1 Понеже убо мнози начаша чинити повeсть о извeствованных в нас вещех,
2 якоже предаша нам, иже исперва самовидцы и слуги бывшии словесе:
3 изволися и мнe послeдовавшу выше вся испытно, поряду писати тебe, державный феофиле,
4 да разумeеши, о нихже научился еси словесeх утверждение.
5 Бысть во дни ирода царя иудейска, иерей нeкии, именем захариа, от дневныя чреды авиани: и жена его от дщерей аароновeх, и имя ей елисавет.
6 Бeста же праведна оба пред Богом, ходяща во всeх заповeдех и оправданиих Господних безпорочна.
7 И не бe има чада, понеже елисавет бe неплоды, и оба заматорeвша во днех своих бeста.
8 Бысть же служащу ему в чину чреды своея пред Богом,
9 по обычаю священничества ключися ему покадити, вшедшу в церковь Господню:
10 и все множество людей бe молитву дeя внe, в год (во время) фимиама:
11 явися же ему ангел Господень, стоя одесную олтаря кадильнаго.
12 И смутися захариа видeв, и страх нападе нань.
13 Рече же к нему ангел: не бойся, захарие: зане услышана бысть молитва твоя, и жена твоя елисаветь родит сына тебe, и наречеши имя ему иоанн.
14 И будет тебe радость и веселие, и мнози о рождествe его возрадуются.
15 Будет бо велий пред Господем: и вина и сикера не имать пити, и духа святаго исполнится еще из чрева матере своея:
16 и многих от сынов израилевых обратит ко Господу Богу их.
17 И той предидет пред ним духом и силою илииною, обратити сердца отцем на чада, и противныя в мудрости праведных, уготовати Господви люди совершены.
18 И рече захариа ко ангелу: по чесому разумeю сие? аз бо есмь стар, и жена моя заматорeвши во днех своих.
19 И отвeщав ангел рече ему: аз есмь гавриил предстояй пред Богом, и послан есмь глаголати к тебe и благовeстити тебe сия:
20 и се будеши молчя и не могий проглаголати, до негоже дне будут сия: зане не вeровал еси словесем моим, яже сбудутся во время свое.
21 И бeша людие ждуще захарию: и чудяхуся коснящу ему в церкви.
22 Изшед же не можаше глаголати к ним: и разумeша, яко видeние видe в церкви: и той бe помавая им, и пребываше нeм.
23 И бысть яко исполнишася дние службы его, иде в дом свой.
24 По сих же днех зачат елисавет жена его, и таяшеся мeсяц пять, глаголющи:
25 яко тако мнe сотвори Господь во дни, в няже призрe отяти поношение мое в человeцeх.
26 В мeсяц же шестый послан бысть ангел гавриил от Бога во град галилейский, емуже имя назарет,
27 к дeвe обрученнeй мужеви, емуже имя иосиф, от дому давидова: и имя дeвe мариамь.
28 И вшед к ней ангел рече: радуися, благодатная: Господь с тобою: благословена ты в женах.
29 Она же видeвши смутися о словеси его и помышляше, каково будет цeлование сие.
30 И рече ангел ей: не бойся, мариамь: обрeла бо еси благодать у Бога.
31 И се зачнеши во чревe, и родиши Сына, и наречеши имя ему Иисус.
32 Сей будет велий, и Сын вышняго наречется: и даст ему Господь Бог престол давида отца его:
33 и воцарится в дому иаковли во вeки, и царствию его не будет конца.
34 Рече же мариамь ко ангелу: како будет сие, идeже мужа не знаю?
35 И отвeщав ангел рече ей: дух святый найдет на тя, и сила вышняго осeнит тя, тeмже и раждаемое свято наречется Сын Божий.
36 И се елисавет южика твоя, и та зачат сына в старости своей: и сей мeсяц шестый есть ей нарицаемeй неплоды?
37 яко не изнеможет у Бога всяк глагол.
38 Рече же мариамь: се раба Господня: буди мнe по глаголу твоему. И отиде от нея ангел.
39 Воставши же мариамь во дни тыя, иде в горняя со тщанием, во град иудов:
40 и вниде в дом захариин, и цeлова елисавет.
41 И бысть яко услыша елисавет цeлование мариино, взыграся младенец во чревe ея: и исполнися духа свята елисавет,
42 и возопи гласом велиим, и рече: благословена ты в женах, и благословен плод чрева твоего.
43 И откуду мнe сие, да приидет мати Господа моего ко мнe?
44 Се бо, яко бысть глас цeлования твоего во ушию моею, взыграся младенец радощами во чревe моем.
45 И блаженна вeровавшая, яко будет совершение глаголанным ей от Господа.
46 И рече мариамь: величит душа моя Господа,
47 и возрадовася дух мой о Бозe спасe моем.
48 яко призрe на смирение рабы своея: се бо отнынe ублажат мя вси роди:
49 яко сотвори мнe величие сильный, и свято имя его:
50 и милость его в роды родов боящымся его.
51 Сотвори державу мышцею своею: расточи гордыя мыслию сердца их?
52 низложи сильныя со престол, и вознесе смиренныя:
53 алчущыя исполни благ, и богатящыяся отпусти тщы.
54 Восприят израиля отрока своего, помянути милости,
55 якоже глагола ко отцем нашым, аврааму и сeмени его до вeка.
56 Пребысть же мариамь с нею яко три мeсяцы и возвратися в дом свой.
57 Елисавети же исполнися время родити ей, и роди сына.
58 И слышаша окрест живущии и ужики ея, яко возвеличил есть Господь милость свою с нею: и радовахуся с нею.
59 И бысть во осмый день, приидоша обрeзати отроча, и нарицаху е именем отца его, захарию.
60 И отвeщавши мати его рече: ни, но да наречется иоанн.
61 И рeша к ней, яко никтоже есть в родствe твоем, иже нарицается именем тeм.
62 И помаваху отцу его, еже како бы хотeл нарещи е.
