1 Зачало евангелиа Иисуса Христа, Сына Божия,
2 якоже есть писано во пророцeх: се, аз посылаю ангела моего пред лицем твоим, иже уготовит путь твой пред тобою.
3 Глас вопиющаго в пустыни: уготовайте путь Господень, правы творите стези его.
4 Бысть иоанн крестяй в пустыни и проповeдая крещение покаяния во отпущение грeхов.
5 И исхождаше к нему вся иудейская страна и иерусалимляне: и крещахуся вси во иорданe рeцe от него, исповeдающе грeхи своя.
6 Бe же иоанн оболчен власы велблужди, и пояс усмен о чреслeх его, и ядый акриды и мед дивий.
7 И проповeдаше, глаголя: грядет крeплий мене вслeд мене, емуже нeсмь достоин преклонься разрeшити ремень сапог его:
8 аз убо крестих вы водою: той же крестит вы духом святым.
9 И бысть во онeх днех, прииде Иисус от назарета галилейскаго и крестися от иоанна во иорданe.
10 И абие восходя от воды, видe разводящася небеса и духа яко голубя, сходяща нань.
11 И глас бысть с небесе: ты еси Сын мой возлюбленный, о немже благоволих.
12 И абие дух изведе его в пустыню.
13 И бe ту в пустыни дний четыредесять, искушаемь сатаною, и бe со звeрьми: и ангели служаху ему.
14 По предании же иоанновe, прииде Иисус в галилею, проповeдая евангелие царствия Божия
15 и глаголя, яко исполнися время и приближися царствие Божие: покайтеся и вeруйте во евангелие.
16 Ходя же при мори галилейстeм, видe симона и андреа брата (того) симона, вметающа мрежи в море: бeста бо рыбаря.
17 И рече има Иисус: приидита вслeд мене, и сотворю вас быти ловца человeком.
18 И абие оставльша мрежи своя, по нем идоста.
19 И прешед мало оттуду, узрe иакова зеведеова и иоанна брата его, и та в корабли строяща мрежа:
20 и абие воззва я. И оставльша отца своего зеведеа в корабли с наемники, по нем идоста.
21 И внидоша в капернаум: и абие в субботы вшед в сонмище, учаше.
22 И дивляхуся о учении его: бe бо учя их яко власть имый, и не яко книжницы.
23 И бe в сонмищи их человeк в дусe нечисте, и воззва,
24 глаголя: остави, что нам и тебe, Иисусе назарянине? пришел еси погубити нас: вeм тя, кто еси, святый Божий.
25 И запрети ему Иисус, глаголя: умолчи и изыди из него.
26 И стрясе его дух нечистый, и возопи гласом великим, и изыде из него.
27 И ужасошася вси, якоже стязатися им к себe, глаголющым: что есть сие? (и) что учение новое сие, яко по области и духовом нечистым велит, и послушают его?
28 Изыде же слух его абие во всю страну галилейску.
29 И абие из сонмища изшедше, приидоша в дом симонов и андреов, со иаковом и иоанном.
30 Теща же симонова лежаше огнем жегома: и абие глаголаша ему о ней.
31 И приступль воздвиже ю, емь за руку ея: и остави ю огнь абие, и служаше им.
32 Поздe же бывшу, егда захождаше солнце, приношаху к нему вся недужныя и бeсныя.
33 И бe весь град собрался к дверем.
34 И изцeли многи злe страждущыя различными недуги: и бeсы многи изгна, и не оставляше глаголати бeсы, яко вeдяху его Христа суща.
35 И утро, нощи сущей зeло, востав изыде, и иде в пусто мeсто, и ту молитву дeяше.
36 И гнаша его симон и иже с ним:
37 и обрeтше его, глаголаша ему, яко вси тебе ищут.
38 И глагола им: идем в ближния веси и грады, да и тамо проповeм: на сие бо изыдох.
39 И бe проповeдая на сонмищих их, во всей галилеи, и бeсы изгоня.
40 И прииде к нему прокажен, моля его и на колeну припадая пред ним, и глаголя ему, яко, аще хощеши, можеши мя очстити.
41 Иисус же млсрдовав, простер руку, коснуся его, и глагола ему: хощу, очистися.
42 И рекшу ему, абие отиде от него прокажение, и чист бысть.
43 И запрещь ему, абие изгна его:
44 и глагола ему: блюди, никомуже ничесоже рцы: но шед покажися иерееви и принеси за очищение твое, яже повелe моисей, во свидeтелство им.
45 Он же изшед начат проповeдати много и проносити слово, якоже ктому не мощи ему явe во град внити: но внe в пустых мeстeх бe. И прихождаху к нему отвсюду.
1 И вниде паки в капернаум по днех: и слышано бысть, яко в дому есть.
2 И абие собрашася мнози, якоже ктому не вмещатися ни при дверех: и глаголаше им слово.
3 И приидоша к нему носяще разслабленна (жилами), носима четырми:
4 и не могущым приближитися к нему народа ради, открыша покров, идeже бe, и прокопавше свeсиша одр, на немже разслабленный лежаше.
5 Видeв же Иисус вeру их, глагола разслабленному: чадо, отпущаются тебe грeси твои.
6 Бяху же нeцыи от книжник ту седяще и помышляюще в сердцах своих:
7 что сей тако глаголет хулы? кто может оставляти грeхи, токмо един Бог?
8 И абие разумeв Иисус духом своим, яко тако тии помышляют в себe, рече им: что сия помышляете в сердцах ваших?
9 что есть удобeе? рещи разслабленному: отпущаются тебe грeси? или рещи: востани, и возми одр твой, и ходи?
10 но да увeсте, яко власть имать Сын человeческий на земли отпущати грeхи: глагола разслабленному:
11 тебe глаголю: востани, и возми одр твой, и иди в дом твой.
12 И воста абие, и взем одр, изыде пред всeми: яко дивитися всeм и славити Бога, глаголющым, яко николиже тако видeхом.
13 И изыде паки к морю: и весь народ идяше к нему, и учаше их.
14 И мимогрядый видe левию алфеова, сeдяща на мытницe, и глагола ему: по мнe гряди. И востав вслeд его иде.
15 И бысть возлежащу ему в дому его, и мнози мытари и грeшницы возлежаху со Иисусом и со ученики его: бяху бо мнози, и по нем идоша.
16 И книжницы и фарисее, видeвше его ядуща с мытари и грeшники, глаголаху учеником его: что яко с мытари и грeшники яст и пиет?
17 И слышав Иисус глагола им: не требуют здравии врача, но болящии: не приидох призвати првдники, но грeшники на покаяние.
18 И бяху ученицы иоанновы и фарисейстии постящеся. И приидоша и глаголаша ему: почто ученицы иоанновы и фарисейстии постятся, а твои ученицы не постятся?
19 И рече им Иисус: еда могут сынове брачнии, дондеже жених с ними есть, поститися? елико время с собою имут жениха, не могут поститися:
20 приидут же дние, егда отимется от них жених, и тогда постятся в тыя дни:
21 и никтоже приложения плата небeлена пришивает к ризe ветсe: аще ли же ни, возмет конец его новое от ветхаго (отторгнет приставление его новое (нeчто) от ветхаго), и горша дира будет:
22 и никтоже вливает вина нова в мeхи ветхи: аще ли же ни, просадит вино новое мeхи, и вино пролиется, и мeси погибнут: но вино новое в мeхи новы влияти (влияти подобает).
23 И бысть мимоходити ему в субботы сквозe сeяния, и начаша ученицы его путь творити, востерзающе класы.
24 И фарисее глаголаху ему: виждь, что творят в субботы, егоже не достоит?
25 И той глаголаше им: нeсте ли николиже чли, что сотвори давид, егда требование имe и взалка сам и иже с ним?
26 како вниде в дом Божий при авиафарe архиереи, и хлeбы предложения Сынeде, ихже не достояше ясти токмо иереем, и даде и сущым с ним?
27 И глаголаше им: суббота человeка ради бысть, а не человeк субботы ради:
28 тeмже господь есть Сын человeческий и субботe.
1 И вниде паки в сонмище: и бe тамо человeк, суху имый руку.
2 И назираху его, аще в субботы изцeлит его, да нань возглаголют.
3 И глагола человeку суху имущему руку: стани посредe.
4 И глагола им: достоит ли в субботы добро творити, или зло творити? душу спасти, или погубити? Они же молчаху.
5 И воззрeв на них со гнeвом, скорбя о окаменении сердец их, глагола человeку: простри руку твою. И простре: и утвердися рука его цeла яко другая.
6 И изшедше фарисее, абие со иродианы совeт творяху нань, како его погубят.
7 Иисус же отиде со ученики своими к морю: и мног народ от галилеи по нем иде, и от иудеи,
8 и от иерусалима, и от идумеи, и со онаго полу иордана. И от тира и сидона множество многое, слышавше, елика творяше, (и) приидоша к нему.
9 И рече учеником своим, да корабль будет у него народа ради, да не стужают ему.
10 Многи бо изцeли, якоже нападати на него, да ему прикоснутся, елицы имeяху раны.
11 И дуси нечистии, егда видяху его, припадаху к нему и зваху, глаголюще, яко ты еси Сын Божий.
12 И много прещаше им, да не явлена его сотворят.
