощи иде к ним Иисус, ходя по морю.
26 И видeвше его ученицы по морю ходяща, смутишася, глаголюще, яко призрак есть: и от страха возопиша.
27 Абие же рече им Иисус, глаголя: дерзайте: аз есмь, не бойтеся.
28 Отвeщав же петр рече: Господи, аще ты еси, повели ми приити к тебe по водам.
29 Он же рече: прииди. И излeз из корабля петр, хождаше по водам, приити ко Иисусови:
30 видя же вeтр крeпок, убояся, и начен утопати, возопи, глаголя: Господи, спаси мя.
31 И абие Иисус простер руку, ят его и глагола ему: маловeре, почто усумнeлся еси?
32 И влeзшема има в корабль, преста вeтр.
33 Сущии же в корабли пришедше поклонишася ему, глаголюще: воистинну Божий Сын еси.
34 И прешедше приидоша в землю геннисарефскую.
35 И познавше его мужие мeста того, послаша во всю страну ту, и принесоша к нему вся болящыя:
36 и моляху его, да токмо прикоснутся вскрилию ризы его: и елицы прикоснушася, спасени быша.
1 Тогда приступиша ко Иисусови иже от иерусалима книжницы и фарисее, глаголюще:
2 почто ученицы твои преступают предание старец? не умывают бо рук своих, егда хлeб ядят.
3 Он же отвeщав рече им: почто и вы преступаете заповeдь Божию за предание ваше?
4 Бог бо заповeда, глаголя: чти отца и матерь: и: иже злословит отца или матерь, смертию да умрет.
5 Вы же глаголете: иже аще речет отцу или матери: дар, имже бы от мене пользовался еси:
6 и да не почтит отца своего или матере (матере своея): и разористе заповeдь Божию за предание ваше.
7 Лицемeри, добрe пророчествова о вас исаиа, глаголя:
8 приближаются мнe людие сии усты своими и устнами чтут мя: сердце же их далече отстоит от мене:
9 всуе же чтут мя, учаще учением, заповeдем человeческим.
10 И призвав народы, рече им: слышите и разумeйте:
11 не входящее во уста сквернит человeка: но исходящее изо уст, то сквернит человeка.
12 Тогда приступльше ученицы его рeша ему: вeси ли, яко фарисее слышавше слово соблазнишася?
13 Он же отвeщав рече: всяк сад, егоже не насади Отец мой небeсный, искоренится:
14 оставите их: вожди суть слeпи слeпцем: слeпец же слeпца аще водит, оба в яму впадетася.
15 Отвeщав же петр рече ему: скажи нам притчу сию.
16 Иисус же рече (им): единаче (еще) ли и вы без разума есте?
17 не у ли разумeваете, яко всяко, еже входит во уста, во чрево вмeщается и афедроном исходит?
18 исходящая же изо уст, от сердца исходят, и та сквернят человeка:
19 от сердца бо исходят помышления злая, убийства, прелюбодeяния, любодeяния, татьбы, лжесвидeтелства, хулы:
20 сия суть сквернящая человeка: а еже неумовенныма рукама ясти, не сквернит человeка.
21 И изшед оттуду Иисус, отиде во страны тирския и сидонския.
22 И се, жена хананейска, от предeл тeх изшедши, возопи к нему глаголющи: помилуй мя, Господи, Сыне давидов, дщи моя злe бeснуется.
23 Он же не отвeща ей словесе. И приступльше ученицы его, моляху его, глаголюще: отпусти ю, яко вопиет вслeд нас.
24 Он же отвeщав рече: нeсмь послан, токмо ко овцам погибшым дому Израилева.
25 Она же пришедши поклонися ему, глаголющи: Господи, помози ми.
26 Он же отвeщав рече: нeсть добро отяти хлeба чадом и поврещи псом.
27 Она же рече: ей, Господи: ибо и пси ядят от крупиц падающих от трапезы господей своих.
28 Тогда отвeщав Иисус рече ей: о!, жено, велия вeра твоя: буди тебe якоже хощеши. И исцeлe дщи ея от того часа.
29 И прешед оттуду Иисус, прииде на море галилейское, и возшед на гору, сeде ту.
30 И приступиша к нему народи мнози, имуще с собою хромыя, слeпыя, нeмыя, бeдныя и ины многи, и привергоша их к ногама Иисусовыма: и исцeли их:
31 якоже народом дивитися, видящим нeмыя глаголюща, бeдныя здравы, хромыя ходящя и слeпыя видящя: и славляху Бога Израилева.
32 Иисус же призвав ученики своя, рече (им): милосердую о народe (сем), яко уже дни три присeдят мнe и не имут чесо ясти: и отпустити их не ядших не хощу, да не како ослабeют на пути.
33 И глаголаша ему ученицы его: откуду нам в пустыни хлeби толицы, яко да насытится толик народ?
34 И глагола им Иисус: колико хлeбы имате? Они же рeша: седмь, и мало рыбиц.
35 И повелe народом возлещи на земли,
36 и приемь седмь хлeбы и рыбы, хвалу воздав преломи и даде учеником своим, ученицы же народом.
37 И ядоша вси и насытишася: и взяша избытки укрух, седмь кошниц исполнь:
38 ядших же бяше четыре тысящы мужей, развe жен и дeтей.
39 И отпустив народы, влeзе в корабль и прииде в предeлы магдалински.
1 И приступиша (к нему) фарисее и саддукее, искушающе просиша его знамение с небесе показати им.
2 Он же отвeщав рече им: вечеру бывшу, глаголете: ведро, чермнуетбося небо:
3 и утру: днесь зима, чермнуетбося дряселуя небо. Лицемeри, лице убо небесе умeете разсуждати, знамений же временом не можете (искусити).
4 Род лукав и прелюбодeйный знамения ищет: и знамение не дастся ему, токмо знамение ионы пророка. И оставль их, отиде.
5 И прешедше ученицы его на он пол, забыша хлeбы взяти.
6 Иисус же рече им: внемлите и блюдитеся от кваса фарисейска и саддукейска.
7 Они же помышляху в себe, глаголюще: яко хлeбы не взяхом.
8 Разумeв же Иисус рече им: что мыслите в себe, маловeри, яко хлeбы не взясте?
9 не у ли разумeете, ниже помните пять хлeбы пятим тысящам, и колико кош взясте?
10 ни ли седмь хлeбы четырем тысящам, и колико кошниц взясте?
11 како не разумeете, яко не о хлeбeх рeх вам внимати, (но) от кваса фарисейска и саддукейска?
12 Тогда разумeша, яко не рече хранитися от кваса хлeбнаго, но от учения фарисейска и саддукейска.
13 Пришед же Иисус во страны кесарии филипповы, вопрошаше ученики своя, глаголя: кого мя глаголют человeцы быти, Сына человeческаго?
14 Они же рeша: ови убо иоанна крестителя, инии же илию, друзии же иеремию или единаго от пророк.
15 Глагола им (Иисус): вы же кого мя глаголете быти?
16 Отвeщав же симон петр рече: ты еси Христос, Сын Бога живаго.
17 И отвeщав Иисус рече ему: блажен еси, симоне, вар иона, яко плоть и кровь не яви тебe, но Отец мой, иже на небесeх:
18 и аз же тебe глаголю, яко ты еси петр, и на сем камени созижду церковь мою, и врата адова не одолeют ей:
19 и дам ти ключи царства небeснаго: и еже аще свяжеши на земли, будет связано на небесeх: и еже аще разрeшиши на земли, будет разрeшено на небесeх.
20 Тогда запрети Иисус учеником своим, да ни комуже рекут, яко сей есть Иисус Христос.
21 Оттолe начат Иисус сказовати учеником своим, яко подобает ему ити во иерусалим и много пострадати от старец и архиерей и книжник, и убиену быти, и в третий день востати.
22 И поемь его петр, начат прерeцати ему глаголя: милосерд ты, Господи: не имать быти тебe сие.
23 Он же обращься рече петрови: иди за мною, сатано, соблазн ми еси: яко не мыслиши яже (суть) Божия, но человeческая.