63 И испрошь дщицу, написа, глаголя: иоанн будет имя ему. И чудяхуся вси.
64 Отверзошася же уста его абие и язык его, и глаголаше, благословя Бога.
65 И бысть на всeх страх живущих окрест их: и во всей странe иудейстeй повeдаеми бяху вси глаголи сии.
66 И положиша вси слышавшии в сердцe своем, глаголюще: что убо отроча сие будет? И рука Господня бe с ним.
67 И захариа отец его исполнися духа свята, и пророчествова, глаголя:
68 благословен Господь Бог израилев, яко посeти и сотвори избавление людем своим:
69 и воздвиже рог спасeния нам, в дому давида отрока своего:
70 якоже глагола усты святых сущих от вeка пророк его,
71 спасeние от враг наших и из руки всeх ненавидящих нас:
72 сотворити милость со отцы нашими и помянути завeт святый свой,
73 клятву, еюже клятся ко аврааму отцу нашему, дати нам,
74 без страха, из руки враг наших избавльшымся,
75 служити ему преподобием и правдою пред ним вся дни живота нашего.
76 И ты, отроча, пророк вышняго наречешися: предидеши бо пред лицем Господним, уготовати пути его,
77 дати разум спасeния людем его, во оставление грeх их,
78 милосердия ради милости Бога нашего, в нихже посeтил есть нас восток свыше,
79 просвeтити во тьмe и сeни смертнeи сeдящыя, направити ноги нашя на путь мирен.
80 отроча же растяше и крeпляшеся духом: и бe в пустынях до дне явления своего ко израилю.
1 Бысть же во дни тыя, изыде повелeние от кесаря августа написати всю вселенную.
2 Сие написание первое бысть владящу сириею киринию.
3 И идяху вси написатися, кождо во свой град.
4 Взыде же и иосиф от галилеи, из града назарета, во иудею, во град давидов, иже нарицается вифлеем, зане быти ему от дому и отечества давидова,
5 написатися с мариею обрученою ему женою, сущею непраздною.
6 Бысть же, егда быста тамо, исполнишася дние родити ей:
7 и роди Сына своего первенца, и повит его, и положи его в яслех: зане не бe им мeста во обители.
8 И пастырие бeху в тойже странe, бдяще и стрегуще стражу нощную о стадe своем.
9 И се ангел Господнь ста в них, и слава Господня осия их: и убояшася страхом велиим.
10 И рече им ангел: не бойтеся: се бо благовeствую вам радость велию, яже будет всeм людем:
11 яко родися вам днесь спас, иже есть Христос Господь, во градe давидовe:
12 и се вам знамение. обрящете младенца повита, лежаща в яслех.
13 И внезапу бысть со ангелом множество вой небесных, хвалящих Бога и глаголющих:
14 слава в вышних Богу, и на земли мир, во человeцeх благоволение.
15 И бысть, яко отидоша от них на небо ангели, и человeцы пастырие рeша друг ко другу: прейдем до вифлеема и видим глагол сей бывший, егоже Господь сказа нам.
16 И приидоша поспeшшеся, и обрeтоша мариамь же и иосифа, и младенца лежаща во яслех.
17 Видeвше же сказаша о глаголe глаголаннeм им о отрочати сем.
18 И вси слышавшии дивишася о глаголанных от пастыреи к ним.
19 Мариамь же соблюдаше вся глаголы сия, слагающи в сердцы своем.
20 И возвратишася пастырие, славяще и хваляще Бога о всeх, яже слышаша и видeша, якоже глаголано бысть к ним.
21 И егда исполнишася осмь дний, да обрeжут его, и нарекоша имя ему Иисус, нареченное ангелом прежде даже не зачатся во чревe.
22 И егда исполнишася дние очищения ею, по закону моисеову, вознесоста его во иерусалим, поставити его пред Господем,
23 якоже есть писано в законe Господни. яко всяк младенец мужеска полу, разверзая ложесна, свято Господви наречется:
24 и еже дати жертву, по реченному в законe Господни, два горличища или два птенца голубина.
25 И се бe человeк во иерусалимe, емуже имя симеон: и человeк сей праведен и благочестив, чая утeхи израилевы: и дух бe свят в нем.
26 И бe ему обeщано духом святым, не видeти смерти, прежде даже не видит Христа Господня.
27 И прииде духом в церковь. И егда введоста родителя отроча Иисуса, сотворити има по обычаю законному о нем,
28 и той прием его на руку своею, и благослови Бога, и рече:
29 нынe отпущаеши раба твоего, влко, по глаголу твоему, с миром:
30 яко видeстe очи мои спасeние твое,
31 еже еси уготовал пред лицем всeх людей:
32 свeт во откровение языком, и славу людей твоих израиля.
33 И бe иосиф и мати его чудящася о глаголемых о нем.
34 И благослови я симеон, и рече к марии матри его: се лежит сей на падение и на востание многим во израили, и в знамение пререкаемо:
35 и тебe же самой душу пройдет оружие. яко да открыются от многих сердец помышления.
36 И бe анна пророчица, дщи фануилева, от колeна асирова: сия заматорeвши во днех мнозeх, живши с мужем седмь лeт от дeвства своего:
37 и та вдова яко лeт осмьдесят и четыре, яже не отхождаше от церкве, постом и молитвами служащи день и нощь.
38 И та в той час приставши исповeдашеся Господеви, и глаголаше о нем всeм чающым избавления во иерусалимe.
39 И яко скончашася вся по закону Господню, возвратишася в галилею, во град свой назарет.
40 Отроча же растяше и крeпляшеся духом, исполняяся премудрости: и благодать Божия бe на нем.
41 И хождаста родителя его на всяко лeто во иерусалим в праздник пасхи.
42 И егда бысть двоюнадесяти лeту, восходящым им во иерусалим по обычаю праздника,
43 и скончавшым дни, и возвращающымся им, оста отрок Иисус во иерусалимe: и не разумe иосиф и мати его:
44 мнeвша же его в дружинe суща, преидоста дне путь, и искаста его во сродницeх и в знаемых:
45 и не обрeтша его, возвратистася во иерусалим, взыскающа его.