13 И взыде на гору и призва, ихже хотяше сам: и приидоша к нему.
14 И сотвори дванадесяте, да будут с ним, и да посылает их проповeдати,
15 и имeти власть цeлити недуги и изгонити бeсы:
16 и нарече симону имя петр:
17 и иакова зеведеова и иоанна брата иаковля: и нарече има имена воанергес, еже есть сына громова:
18 и андреа, и филиппа, и варфоломеа, и матфеа, и фому, и иакова алфеова, и фаддеа, и симона кананита,
19 и иуду искариотскаго, иже и предаде его.
20 И приидоша в дом: и собрася паки народ, яко не мощи им ни хлeба ясти.
21 И слышавше иже бяху у него, изыдоша, да имут его: глаголаху бо, яко неистов есть.
22 И книжницы, иже от иерусалима низшедшии, глаголаху, яко веельзевула имать и яко о князи бeсовстeм изгонит бeсы.
23 И призвав их, в притчах глаголаше им: како может сатана сатану изгонити?
24 И аще царство на ся раздeлится, не может стати царство то:
25 и аще дом на ся раздeлится, не может стати дом той:
26 и аще сатана воста на ся сам и раздeлися, не может стати, но конец имать.
27 Никтоже может сосуды крeпкаго, вшед в дом его, расхитити, аще не первeе крeпкаго свяжет: и тогда дом его расхитит.
28 Аминь глаголю вам, яко вся отпустятся согрeшения сыном человeческим, и хуления, елика аще восхулят:
29 а иже восхулит на духа святаго, не имать отпущения во вeки, но повинен есть вeчному суду.
30 Зане глаголаху: духа нечистаго имать.
31 Приидоша убо мати и братия его, и внe стояще послаша к нему, зовуще его.
32 И сeдяше народ окрест его. Рeша же ему: се, мати твоя и братия твоя (и сестры твоя) внe ищут тебе.
33 И отвeща им, глаголя: кто есть мати моя, или братия моя?
34 И соглядав окрест себе сeдящыя, глагола: се, мати моя и братия моя:
35 иже бо аще сотворит волю Божию, сей брат мой и сестра моя и мати (ми) есть.
1 И паки начат учити при мори: и собрася к нему народ мног, якоже самому влeзшу в корабль, сeдeти в мори: и весь народ при мори на земли бяше.
2 И учаше их притчами много и глаголаше им во учении своем:
3 слышите: се, изыде сeяй сeяти:
4 и бысть егда сeяше, ово паде при пути, и приидоша птицы, и позобаша е:
5 другое же паде при камени, идeже не имяше земли многи, и абие прозябе, зане не имяше глубины земныя:
6 солнцу же возсиявшу присвяде, и зане не имяше корене, изсше:
7 и другое паде в тернии, и взыде терние, и подави е: и плода не даде:
8 и другое паде на земли добрeй, и даяше плод восходящь и растущь, и приплодоваше на тридесять, и на шестьдесят, и на сто.
9 И глаголаше: имeяй ушы слышати да слышит.
10 Егда же бысть един, вопросиша его, иже бяху с ним, со обeманадесяте о притчи.
11 И глаголаше им: вам есть дано вeдати тайны царствия Божия: онeм же внeшним в притчах вся бывают,
12 да видяще видят, и не узрят: и слышаще слышат, и не разумeют: да не когда обратятся, и оставятся им грeси.
13 И глагола им: не вeсте ли притчи сея? и како вся притчи уразумeете?
14 Сeяй, слово сeет.
15 Сии же суть, иже при пути, идeже сeется слово, и егда услышат, абие приходит сатана и отемлет слово сeянное в сердцах их.
16 И сии суть такожде иже на каменных сeемии, иже егда услышат слово, абие с радостию приемлют е:
17 и не имут корения в себe, но привременни суть: таже бывшей печали или гонению словесе ради, абие соблажняются.
18 А сии суть, иже в тернии сeемии, слышащии слово:
19 и печали вeка сего, и лесть богатства, и о прочих похоти входящыя подавляют слово, и безплодно бывает.
20 И сии суть, иже на земли добрeй сeяннии, иже слышат слово и приемлют, и плодствуют на тридесять, и на шестьдесят, и на сто.
21 И глаголаше им: еда свeтилник приходит (вжигают), да под спудом положат его или под одром? не да ли на свeщницe положен будет?
22 нeсть бо тайно, еже не явится, ниже бысть потаено, но да приидет в явление:
23 аще кто имать ушы слышати, да слышит.
24 И глаголаше им: блюдите что слышите: в нюже мeру мeрите, возмeрится вам, и приложится вам слышащым:
25 иже бо аще имать, дастся ему: а иже не имать, и еже имать, отимется от него.
26 И глаголаше: тако есть (и) царствие Божие, якоже человeк вметает сeмя в землю,
27 и спит, и востает нощию и днию: и сeмя прозябает и растет, якоже не вeсть он:
28 от себе бо земля плодит прежде траву, потом клас, таже исполняет пшеницу в класe:
29 егда же созрeет плод, абие послет серп, яко наста жатва.
30 И глаголаше: чесому уподобим царствие Божие? или коей притчи приложим е?
31 яко зерно горушично, еже егда всeяно будет в земли, мнeе всeх сeмен есть земных:
32 и егда всeяно будет, возрастает, и бывает болeе всeх зелий, и творит вeтви велия, яко мощи под сeнию его птицам небесным витати.
33 И таковыми притчами многими глаголаше им слово, якоже можаху слышати.
34 Без притчи же не глаголаше им словесе: особь же учеником своим сказаше вся.
35 И глагола им в той день, вечеру бывшу: прейдем на он пол.
36 И отпущше народы, пояша его якоже бe в корабли: и инии же корабли бяху с ним.
37 И бысть буря вeтрена велика: волны же вливахуся в корабль, яко уже погружатися ему.
38 И бe сам на кормe на возглавницe спя. И возбудиша его и глаголаша ему: учителю, не радиши ли, яко погибаем?
39 И востав запрети вeтру и рече морю: молчи, престани. И улеже вeтр, и бысть тишина велия.
40 И рече им: что тако страшливи есте? како не имате вeры?
41 И убояшася страхом велиим и глаголаху друг ко другу: кто убо сей есть, яко и вeтр и море послушают его?
1 И приидоша на он пол моря, во страну гадаринскую.
2 И излeзшу ему из корабля, абие срeте его от гробов человeк в дусe нечистe,
3 иже жилище имяше во гробeх, и ни веригами никтоже можаше его связати:
4 зане ему многажды путы и ужы (желeзны) связану сущу, и растерзатися от него ужем (желeзным) и путом сокрушатися: и никтоже можаше его умучити (укротити):
5 и выну нощь и день во гробeх и в горах бe, вопия и толкийся камением.
6 Узрeв же Иисуса издалеча, тече и поклонися ему,
7 и возопив гласом велиим, рече: что мнe и тебe, Иисусе, Сыне Бога вышняго? заклинаю тя Богом, не мучи мене.
8 Глаголаше бо ему: изыди, душе нечистый, от человeка.
9 И вопрошаше его: что ти есть имя? И отвeща глаголя: легеон имя мнe, яко мнози есмы.
10 И молиша его много, да не послет их внe страны.
11 Бe же ту при горe стадо свиное велие пасомо.
12 И молиша его вси бeси, глаголюще: посли ны во свиния, да в ня внидем.
13 И повелe им абие Иисус. И изшедше дуси нечистии, внидоша во свиния: и устремися стадо по брегу в море, бяху же яко двe тысящы, и утопаху в мори.
14 Пасущии же свиния бeжаша и возвeстиша во градe и в селeх. И изыдоша видeти, что есть бывшее.
15 И приидоша ко Иисусови, и видeша бeсновавшагося сeдяща и оболчена и смысляща, имeвшаго легеон: и убояшася.
16 Повeдаша же им видeвшии, како бысть бeсному, и о свиниях.
17 И начаша молити его отити от предeл их.
18 И влeзшу ему в корабль, моляше его бeсновавыйся, дабы был с ним.
19 Иисус же не даде ему, но рече ему: иди в дом твой ко твоим и возвeсти им, елика ти господь сотвори и помилова тя.
20 И иде и нача проповeдати в десяти градeх, елика сотвори ему Иисус. И вси дивляхуся.
21 И прешедшу Иисусу в корабли паки на он пол, собрася народ мног о нем (к нему). И бe при мори.
22 И се, прииде един от архисинагог, именем иаир, и видeв его, паде при ногу его
23 и моляше его много, глаголя, яко дщи моя на кончинe есть: да пришед возложиши на ню руцe, яко да спасется и жива будет.
24 И иде с ним: и по нем идяху народи мнози и угнетаху его.
25 И жена нeкая сущи в точении крове лeт дванадесяте,
26 и много пострадавши от мног врачев, и издавши своя вся, и ни единыя пользы обрeтши, но паче в горшее пришедши:
27 слышавши о Иисусe, пришедши в народe созади, прикоснуся ризe его:
28 глаголаше бо, яко, аще прикоснуся ризам его, спасена буду.
29 И абие изсякну источник крове ея: и разумe (и ощути) тeлом, яко изцeлe от раны.
30 И абие Иисус разумe в себe силу изшедшую от него, (и) обращься в народe, глаголаше: кто прикоснуся ризам моим?