24 Тогда Иисус рече учеником своим: аще кто хощет по мнe ити, да отвержется себе и возмет крест свой и по мнe грядет:
25 иже бо аще хощет душу свою спасти, погубит ю: и иже аще погубит душу свою мене ради, обрящет ю:
26 кая бо польза человeку, аще мир весь приобрящет, душу же свою отщетит? или что даст человeк измeну за душу свою?
27 приити бо имать Сын человeческий во славe Отца своего со ангелы своими, и тогда воздаст комуждо по дeянием его:
28 аминь глаголю вам, (яко) суть нeцыи от здe стоящих, иже не имут вкусити смерти, дондеже видят Сына человeческаго грядуща во царствии своем.
1 И по днех шестих поят Иисус петра и иакова и иоанна брата его, и возведе их на гору высоку едины,
2 и преобразися пред ними: и просвeтися лице его яко солнце, ризы же его быша бeлы яко свeт.
3 И се, явистася им моисей и илиа, с ним глаголюща.
4 Отвeщав же петр рече (ко) Иисусови: Господи, добро есть нам здe быти: аще хощеши, сотворим здe три сeни, тебe едину, и моисеови едину, и едину илии.
5 Еще (же) ему глаголющу, се, облак свeтел осeни их: и се, глас из облака глаголя: сей есть Сын мой возлюбленный, о немже благоволих: того послушайте.
6 И слышавше ученицы падоша ницы и убояшася зeло.
7 И приступль Иисус прикоснуся их и рече: востаните и не бойтеся.
8 Возведше же очи свои, ни когоже видeша, токмо Иисуса единаго.
9 И сходящым им с горы, заповeда им Иисус, глаголя: ни комуже повeдите видeния, дондеже Сын человeческий из мертвых воскреснет.
10 И вопросиша его ученицы его, глаголюще: что убо книжницы глаголют, яко илии подобает приити прежде?
11 Иисус же отвeщав рече им: илиа убо приидет прежде и устроит вся:
12 глаголю же вам, яко илиа уже прииде, и не познаша его, но сотвориша о нем, елика восхотeша: тако и Сын человeческий имать пострадати от них.
13 Тогда разумeша ученицы, яко о иоаннe крестители рече им.
14 И пришедшым им к народу, приступи к нему человeк, кланяяся ему
15 и глаголя: Господи, помилуй сына моего, яко на новы мeсяцы бeснуется и злe страждет: множицею бо падает во огнь и множицею в воду:
16 и приведох его ко учеником твоим, и не возмогоша его исцeлити.
17 Отвeщав же Иисус рече: о!, роде невeрный и развращенный, доколe буду с вами? доколe терплю вам? приведите ми его сeмо.
18 И запрети ему Иисус, и изыде из него бeс: и исцeлe отрок от часа того.
19 Тогда приступльше ученицы ко Иисусу на единe, рeша: почто мы не возмогохом изгнати его?
20 Иисус же рече им: за невeрствие ваше: аминь бо глаголю вам: аще имате вeру яко зерно горушно, речете горe сей: прейди отсюду тамо, и прейдет: и ничтоже невозможно будет вам:
21 сей же род не исходит, токмо молитвою и постом.
22 Живущым же им в галилеи, рече им Иисус: предан имать быти Сын человeческий в руцe человeком,
23 и убиют его, и в третий день востанет. И скорбни быша зeло.
24 Пришедшым же им в капернаум, приступиша приемлющии дидрахмы к петрови и рeша: учитель ваш не даст ли дидрахмы?
25 Глаголя: ей. И егда вниде в дом, предвари его Иисус, глаголя: что ти мнится, симоне? царие земстии от киих приемлют дани или кинсон? от своих ли сынов, или от чужих?
26 Глагола ему петр: от чужих. Рече ему Иисус: убо свободни суть сынове:
27 но да не соблазним их, шед на море, верзи удицу, и, юже прежде имеши рыбу, возми: и отверз уста ей, обрящеши статир: той взем даждь им за мя и за ся.
1 В той час приступиша ученицы ко Иисусу, глаголюще: кто убо болий есть в царствии небeснeм?
2 И призвав Иисус отроча, постави е посредe их
3 и рече: аминь глаголю вам, аще не обратитеся и будете яко дeти, не внидете в царство небeсное:
4 иже убо смирится яко отроча сие, той есть болий во царствии небeснeм:
5 и иже аще приимет отроча таково во имя мое, мене приемлет:
6 а иже аще соблазнит единаго малых сих вeрующих в мя, уне есть ему, да обeсится жернов оселский на выи его, и потонет в пучинe морстeй.
7 Горе миру от соблазн: нужда бо есть приити соблазном: обаче горе человeку тому, имже соблазн приходит.
8 Аще ли рука твоя или нога твоя соблажняет тя, отсeцы ю и верзи от себе: добрeйше ти есть внити в живот хрому или бeдну (без руки), неже двe руцe и двe нозe имущу ввержену быти во огнь вeчный:
9 и аще око твое соблажняет тя, изми е и верзи от себе: добрeйше ти есть со единeм оком в живот внити, неже двe оцe имущу ввержену быти в геенну огненную.
10 Блюдите, да не презрите единаго (от) малых сих: глаголю бо вам, яко ангели их на небесeх выну видят лице Отца моего небeснаго.
11 Прииде бо Сын человeческий (взыскати и) спасти погибшаго.
12 Что вам мнится? Аще будет нeкоему человeку сто овец, и заблудит едина от них: не оставит ли девятьдесят и девять в горах и шед ищет заблуждшия?
13 и аще будет (приключится) обрeсти ю, аминь глаголю вам, яко радуется о ней паче, неже о девятидесятих и девяти не заблуждших.
14 Тако нeсть воля пред Отцем вашим небeсным, да погибнет един от малых сих.
15 Аще же согрeшит к тебe брат твой, иди и обличи его между тобою и тeм единeм: аще тебе послушает, приобрeл еси брата твоего:
16 аще ли тебе не послушает, поими с собою еще единаго или два, да при устeх двою или триех свидeтелей станет всяк глагол:
17 аще же не послушает их, повeждь церкви: аще же и церковь преслушает, буди тебe якоже язычник и мытарь.
18 Аминь (бо) глаголю вам: елика аще свяжете на земли, будут связана на небеси: и елика аще разрeшите на земли, будут разрeшена на небесeх.
19 Паки аминь глаголю вам, яко аще два от вас совeщаета на земли о всяцeй вещи, еяже аще просита, будет има от Отца моего, иже на небесeх:
20 идeже бо еста два или трие собрани во имя мое, ту есмь посредe их.
21 Тогда приступль к нему петр рече: Господи, колькраты аще согрeшит в мя брат мой, и отпущу ли ему до седмь крат?
22 Глагола ему Иисус: не глаголю тебe: до седмь крат, но до седмьдесят крат седмерицею.
23 Сего ради уподобися царствие небeсное человeку царю, иже восхотe стязатися о словеси с рабы своими.
24 Наченшу же ему стязатися, приведоша ему единаго должника тмою талант:
25 не имущу же ему воздати, повелe и господь его продати, и жену его, и чада, и вся, елика имeяше, и отдати.
26 Пад убо раб той, кланяшеся ему, глаголя: господи, потерпи на мнe, и вся ти воздам.
27 Милосердовав же господь раба того, прости его и долг отпусти ему.
28 Изшед же раб той, обрeте единаго (от) клеврет своих, иже бe должен ему стом пeнязь: и емь его давляше, глаголя: отдаждь ми, имже (ми) еси должен.
29 Пад убо клеврет его на нозe его, моляше его, глаголя: потерпи на мнe, и вся воздам ти.
30 Он же не хотяше, но вед всади его в темницу, дондеже воздаст должное.
31 Видeвше же клеврети его бывшая, сжалиша си зeло и пришедше сказаша господину своему вся бывшая.
32 Тогда призвав его господин его, глагола ему: рабе лукавый, весь долг он отпустих тебe, понеже умолил мя еси:
33 не подобаше ли и тебe помиловати клеврета твоего, якоже и аз тя помиловах?
34 И прогнeвався господь его, предаде его мучителем, дондеже воздаст весь долг свой.
35 Тако и Отец мой небeсный сотворит вам, аще не отпустите кийждо брату своему от сердец ваших прегрeшения их.