46 И бысть по триех днех, обрeтоста его в церкви, сeдящаго посредe учителей, и послушающаго их, и вопрошающаго их:
47 ужасахуся же вси послушающии его о разумe и о отвeтeх его.
48 И видeвша его, дивистася: и к нему мати его рече: чадо, что сотвори нама тако? се отец твой и аз боляща искахома тебе.
49 И рече к нима. что яко искаста мене? не вeста ли, яко в тeх, яже Отца моего, достоит быти ми?
50 И та не разумeста глагола, егоже глагола има.
51 И сниде с нима, и прииде в назарет: и бe повинуяся има. И мати его соблюдаше вся глаголы сия в сердцы своем.
52 И Иисус преспeваше премудростию и возрастом и благодатию у Бога и человeк.
1 В пятое же надесяте лeто владычества тивериа кесаря, обладающу понтийскому пилату иудеею, и четвертовластвующу галилеею ироду, филиппу же брату его четвертовластвующу итуреею и трахонитскою страною, и лисанию авилиниею четвертовластвующу,
2 при архиереи аннe и каиафe, бысть глагол Божии ко иоанну захариину сыну в пустыни.
3 И прииде во всю страну иорданскую, проповeдая крещение покаяния во оставление грeхов:
4 якоже есть писано в книзe словес исаии пророка, глаголюща: глас вопиющаго в пустыни: уготовайте путь Господнь: правы творите стези его:
5 всяка дебрь исполнится, и всяка гора и холм смирится: и будут стропотная в правая, и острии в пути гладки:
6 и узрит всяка плоть спасeние Божие.
7 Глаголаше же исходящым народом креститися от него: порождения ехиднова, кто сказа вам бeжати от грядущаго гнeва?
8 Сотворите убо плоды достоины покаяния: и не начинайте глаголати в себe: отца имамы авраама: глаголю бо вам, яко может Бог от камения сего воздвигнути чада аврааму.
9 Уже бо и сeкира при корени древа лежит: всяко убо древо, не творящее плода добра, посeкается и во огнь вметается.
10 И вопрошаху его народи, глаголюще: что убо сотворим?
11 Отвeщав же глагола им: имeяй двe ризe, да подаст не имущему: и имeяй брашна, такожде да творит.
12 Приидоша же и мытари креститися от него, и рeша к нему: учителю, что сотворим?
13 Он же рече к ним: ничтоже болeе от повелeннаго вам творите.
14 Вопрошаху же его и воини, глаголюще: и мы что сотворим? И рече к ним: никогоже обидите, ни оклеветавайте: и довольни будите оброки вашими.
15 Чающым же людем, и помышляющым всeм в сердцах своих о иоаннe, еда той есть Христос,
16 отвeщаваше иоанн всeм, глаголя: аз убо водою крещаю вы: грядет же крeплий мене, емуже нeсмь достоин отрeшити ремень сапогу его: той вы крестит духом святым и огнем:
17 емуже лопата в руку его, и отребит гумно свое, и соберет пщеницу в житницу свою, плевы же сожжет огнем негасающим.
18 Многа же убо и ина, утeшая благовeствоваше людем.
19 Ирод же четвертовластник, обличаем от него о иродиадe женe брата своего, и о всeх, яже сотвори злая ирод,
20 приложи и сие над всeми, и затвори иоанна в темницe.
21 Бысть же егда крестишася вси людие, и Иисусу крещшуся и молящуся, отверзеся небо,
22 и сниде дух святый тeлесным образом, яко голубь, нань: и глас с небесе бысть, глаголя: ты еси Сын мой возлюбленный, о тебe благоволих.
23 И той бe Иисус яко лeт тридесять начиная, сый, яко мнимь, Сын иосифов, илиев,
24 матфатов, левиин, мелхиин, ианнаев, иосифов,
25 маттафиев, амосов, наумов, еслимов, наггеов,
26 маафов, маттафиев, семеиев, иосифов, иудин,
27 иоаннанов, рисаев, зоровавелев, салафиилев, нириев,
28 мелхиев, аддиев, косамов, елмодамов, иров,
29 иосиев, елиезеров, иоримов, матфатов, левиин,
30 симеонов, иудин, иосифов, ионанов, елиакимов,
31 мелеаев, маинанов, маттафаев, нафанов, давидов,
32 иессеов, овидов, воозов, салмонов, наассонов,
33 аминадавов, арамов, есромов, фаресов, иудин,
34 иаковль, исааков, авраамов, фарин, нахоров,
35 серухов, рагавов, фалеков, еверов, саланов,
36 каинанов, арфаксадов, симов, ноев, ламехов,
37 мафусалев, енохов, иаредов, малелеилов, каинанов,
38 еносов, сифов, адамов, Божий.
1 Иисус же исполнь духа свята возвратися от иордана: и ведяшеся духом в пустыню,
2 дний четыридесять искушаемь от диавола: и не яст ничесоже во дни тыя: и скончавшымся им, послeди взалка.
3 И рече ему диавол: аще Сын еси Божии, рцы каменеви сему, да будет хлeб.
4 И отвeща Иисус к нему, глаголя: писано есть, яко не о хлeбe едином жив будет человeк, но о всяком глаголe Божии.
5 И возвед его диавол на гору высоку, показа ему вся царствия вселенныя в часe (чертe) временнe.
6 И рече ему диавол: тебe дам власть сию всю и славу их: яко мнe предана есть, и, емуже аще хощу, дам ю:
7 ты убо аще поклонишися предо мною, будут тебe вся.
8 И отвeщав рече ему Иисус: иди за мною, сатано писано есть: поклонишися Господу Богу твоему, и тому единому послужиши.
9 И веде его во иерусалим, и постави его на крилe церковнeм, и рече ему: аще Сын еси Божии, верзися отсюду долу:
10 писано бо есть, яко ангелом своим заповeсть о тебe сохранити тя:
11 и на руках возьмут тя, да не когда преткнеши о камень ногу твою.