31 И глаголаху ему ученицы его: видиши народ угнетающь тя, и глаголеши: кто прикоснуся мнe?
32 И обглядаше видeти сотворшую сие.
33 Жена же убоявшися и трепещущи, вeдящи, еже бысть ей, прииде и припаде к нему и рече ему всю истину.
34 Он же рече ей: дщи, вeра твоя спасе тя: иди в мирe и буди цeла от раны твоея.
35 Еще ему глаголющу, (и) приидоша от архисинагога, глаголюще, яко дщи твоя умре: что еще движеши учителя?
36 Иисус же абие слышав слово глаголемое, глагола архисинагогови: не бойся, токмо вeруй.
37 И не остави по себe ни единаго ити, токмо петра и иакова и иоанна брата иаковля.
38 И прииде в дом архисинагогов и видe молву, плачущыяся и кричащыя много.
39 И вшед глагола им: что молвите и плачетеся? отроковица нeсть умерла, но спит.
40 И ругахуся ему. Он же изгнав вся, поят отца отроковицы и матерь, и иже (бeху) с ним, и вниде, идeже бe отроковица лежащи.
41 И емь за руку отроковицу, глагола ей: талифа куми: еже есть сказаемо: дeвице, тебe глаголю, востани.
42 И абие воста дeвица и хождаше: бe бо лeт двоюнадесяте. И ужасошася ужасом велиим.
43 И запрети им много, да никтоже увeсть сего, и рече: дадите ей ясти.
1 И изыде оттуду и прииде во отечествие свое: и по нем идоша ученицы его.
2 И бывшей субботe, начат на сонмищи учити. И мнози слышащии дивляхуся, глаголюще: откуду сему сия? и что премдрость данная ему, и силы таковы рукама его бывают?
3 не сей ли есть тектон, Сын мариин, брат же иакову и иосии и иудe и симону? и не сестры ли его здe (суть) в нас? И блажняхуся о нем.
4 Глаголаше же им Иисус, яко нeсть пророк без чести, токмо во отечествии своем, и в сродствe и в дому своем.
5 И не можаше ту ни единыя силы сотворити, токмо мало недужных, возложь руцe, изцeли.
6 И дивляшеся за невeрствие их: и обхождаше веси окрест учя.
7 И призва обанадесяте, и начат их посылати два два, и даяше им власть над духи нечистыми.
8 И заповeда им, да ничесоже возмут на путь, токмо жезл един: ни пиры, ни хлeба, ни при поясe мeди:
9 но обувени в сандалия: и не облачитися в двe ризe.
10 И глаголаше им: идeже аще внидете в дом, ту пребывайте, дондеже изыдете оттуду:
11 и елицы аще не приимут вы, ниже послушают вас, исходяще оттуду, оттрясите прах, иже под ногами вашими, во свидeтелство им: аминь глаголю вам, отраднeе будет содомом и гоморром в день судный, неже граду тому.
12 И изшедше проповeдаху, да покаются:
13 и бeсы многи изгоняху: и мазаху маслом многи недужныя, и изцeлeваху.
14 И услыша царь ирод: явe бо бысть имя его: и глаголаше, яко иоанн креститель от мертвых воста, и сего ради силы дeются о нем.
15 Инии глаголаху, яко илиа есть: инии же глаголаху, яко пророк есть, или яко един от пророк.
16 Слышав же ирод рече, яко, егоже аз усeкнух иоанна, той есть: той воста от мертвых.
17 Той бо ирод послав, ят иоанна и связа его в темницe, иродиады ради жены филиппа брата своего, яко оженися ею.
18 Глаголаше бо иоанн иродови: не достоит тебe имeти жену (филиппа) брата твоего.
19 Иродиа же гнeвашеся на него и хотяше его убити: и не можаше.
20 Ирод бо бояшеся иоанна, вeдый его мужа првдна и свята, и соблюдаше его: и послушав его, многа творяше, и в сладость его послушаше.
21 И приключшуся дню потребну (удобну), егда ирод рождеству своему вечерю творяше князем своим и тысящником и старeйшинам галилейским:
22 и вшедши дщерь тоя иродиады, и плясавши, и угождши иродови и возлежащым с ним, рече царь дeвицe: проси у мене егоже аще хощеши, и дам ти.
23 И клятся ей: яко егоже аще попросиши у мене, дам ти, и до пол царствия моего.
24 Она же изшедши рече матери своей: чесо прошу? Она же рече: главы иоанна крестителя.
25 И вшедши абие со тщанием к царю, просяше, глаголющи: хощу, да ми даси от него (абие) на блюдe главу иоанна крестителя.
26 И прискорбен быв царь, клятвы (же) ради и за возлежащих с ним не восхотe отрeщи ей.
27 И абие послав царь спекулатора, повелe принести главу его.
28 Он же шед усeкну его в темницe, и принесе главу его на блюдe, и даде ю дeвицe: и дeвица даде ю матери своей.
29 И слышавше ученицы его, приидоша и взяша труп его, и положиша его во гробe.
30 И собрашася апостоли ко Иисусу и возвeстиша ему вся, и елика сотвориша, и елика научиша.
31 И рече им: приидите вы сами в пусто мeсто едини (особь) и почийте мало. Бяху бо приходящии и отходящии мнози, и ни ясти им бe когда.
32 И идоша в пусто мeсто кораблем едини.
33 И видeша их идущих народи, и познаша их мнози: и пeши от всeх градов стицахуся тамо, и предвариша их, и снидошася к нему.
34 И изшед видe Иисус народ мног и млсрдова о них, зане бяху яко овцы не имущыя пастыря: и начат их учити много.
35 И уже часу многу бывшу, приступльше к нему ученицы его, глаголаша, яко пусто есть мeсто, и уже час мног:
36 отпусти их, да шедше во окрестных селeх и весех купят себe хлeбы: не имут бо чесо ясти.
37 Он же отвeщав рече им: дадите им вы ясти. И глаголаша ему: да шедше купим двeма стома пeнязь хлeбы и дамы им ясти?
38 Он же рече им: колико хлeбы имате? идите и видите. И увeдeвше глаголаша: пять (хлeб), и двe рыбe.
39 И повелe им посадити вся на споды на споды (во округ) на травe зеленe.
40 И возлегоша на лeхи на лeхи (на кучы) по сту и по пятидесят.
41 И приемь пять хлeб и двe рыбe, воззрeв на небо, благсви и преломи хлeбы, и даяше учеником своим, да предлагают пред ними: и обe рыбe раздeли всeм.
42 И ядоша вси и насытишася:
43 и взяша укрухи, дванадесяте кошя исполнь, и от рыбу.
44 Бяше же ядших хлeбы яко пять тысящ мужей.
45 И абие понуди ученики своя внити в корабль и варити (предварити) его на он пол к вифсаидe, дондеже сам отпустит народы.
46 И отрекся им (и отпустив я), иде в гору помолитися.
47 И вечеру бывшу, бe корабль посредe моря, и сам един на земли.
48 И видe их страждущих в плавании: бe бо вeтр противен им: и о четвертeй стражи нощнeй прииде к ним, по морю ходяй, и хотяше минути их.
49 Они же видeвше его ходяща по морю, мняху призрак быти и возопиша.
50 Вси бо его видeша и смутишася. И абие глагола с ними и рече им: дерзайте: аз есмь, не бойтеся.
51 И вниде к ним в корабль: и улеже вeтр. И зeло излиха в себe ужасахуся и дивляхуся.
52 Не разумeша бо о хлeбeх: бe бо сердце их окаменено.
53 И прешедше приидоша в землю геннисаретску и присташа.
54 И изшедшым им из корабля, абие познаша его,
55 обтекше всю страну ту, начаша на одрeх приносити болящыя, идeже слышаху, яко ту есть.
56 И аможе аще вхождаше в веси, или во грады, или села, на распутиих полагаху недужныя и моляху его, да поне воскрилию ризы его прикоснутся: и елицы аще прикасахуся ему, спасахуся.
1 И собрашася к нему фарисее и нeцыи от книжник, пришедшии от иерусалима:
2 и видeвше нeкиих от ученик его нечистыми руками, сирeчь неумовеными, ядущих хлeбы, ругахуся.
3 Фарисее бо и вси иудее, аще не трыюще (до лакот) умыют рук, не ядят, держаще предания старец:
4 и от торжища, аще не покуплются, не ядят. И ина многа суть, яже прияша держати: погружения сткляницам и чваном и котлом и одром.
5 Потом же вопрошаху его фарисее и книжницы: почто ученицы твои не ходят по преданию старец, но неумовеными руками ядят хлeб?
6 Он же отвeщав рече им, яко добрe пророчествова исаиа о вас лицемeрeх, якоже есть писано: сии людие устнами мя чтут, сердце же их далече отстоит от мене,
7 всуе же чтут мя, учаще учением, заповeдем человeческим:
8 оставльше бо заповeдь Божию, держите предания человeческая, крещения (омовения) чваном и сткляницам, и ина подобна такова многа творите.
9 И глаголаше им: добрe отметаете заповeдь Божию, да предание ваше соблюдете:
10 Моисей бо рече: чти отца твоего и матерь твою: и иже злословит отца или матерь, смертию да умрет:
11 вы же глаголете: аще речет человeк отцу или матери: корван, еже есть дар, иже аще (имже бы) пользовался еси от мене:
12 и не ктому оставляете его что сотворити отцу своему или матери своей,
13 преступающе слово Божие преданием вашим, еже предасте: и подобна такова многа творите.