1 И бысть егда сконча Иисус словеса сия, прейде от галилеи и прииде в предeлы иудейския об он пол иордана.
2 И по нем идоша народи мнози, и исцeли их ту.
3 И приступиша к нему фарисее искушающе его и глаголаша ему: аще достоит человeку пустити жену свою по всяцeй винe?
4 Он же отвeщав рече им: нeсте ли чли, яко сотворивый искони, мужеский пол и женский сотворил я есть?
5 И рече: сего ради оставит человeк отца (своего) и матерь и прилeпится к женe своей, и будета оба в плоть едину,
6 якоже ктому нeста два, но плоть едина: еже убо Бог сочета, человeк да не разлучает.
7 Глаголаша ему: что убо моисей заповeда дати книгу распустную и отпустити ю?
8 Глагола им: яко моисей по жестосердию вашему повелe вам пустити жены вашя: изначала же не бысть тако:
9 глаголю же вам, яко иже аще пустит жену свою, развe словесе прелюбодeйна, и оженится иною, прелюбы творит: и женяйся пущеницею прелюбы дeет.
10 Глаголаша ему ученицы его: аще тако есть вина человeку с женою, лучше есть не женитися.
11 Он же рече им: не вси вмeщают словесе сего, но имже дано есть:
12 суть бо скопцы, иже из чрева матерня родишася тако: и суть скопцы, иже скопишася от человeк: и суть скопцы, иже исказиша сами себе царствия ради небeснаго: могий вмeстити да вмeстит.
13 Тогда приведоша к нему дeти, да руцe возложит на них и помолится: ученицы же запретиша им.
14 Иисус же рече (им): оставите дeтей и не возбраняйте им приити ко мнe: таковых бо есть царство небeсное.
15 И возложь на них руцe, отиде оттуду.
16 И се, един (нeкий) приступль рече ему: учителю благий, что благо сотворю, да имам живот вeчный?
17 Он же рече ему: что мя глаголеши блага? никтоже благ, токмо един Бог: аще ли хощеши внити в живот, соблюди заповeди.
18 Глагола ему: кия? Иисус же рече: еже, не убиеши: не прелюбы сотвориши: не украдеши: не лжесвидeтелствуеши:
19 чти отца и матерь: и: возлюбиши искренняго твоего яко сам себе.
20 Глагола ему юноша: вся сия сохраних от юности моея: что есмь еще не докончал?
21 Рече ему Иисус: аще хощеши совершен быти, иди, продаждь имeние твое и даждь нищым: и имeти имаши сокровище на небеси: и гряди вслeд мене.
22 Слышав же юноша слово, отиде скорбя: бe бо имeя стяжания многа.
23 Иисус же рече учеником своим: аминь глаголю вам, яко неудобь богатый внидет в царствие небeсное:
24 паки же глаголю вам: удобeе есть велбуду сквозe иглинe ушы проити, неже богату в царствие Божие внити.
25 Слышавше же ученицы его, дивляхуся зeло, глаголюще: кто убо может спасен быти?
26 Воззрeв же Иисус рече им: у человeк сие невозможно есть, у Бога же вся возможна.
27 Тогда отвeщав петр рече ему: се, мы оставихом вся и вслeд тебе идохом: что убо будет нам?
28 Иисус же рече им: аминь глаголю вам, яко вы шедшии по мнe, в пакибытие, егда сядет Сын человeческий на престолe славы своея, сядете и вы на двоюнадесяте престолу, судяще обeманадесяте колeнома Израилевома:
29 и всяк, иже оставит дом, или братию, или сестры, или отца, или матерь, или жену, или чада, или села, имене моего ради, сторицею приимет и живот вeчный наслeдит:
30 мнози же будут перви послeднии, и послeдни первии.
1 Подобно бо есть царствие небeсное человeку домовиту, иже изыде купно (зeло) утро наяти дeлатели в виноград свой,
2 и совeщав с дeлатели по пeнязю на день, посла их в виноград свой.
3 И изшед в третий час, видe ины стоящя на торжищи праздны,
4 и тeм рече: идите и вы в виноград мой, и еже будет правда, дам вам. Они же идоша.
5 Паки же изшед в шестый и девятый час, сотвори такоже.
6 Во единыйженадесять час изшед, обрeте другия стоящя праздны и глагола им: что здe стоите весь день праздни?
7 Глаголаша ему: яко никтоже нас наят. Глагола им: идите и вы в виноград (мой), и еже будет праведно, приимете.
8 Вечеру же бывшу, глагола господин винограда к приставнику своему: призови дeлатели и даждь им мзду, начен от послeдних до первых.
9 И пришедше иже во единыйнадесять час, прияша по пeнязю.
10 Пришедше же первии мняху, яко вящше приимут: и прияша и тии по пeнязю:
11 приемше же роптаху на господина,
12 глаголюще, яко сии послeднии един час сотвориша, и равных нам сотворил их еси, понесшым тяготу дне и вар.
13 Он же отвeщав рече единому их: друже, не обижу тебе: не по пeнязю ли совeщал еси со мною?
14 возми твое и иди: хощу же и сему послeднему дати, якоже и тебe:
15 или нeсть ми лeть сотворити, еже хощу, во своих ми? аще око твое лукаво есть, яко аз благ есмь?
16 Тако будут послeднии перви, и первии послeдни: мнози бо суть звани, мало же избранных.
17 И восходя Иисус во иерусалим, поят обанадесяте ученика едины (особь) на пути и рече им:
18 се, восходим во иерусалим, и Сын человeческий предан будет архиереем и книжником: и осудят его на смерть,
19 и предадят его языком на поругание и биение и пропятие: и в третий день воскреснет.
20 Тогда приступи к нему мати сыну зеведеову с сынома своима, кланяющися и просящи нeчто от него.
21 Он же рече ей: чесо хощеши? Глагола ему: рцы, да сядета сия оба сына моя, един одесную тебе, и един ошуюю (тебе), во царствии твоем.
22 Отвeщав же Иисус рече: не вeста, чесо просита: можета ли пити чашу, юже аз имам пити, или крещением, имже аз крещаюся, креститися? Глаголаста ему: можева.
23 И глагола има: чашу убо мою испиета, и крещением, имже аз крещаюся, имате креститися: а еже сeсти одесную мене и ошуюю мене, нeсть мое дати, но имже уготовася от Отца моего.
24 И слышавше десять, негодоваша о обою брату.
25 Иисус же призвав их, рече: вeсте, яко князи язык господствуют ими, и велицыи обладают ими:
26 не тако же будет в вас: но иже аще хощет в вас вящший быти, да будет вам слуга:
27 и иже аще хощет в вас быти первый, буди вам раб:
28 якоже Сын человeческий не прииде, да послужат ему, но послужити и дати душу свою избавление за многих.
29 И исходящу ему от иерихона, по нем иде народ мног.
30 И се, два слeпца сeдяща при пути, слышавша, яко Иисус мимоходит, возописта, глаголюща: помилуй ны, Господи, Сыне давидов.
31 Народ же прещаше има, да умолчита: она же паче вопияста, глаголюща: помилуй ны, Господи, Сыне давидов.
32 И востав Иисус возгласи я и рече: что хощета, да сотворю вама?
33 Глаголаста ему: Господи, да отверзетeся очи наю.
34 Милосердовав же Иисус прикоснуся очию има: и абие прозрeста има очи, и по нем идоста.
1 И егда приближишася во иерусалим и приидоша в виффагию к горe елеонстeй, тогда Иисус посла два ученика,
2 глаголя има: идита в весь, яже прямо вама: и абие обрящета осля привязано, и жребя с ним: отрeшивша приведита ми:
3 и аще вама кто речет что, речета, яко Господь ею требует: абие же послет я.
4 Сие же все бысть, да сбудется реченное пророком, глаголющим:
5 рцыте дщери сионовe: се, царь твой грядет тебe кроток, и всeд на осля и жребя, сына подяремнича.
6 Шедша же ученика и сотворша, якоже повелe има Иисус,
7 приведоста осля и жребя: и возложиша верху ею ризы своя, и всeде верху их.
8 Множайшии же народи постилаху ризы своя по пути: друзии же рeзаху вeтви от древ и постилаху по пути.