12 И отвeщав рече ему Иисус, яко речено есть: не искусиши Господа Бога твоего.
13 И скончав все искушение диавол, отиде от него до времене.
14 И возвратися Иисус в силe духовнeй в галилею: и вeсть изыде по всей странe о нем.
15 И той учаше на сонмищах их, славим всeми.
16 И прииде в назарет, идeже бe воспитан. и вниде, по обычаю своему, в день субботныи в сонмище, и воста чести.
17 И даша ему книгу исаии пророка: и разгнув книгу, обрeте мeсто, идeже бe написано:
18 дух Господнь на мнe: егоже ради помаза мя благовeстити нищым, посла мя исцeлити сокрушенныя сердцем, проповeдати плeненным отпущение и слeпым прозрeние, отпустити сокрушенныя во отраду,
19 проповeдати лeто Господне приятно.
20 И согнув книгу, отдав слузe, сeде: и всeм в сонмищи очи бeху зряще нань.
21 И начат глаголати к ним, яко днесь сбысться писание сие во ушию вашею.
22 И вси свидeтельствоваху ему, и дивляхуся о словесeх благодати, исходящих из уст его, и глаголаху: не сей ли есть Сын иосифов?
23 И рече к ним: всяко речете ми притчу сию: врачу, исцeлися сам: елика слышахом бывшая в капернаумe, сотвори и здe во отечествии своем.
24 Рече же: аминь глаголю вам, яко никоторый пророк приятен есть во отечествии своем.
25 Поистиннe же глаголю вам: многи вдовицы бeша во дни илиины во израили, егда заключися небо три лeта и мeсяц шесть, яко бысть глад велик по всей земли:
26 и ни ко единой их послан бысть илиа, токмо в сарепту сидонскую к женe вдовицe.
27 И мнози прокажени бeху при елиссеи пророцe во израили: и ни един же от них очистися, токмо нееман сирианин.
28 И исполнишася вси ярости в сонмищи, слышавшии сия.
29 И воставше изгнаша его вон из града, и ведоша его до верху горы, на нейже град их создан бяше, да быша его низринули:
30 он же прошед посредe их, идяше.
31 И сниде в капернаум град галилейский: и бe учя их в субботы.
32 И ужасахуся о учении его: яко со властию бe слово его.
33 И в сонмищи бe человeк имый духа бeса нечиста, и возопи гласом велиим,
34 глаголя: остави, что нам и тебe, Иисусе назарянине, пришел еси погубити нас: вeм тя, кто еси, святый Божий.
35 И запрети ему Иисус, глаголя: премолчи и изыди из него. И поверг его бeс посредe, изыде из него, никакоже вредив его.
36 И бысть ужас на всeх, и стязахуся, друг ко другу глаголюще: что слово сие, яко властию и силою велит нечистым духовом, и исходят?
37 И исхождаше глас о нем во всяко мeсто страны.
38 Востав же из сонмища, вниде в дом симонов: теща же симонова бe одержима огнем велиим: и молиша его о ней.
39 И став над нею, запрети огню, и остави ю: абие же воставши служаше им.
40 Заходящу же солнцу, вси, елицы имeяху болящыя недуги различными, привождаху их к нему: он же на единаго коегождо их руцe возложь, исцeляше их.
41 Исхождаху же и бeси от многих, вопиюще и глаголюще, яко ты еси Христос Сын Божий. И запрещая не даяше им глаголати, яко вeдяху Христа самаго суща.
42 Бывшу же дни, изшед иде в пусто мeсто: и народи искаху его, и приидоша к нему, и удержаваху его, да бы не отшел от них.
43 Он же рече к ним, яко и другим градовом благовeстити ми подобает царствие Божие: яко на се послан есмь.
44 И бe проповeдая на сонмищах галилейских.
1 Бысть же належащу ему народу, да быша слышали слово Божие, и той бe стоя при езерe геннисаретстe:
2 и видe два корабля стояща при езерe: рыбарие же отшедше от нею, измываху мрежи.
3 Влeз же в един от кораблю, иже бe симонов, моли его от земли отступити мало: и сeд учаше из корабля народы.
4 Якоже преста глаголя, рече к симону: поступи во глубину, и вверзите мрежи вашя в ловитву.
5 И отвeщав симон рече ему: наставниче, об нощь всю труждшеся, ничесоже яхом: по глаголу же твоему ввергу мрежу.
6 И се сотворше, яша множество рыб много: протерзашеся же мрежа их.
7 И помануша причастником, иже бeху во друзeм корабли, да пришедше помогут им: и приидоша, и исполниша оба корабля, яко погружатися има.
8 Видeв же симон петр, припаде к колeнома Иисусовома, глаголя: изыди от мене, яко муж грeшен есмь, Господи.
9 Ужас бо одержаше его и вся сущыя с ним, о ловитвe рыб, яже яша.
10 Такожде же иакова и иоанна сына зеведеова, яже бeста обещника симонови. И рече к симону Иисус: не бойся: отселe будеши человeки ловя.
11 И извлекше оба корабля на землю, оставльше вся, вслед его идоша.
12 И бысть егда бe Иисус во едином от градов, и се муж исполнь прокажения: и видeв Иисуса, пад ниц, моляся ему, глаголя: Господи, аще хощеши, можеши мя очистити.
13 И простер руку, коснуся его, рек: хощу, очистися: и абие проказа отиде от него.
14 И той заповeда ему никомуже повeдати: но шед покажися иереови, и принеси о очищении твоем, якоже повелe моисей, во свидeтельство им.
15 Прохождаше же паче слово о нем: и схождахуся народи мнози слышати и цeлитися от него от недуг своих.
16 Той же бe отходя в пустыню и моляся.