14 И призвав весь народ, глаголаше им: послушайте мене вси и разумeйте:
15 ничтоже есть внeуду человeка входимо в онь, еже может осквернити его: но исходящая от него, та суть сквернящая человeка:
16 аще кто имать ушы слышати, да слышит.
17 И егда вниде в дом от народа, вопрошаху его ученицы его о притчи.
18 И глагола им: тако ли и вы неразумливи есте? не разумeете ли, яко все, еже извнe входимое в человeка, не может осквернити его?
19 яко не входит ему в сердце, но во чрево: и афедроном исходит, истребляя вся брашна.
20 Глаголаше же, яко исходящее от человeка, то сквернит человeка:
21 извнутрь бо от сердца человeческа помышления злая исходят, прелюбодeяния, любодeяния, убийства,
22 татьбы, лихоимства, (обиды,) лукавствия, лесть, студодeяния, око лукаво, хула, гордыня, безумство:
23 вся сия злая извнутрь исходят и сквернят человeка.
24 И оттуду востав, иде в предeлы тирски и сидонски: и вшед в дом, ни когоже хотяше, дабы его чул: и не може утаитися.
25 Слышавши бо жена о нем, еяже дщи имяше духа нечиста, пришедши припаде к ногама его:
26 жена же бe еллинска, сирофиникисса родом: и моляше его, да бeса изженет из дщере ея.
27 Иисус же рече ей: остави, да первeе насытятся чада: нeсть бо добро отяти хлeб чадом и поврещи псом.
28 Она же отвeщавши глагола ему: ей, Господи: ибо и пси под трапезою ядят от крупиц дeтей.
29 И рече ей: за сие слово, иди: изыде бeс из дщере твоея.
30 И шедши в дом свой, обрeте бeса изшедша и дщерь лежащу на одрe.
31 И паки изшед Иисус от предeл тирских и сидонских, прииде на море галилейско, между предeлы декапольски.
32 И приведоша к нему глуха и гугнива, и моляху его, да возложит нань руку.
33 И поемь его от народа единаго (особь), вложи персты своя во ушы его и плюнув коснуся языка его:
34 и воззрeв на небо, воздохну и глагола ему: еффафа, еже есть разверзися.
35 И абие разверзостася слуха его, и разрeшися уза языка его, и глаголаше право.
36 И запрети им, да ни комуже повeдят: елико же им той запрещаше, паче излиха проповeдаху.
37 И преизлиха дивляхуся, глаголюще: добрe все творит: и глухия творит слышати, и нeмыя глаголати.
1 В тыя дни, зeло многу народу сущу, и не имущым чесо ясти, призвав Иисус ученики своя, глагола им:
2 млсрдую о народe, яко уже три дни присeдят мнe и не имут чесо ясти:
3 и аще отпущу их не ядших в домы своя, ослабeют на пути: мнози бо от них издалеча пришли суть.
4 И отвeщаша ему ученицы его: откуду сих возможет кто здe насытити хлeбы в пустыни?
5 И вопроси их: колико имате хлeбов? Они же рeша: седмь.
6 И повелe народу возлещи на земли: и приемь седмь хлeбов, хвалу воздав, преломи и даяше учеником своим, да предлагают: и предложиша пред народом.
7 И имяху рыбиц мало: и (сия) благсвив, рече предложити и тыя.
8 Ядоша же и насытишася: и взяша избытки укрух, седмь кошниц.
9 Бяху же ядших яко четыре тысящы. И отпусти их.
10 И абие влeз в корабль со ученики своими, прииде во страны далмануфански.
11 И изыдоша фарисее и начаша стязатися с ним, ищуще от него знамения с небесе, искушающе его.
12 И воздохнув духом своим, глагола: что род сей знамения ищет? аминь глаголю вам, аще дастся роду сему знамение.
13 И оставль их, влeз паки в корабль, (и) иде на он пол.
14 И забыша ученицы его взяти хлeбы и развe единаго хлeба не имяху с собою в корабли.
15 И прещаше им, глаголя: зрите, блюдитеся от кваса фарисейска и от кваса иродова.
16 И помышляху, друг ко другу глаголюще, яко хлeбы не имамы.
17 И разумeв Иисус, глагола им: что помышляете, яко хлeбы не имате? не у ли чувствуете, ниже разумeете? еще ли окаменено сердце ваше имате?
18 очи имуще не видите? и ушы имуще не слышите? и не помните ли,
19 егда пять хлeбы преломих в пять тысящ, колико кош исполнь укрух приясте? Глаголаша ему: дванадесять.
20 Егда же седмь в четыре тысящы, колико кошниц исполнения укрух взясте? Они же рeша: седмь.
21 И глагола им: како не разумeете?
22 И прииде в вифсаиду: и приведоша к нему слeпа, и моляху его, да его коснется.
23 И емь за руку слeпаго, изведе его вон из веси: и плюнув на очи его, (и) возложь руцe нань, вопрошаше его, аще что видит?
24 И воззрeв глаголаше: вижу человeки яко древие ходящя.
25 Потом (же) паки возложи руцe на очи его и сотвори его прозрeти: и утворися (и изцeлe) и узрe свeтло все.
26 И посла его в дом его, глаголя: ни в весь вниди, ни повeждь кому в веси.
27 И изыде Иисус и ученицы его в веси кесарии филипповы: и на пути вопрошаше ученики своя, глаголя им: кого мя глаголют человeцы быти?
28 Они же отвeщаша: иоанна крестителя: и инии илию: друзии же единаго от пророк.
29 И той глагола им: вы же кого мя глаголете быти? Отвeщав же петр глагола ему: ты еси Христос.
30 И запрети им, да ни комуже глаголют о нем.
31 И начат учити их, яко подобает Сыну человeческому много пострадати, и искушену быти от старец и архиерей и книжник, и убиену быти, и в третий день воскрснути.
32 И не обинуяся слово глаголаше. И приемь его петр, начат претити ему.
33 Он же обращься и воззрeв на ученики своя, запрети петрови, глаголя: иди за мною, сатано: яко не мыслиши, яже (суть) Божия, но яже человeческа.
34 И призвав народы со ученики своими, рече им: иже хощет по мнe ити, да отвержется себе, и возмет крест свой, и по мнe грядет:
35 иже бо аще хощет душу свою спасти, погубит ю: а иже погубит душу свою мене ради и евангелиа, той спасет ю:
36 кая бо польза человeку, аще приобрящет мир весь, и отщетит душу свою?
37 или что даст человeк измeну на души своей?
38 иже бо аще постыдится мене и моих словес в родe сем прелюбодeйнeм и грeшнeм, и Сын человeческий постыдится его, егда приидет во славe Отца своего со ангелы святыми.
1 И глаголаше им: аминь глаголю вам, яко суть нeцыи от здe стоящих, иже не имут вкусити смерти, дондеже видят царствие Божие пришедшее в силe.
2 И по шести днех поят Иисус петра и иакова и иоанна, и возведе их на гору высоку особь едины: и преобразися пред ними.
3 И ризы его быша блещащяся, бeлы зeло яко Сынeг, яцeхже не может бeлилник убeлити на земли.
4 И явися им илиа с моисеем: и бeста со Иисусом глаголюща.
5 И отвeщав петр глагола Иисусови: равви, добро есть нам здe быти: и сотворим кровы три, тебe един, и моисееви един, и илии един.
6 Не вeдяше бо, что рeщи: бяху бо пристрашни.
7 И бысть облак осeняя их: и прииде глас из облака, глаголя: сей есть Сын мой возлюбленный, того послушайте.
8 И внезапу воззрeвше, ктому ни когоже видeша, токмо Иисуса единаго с собою.
9 Сходящым же им с горы, запрети им, да ни комуже повeдят, яже видeша, токмо егда Сын человeческий из мертвых воскрснет.
10 И слово удержаша в себe, стязающеся, что есть, еже из мертвых воскрснути.
11 И вопрошаху его глаголюще: како глаголют книжницы, яко илии подобает приити прежде?
12 Он же отвeщав рече им: илиа убо пришед прежде, устроит вся: и како есть писано о Сынe человeчестeм, да много постраждет и уничижен будет:
13 но глаголю вам, яко и илиа прииде, и сотвориша ему, елика хотeша, якоже есть писано о нем.
14 И пришед ко учеником, видe народ мног о них (окрест их) и книжники стязающяся с ними.
15 И абие весь народ видeв его ужасеся, и пририщуще цeловаху его.
16 И вопроси книжники: что стязаетеся к себe (с ними)?
17 И отвeщав един от народа рече: учителю, приведох сына моего к тебe, имуща духа нeма:
18 и идeже колиждо имет его, разбивает его, и пeны тещит, и скрежещет зубы своими, и оцeпенeвает: и рeх учеником твоим, да изженут его, и не возмогоша.
19 Он же отвeщав ему глагола: о!, роде невeрен, доколe в вас буду? доколe терплю вы? приведите его ко мнe.
20 И привeдоша его к нему. И видeв его, абие дух стрясе его: и пад на земли, валяшеся, пeны тещя.