9 Народи же предходящии (ему) и вслeдствующии зваху, глаголюще: осанна Сыну давидову: благословен грядый во имя Господне: осанна в вышних.
10 И вшедшу ему во иерусалим, потрясеся весь град, глаголя: кто есть сей?
11 Народи же глаголаху: сей есть Иисус пророк, иже от назарета галилейска.
12 И вниде Иисус в церковь Божию и изгна вся продающыя и купующыя в церкви, и трапезы торжником испроверже и сeдалища продающих голуби,
13 и глагола им: писано есть: храм мой храм молитвы наречется: вы же сотвористе и вертеп разбойником.
14 И приступиша к нему хромии и слeпии в церкви: и исцeли их.
15 Видeвше же архиерее и книжницы чудеса, яже сотвори, и отроки зовущя в церкви и глаголющя: осанна Сыну давидову, негодоваша
16 и рeша ему: слышиши ли, что сии глаголют? Иисус же рече им: ей: нeсте ли чли николиже, яко из уст младенец и ссущих совершил еси хвалу?
17 И оставль их, изыде вон из града в вифанию и водворися ту.
18 Утру же возвращься во град, взалка:
19 и узрeв смоковницу едину при пути, прииде к ней, и ничтоже обрeте на ней, токмо листвие едино, и глагола ей: да николиже от тебе плода будет во вeки. И абие изсше смоковница.
20 И видeвше ученицы дивишася, глаголюще: како абие изсше смоковница?
21 Отвeщав же Иисус рече им: аминь глаголю вам: аще имате вeру и не усумнитеся, не токмо смоковничное сотворите, но аще и горe сей речете: двигнися и верзися в море, будет:
22 и вся, елика аще воспросите в молитвe вeрующе, приимете.
23 И пришедшу ему в церковь, приступиша к нему учащу архиерее и старцы людстии, глаголюще: коею властию сия твориши? и кто ти даде власть сию?
24 Отвeщав же Иисус рече им: вопрошу вы и аз слово едино: еже аще речете мнe, и аз вам реку, коею властию сия творю:
25 креещение иоанново откуду бe? с небесе ли, или от человeк? Они же помышляху в себe, глаголюще: аще речем, с небесе: речет нам: почто убо не вeровасте ему?
26 аще ли речем, от человeк: боимся народа: вси бо имут иоанна яко пророка.
27 И отвeщавше Иисусови рeша: не вeмы. Рече им и той: ни аз вам глю, коею властию сия творю.
28 Что же ся вам мнит? Человeк нeкий имяше два сына, и пришед к первому, рече: чадо, иди днесь, дeлай в виноградe моем.
29 Он же отвeщав рече: не хощу: послeди же раскаявся, иде.
30 И приступль к другому, рече такоже. Он же отвeщав рече: аз, господи (иду): и не иде.
31 Кий от обою сотвори волю отчу? Глаголаша ему: первый. Глагола им Иисус: аминь глаголю вам, яко мытари и любодeйцы варяют вы в царствии Божии:
32 прииде бо к вам иоанн (креститель) путем првдным, и не вeровасте ему, мытари же и любодeйцы вeроваша ему: вы же видeвше, не раскаястеся послeди вeровати ему.
33 Ину притчу слышите. Человeк нeкий бe домовит, иже насади виноград, и оплотом огради его, и ископа в нем точило, и созда столп, и вдаде и дeлателем, и отиде.
34 Егда же приближися время плодов, посла рабы своя к дeлателем прияти плоды его:
35 и емше дeлателе рабов его, оваго убо биша, оваго же убиша, оваго же камением побиша.
36 Паки посла ины рабы множайшя первых: и сотвориша им такоже.
37 Послeди же посла к ним сына своего, глаголя: усрамятся сына моего.
38 Дeлателе же видeвше сына, рeша в себe: сей есть наслeдник: приидите, убием его и удержим достояние его.
39 И емше его изведоша вон из винограда и убиша.
40 Егда убо приидет господин винограда, что сотворит дeлателем тeм?
41 Глаголаша ему: злых злe погубит их, и виноград предаст иным дeлателем, иже воздадят ему плоды во времена своя.
42 Глагола им Иисус: нeсте ли чли николиже в писаниих: камень, егоже не в ряду сотвориша (небрегоша) зиждущии, сей бысть во главу угла? от Господа бысть сие, и есть дивно во очию вашею (нашею).
43 Сего ради глаголю вам, яко отимется от вас царствие Божие и дастся языку творящему плоды его:
44 и падый на камени сем сокрушится: а на немже падет, сотрыет и.
45 И слышавше архиерее и фарисее притчи его, разумeша, яко о них глаголет:
46 и ищуще его яти, убояшася народа, понеже яко пророка его имeяху.
1 И отвeщав Иисус, паки рече им в притчах, глаголя:
2 уподобися царствие небeсное человeку царю, иже сотвори браки сыну своему
3 и посла рабы своя призвати званныя на браки: и не хотяху приити.
4 Паки посла ины рабы, глаголя: рцыте званным: се, обeд мой уготовах, юнцы мои и упитанная исколена, и вся готова: приидите на браки.
5 Они же небрегше отидоша, ов убо на село свое, ов же на купли своя:
6 прочии же емше рабов его, досадиша им и убиша их.
7 И слышав царь той разгнeвася, и послав воя своя, погуби убийцы оны и град их зажже.
8 Тогда глагола рабом своим: брак убо готов есть, званнии же не быша достойни:
9 идите убо на исходища путий, и елицeх аще обрящете, призовите на браки.
10 И изшедше раби они на распутия, собраша всeх, елицeх обрeтоша, злых же и добрых: и исполнися брак возлежащих.
11 Вшед же царь видeти возлежащих, видe ту человeка не оболчена во одeяние брачное,
12 и глагола ему: друже, како вшел еси сeмо не имый одeяния брачна? Он же умолча.
13 Тогда рече царь слугам: связавше ему руцe и нозe, возмите его и вверзите во тму кромeшнюю: ту будет плачь и скрежет зубом:
14 мнози бо суть звани, мало же избранных.
15 Тогда шедше фарисее, совeт восприяша, яко да обольстят его словом.
16 И посылают к нему ученики своя со иродианы, глаголюще: учителю, вeмы, яко истинен еси, и пути Божию воистинну учиши, и нерадиши ни о комже: не зриши бо на лице человeком:
17 рцы убо нам, что ти ся мнит? достойно ли есть дати кинсон кесареви, или ни?
18 Разумeв же Иисус лукавство их, рече: что мя искушаете, лицемeри?
19 покажите ми златицу кинсонную. Они же принесоша ему пeнязь.
20 И глагола им: чий образ сей и написание?
21 (И) глаголаша ему: кесарев. Тогда глагола им: воздадите убо кесарева кесареви, и Божия Богови.
22 И слышавше дивишася: и оставльше его отидоша.
23 В той день приступиша к нему саддукее, иже глаголют не быти воскреснию, и вопросиша его,
24 глаголюще: учителю, моисей рече: аще кто умрет не имый чад, (да) поймет брат его жену его и воскресит сeмя брата своего:
25 бeша же в нас седмь братия: и первый оженься умре, и не имый сeмене, остави жену свою брату своему:
26 такожде же и вторый, и третий, даже до седмаго:
27 послeди же всeх умре и жена:
28 в воскресние убо, котораго от седмих будет жена? вси бо имeша ю.
29 Отвeщав же Иисус рече им: прельщаетеся, не вeдуще писания, ни силы Божия:
30 в воскрение бо ни женятся, ни посягают, но яко ангели Божии на небеси суть:
31 о воскреснии же мертвых нeсте ли чли реченнаго вам Богом, глаголющим:
32 аз есмь Бог авраамов, и Бог исааков, и Бог иаковль? нeсть Бог Бог мертвых, но (Бог) живых.
33 И слышавше народи дивляхуся о учении его.
34 Фарисее же слышавше, яко посрами саддукеи, собрашася вкупe.
35 И вопроси един от них законоучитель, искушая его и глаголя:
36 учителю, кая заповeдь болши (есть) в законe?