17 И бысть во един от дний, и той бe учя: и бeху сeдяще фарисее и законоучителие, иже бeху пришли от всякия веси галилейския и иудейския и иерусалимския: и сила Господня бe исцeляющи их:
18 и се мужие носяще на одрe человeка, иже бe разслаблен, и искаху внести его и положити пред ним:
19 и не обрeтше кудe внести его народа ради, взлeзше на храм, сквозe скуделы (кров скудельный) низвeсиша его со одром на среду пред Иисуса.
20 И видeв вeру их, рече ему: человeче, оставляют ти ся грeси твои.
21 И начаша помышляти книжницы и фарисее, глаголюще: кто есть сей, иже глаголет хулы, кто может оставляти грeхи, токмо един Бог?
22 Разумeв же Иисус помышления их, отвeщав рече к ним. что помышляете в сердцах ваших?
23 что есть удобeе, рещи: оставляют ти ся грeси твои? или рещи: востани и ходи?
24 но да увeсте, яко власть имать Сын человeческии на земли отпущати грeхи, (рече разслабленному:) тебe глаголю: востани и возьми одр твой, и иди в дом твой.
25 И абие востав пред ними, взем, на немже лежаше, иде в дом свой, славя Бога.
26 И ужас прият всeх, и славляху Бога: и исполнишася страха, глаголюще, яко видeхом преславная днесь.
27 И посем изыде, и узрe мытаря именем левию, сeдяща на мытницe, и рече ему: иди по мнe.
28 И оставль вся, востав вослeд его иде.
29 И сотвори учреждение велие левий ему в дому своем. и бe народ мытарей мног, и инeх, иже бяху с ним возлежаще.
30 И роптаху книжницы на него и фарисее, ко учеником его глаголюще: почто с мытари и грeшники ясте и пиете?
31 И отвeщав Иисус рече к ним: не требуют здравии врача, но болящии:
32 не приидох призвати праведных, но грeшныя в покаяние.
33 Они же рeша к нему: почто ученицы иоанновы постятся часто и молитвы творят, такожде и фарисейстии, а твои ядят и пиют?
34 Он же рече к ним: еда можете сыны брачныя, дондеже жених с ними есть, сотворити поститися?
35 Приидут же дние, егда отят будет от них жених, и тогда постятся в тыя дни.
36 Глаголаше же и притчу к ним, яко никтоже приставления ризы новы приставляет на ризу ветху: аще ли же ни, и новую раздерет, и ветсeи не согласует еже от новаго.
37 И никтоже вливает вина нова в мeхи ветхи: аще ли же ни, расторгнет новое вино мeхи, и само излиется, и мeси погибнут.
38 Но вино новое в мeхи новы вливати (вливати подобает). и обоя соблюдутся.
39 И никтоже пив ветхое, абие хощет новаго: глаголет бо: ветхое лучше есть.
1 Бысть же в субботу второпервую ити ему сквозe сeяния: и восторгаху ученицы его класы, и ядяху, стирающе руками.
2 Нeцыи же от фарисей рeша им: что творите, егоже не достоит творити в субботы?
3 И отвeщав Иисус рече к ним: ни ли сего чли есте, еже сотвори давид, егда взалкася сам и иже с ним бяху?
4 како вниде в дом Божий, и хлeбы предложения взем, и яде, и даде и сущым с ним, ихже не достояше ясти, токмо единым иереем?
5 И глаголаше им, яко господь есть Сын человeческий и субботe.
6 Бысть же и в другую субботу внити ему в сонмище и учити. и бe тамо человeк, и рука ему десная бe суха.
7 Назираху же книжницы и фарисеи, аще в субботу исцeлит, да обрящут рeчь нань.
8 Он же вeдяше помышления их, и рече человeку имущему суху руку: востани и стани посредe. Он же востав ста.
9 Рече же Иисус к ним: вопрошу вы: что достоит в субботы, добро творити, или зло творити? душу спасти, или погубити? Они же умолчаша.
10 И воззрeв на всeх их, рече ему: простри руку твою. Он же сотвори тако: и утвердися рука его здрава яко другая.
11 Они же исполнишася безумия, и глаголаху друг ко другу, что быша сотворили Иисусови.
12 Бысть же во дни тыя, изыде в гору помолитися: и бe об нощь в молитвe Божии.
13 И егда бысть день, призва ученики своя: и избра от них дванадесяте, ихже и апостолы нарече:
14 симона, егоже именова петра, и андреа брата его, иакова и иоанна, филиппа и варфоломеа,
15 матфеа и фому, иакова алфеева и симона нарицаемаго зилота,
16 иуду иаковля, и иуду искариотскаго, иже и бысть предатель.
17 Изшед с ними, ста на мeстe равнe: и народ ученик его, и множество много людей от всея иудеи и иерусалима и помория тирска и сидонска,
18 иже приидоша послушати его и исцeлитися от недуг своих, и страждущии от дух нечистых: и исцeляхуся.
19 И весь народ искаше прикасатися ему: яко сила от него исхождаше и исцeляше вся.
20 И той возвед очи свои на ученики своя, глаголаше: блажени нищии духом: яко ваше есть царствие Божие.
21 Блажени, алчущии нынe: яко насытитеся. Блажени, плачущии нынe: яко возсмeетеся.
22 Блажени будете, егда возненавидят вас человeцы, и егда разлучат вы, и поносят, и пронесут имя ваше яко зло, Сына человeческаго ради.
23 Возрадуйтеся в той день и взыграйте: се бо мзда ваша многа на небеси. По сим бо творяху пророком отцы их.
24 Обаче горе вам богатым: яко отстоите утeшения вашего (яко восприемлете утeшение ваше).
25 Горе вам, насыщеннии нынe: яко взалчете. Горе вам смeющымся нынe: яко возрыдаете и восплачете.
26 Горе, егда добрe рекут вам вси человeцы: по сим бо творяху лжепророком отцы их.
27 Но вам глаголю слышащым: любите враги вашя, добро творите ненавидящым вас,
28 благословите кленущыя вы, и молитеся за творящих вам обиду.
29 Биющему тя в ланиту, подаждь и другую: и от взимающаго ти ризу, и срачицу не возбрани.