21 И вопроси отца его: колико лeт есть, отнелeже сие бысть ему? Он же рече: издeтска:
22 и многажды во огнь вверже его и в воды, да погубит его: но аще что можеши, помози нам, млсрдовав о нас.
23 Иисус же рече ему: еже аще что можеши вeровати, вся возможна вeрующему.
24 И абие возопив отец отрочате, со слезами глаголаше: вeрую, Господи: помози моему невeрию.
25 Видeв же Иисус, яко срищется народ, запрети духу нечистому, глаголя ему: душе нeмый и глухий, аз ти повeлеваю: изыди из него и ктому не вниди в него.
26 И возопив и много пружався, изыде: и бысть яко мертв, якоже мнозeм глаголати, яко умре.
27 Иисус же емь его за руку, воздвиже его: и воста.
28 И вшедшу ему в дом, ученицы его вопрошаху его единаго: яко мы не возмогохом изгнати его?
29 И рече им: сей род ничимже может изыти, токмо молитвою и постом.
30 И оттуду изшедше, идяху сквозe галилею: и не хотяше, да кто увeсть.
31 Учаше бо ученики своя и глаголаше им, яко Сын человeческий предан будет в руцe человeчестe, и убиют его: и убиен быв, в третий день воскрснет.
32 Они же не разумeваху глагола и бояхуся его вопросити.
33 И прииде в капернаум: и в дому быв, вопрошаше их: что на пути в себe помышлясте?
34 Они же молчаху: друг ко другу бо стязашася на пути, кто (есть) болий.
35 И сeд пригласи обанадесяте и глагола им: аще кто хощет старeй быти, да будет всeх менший и всeм слуга.
36 И приимь отроча, постави е посредe их: и обемь е, рече им:
37 иже аще едино таковых отрочат приимет во имя мое, мене приемлет: и иже мене приемлет, не мене приемлет, но пославшаго мя.
38 Отвeща ему иоанн, глаголя: учителю, видeхом нeкоего именем твоим изгоняща бeсы, иже не ходит по нас: и возбранихом ему, яко не послeдует нам.
39 Иисус же рече: не браните ему: никтоже бо есть, иже сотворит силу о имени моем, и возможет вскорe злословити мя.
40 Иже бо нeсть на вы, по вас есть.
41 Иже бо аще напоит вы чашею воды во имя мое, яко Христовы есте, аминь глаголю вам, не погубит мзды своея.
42 И иже аще соблазнит единаго от малых сих вeрующих в мя, добрeе есть ему паче, аще облeжит камень жерновный о выи его, и ввержен будет в море.
43 И аще соблажняет тя рука твоя, отсeцы ю: добрeе ти есть бeднику (без руки) в живот внити, неже обe руцe имущу внити в геенну, во огнь неугасающий,
44 идeже червь их не умирает, и огнь не угасает.
45 И аще нога твоя соблажняет тя, отсeцы ю: добрeе ти есть внити в живот хрому, неже двe нозe имущу ввержену быти в геенну, во огнь неугасающий,
46 идeже червь их не умирает, и огнь не угасает.
47 И аще око твое соблажняет тя, исткни е: добрeе ти есть со единeм оком внити в царствие Божие, неже двe оцe имущу ввержену быти в геенну огненную,
48 идeже червь их не умирает, и огнь не угасает.
49 Всяк бо огнем осолится, и всяка жертва солию осолится.
50 Добро соль: аще же соль не слана будет, чим осолится? Имeйте соль в себe, и мир имeйте между собою.
1 И оттуду востав прейде в предeлы иудейския, (чрез страну, яже) об он пол иордана. И снидошася паки народи к нему: и яко обычай имe, паки учаше их.
2 И приступльше фарисее вопросиша его: аще достоит мужу жену пустити? искушающе его.
3 Он же отвeщав рече им: что вам заповeда моисей?
4 Они же рeша: моисей повелe книгу распустную написати, и пустити.
5 И отвeщав Иисус рече им: по жестосердию вашему написа вам заповeдь сию:
6 от начала же создания, мужа и жену сотворил я есть Бог:
7 сего ради оставит человeк отца своего и матерь
8 и прилeпится к женe своей, и будета оба в плоть едину: тeмже уже нeста два, но плоть едина:
9 еже убо Бог сочета, человeк да не разлучает.
10 И в дому паки ученицы его о сем вопросиша его.
11 И глагола им: иже аще пустит жену свою и оженится иною, прелюбы творит на ню:
12 и аще жена пустит мужа (мужа своего) и посягнет за иного, прелюбы творит.
13 И приношаху к нему дeти, да коснется их: ученицы же прещаху приносящым.
14 Видeв же Иисус негодова и рече им: оставите дeтей приходити ко мнe и не браните им, тацeх бо есть царствие Божие:
15 аминь глаголю вам: иже аще не приимет царствия Божия яко отроча, не имать внити в не.
16 И обемь их, возложь руцe на них, благсвляше их.
17 И исходящу ему на путь, притек нeкий и поклонься на колeну ему, вопрошаше его: учителю благий, что сотворю, да живот вeчный наслeдствую?
18 Иисус же рече ему: что мя глаголеши блага? никтоже благ, токмо един Бог.
19 Заповeди вeси: не прелюбы сотвориши: не убий: не укради: не лжесвидeтелствуй: не обиди: чти отца твоего и матерь.
20 Он же отвeщав рече ему: учителю, сия вся сохраних от юности моея.
21 Иисус же воззрeв нань, возлюби его и рече ему: единаго еси не докончал: иди, елика имаши, продаждь и даждь нищым, и имeти имаши сокровище на небеси: и прииди (и) ходи вслeд мене, взем крест.
22 Он же дряхл быв о словеси (о словеси сем), отиде скорбя: бe бо имeя стяжания многа.
23 И воззрeв Иисус глагола учеником своим: како неудобь имущии богатство в царствие Божие внидут.
24 Ученицы же ужасахуся о словесeх его. Иисус же паки отвeщав глагола им: чада, како неудобь уповающым на богатство в царствие Божие внити:
25 удобeе бо есть вельбуду сквозe иглинe ушы проити, неже богату в царствие Божие внити.
26 Они же излиха дивляхуся, глаголюще к себe: то кто может спасен быти?
27 Воззрeв же на них Иисус глагола: у человeк невозможно, но не у Бога: вся бо возможна суть у Бога.
28 Начат же петр глаголати ему: се, мы оставихом вся и вслeд тебе идохом.
29 Отвeщав же Иисус рече: аминь глаголю вам: никтоже есть, иже оставил есть дом, или братию, или сестры, или отца, или матерь, или жену, или чада, или села, мене ради и евангелиа ради:
30 аще не приимет сторицею нынe во время сие, домов, и братий, и сестр, и отца, и матере, и чад, и сел, во изгнании, и в вeк грядущий живот вeчный:
31 мнози же будут первии послeдни, и послeднии перви.
32 Бяху же на пути, восходяще во иерусалим: и бe варяя их Иисус, и ужасахуся, и вслeд идуще, бояхуся. И поемь паки обанадесять, начат им глаголати, яже хотяху ему быти:
33 яко, се, восходим во иерусалим, и Сын человeческий предан будет архиереом и книжником, и осудят его на смерть, и предадят его языком:
34 и поругаются ему, и уязвят его, и оплюют его, и убиют его: и в третий день воскрснет.
35 И пред него приидоста иаков и иоанн, сына зеведеева, глаголюща: учителю, хощева, да, еже аще просива, сотвориши нама.
36 Он же рече има: что хощета, да сотворю вама?
37 Она же рeста ему: даждь нам, да един о десную тебе и един о шуюю тебе сядева во славe твоей.
38 Иисус же рече има: не вeста, чесо просита: можета ли пити чашу, юже аз пию, и крещением, имже аз крещаюся, креститися?
39 Она же рeста ему: можева. Иисус же рече има: чашу убо, юже аз пию, испиета, и крещением, имже аз крещаюся, креститася:
40 а еже сeсти о десную мене и о шуюю, нeсть мнe дати, но имже уготовано есть.
41 И слышавше десять, начаша негодовати о иаковe и иоаннe.
42 Иисус же призвав их, глагола им: вeсте, яко мнящиися владeти языки, соодолeвают им, и велицыи их обладают ими:
43 не тако же будет в вас: но иже аще хощет в вас вящший быти, да будет вам слуга:
44 и иже аще хощет в вас быти старeй, да будет всeм раб:
45 ибо Сын человeчь не прииде, да послужат ему, но да послужит и даст душу свою избавление за многи.
46 И приидоша во иерихон. И исходящу ему от иерихона, и учеником его, и народу многу, сын тимеов вартимей слeпый сeдяше при пути, прося.
47 И слышав, яко Иисус назорянин есть, начат звати и глаголати: Сыне давидов Иисусе, помилуй мя.
48 И прещаху ему мнози, да умолчит: он же множае паче зваше: Сыне давидов, помилуй мя.
49 И став Иисус, рече его возгласити. И возгласиша слeпца, глаголюще ему: дерзай, востани, зовет тя.
50 Он же отверг ризы своя, востав прииде ко Иисусови.
51 И отвeщав глагола ему Иисус: что хощеши, да сотворю тебe? Слeпый же глагола ему: учителю, да прозрю.
52 Иисус же рече ему: иди: вeра твоя спасе тя. И абие прозрe и по Иисусe иде в путь.