37 Иисус же рече ему: возлюбиши Господа Бога твоего всeм сердцем твоим, и всею душею твоею, и всею мыслию твоею:
38 сия есть первая и болшая заповeдь:
39 вторая же подобна ей: возлюбиши искренняго твоего яко сам себе:
40 в сию обою заповeдию весь закон и пророцы висят.
41 Собравшымся же фарисеом, вопроси их Иисус,
42 глаголя: что вам мнится о Христe? чий есть Сын? Глаголаша ему: давидов.
43 Глагола им: како убо давид духом Господа его нарицает, глаголя:
44 рече Господь Господеви моему: сeди одесную мене, дондеже положу враги твоя подножие ногама твоима?
45 аще убо давид нарицает его Господа, како Сын ему есть?
46 И никтоже можаше отвeщати ему словесе: ниже смeяше кто от того дне вопросити его ктому.
1 Тогда Иисус глагола к народом и учеником своим,
2 глаголя: на моисеовe сeдалищи сeдоша книжницы и фарисее:
3 вся убо, елика аще рекут вам блюсти, соблюдайте и творите: по дeлом же их не творите: глаголют бо, и не творят:
4 связуют бо бремена тяжка и бeднe носима, и возлагают на плеща человeческа, перстом же своим не хотят двигнути их.
5 Вся же дeла своя творят, да видими будут человeки: разширяют же хранилища своя и величают воскрилия риз своих:
6 любят же преждевозлегания на вечерях, и преждесeдания на сонмищих,
7 и цeлования на торжищих, и зватися от человeк: учителю, учителю.
8 Вы же не нарицайтеся учителие: един бо есть ваш учитель, Христос: вси же вы братия есте:
9 и отца не зовите себe на земли: един бо есть Отец ваш, иже на небесeх:
10 ниже нарицайтеся наставницы: един бо есть наставник ваш, Христос.
11 Болий же в вас да будет вам слуга:
12 иже бо вознесется, смирится: и смиряяйся вознесется.
13 Горе вам, книжницы и фарисее, лицемeри, яко затворяете царствие небeсное пред человeки: вы бо не входите, ни входящих оставляете внити.
14 Горе вам, книжницы и фарисее, лицемeри, яко Сынeдаете домы вдовиц, и виною далече молитвы творяще (и лицемeрно на долзe молитвы творите): сего ради лишшее приимете осуждение.
15 Горе вам, книжницы и фарисее, лицемeри, яко преходите море и сушу, сотворити единаго пришелца: и егда будет, творите его сына геенны сугубeйша вас.
16 Горе вам, вожди слeпии, глаголющии: иже аще кленется церковию, ничесоже есть: а иже кленется златом церковным, должен есть.
17 Буи и слeпии, что бо болeе есть, злато ли, или церковь, святящая злато?
18 И: иже аще кленется олтарем, ничесоже есть: а иже кленется даром, иже верху его, должен есть.
19 Буи и слeпии, что бо болeе, дар ли, или олтарь, святяй дар?
20 Иже убо кленется олтарем, кленется им и сущим верху его:
21 и иже кленется церковию, кленется ею и живущим в ней:
22 и кленыйся небесем кленется престолом Божиим и сeдящим на нем.
23 Горе вам, книжницы и фарисее, лицемeри, яко одесятствуете мятву и копр и кимин, и остависте вящшая закона, суд и милость и вeру: сия (же) подобаше творити, и онeх не оставляти.
24 Вожди слeпии, оцeждающии комары, велблуды же пожирающе.
25 Горе вам, книжницы и фарисее лицемeри, яко очищаете внeшнее сткляницы и блюда, внутрьуду же суть полни хищения и неправды:
26 фарисее слeпый, очисти прежде внутреннее сткляницы и блюда, да будет и внeшнее има чисто.
27 Горе вам, книжницы и фарисее, лицемeри, яко подобитеся гробом повапленым, иже внeуду убо являются красны, внутрьуду же полни суть костей мертвых и всякия нечистоты:
28 тако и вы, внeуду убо являетеся человeком праведни, внутрьуду же есте полни лицемeрия и беззакония.
29 Горе вам, книжницы и фарисее, лицемeри, яко зиждете гробы пророческия, и красите раки првдных,
30 и глаголете: аще быхом были во дни отец наших, не быхом убо общницы им были в крови пророк:
31 тeмже сами свидeтелствуете себe, яко сынове есте избивших пророки:
32 и вы исполните мeру отец ваших.
33 Змия, порождения ехиднова, како убeжите от суда (огня) геенскаго?
34 Сего ради, се, аз послю к вам пророки и премдры и книжники: и от них убиете и распнете, и от них биете на сонмищих ваших, и изженете от града во град:
35 яко да приидет на вы всяка кровь првдна, проливаемая на земли, от крове авеля првднаго до крове захарии сына варахиина, егоже убисте между церковию и олтарем.
36 Аминь глаголю вам: (яко) приидут вся сия на род сей.
37 Иерусалиме, иерусалиме, избивый пророки и камением побиваяй посланныя к тебe, колькраты восхотeх собрати чада твоя, якоже собирает кокош птенцы своя под крилe, и не восхотeсте?
38 Се, оставляется вам дом ваш пуст.
39 Глаголю бо вам: (яко) не имате мене видeти отселe, дондеже речете: благословен грядый во имя Господне.
1 И изшед Иисус идяше от церкве. И приступиша (к нему) ученицы его показати ему здания церковная.
2 Иисус же рече им: не видите ли вся сия? аминь глаголю вам, не имать остати здe камень на камени, иже не разорится.
3 Сeдящу же ему на горe елеонстeй, приступиша к нему ученицы на единe, глаголюще: рцы нам, когда сия будут? и что есть знамение твоего пришествия и кончина вeка?
4 И отвeщав Иисус рече им: блюдите, да никтоже вас прельстит:
5 мнози бо приидут во имя мое, глаголюще: аз есмь Христос: и многи прельстят.
6 Услышати же имате брани и слышания бранем. Зрите, не ужасайтеся, подобает бо всeм (сим) быти: но не тогда есть кончина.
7 Востанет бо язык на язык, и царство на царство: и будут глади и пагубы и труси по мeстом:
8 вся же сия начало болeзнем.
9 Тогда предадят вы в скорби и убиют вы: и будете ненавидими всeми языки имене моего ради.
10 И тогда соблазнятся мнози, и друг друга предадят, и возненавидят друг друга:
11 и мнози лжепророцы востанут и прельстят многия:
12 и за умножение беззакония, изсякнет любы многих.
13 Претерпeвый же до конца, той спасется.
14 И проповeстся сие евангелие царствия по всей вселеннeй, во свидeтелство всeм языком: и тогда приидет кончина.
15 Егда убо узрите мерзость запустeния, реченную даниилом пророком, стоящу на мeстe святe: иже чтет, да разумeет:
16 тогда сущии во иудеи да бeжат на горы:
17 (и) иже на кровe, да не сходит взяти яже в дому его:
18 и иже на селe, да не возвратится вспять взяти риз своих.
19 Горе же непраздным и доящым в тыя дни.
20 Молитеся же, да не будет бeгство ваше в зимe, ни в субботу.
21 Будет бо тогда скорбь велия, яковаже не была от начала мира доселe, ниже имать быти.
22 И аще не быша прекратилися дние оны, не бы убо спаслася всяка плоть: избранных же ради прекратятся дние оны.
23 Тогда аще кто речет вам: се, здe Христос, или ондe: не имите вeры:
24 востанут бо лжехристи и лжепророцы и дадят знамения велия и чудеса, якоже прельстити, аще возможно, и избранныя.
25 Се, прежде рeх вам.
26 Аще убо рекут вам: се, в пустыни есть, не изыдите: се, в сокровищих, не имите вeры:
27 якоже бо молния исходит от восток и является до запад, тако будет пришествие Сына человeческаго:
28 идeже бо аще будет труп, тамо соберутся орли.
29 Абие же, по скорби дний тeх, солнце померкнет, и луна не даст свeта своего, и звeзды спадут с небесе, и силы небесныя подвигнутся:
30 и тогда явится знамение Сына человeческаго на небеси: и тогда восплачутся вся колeна земная и узрят Сына человeческаго грядуща на облацeх небесных с силою и славою многою:
31 и послет ангелы своя с трубным гласом велиим, и соберут избранныя его от четырех вeтр, от конец небес до конец их.