30 Всякому же просящему у тебе, дай: и от взимающаго твоя, не истязуй.
31 И якоже хощете да творят вам человeцы, и вы творите им такожде.
32 И аще любите любящыя вы, кая вам благодать есть? ибо и грeшницы любящыя их любят.
33 И аще благотворите благотворящым вам, кая вам благодать есть? ибо и грeшницы тожде творят.
34 И аще взаим даете, от нихже чаете восприяти, кая вам благодать есть, ибо и грeшницы грeшником взаим давают, да восприимут равная.
35 Обаче любите враги вашя, и благотворите, и взаим дайте, ничесоже чающе: и будет мзда ваша многа, и будете сынове вышняго: яко той благ есть на безблагодатныя (неблагодарныя) и злыя.
36 Будите убо милосерди, якоже и Отец ваш милосерд есть.
37 И не судите, и не судят вам: и не осуждайте, да не осуждени будете: отпущайте, и отпустят вам:
38 дайте, и дастся вам: мeру добру, наткану и потрясну и преливающуся дадят на лоно ваше: тою бо мeрою, еюже мeрите, возмeрится вам.
39 Рече же притчу им: еда может слeпец слeпца водити? не оба ли в яму впадетася?
40 Нeсть ученик над учителя своего: совершен же всяк будет, якоже и учитель его.
41 Что же видиши сучец, иже есть во очеси брата твоего, бервна же, еже есть во очеси твоем, не чуеши?
42 Или како можеши рещи брату твоему: брате, остави, да изьму сучец, иже есть во очеси твоем, сам сущаго во очеси твоем бервна не видя? Лицемeре, изьми первeе бервно из очесе твоего, и тогда прозриши изяти сучец из очесе брата твоего.
43 Нeсть бо древо добро, творя плода зла: ниже древо зло, творя плода добра.
44 Всяко бо древо от плода своего познается: не от терния бо чешут смоквы, ни от купины емлют гроздия.
45 Благий человeк от благаго сокровища сердца своего износит благое: и злый человeк от злаго сокровища сердца своего износит злое: от избытка бо сердца глаголют уста его.
46 Что же мя зовете: Господи, Господи, и не творите, яже глаголю?
47 Всяк грядый ко мнe и слышай словеса моя и творя я, скажу вам, кому есть подобен.
48 подобен есть человeку зиждущу храмину, иже ископа и углуби, и положи основание на камени: наводнению же бывшу, припаде рeка ко храминe той, и не може поколебати ея: основана бо бe на камени.
49 Слышавый же и не сотворивый подобен есть человeку создавшему храмину на земли без основания: к нейже припаде рeка, и абие падеся, и бысть разрушение храмины тоя велие.
1 Егда же сконча вся глаголы своя в слухи людем, вниде в капернаум.
2 Сотнику же нeкоему раб боля злe, хотяше (имeяше) умрети, иже бe ему честен.
3 Слышав же о Иисусe, посла к нему старцы иудейския, моля его, яко да пришед спасет раба его.
4 Они же пришедше ко Иисусови, моляху его тощно, глаголюще, яко достоин есть, емуже даси сие:
5 любит бо язык наш, и сонмище той созда нам.
6 Иисус же идяше с ними. И уже ему не далече сущу от храмины, посла к нему сотник други, глаголя ему: Господи, не движися: нeсмь бо достоин, да под кров мой внидеши.
7 Тeмже ни себе достойна сотворих приити к тебe: но рцы слово, и исцeлeет отрок мой.
8 Ибо и аз человeк есмь под владыкою учинен, имeя под собою воины: и глаголю сему: иди, и идет: и другому: прииди, и приидет: и рабу моему: сотвори сие, и сотворит.
9 Слышав же сия Иисус, чудися ему, и обращься идущему по нем народу рече: глаголю вам, ни во израили толики вeры обрeтох.
10 И возвращшеся послании обрeтоша болящаго раба исцeлeвша.
11 И бысть посем, идяше во град, нарицаемый наин: и с ним идяху ученицы его мнози и народ мног.
12 Якоже приближися ко вратом града, и се изношаху умерша, сына единородна матери своей, и та бe вдова: и народ от града мног с нею.
13 И видeв ю Господь, милосердова о ней, и рече ей: не плачи.
14 И приступль коснуся во одр: носящии же сташа: и рече: юноше, тебe глаголю, востани.
15 И сeде мертвый, и начат глаголати: и даде его матери его.
16 Прият же страх всeх, и славляху Бога, глаголюще: яко пророк велий воста в нас, и яко посeти Бог людей своих.
17 И изыде слово сие по всей иудеи о нем, и по всей странe.
18 И возвeстиша иоанну ученицы его о всeх сих.
19 И призвав два нeкая от ученик своих иоанн, посла ко Иисусу, глаголя: ты ли еси грядый, или иного чаем?
20 Пришедша же к нему мужа рeста: иоанн креститель посла нас к тебe, глаголя: ты ли еси грядый, или иного чаем,
21 В той же час исцeли многи от недуг и ран и дух злых, и многим слeпым дарова прозрeние.
22 И отвeщав Иисус рече има: шедша возвeстита иоанну, яже видeста и слышаста: яко слeпии прозирают, хромии ходят, прокаженнии очищаются, глусии слышат, мертвии востают, нищии благовeствуют:
23 и блажен есть, иже аще не соблазнится о мнe.
24 Отшедшема же ученикома иоанновома, начат глаголати к народом о иоаннe: чесо изыдосте в пустыню видeти, трость ли вeтром колеблему?
25 Но чесо изыдосте видeти? человeка ли в мягки ризы одeяна? Се, иже во одежди славнeй и пищи сущии, во царствии (во дворeх царских) суть.
26 Но чесо изыдосте видeти? пророка ли? Ей, глаголю вам, и лишше пророка.
27 Сей бо есть, о немже писано есть: се аз послю ангела моего пред лицем твоим, иже устроит путь твой пред тобою.
28 Глаголю бо вам: болий в рожденных женами пророка иоанна крестителя никтоже есть: мний же во царствии Божии, болии его есть.