1 И егда приближися во иерусалим, в виффагию и вифанию, к горe елеонстeй, посла два от ученик своих
2 и глагола има: идита в весь, яже есть прямо вама: и абие входяща в ню, обрящета жребя привязано, на неже никтоже от человeк всeде: отрeшша е, приведита:
3 и аще кто вама речет: что творита сие? рцыта, яко Господь требует е: и абие послет е сeмо.
4 Идоста же, и обрeтоста жребя привязано при дверех внe на распутии, и отрeшиста е.
5 И нeцыи от стоящих ту глаголаху има: что дeета отрeшающа жребя?
6 Она же рeста им, якоже заповeда има Иисус: и оставиша я.
7 И приведоста жребя ко Иисусови: и возложиша на не ризы своя, и всeде на не.
8 Мнози же ризы своя постлаша по пути: друзии же ваиа рeзаху от древия и постилаху по пути.
9 И предходящии и вслeд грядущии вопияху, глаголюще: осанна, благсвен грядый во имя Господне,
10 благсвено грядущее царство во имя Господа отца нашего давида: осанна в вышних.
11 И вниде во иерусалим Иисус и в церковь: и соглядав вся, поздe уже сущу часу, изыде в вифанию со обeманадесяте.
12 И наутрие изшедшым им от вифании, взалка:
13 и видeв смоковницу издалеча, имущу листвие, прииде, аще убо что обрящет на ней: и пришед к ней, ничесоже обрeте, токмо листвие: не у бо бe время смоквам.
14 И отвeщав Иисус рече ей: да не ктому от тебе во вeки никтоже плода Сынeсть. И слышаху ученицы его.
15 И приидоша (паки) во иерусалим. И вшед Иисус в церковь, начат изгонити продающыя и купующыя в церкви: и трапезы торжником и сeдалища продающих голуби испроверже:
16 и не даяше, да кто мимонесет сосуд сквозe церковь.
17 И учаше, глаголя им: нeсть ли писано, яко храм мой храм молитвы наречется всeм языком? вы же сотвористе его вертеп разбойником.
18 И слышаша книжницы и архиерее, и искаху, како его погубят: бояхубося его, яко весь народ дивляшеся о учении его.
19 И яко поздe бысть, исхождаше вон из града.
20 И утро мимоходяще, видeша смоковницу изсохшу из корения.
21 И воспомянув петр глагола ему: равви, виждь, смоковница, юже проклял еси, усше.
22 И отвeщав Иисус глагола им:
23 имeйте вeру Божию: аминь бо глаголю вам, яко, иже аще речет горe сей: двигнися и верзися в море: и не размыслит в сердцы своем, но вeру имет, яко еже глаголет, бывает: будет ему, еже аще речет:
24 сего ради глаголю вам: вся елика аще молящеся просите, вeруйте, яко приемлете: и будет вам:
25 и егда стоите молящеся, отпущайте, аще что имате на кого, да и Отец ваш, иже есть на небесeх, отпустит вам согрeшения ваша:
26 аще ли же вы не отпущаете, ни Отец ваш, иже есть на небесeх, отпустит вам согрeшений ваших.
27 И приидоша паки во иерусалим. И в церкви ходящу ему, приидоша к нему архиерее и книжницы и старцы
28 и глаголаша ему: коею областию сия твориши? и кто ти область сию даде, да сия твориши?
29 Иисус же отвeщав рече им: вопрошу вы и аз словесе единаго, и отвeщайте ми: и реку вам, коею областию сия творю:
30 крещение иоанново с небесе ли бe, или от человeк? отвeщайте ми.
31 И мысляху в себe, глаголюще: аще речем, с небесе, речет: почто убо не вeровасте ему?
32 но аще речем, от человeк: бояхуся людий: вси бо имeяху иоанна, яко воистинну пророк бe.
33 И отвeщавше глаголаша Иисусови: не вeмы. И отвeщав Иисус глагола им: ни аз глаголю вам, коею областию сия творю.
1 И начат им в притчах глаголати: виноград насади человeк, и огради оплотом, и ископа точило, и созда столп, и предаде его тяжателем (дeлателем), и отиде.
2 И посла к тяжателем во время раба, да от тяжатель приимет от плода винограда:
3 они же емше его биша и отослаша тща.
4 И паки посла к ним другаго раба: и того камением бивше, пробиша главу ему и послаша безчестна.
5 И паки иного посла: и того убиша: и многи ины, овы убо биюще, овы же убивающе.
6 Еще убо единаго сына имe возлюбленнаго своего, посла и того к ним послeди, глаголя, яко усрамятся сына моего.
7 Они же тяжателе рeша к себe, яко сей есть наслeдник: приидите, убием его, и наше будет наслeдствие.
8 И емше его убиша и извергоша его вон из винограда.
9 Что убо сотворит господь винограда? Приидет и погубит тяжатели и даст виноград инeм.
10 Ни писания ли сего чли есте: камень, егоже не в ряду сотвориша зиждущии, сей бысть во главу угла:
11 от Господа бысть сие, и есть дивно во очию нашею?
12 И искаху его яти, и убояшася народа: разумeша бо, яко к ним притчу рече: и оставльше его отидоша.
13 И послаша к нему нeкия от фарисей и иродиан, да его обольстят словом.
14 Они же пришедше глаголаша ему: учителю, вeмы, яко истинен еси и не радиши ни о комже: не зриши бо на лице человeков, но воистинну пути Божию учиши: достоит ли кинсон кесареви дати, или ни? дамы ли, или не дамы?
15 Он же вeдый их лицемeрие, рече им: что мя искушаете? принесите ми пeнязь, да вижу.
16 Они же принесоша. И глагола им: чий образ сий и написание? Они же рeша ему: кесарев.
17 И отвeщав Иисус рече им: воздадите кесарева кесареви и Божия Богови. И чудишася о нем.
18 И приидоша саддукее к нему, иже глаголют воскреснию не быти: и вопросиша его, глаголюще:
19 учителю, моисей написа нам, яко аще кому брат умрет и оставит жену, а чад не оставит: да поймет брат его жену его и воскресит сeмя брату своему.
20 Седмь братий бe: и первый поят жену и умирая не остави сeмене:
21 и вторый поят ю и умре, и ни той остави сeмене: и третий такожде:
22 и пояша ю седмь и не оставиша сeмене: послeди же всeх умре и жена.
23 В воскресние убо, егда воскреснут, которому их будет жена: седмь бо имeша ю жену.
24 И отвeщав Иисус рече им: не сего ли ради прельщаетеся, не вeдуще писания, ни силы Божия?
25 егда бо из мертвых воскреснут, ни женятся, ни посягают, но суть яко ангели на небесeх:
26 о мертвых же, яко востают, нeсте ли чли в книгах моисеовых, при купинe яко рече ему Бог, глаголя: аз Бог авраамов и Бог исааков и Бог иаковль?
27 нeсть Бог мертвых, но Бог живых: вы убо много прельщаетеся.
28 И приступль един от книжник, слышав их стязающихся и видeв, яко добрe отвeща им, вопроси его: кая есть первая всeх заповeдий?
29 Иисус же отвeща ему: яко первeйши всeх заповeдий: слыши, Израилю, Господь Бог ваш Господь един есть:
30 и возлюбиши Господа Бога твоего всeм сердцем твоим, и всею душею твоею, и всeм умом твоим, и всею крeпостию твоею: сия есть первая заповeдь.
31 И вторая подобна ей: возлюбиши ближняго своего яко сам себе. Болшая сею ина заповeдь нeсть.
32 И рече ему книжник: добрe, учителю, воистинну рекл еси, яко един есть Бог, и нeсть ин развe его:
33 и еже любити его всeм сердцем, и всeм разумом, и всею душею, и всею крeпостию: и еже любити ближняго яко себе, болe есть всeх всесожжений и жертв.
34 Иисус же видeв, яко смысленно отвeща, рече ему: не далече еси от царствия Божия. И никтоже смeяше ктому его вопросити.
35 И отвeщав Иисус глаголаше, учя в церкви: како глаголют книжницы, яко Христос Сын есть давидов?
36 Той бо давид рече духом святым: глагола Господь Господеви моему: сeди о десную мене, дондеже положу враги твоя подножие ногама твоима.
37 Сам убо давид глаголет его Господа: и откуду Сын ему есть? И мног народ послушаше его в сладость.
38 И глаголаше им во учении своем: блюдитеся от книжник, хотящих во одeяниих ходити, и цeлования на торжищих,
39 и преждесeдания на сонмищих, и первовозлежания на вечерях:
40 поядающе домы вдовиц и непщеванием надолзe молящеся, сии приимут лишшее осуждение.
41 И сeд Иисус прямо сокровищному хранилищу, зряше, како народ мещет мeдь в сокровищное хранилище. И мнози богатии вметаху многа.
42 И пришедши едина вдовица убога, вверже лептe двe, еже есть кодрант.
43 И призвав ученики своя, рече им: аминь глаголю вам, яко вдовица сия убогая множае всeх вверже вметающих в сокровищное хранилище:
44 вси бо от избытка своего ввергоша: сия же от лишения своего вся, елика имeяше, вверже, все житие свое.
1 И исходящу ему от церкве, глагола ему един от ученик его: учителю, виждь, каково камение и какова здания.