32 От смоковницы же научитеся притчи: егда уже ваия ея будут млада, и листвие прозябнет, вeдите, яко близ есть жатва:
33 тако и вы, егда видите сия вся, вeдите, яко близ есть, при дверех.
34 Аминь глаголю вам, не мимоидет род сей, дондеже вся сия будут:
35 небо и земля мимоидет, словеса же моя не мимоидут.
36 О дни же том и часe никтоже вeсть, ни ангели небeснии, токмо Отец мой един:
37 якоже (бо бысть во) дни ноевы, тако будет и пришествие Сына человeческаго:
38 якоже бо бeху во дни прежде потопа ядуще и пиюще, женящеся и посягающе, до негоже дне вниде ное в ковчег,
39 и не увeдeша, дондеже прииде вода и взят вся: тако будет и пришествие Сына человeческаго:
40 тогда два будета на селe: един поемлется, а другий оставляется:
41 двe мелющe в жерновах: едина поемлется, и едина оставляется.
42 Бдите убо, яко не вeсте, в кий час Господь ваш приидет.
43 Сие же вeдите, яко аще бы вeдал дому владыка, в кую стражу тать приидет, бдeл убо бы и не бы дал подкопати храма своего.
44 Сего ради и вы будите готови: яко, в оньже час не мните, Сын человeческий приидет.
45 Кто убо есть вeрный раб и мудрый, егоже поставит господин его над домом своим, еже даяти им пищу во время (их)?
46 блажен раб той, егоже, пришед господин его, обрящет тако творяща:
47 аминь глаголю вам, яко над всeм имeнием своим поставит его.
48 Аще ли же речет злый раб той в сердцы своем: коснит господин мой приити,
49 и начнет бити клевреты своя, ясти же и пити с пияницами:
50 приидет господин раба того в день, в оньже не чает, и в час, в оньже не вeсть,
51 и растешет его полма, и часть его с невeрными положит: ту будет плачь и скрежет зубом.
1 Тогда уподобися царствие небeсное десятим дeвам, яже прияша свeтилники своя и изыдоша в срeтение жениху:
2 пять же бe от них мудры и пять юродивы.
3 Юродивыя же, приемшя свeтилники своя, не взяша с собою елеа:
4 мудрыя же прияша елей в сосудeх со свeтилники своими:
5 коснящу же жениху, воздремашася вся и спаху.
6 Полунощи же вопль бысть: се, жених грядет, исходите в срeтение его.
7 Тогда восташа вся дeвы тыя и украсиша свeтилники своя.
8 Юродивыя же мудрым рeша: дадите нам от елеа вашего, яко свeтилницы наши угасают.
9 Оттeщаша же мудрыя, глаголюща: еда како не достанет нам и вам: идите же паче к продающым и купите себe.
10 Идущым же им купити, прииде жених: и готовыя внидоша с ним на браки, и затворены быша двери.
11 Послeди же приидоша и прочыя дeвы, глаголющя: господи, господи, отверзи нам.
12 Он же отвeщав рече им: аминь глаголю вам, не вeм вас.
13 Бдите убо, яко не вeсте дне ни часа, в оньже Сын человeческий приидет.
14 Якоже бо человeк нeкий отходя призва своя рабы и предаде им имeние свое:
15 и овому убо даде пять талант, овому же два, овому же един, комуждо противу силы его: и отиде абие.
16 Шед же приемый пять талант, дeла в них и сотвори другия пять талант:
17 такожде и иже два, приобрeте и той другая два:
18 приемый же един, шед вкопа (его) в землю и скры сребро господина своего.
19 По мнозe же времени прииде господин раб тeх и стязася с ними о словеси.
20 И приступль пять талант приемый, принесе другия пять талант, глаголя: господи, пять талант ми еси предал: се, другия пять талант приобрeтох ими.
21 Рече же ему господь его: добрe, рабе благий и вeрный: о малe был еси вeрен, над многими тя поставлю: вниди в радость господа твоего.
22 Приступль же и иже два таланта приемый, рече: господи, два таланта ми еси предал: се, другая два таланта приобрeтох има.
23 Рече (же) ему господь его: добрe, рабе благий и вeрный: о малe (ми) был еси вeрен, над многими тя поставлю: вниди в радость господа твоего.
24 Приступль же и приемый един талант, рече: господи, вeдях тя, яко жесток еси человeк, жнеши, идeже не сeял еси, и собираеши идeже не расточил еси:
25 и убоявся, шед скрых талант твой в земли: (и) се, имаши твое.
26 Отвeщав же господь его рече ему: лукавый рабе и лeнивый, вeдeл еси, яко жну идeже не сeях, и собираю идeже не расточих:
27 подобаше убо тебe вдати сребро мое торжником, и пришед аз взял бых свое с лихвою:
28 возмите убо от него талант и дадите имущему десять талант:
29 имущему бо вездe дано будет и преизбудет: от неимущаго же, и еже мнится имeя, взято будет от него:
30 и неключимаго раба вверзите во тму кромeшнюю: ту будет плачь и скрежет зубом. Сия глаголя возгласи: имeяй ушы слышати да слышит.
31 Егда же приидет Сын человeческий в славe своей и вси святии ангели с ним, тогда сядет на престолe славы своея,
32 и соберутся пред ним вси языцы: и разлучит их друг от друга, якоже пастырь разлучает овцы от козлищ:
33 и поставит овцы одесную себе, а козлища ошуюю.
34 Тогда речет царь сущым одесную его: приидите, благословеннии Отца моего, наслeдуйте уготованное вам царствие от сложения мира:
35 взалкахся бо, и дасте ми ясти: возжадахся, и напоисте мя: странен бeх, и введосте мене:
36 наг, и одeясте мя: болен, и посeтисте мене: в темницe бeх, и приидосте ко мнe.
37 Тогда отвeщают ему првдницы, глаголюще: Господи, когда тя видeхом алчуща, и напитахом? или жаждуща, и напоихом?
38 когда же тя видeхом странна, и введохом? или нага, и одeяхом?
39 когда же тя видeхом боляща, или в темницe, и приидохом к тебe?
40 И отвeщав царь речет им: аминь глаголю вам, понеже сотвористе единому сих братий моих менших, мнe сотвористе.
41 Тогда речет и сущым ошуюю (его): идите от мене, проклятии, во огнь вeчный, уготованный диаволу и аггелом его:
42 взалкахся бо, и не дасте ми ясти: возжадахся, и не напоисте мене:
43 странен бeх, и не введосте мене: наг, и не одeясте мене: болен и в темницe, и не посeтисте мене.
44 Тогда отвeщают ему и тии, глаголюще: Господи, когда тя видeхом алчуща, или жаждуща, или странна, или нага, или больна, или в темницe, и не послужихом тебe?
45 Тогда отвeщает им, глаголя: аминь глаголю вам, понеже не сотвористе единому сих менших, ни мнe сотвористе.
46 И идут сии в муку вeчную, првдницы же в живот вeчный.
1 И бысть, егда сконча Иисус вся словеса сия, рече учеником своим:
2 вeсте, яко по двою дню пасха будет, и Сын человeческий предан будет на пропятие.
3 Тогда собрашася архиерее и книжницы и старцы людстии во двор архиереов, глаголемаго каиафы,
4 и совeщаша, да Иисуса лестию имут и убиют:
5 глаголаху же: но не в праздник, да не молва будет в людех.
6 Иисусу же бывшу в вифании, в дому симона прокаженнаго,
7 приступи к нему жена, сткляницу мира имущи многоцeннаго, и возливаше на главу его возлежаща.
8 Видeвше же ученицы его негодоваша, глаголюще: чесо ради гибель сия (бысть)?
9 можаше бо сие миро продано быти на мнозe и датися нищым.
10 Разумeв же Иисус рече им: что труждаете жену? дeло бо добро содeла о мнe:
11 всегда бо нищыя имате с собою, мене же не всегда имате:
12 возлиявши бо сия миро сие на тeло мое, на погребение мя сотвори:
13 аминь глаголю вам: идeже аще проповeдано будет евангелие сие во всем мирe, речется и еже сотвори сия, в память ея.