29 И вси людие слышавше и мытарие, оправдиша Бога, крещшеся крещением иоанновым:
30 фарисее же и законницы совeт Божии отвергоша о себe, не крещшеся от него.
31 Рече же Господь: кому убо уподоблю человeки рода сего, и кому суть подобни?
32 Подобни суть отрочищем сeдящым на торжищах, и приглашающым друг друга, и глаголющым: пискахом вам, и не плясасте: рыдахом вам, и не плакасте.
33 Прииде бо иоанн креститель ни хлeба ядый, ни вина пия, и глаголете: бeся имать.
34 Прииде Сын человeческий ядый и пия, и глаголете: сей человeк ядца и винопийца, друг мытарем и грeшником.
35 И оправдися премудрость от чад своих всeх.
36 Моляше же его нeкий от фарисей, да бы ял с ним: и вшед в дом фарисеов, возлеже.
37 И се жена во градe, яже бe грeшница, и увeдeвши, яко возлежит во храминe фарисеовe, принесши алавастр мира,
38 и ставши при ногу его созади, плачущися, начат умывати нозe его слезами, и власы главы своея отираше, и облобызаше нозe его, и мазаше миром.
39 Видeв же фарисей воззвавыи его, рече в себe, глаголя сей аще бы был пророк, вeдeл бы кто и какова жена прикасается ему: яко грeшница есть.
40 И отвeщав Иисус рече к нему: симоне, имам ти нeчто рещи. Он же рече: учителю, рцы.
41 Иисус же рече: два должника бeста заимодавцу нeкоему: един бe должен пятиюсот динарии, другий же пятиюдесят:
42 не имущема же има воздати, обeма отда (остави). Который убо ею, рцы, паче возлюбит его?
43 Отвeщав же симон рече: мню, яко емуже вящше отда (остави). Он же рече ему: право судил еси.
44 И обращься к женe, симоновй рече: видиши ли сию жену? Внидох в дом твой, воды на нозe мои не дал еси: сия же слезами облия ми нозe и власы главы своея отре.
45 Лобзания ми не дал еси: сия же, отнелиже внидох, не преста облобызающи ми нозe.
46 Маслом главы моея не помазал еси: сия же миром помаза ми нозe.
47 Егоже ради, глаголю ти: отпущаются грeси ея мнози, яко возлюби много: а емуже мало оставляется, меньше любит.
48 Рече же ей: отпущаются тебe грeси.
49 И начаша возлежащии с ним глаголати в себe: кто сей есть, иже и грeхи отпущает?
50 Рече же к женe: вeра твоя спасе тя: иди в мирe.
1 И бысть посем, и той прохождаше сквозe грады и веси, проповeдуя и благовeствуя царствие Божие: и обанадесяте с ним,
2 и жены нeкия, яже бяху исцeлены от духов злых и недуг: мариа нарицаемая магдалина, из неяже бeсов седмь изыде,
3 и иоанна жена хузаня, приставника иродова, и сусанна, и ины многи, яже служаху ему от имeний своих.
4 Разумeвающу же народу многу, и от всeх градов грядущым к нему, рече притчу:
5 изыде сeяй сeяти сeмене своего: и егда сeяше, ово паде при пути, и попрано бысть, и птицы небесныя позобаша е:
6 а другое паде на камени, и прозяб усше, зане не имeяше влаги:
7 и другое паде посредe терния, и возрасте терние, и подави е:
8 другое же паде на земли блазe, и прозяб сотвори плод сторицею. Сия глаголя, возгласи: имeяй ушы слышати, да слышит.
9 Вопрошаху же его ученицы его, глаголюще: что есть притча сия?
10 Он же рече: вам есть дано вeдати тайны царствия Божия, прочым же в притчах, да видяще не видят и слышаще не разумeют.
11 Есть же сия притча: сeмя есть слово Божие.
12 А иже при пути, суть слышащии, потом же приходит диавол и вземлет слово от сердца их, да не вeровавше спасутся.
13 А иже на камени, иже егда услышат, с радостию приемлют слово: и сии корене не имут, иже во время вeруют, и во время напасти отпадают.
14 А еже в тернии падшее, сии суть слышавшии, и от печали и богатства и сластьми житейскими ходяще подавляются, и не совершают плода.
15 А иже на добрeй земли, сии суть, иже добрым сердцем и благим слышавше слово, держат , и плод творят в терпeнии. Сия глаголя, возгласи: имeяй ушы слышати, да слышит.
16 Никтоже убо свeтильника вжег, покрывает его сосудом, или под одр подлагает: но на свeщник возлагает, да входящии видят свeт.
17 Нeсть бо тайно, еже не явлено будет: ниже утаено, еже не познается и в явление приидет.
18 Блюдитеся убо, како слышите: иже бо имать, дастся ему: и иже аще не имать, и еже мнится имeя, возьмется от него.
19 Приидоша же к нему мати и братия его, и не можаху бесeдовати к нему народа ради.
20 И возвeстиша ему, глаголюще: мати твоя и братия твоя внe стоят, видeти тя хотяще.
21 Он же отвeщав рече к ним: мати моя и братия моя сии суть, слышащии слово Божие, и творящии е.
22 И бысть во един от дний, той влeзе в корабль и ученицы его: и рече к ним: прейдем на он пол езера. И поидоша.
23 Идущым же им, успе. И сниде буря вeтреная в езеро, и скончавахуся, и в бeдe бeху.
24 И приступльше воздвигоша его, глаголюще: наставниче, наставниче, погибаем. Он же востав запрети вeтру и волнению водному: и улегоста, и бысть тишина.
25 Рече же им: гдe есть вeра ваша? Убоявшеся же чудишася, глаголюще друг ко другу: кто убо сей есть, яко и вeтром повелeвает и водe, и послушают его?
26 И преидоша во страну гадаринску, яже есть об он пол галилеи.