2 И отвeщав Иисус рече ему: видиши ли сия великая здания? не имать остати здe камень на камени, иже не разорится.
3 И сeдящу ему на горe елеонстeй прямо церкве, вопрошаху его единаго петр и иаков, и иоанн и андрей:
4 рцы нам, когда сия будут? и кое (будет) знамение, егда имут вся сия скончатися?
5 Иисус же отвeщав им, начат глаголати: блюдитеся, да не кто вас прельстит.
6 Мнози бо приидут во имя мое, глаголюще, яко аз есмь: и многи прельстят.
7 Егда же услышите брани и слышания бранем, не ужасайтеся: подобает бо быти: но не у кончина.
8 Востанет бо язык на язык, и царство на царство: и будут труси по мeстом, и будут глади и мятежи. Начало болeзнем сия.
9 Блюдитеся же вы сами: предадят бо вы в сонмища, и на соборищих биени будете: и пред воеводы и цари ведени будете мене ради, во свидeтелство им.
10 И во всeх языцeх подобает прежде проповeдатися евангелию.
11 Егда же поведут вы предающе, не прежде пецытеся, что возглаголете, ни поучайтеся: но еже аще дастся вам в той час, се глаголите: не вы бо будете глаголющии, но дух святый.
12 Предаст же брат брата на смерть, и отец чадо: и востанут чада на родители и убиют их.
13 И будете ненавидими всeми имене моего ради: претерпeвый же до конца, той спасен будет.
14 Егда же узрите мерзость запустeния, реченную даниилом пророком, стоящу, идeже не подобает: чтый да разумeет: тогда сущии во иудеи да бeжат на горы:
15 и иже на кровe, да не слазит в дом, ни да внидет взяти чесо от дому своего:
16 и иже на селe сый, да не возвратится вспять взяти ризу свою.
17 Горе же непраздным и доящым в тыя дни.
18 Молитеся же, да не будет бeгство ваше в зимe.
19 Будут бо дние тии скорбь, якова не бысть такова от начала создания, еже созда Бог, донынe, и не будет.
20 И аще не бы Господь прекратил дний, не бы убо спаслася всяка плоть: но избранных ради, ихже избра, прекратит дни.
21 Тогда аще кто речет вам: се, здe Христос, или: се, ондe: не имите вeры.
22 Востанут бо лжехристи и лжепророцы и дадят знамения и чудеса, еже прельстити, аще возможно, и избранныя.
23 Вы же блюдитеся: се, прежде рeх вам вся.
24 Но в тыя дни, по скорби той, солнце померкнет, и луна не даст свeта своего,
25 и звeзды будут с небесе спадающя, и силы, яже на небесeх, подвижутся.
26 И тогда узрят Сына человeческаго грядуща на облацeх с силою и славою многою.
27 И тогда послет ангелы своя и соберет избранныя своя от четырех вeтр, от конца земли до конца неба.
28 От смоковницы же научитеся притчи: егда уже вeтвие ея будет младо и изращает листвие, вeдите, яко близ есть жатва:
29 тако и вы, егда сия видите бывающа, вeдите, яко близ есть, при дверех.
30 Аминь глаголю вам, яко не имать прейти род сей, дондеже вся сия будут.
31 Небо и земля прейдут, словеса же моя не прейдут.
32 О дни же том или о часe никтоже вeсть, ни ангели, иже суть на небесeх, ни Сын, токмо Отц.
33 Блюдите, бдите и молитеся: не вeсте бо, когда время будет.
34 Якоже человeк отходя оставль дом свой, и дав рабом своим власть, и комуждо дeло свое, и вратарю повелe, да бдит.
35 Бдите убо: не вeсте бо, когда господь дому приидет, вечер, или полунощи, или в пeтлоглашение, или утро:
36 да не пришед внезапу, обрящет вы спящя.
37 А яже вам глаголю, всeм глаголю: бдите.
1 Бe же пасха и опрeсноцы по двою днию: и искаху архиерее и книжницы, како его лестию емше убиют:
2 глаголаху же: (но) не в праздник, еда (да не) како молва будет людска.
3 И сущу ему в вифании, в дому симона прокаженнаго, возлежащу ему, прииде жена, имущи алавастр мира нарднаго пистикиа многоцeнна: и сокрушши алавастр, возливаше ему на главу.
4 Бяху же нeцыи негодующе в себe и глаголюще: почто гибель сия мирная бысть?
5 можаше бо сие продано быти вящше триех сот пeнязь и датися нищым. И прещаху ей.
6 Иисус же рече: оставите ю: что ей труды даете? добро дeло содeла о мнe.
7 Всегда бо нищыя имате с собою, и егда хощете, можете им добро творити: мене же не всегда имате.
8 Еже имe (возможе) сия, сотвори: предвари помазати мое тeло на погребение.
9 Аминь глаголю вам: идeже аще проповeстся евангелие сие во всем мирe, и еже сотвори сия, глаголано будет в память ея.
10 И иуда искариотский, един от обоюнадесяте, иде ко архиереем, да предаст его им.
11 Они же слышавше возрадовашася и обeщаша ему сребреники дати. И искаше, како его в удобно время предаст.
12 И в первый день опрeснок, егда пасху жряху, глаголаша ему ученицы его: гдe хощеши, шедше уготоваем, да яси пасху?
13 И посла два от ученик своих и глагола има: идита во град: и срящет вас человeк в скудельницe воду нося: по нем идита,
14 и идeже аще внидет, рцыта господину дому, яко учитель глаголет: гдe есть виталница, идeже пасху со ученики моими Сынeм?
15 и той вама покажет горницу велию, постлану, готову: ту уготовайта нам.
16 И изыдоста ученика его, и приидоста во град, и обрeтоста, якоже рече има: и уготоваста пасху.
17 И вечеру бывшу прииде со обeманадесяте.
18 И возлежащым им и ядущым, рече Иисус: аминь глаголю вам, яко един от вас предаст мя, ядый со мною.
19 Они же начаша скорбeти и глаголати ему един по единому: еда аз? И другий: еда аз?
20 Он же отвeщав рече им: един от обоюнадесяте, омочивый со мною в солило.
21 Сын убо человeческий идет, якоже есть писано о нем: горе же человeку тому, имже Сын человeческий предастся: добрeе было бы ему, аще не бы родился человeк той.
22 И ядущым им, приемь Иисус хлeб, (и) благсвив, преломи и даде им, и рече: приимите, ядите: сие есть тeло мое.
23 И приим чашу, хвалу воздав, даде им: и пиша от нея вси.
24 И рече им: сия есть кровь моя новаго завeта, за многи изливаема:
25 аминь глаголю вам, яко ктому не имам пити от плода лознаго до дне того, егда е пию ново во царствии Божии.
26 И воспeвше изыдоша в гору елеонскую.
27 И глагола им Иисус, яко вси соблазнитеся о мнe в нощь сию: писано бо есть: поражу пастыря, и разыдутся овцы.
28 Но потом, егда воскрсну, варяю вы в галилеи.
29 Петр же рече ему: аще и вси соблазнятся, но не аз.
30 И глагола ему Иисус: аминь глаголю тебe, яко ты днесь в нощь сию, прежде даже вторицею пeтель не возгласит, трикраты отвержешися мене.
31 Он же множае глаголаше паче: аще (же) ми есть с тобою и умрети, не отвергуся тебе. Такожде и вси глаголаху.
32 И приидоша в весь, ейже имя гефсиманиа: и глагола учеником своим: сeдите здe, дондеже шед помолюся.
33 И поят петра и иакова и иоанна с собою: и начат ужасатися и тужити.
34 И глагола им: прискорбна есть душа моя до смерти: будите здe и бдите.
35 И прешед мало, паде на земли и моляшеся, да, аще возможно есть, мимо идет от него час:
36 и глаголаше: авва Отче, вся возможна тебe: мимо неси от мене чашу сию: но не еже аз хощу, но еже ты.
37 И прииде, и обрeте их спящих, и глагола петрови: симоне, спиши ли? не возмогл еси единаго часа побдeти?
38 бдите и молитеся, да не внидете в напасть: дух убо бодр, плоть же немощна.
39 И паки шед помолися, тожде слово рек.
40 И возвращься обрeте я паки спяща: бяху бо очеса им тяготна: и не вeдяху, что быша ему отвeщали.
41 И прииде третицею и глагола им: спите прочее и почивайте: приспe конец, прииде час: се, предается Сын человeческий в руки грeшником:
42 востаните, идем: се, предаяй мя приближися.
43 И абие, еще ему глаголющу, прииде иуда, един сый от обоюнадесяте, и с ним народ мног со оружием и дрекольми, от архиерей и книжник и старец.
44 Даде же предаяй его знамение им, глаголя: егоже аще лобжу, той есть: имите его и ведите (его) сохранно.
45 И пришед, абие приступль к нему, глагола (ему): равви, равви. И облобыза его.
46 Они же возложиша руцe свои на него и яша его.
47 Един же нeкто от стоящих извлек нож, удари раба архиереова и урeза ему ухо.
48 И отвeщав Иисус рече им: яко на разбойника ли изыдосте со оружием и дрекольми яти мя?
49 По вся дни бeх при вас в церкви учя, и не ясте мене: но да сбудется писание.