14 Тогда шед един от обоюнадесяте, глаголемый иуда искариотский, ко архиереом,
15 рече: что ми хощете дати, и аз вам предам его? Они же поставиша ему тридесять сребреник:
16 и оттолe искаше удобна времене, да его предаст.
17 В первый же день опрeсночный приступиша ученицы ко Иисусу, глаголюще ему: гдe хощеши уготоваем ти ясти пасху?
18 Он же рече: идите во град ко онсицe, и рцыте ему: учитель глаголет: время мое близ есть: у тебе сотворю пасху со ученики моими.
19 И сотвориша ученицы, якоже повелe им Иисус, и уготоваша пасху.
20 Вечеру же бывшу, возлежаше со обeманадесяте ученикома:
21 и ядущым им, рече: аминь глаголю вам, яко един от вас предаст мя.
22 И скорбяще зeло, начаша глаголати ему един кийждо их: еда аз есмь, Господи?
23 Он же отвeщав рече: омочивый со мною в солило руку, той мя предаст:
24 Сын убо человeческий идет, якоже есть писано о нем: горе же человeку тому, имже Сын человeческий предастся: добро бы было ему, аще не бы родился человeк той.
25 Отвeщав же иуда предаяй его, рече: еда аз есмь, равви? Глагола ему: ты рекл еси.
26 Ядущым же им, приемь Иисус хлeб и благословив преломи, и даяше учеником, и рече: приимите, ядите: сие есть тeло мое.
27 И прием чашу и хвалу воздав, даде им, глаголя: пийте от нея вси:
28 сия бо есть кровь моя, новаго завeта, яже за многия изливаема во оставление грeхов.
29 Глаголю же вам, яко не имам пити отнынe от сего плода лознаго, до дне того, егда е пию с вами ново во царствии Отца моего.
30 И воспeвше изыдоша в гору елеонску.
31 Тогда глагола им Иисус: вси вы соблазнитеся о мнe в нощь сию: писано бо есть: поражу пастыря, и разыдутся овцы стада:
32 по вскр(с)нии же моем варяю вы в галилеи.
33 Отвeщав же петр рече ему: аще и вси соблазнятся о тебe, аз никогдаже соблажнюся.
34 Рече ему Иисус: аминь глю тебe, яко в сию нощь, прежде даже алектор не возгласит, трикраты отвержешися мене.
35 Глагола ему петр: аще ми есть и умрети с тобою, не отвергуся тебе. Такожде и вси ученицы рeша.
36 Тогда прииде с ними Иисус в весь, нарицаемую гефсиманиа, и глагола учеником: сeдите ту, дондеже шед помолюся тамо.
37 И поем петра и оба сына зеведеова, начат скорбeти и тужити.
38 Тогда глагола им Иисус: прискорбна есть душа моя до смерти: пождите здe и бдите со мною.
39 И прешед мало, паде на лицы своем, моляся и глаголя: Отче мой, аще возможно есть, да мимоидет от мене чаша сия: обаче не якоже аз хощу, но якоже ты.
40 И пришед ко учеником, и обрeте их спящих, и глагола петрови: тако ли не возмогосте единаго часа побдeти со мною?
41 бдите и молитеся, да не внидете в напасть: дух убо бодр, плоть же немощна.
42 Паки вторицею шед помолися, глаголя: Отче мой, аще не может сия чаша мимоити от мене, аще не пию ея, буди воля твоя.
43 И пришед обрeте их паки спящих: бeста бо им очи отяготeнe.
44 И оставль их, шед паки, помолися третицею, тожде слово рек.
45 Тогда прииде ко учеником своим и глагола им: спите прочее и почивайте: се, приближися час, и Сын человeческий предается в руки грeшников:
46 востаните, идем: се, приближися предаяй мя.
47 И еще ему глаголющу, се, иуда, един от обоюнадесяте, прииде, и с ним народ мног со оружием и дрекольми, от архиерей и старец людских.
48 Предаяй же его даде им знамение, глаголя: егоже аще лобжу, той есть: имите его.
49 И абие приступль ко Иисусови, рече: радуйся, равви. И облобыза его.
50 Иисус же рече ему: друже, (твори,) на неже еси пришел (друже, на сие ли пришел еси). Тогда приступльше возложиша руцe на Иисуса и яша его.
51 И се, един от сущих со Иисусом, простер руку, извлече нож свой, и удари раба архиереова, и урeза ему ухо.
52 Тогда глагола ему Иисус: возврати нож твой в мeсто его: вси бо приемшии нож ножем погибнут:
53 или мнится ти, яко не могу нынe умолити Отца моего, и представит ми вящше неже дванадесяте легеона ангел?
54 како убо сбудутся писания, яко тако подобает быти?
55 В той час рече Иисус народом: яко на разбойника ли изыдосте со оружием и дрекольми яти мя? по вся дни при вас сeдeх учя в церкви, и не ясте мене.
56 Се же все бысть, да сбудутся писания пророческая. Тогда ученицы вси оставльше его бeжаша.
57 (Воини) же емше Иисуса ведоша к каиафe архиереови, идeже книжницы и старцы собрашася.
58 Петр же идяше по нем издалеча до двора архиереова: и вшед внутрь, сeдяше со слугами, видeти кончину.
59 Архиерее же и старцы и сонм весь искаху лжесвидeтелства на Иисуса, яко да убиют его,
60 и не обрeтаху: и многим лжесвидeтелем приступльшым, не обрeтоша. Послeжде же приступивша два лжесвидeтеля,
61 рeста: сей рече: могу разорити церковь Божию и треми денми создати ю.
62 И востав архиерей рече ему: ничесоже ли отвeщаваеши, что сии на тя свидeтелствуют?
63 Иисус же молчаше. И отвeщав архиерей рече ему: заклинаю тя Богом живым, да речеши нам, аще ты еси Христос, Сын Божий?
64 Глагола ему Иисус: ты рекл еси: обаче глаголю вам: отселe узрите Сына человeческаго сeдяща одесную силы и грядуща на облацeх небесных.
65 Тогда архиерей растерза ризы своя, глаголя, яко хулу глагола: что еще требуем свидeтелей? се, нынe слышасте хулу его:
66 что вам мнится? Они же отвeщавше рeша: повинен есть смерти.
67 Тогда заплеваша лице его и пакости ему дeяху (и по ланитома бияху его): овии же за ланиту удариша (заушаху его),
68 глаголюще: прорцы нам, Христе, кто есть ударей тя?
69 Петр же внe сeдяше во дворe. И приступи к нему едина рабыня, глаголющи: и ты был еси со Иисусом галилейским.
70 Он же отвержеся пред всeми, глаголя: не вeм, что глаголеши.
71 Изшедшу же ему ко вратом, узрe его другая, и глагола сущым тамо: и сей бe со Иисусом назореом.
72 И паки отвержеся с клятвою, яко не знаю человeка.
73 Помалe же приступивше стоящии, рeша петрови: воистинну и ты от них еси, ибо бесeда твоя явe тя творит.
74 Тогда начат ротитися и клятися, яко не знаю человeка. И абие пeтель возгласи.
75 И помяну петр глагол Иисусов, реченный ему, яко прежде даже пeтель не возгласит, трикраты отвержешися мене. И изшед вон плакася горько.
1 Утру же бывшу, совeт сотвориша вси архиерее и старцы людстии на Иисуса, яко убити его:
2 и связавше его ведоша и предаша его понтийскому пилату игемону.
3 Тогда видeв иуда предавый его, яко осудиша его, раскаявся возврати тридесять сребреники архиереем и старцем,
4 глаголя: согрeших предав кровь неповинную. Они же рeша: что есть нам? ты узриши.
5 И поверг сребреники в церкви, отиде: и шед удавися.
6 Архиерее же приемше сребреники, рeша: недостойно есть вложити их в корвану, понеже цeна крове есть.
7 Совeт же сотворше, купиша ими село скудельниче, в погребание странным:
8 тeмже наречеся село то село крове, до сего дне:
9 тогда сбысться реченное иеремием пророком, глаголющим: и прияша тридесять сребреник, цeну цeненнаго, егоже цeниша от сынов Израилев,
10 и даша я на село скудельничо, якоже сказа мнe Господь.
11 Иисус же ста пред игемоном. И вопроси его игемон, глаголя: ты ли еси царь иудейский? Иисус же рече ему: ты глаголеши.
12 И егда нань глаголаху архиерее и старцы, ничесоже отвeщаваше.
13 Тогда глагола ему пилат: не слышиши ли, колика на тя свидeтелствуют?
14 И не отвeща ему ни к единому глаголу, яко дивитися игемону зeло.
15 На (всяк) же праздник обычай бe игемону отпущати единаго народу связня, егоже хотяху:
16 имяху же тогда связана нарочита, глаголемаго варавву:
17 собравшымся же им, рече им пилат: кого хощете (от обою) отпущу вам: варавву ли, или Иисуса глаголемаго Христа?
18 Вeдяше бо, яко зависти ради предаша его.
19 Сeдящу же ему на судищи, посла к нему жена его, глаголющи: ничтоже тебe и првднику тому: много бо пострадах днесь во Сынe его ради.
20 Архиерее же и старцы наустиша народы, да испросят варавву, Иисуса же погубят.
21 Отвeщав же игемон рече им: кого хощете от обою отпущу вам? Они же рeша: варавву.
22 Глагола им пилат: что убо сотворю Иисусу глаголемому Христу? Глаголаша ему вси: да распят будет.
23 Игемон же рече: кое убо зло сотвори? Они же излиха вопияху, глаголюще: да пропят будет.
24 Видeв же пилат, яко ничтоже успeвает, но паче молва бывает, приемь воду, умы руцe пред народом, глаголя: неповинен есмь от крове првднаго сего: вы узрите.
25 И отвeщавше вси людие рeша: кровь его на нас и на чадeх наших.
26 Тогда отпусти им варавву: Иисуса же бив предаде (им), да его пропнут.
27 Тогда воини игемоновы, приемше Иисуса на судище, собраша нань все множество воин:
28 и совлекше его, одeяша его хламидою червленою:
29 и сплетше вeнец от терния, возложиша на главу его, и трость в десницу его: и поклоньшеся на колeну пред ним ругахуся ему, глаголюще: радуйся, царю иудейский.
30 И плюнувше нань, прияша трость и бияху по главe его.
31 И егда поругашася ему, совлекоша с него багряницу и облекоша его в ризы его: и ведоша его на пропятие.
32 Исходяще же обрeтоша человeка киринейска, именем симона: и сему задeша понести крест его.
33 И пришедше на мeсто нарицаемое голгофа, еже есть глаголемо краниево мeсто,
34 даша ему пити оцет с желчию смeшен: и вкушь, не хотяше пити.
35 Распеншии же его раздeлиша ризы его, вергше жребия:
36 и сeдяще стрежаху его ту:
37 и возложиша верху главы его вину его написану: сей есть Иисус, царь иудейский.
38 Тогда распяша с ним два разбойника: единаго о десную, и единаго о шуюю.
39 Мимоходящии же хуляху его, покивающе главами своими
40 и глаголюще: разоряяй церковь и треми денми созидаяй, спасися сам: аще Сын еси Божий, сниди со креста.
41 Такожде же и архиерее ругающеся с книжники и старцы (и фарисеи), глаголаху:
42 иныя спасе, себе ли не может спасти? аще царь Израилев есть, да снидет нынe со креста, и вeруем в него:
43 упова на Бога: да избавит нынe его, аще хощет ему. Рече бо, яко Божий есмь Сын.
44 Тожде же и разбойника распятая с ним поношаста ему.
45 От шестаго же часа тма бысть по всей земли до часа девятаго:
46 о девятeм же часe возопи Иисус гласом велиим, глаголя: или, или, лима савахфани? еже есть, Боже мой, Боже мой, вскую мя еси оставил?
47 Нeцыи же от ту стоящих слышавше глаголаху, яко илию глашает сей.
48 И абие тек един от них, и приемь губу, исполнив же оцта, и вонзе на трость, напаяше его.
49 Прочии же глаголаху: остави, да видим, аще приидет илиа спасти его.
50 Иисус же, паки возопив гласом велиим, испусти дух.
51 И се, завeса церковная раздрася на двое с вышняго края до нижняго: и земля потрясеся: и камение распадеся:
52 и гроби отверзошася: и многа тeлеса усопших святых восташа:
53 и изшедше из гроб, по воскреснии его, внидоша во святый град и явишася мнозeм.
54 Сотник же и иже с ним стрегущии Иисуса, видeвше трус и бывшая, убояшася зeло, глаголюще: воистинну Божий Сын бe сей.
55 Бяху же ту и жены многи издалеча зрящя, яже идоша по Иисусe от галилеи, служащя ему:
56 в нихже бe мариа магдалина, и мариа иакова и иосии мати, и мати сыну зеведеову.
57 Поздe же бывшу, прииде человeк богат от аримафеа, именем иосиф, иже и сам учися у Иисуса:
58 сей приступль к пилату, проси тeлесе Иисусова. Тогда пилат повелe дати тeло.
59 И приемь тeло иосиф, обвит е плащаницею чистою
60 и положи е в новeм своем гробe, егоже изсeче в камени: и возвалив камень велий над двери гроба, отиде.
61 Бe же ту мариа магдалина и другая мариа, сeдящe прямо гроба.
62 Во утрий же день, иже есть по пятцe, собрашася архиерее и фарисее к пилату,
63 глаголюще: господи, помянухом, яко льстец он рече, еще сый жив: по триех днех востану:
64 повели убо утвердити гроб до третияго дне, да не како пришедше ученицы его нощию украдут его и рекут людем: воста от мертвых: и будет послeдняя лесть горша первыя.
65 Рече же им пилат: имате кустодию: идите, утвердите, якоже вeсте.
66 Они же шедше утвердиша гроб, знаменавше камень с кустодиею.
1 В вечер же субботный (по вечери же субботнeм), свитающи во едину от суббот, прииде мариа магдалина и другая мариа, видeти гроб.
2 И се, трус бысть велий: ангел бо Господень сшед с небесе, приступль отвали камень от дверий гроба и сeдяше на нем:
3 бe же зрак его яко молния, и одeяние его бeло яко Сынeг.
4 От страха же его сотрясошася стрегущии и быша яко мертви.
5 Отвeщав же ангел рече женам: не бойтеся вы: вeм бо, яко Иисуса распятаго ищете:
6 нeсть здe: воста бо, якоже рече: приидите, видите мeсто, идeже лежа Господь,
7 и скоро шедшe рцыте учеником его, яко воста от мертвых и се, варяет вы в галилеи: тамо его узрите: се, рeх вам.
8 И изшедшe скоро от гроба со страхом и радостию велиею, текостe возвeстити учеником его.
9 Егда же идястe возвeстити учеником его, и се, Иисус срeте я, глаголя: радуйтеся. Онe же приступльшe ястeся за нозe его и поклонистeся ему.
10 Тогда глагола има Иисус: не бойтеся: идите, возвeстите братии моей, да идут в галилею, и ту мя видят.
11 Идущема же има, се, нeцыи от кустодии пришедше во град, возвeстиша архиереом вся бывшая.
12 И собравшеся со старцы, совeт сотвориша, сребреники доволны даша воином,
13 глаголюще: рцыте, яко ученицы его нощию пришедше украдоша его, нам спящым:
14 и аще сие услышано будет у игемона, мы утолим его и вас безпечальны сотворим.
15 Они же приемше сребреники, сотвориша, якоже научени быша. И промчеся слово сие во иудеех даже до сего дне.
16 Единии же надесяте ученицы идоша в галилею, в гору, аможе повелe им Иисус:
17 и видeвше его, поклонишася ему: ови же усумнeшася.
18 И приступль Иисус, рече им, глаголя: дадеся ми всяка власть на небеси и на земли:
19 шедше убо научите вся языки, крестяще их во имя Отца и Сына и Святаго Духа,
20 учаще их блюсти вся, елика заповeдах вам: и се, аз с вами есмь во вся дни до скончания вeка. Аминь.