50 И оставльше его, вси бeжаша.
51 И един нeкто юноша иде по нем, одeян в плащаницу по нагу: и яша того юношу.
52 Он же оставль плащаницу, наг бeжа от них.
53 И ведоша Иисуса ко архиерею: и снидошася к нему вси архиерее и книжницы и старцы.
54 И петр издалеча вслeд его иде до внутрь во двор архиереов: и бe сeдя со слугами и грeяся при свeщи (при огни).
55 Архиерее же и весь сонм искаху на Иисуса свидeтелства, да умертвят его: и не обрeтаху.
56 Мнози бо лжесвидeтелствоваху на него, и равна свидeтелства не бяху.
57 И нeцыи воставше лжесвидeтелствоваху на него, глаголюще:
58 яко мы слышахом его глаголюща, яко аз разорю церковь сию рукотвореную и треми денми ину нерукотворену созижду.
59 И ни тако равно бe свидeтелство их.
60 И востав архиерей посредe, вопроси Иисуса, глаголя: не отвeщаваеши ли ничесоже? что сии на тя свидeтелствуют?
61 Он же молчаше и ничтоже отвeщаваше. Паки архиерей вопроси его и глагола ему: ты ли еси Христос, Сын благсвеннаго?
62 Иисус же рече: аз есмь: и узрите Сына человeческаго о десную сeдяща силы и грядуща со облаки небесными.
63 Архиерей же растерзав ризы своя, глагола: что еще требуем свидeтелей?
64 слышасте хулу: что вам мнится? Они же вси осудиша его быти повинна смерти.
65 И начаша нeцыи плювати нань, и прикрывати лице его, и мучити его, и глаголати ему: прорцы. И слуги по ланитома его бияху.
66 И сущу петрови во дворe низу, прииде едина от рабынь архиереовых,
67 и видeвши петра грeющася, воззрeвши на него, глагола: и ты с назарянином Иисусом был еси.
68 Он же отвержеся, глаголя: не вeм, ниже знаю, что ты глаголеши. И изыде вон на преддворие: и алектор возгласи.
69 И рабыня видeвши его паки, начат глаголати предстоящым, яко сей от них есть.
70 Он же паки отметашеся. И помалe паки предстоящии глаголаху петрови: воистинну от них еси: ибо галилеанин еси, и бесeда твоя подобится.
71 Он же нача ротитися и клятися, яко не вeм человeка сего, егоже вы глаголете.
72 И второе алектор возгласи. И помяну петр глагол, егоже рече ему Иисус, яко прежде даже пeтель не возгласит двакраты, отвержешися мене трикраты. И начен плакашеся.
1 И абие наутрие совeт сотвориша архиерее со старцы и книжники, и весь сонм, связавше Иисуса ведоша и предаша (его) пилату.
2 И вопроси его пилат: ты ли еси царь иудейский? Он же отвeщав рече ему: ты глаголеши.
3 И глаголаху на него архиерее много.
4 Пилат же паки вопроси его, глаголя: не отвeщаваеши ли ничтоже? виждь, колика на тя свидeтелствуют.
5 Иисус же ктому ничтоже отвeща, яко дивитися пилату.
6 На (всяк) же праздник отпущаше им единаго связня, егоже прошаху.
7 Бe же нарицаемый варавва со сковники своими связан, иже в ковe убийство сотвориша.
8 И возопив народ нача просити, якоже всегда творяше им.
9 Пилат же отвeща им, глаголя: хощете ли, пущу вам царя иудейска?
10 Вeдяше бо, яко зависти ради предаша его архиерее.
11 Архиерее же помануша народу, да паче варавву пустит им.
12 Пилат же отвeщав паки рече им: что убо хощете сотворю, егоже глаголете царя иудейска?
13 Они же паки возопиша (глаголюще): пропни его.
14 Пилат же глаголаше им: что бо зло сотвори? Они же излиха вопияху: пропни его.
15 Пилат же хотя народу хотeние сотворити, пусти им варавву: и предаде Иисуса, бив, да пропнут его.
16 Воини же ведоша его внутрь двора, еже есть претор: и созваша всю спиру,
17 и облекоша его в препряду, и возложиша на него сплетше тернов вeнец,
18 и начаша цeловати его (и глаголати): радуйся, царю иудейский.
19 И бияху его по главe тростию, и плюваху на него, и прегибающе колeна покланяхуся ему.
20 И егда поругашася ему, совлекоша с него препряду и облекоша его в ризы своя: и изведоша его, да пропнут его.
21 И задeша мимоходящу нeкоему симону киринею, грядущу с села, отцу александрову и руфову, да возмет крест его.
22 И приведоша его на голгофу мeсто, еже есть сказаемо лобное мeсто.
23 И даяху ему пити есмирнисмено вино: он же не прият.
24 И распеншии его раздeлиша ризы его, метающе жребий о них, кто что возмет.
25 Бe же час третий, и распяша его.
26 И бe написание вины его написано: царь иудейск.
27 И с ним распяша два разбойника, единаго о десную и единаго о шуюю его.
28 И сбыстся писание, еже глаголет: и со беззаконными вмeнися.
29 И мимоходящии хуляху его, покивающе главами своими и глаголюще: уа, разоряяй церковь и треми денми созидаяй,
30 спасися сам и сниди со креста.
31 Такожде и архиерее ругающеся, друг ко другу с книжники глаголаху: ины спасе, себе ли не может спасти?
32 Христос, царь Израилев, да снидет нынe со креста, да видим и вeру имем ему. И распятая с ним поношаста ему.
33 Бывшу же часу шестому, тма бысть по всей земли до часа девятаго.
34 И в час девятый возопи Иисус гласом велиим, глаголя: елои, елои, лама савахфани? еже есть сказаемо: Боже мой, Боже мой, почто мя оставил еси?
35 И нeцыи от предстоящих слышавше, глаголаху: се, илию гласит.
36 Тек же един, и наполнив губу оцта, и возложь на трость, напаяше его, глаголя: оставите, да видим, аще приидет илиа Сыняти его.
37 Иисус же пущь глас велий, издше.
38 И завeса церковная раздрася на двое, свыше до низу.
39 Видeв же сотник стояй прямо ему, яко тако возопив издше, рече: воистинну человeк сей Сын бe Божий.
40 Бяху же и жены издалеча зрящя, в нихже бe мариа магдалина, и мариа иакова малаго и иосии мати, и саломиа,
41 яже, и егда бe в галилеи, хождаху по нем и служаху ему: и ины многия, яже взыдоша с ним во иерусалим.
42 И уже поздe бывшу, понеже бe пяток, еже есть к субботe,
43 прииде иосиф, иже от аримафеа, благообразен совeтник, иже и той бe чая царствия Божия, дерзнув вниде к пилату, и проси тeлесе Иисусова.
44 Пилат же дивися, аще уже умре: и призвав сотника, вопроси его: аще уже умре?
45 И увeдeв от сотника, даде тeло иосифови.
46 И купив плащаницу и Сынемь его, обвит плащаницею: и положи его во гроб, иже бe изсeчен от камене: и привали камень над двери гроба.
47 Мариа же магдалина и мариа иосиева зрястe, гдe его полагаху.
1 И минувшей субботe, мариа магдалина и мариа иаковля и саломиа купиша ароматы, да пришедшя помажут Иисуса.
2 И зeло заутра во едину от суббот приидоша на гроб, возсиявшу солнцу,
3 и глаголаху к себe: кто отвалит нам камень от дверий гроба?
4 И воззрeвшя видeша, яко отвален бe камень: бe бо велий зeло.
5 И вшедшя во гроб, видeша юношу сeдяща в десных, одeяна во одежду бeлу: и ужасошася.
6 Он же глагола им: не ужасайтеся: Иисуса ищете назарянина распятаго: воста, нeсть здe: се, мeсто, идeже положиша его:
7 но идите, рцыте учеником его и петрови, яко варяет вы в галилеи: тамо его видите, якоже рече вам.
8 И изшедшя бeжаша от гроба: имяше (одержаше) же их трепет и ужас: и ни комуже ничтоже рeша: бояхубося.
9 Воскрес же (Иисус) заутра в первую субботу, явися прежде марии магдалини, из неяже изгна седмь бeсов.
10 Она (же) шедши возвeсти с ним бывшым, плачущымся и рыдающым:
11 и они слышавше, яко жив есть и видeн бысть от нея, не яша вeры.
12 По сих же двeма от них грядущема явися инeм образом, идущема на село.
13 И та шедша возвeстиста прочым: и ни тeма вeры яша.
14 Послeди (же) возлежащым им единомунадесяте явися, и поноси невeрствию их и жестосердию, яко видeвшым его воставша не яша вeры.
15 И рече им: шедше в мир весь, проповeдите евангелие всей твари.
16 Иже вeру имет и крестится, спасен будет: а иже не имет вeры, осужден будет.
17 Знамения же вeровавшым сия послeдуют: именем моим бeсы ижденут: языки возглаголют новы:
18 змия возмут: аще и что смертно испиют, не вредит их: на недужыя руки возложат, и здрави будут.
19 Господь же убо, по глаголании (его) к ним, вознесеся на небо и сeде о десную Бога.
20 Они же изшедше проповeдаша всюду, Господу поспeшствующу и слово утверждающу послeдствующими знаменьми. Аминь.