27 Изшедшу же ему на землю, срeте его муж нeкий от града, иже имяше бeсы от лeт многих, и в ризу не облачашеся, и во храмe не живяше, но во гробeх.
28 Узрeв же Иисуса и возопив, припаде к нему, и гласом велиим рече: что мнe и тебe, Иисусе Сыне Бога вышняго? молюся ти, не мучи мене.
29 Повелe бо духови нечистому изыти от человeка: от многих бо лeт восхищаше его: и вязаху его узы желeзны и путы, стрегуще его: и растерзая узы, гонимь бываше бeсом сквозe пустыни.
30 Вопроси же его Иисус, глаголя: что ти есть имя? Он же рече: легеон: яко бeси мнози внидоша вонь.
31 И моляху его, да не повелит им в бездну ити.
32 Бe же ту стадо свиней много пасомо в горe: и моляху его, да повелит им в ты внити. И повелe им.
33 Изшедше же бeси от человeка, внидоша во свиния: и устремися стадо по брегу в езеро, и истопе.
34 Видeвше же пасущии бывшее, бeжаша, и возвeстиша во градe и в селeх.
35 Изыдоша же видeти бывшее: и приидоша ко Иисусови и обрeтоша человeка сeдяща, из негоже бeси изыдоша, оболчена и смысляща, при ногу Иисусову: и убояшася.
36 Возвeстиша же им видeвшии, како спасеся бeсновавыйся.
37 И моли его весь народ страны гадаринския отити от них, яко страхом велиим одержими бeху. Он же влeз в корабль, возвратися.
38 Моляшеся же ему муж, из негоже изыдоша бeси, да бы с ним был. Отпусти же его Иисус, глаголя:
39 возвратися в дом твой и повeдай, елика ти сотвори Бог. И иде, по всему граду проповeдая, елика сотвори ему Иисус.
40 Бысть же егда возвратися Иисус, прият его народ: бeху бо вси чающе его.
41 И се прииде муж, емуже имя иаир, и той князь сонмищу бe. И пад при ногу Иисусову, моляше его внити в дом свой:
42 яко дщи единородна бe ему, яко лeт двоюнадесяте, и та умираше. Егда же идяше, народи угнeтаху его.
43 И жена сущи в точении крове от двоюнадесяте лeту, яже врачем издавши все имeние, и не возможе ни от единаго исцeлeти:
44 и приступльши созади, коснуся края риз его: и абие ста ток крове ея.
45 И рече Иисус: кто есть коснувыися мнe? Отметающымся же всeм, рече петр и иже с ним: наставниче, народи одержат тя и гнeтут, и глаголеши: кто есть коснувыися мнe?
46 Иисус же рече: прикоснуся мнe нeкто: аз бо чух силу изшедшую из мене.
47 Видeвши же жена, яко не утаися, трепещущи прииде, и падши пред ним, еяже ради вины прикоснуся ему, повeда ему пред всeми людьми, и яко исцeлe абие.
48 Он же рече ей: дерзай дщи, вeра твоя спасе тя: иди в мирe.
49 Еще ему глаголющу, прииде нeкий от архисинагога, глаголя ему, яко умре дщи твоя: не движи учителя.
50 Иисус же слышав отвeща ему, глаголя: не бойся, токмо вeруй, и спасена будет.
51 Пришед же в дом, не остави ни единаго внити, токмо петра и иоанна и иакова, и отца отроковицы, и матере.
52 Плакахуся же вси и рыдаху ея. Он же рече: не плачитеся: не умре бо, но спит.
53 И ругахуся ему, вeдяще, яко умре.
54 Он же изгнав вон всeх, и ем за руку ея, возгласи, глаголя: отроковице, востани.
55 И возвратися дух ея, и воскресе абие: и повелe дати ей ясти.
56 И дивистася родителя ея. Он же повелe има никомуже повeдати бывшаго.
1 Созвав же обанадесяте, даде им силу и власть на вся бeсы, и недуги цeлити.
2 И посла их проповeдати царствие Божие и исцeлити болящыя.
3 И рече к ним: ничесоже возьмите на путь: ни жезла, ни пиры, ни хлeба, ни сребра, ни по двe ризe имeти.
4 И воньже дом внидете, ту пребывайте, и оттуду исходите.
5 И елицы аще не приемлют вас, исходяще от града того, и прах от ног ваших оттрясите, во свидeтельство на ня.
6 Исходяще же прохождаху сквозe веси, благовeствующе и исцeляюще всюду.
7 Слыша же ирод четвертовластник бывающая от него вся, и недоумeвашеся, зане глаголемо бe от нeких, яко иоанн воста от мертвых:
8 от инeх же, яко илиа явися: от других же, яко пророк един от древних воскресе.
9 И рече ирод: иоанна аз усeкнух: кто же есть сей, о немже аз слышу таковая, и искаше видeти его.
10 И возвращшеся апостоли повeдаша ему, елика сотвориша: и поим их, отиде един (особь) на мeсто пусто града, нарицаемаго вифсаида.
11 Народи же разумeвше, по нем идоша: и прием их, глаголаше им о царствии Божии, и требующыя исцeления цeляше.
12 День же начат прекланятися. Приступльше же обанадесяте рекоша ему: отпусти народ, да шедше во окрестныя веси и села витают и обрящут брашно: яко здe в пустe мeстe есмы.
13 Рече же к ним: дадите им вы ясти. Они же рeша: нeсть у нас вящше, токмо пять хлeб и рыбe двe, аще убо не шедше мы купим во вся люди сия брашна.
14 Бeху бо мужей яко пять тысящ. Рече же ко учеником своим: посадите их на купы по пятидесят.
15 И сотвориша тако , и посадиша их вся.
16 Приим же пять хлeб и обe рыбe, воззрeв на небо, благослови их, и преломи, и даяше учеником, предложити народу.
17 И ядоша, и насытишася вси: и взяша избывшыя им укрухи кошя дванадесяте.
18 И бысть егда моляшеся един, с ним бeху ученицы: и вопроси их, глаголя: кого мя глаголют народи быти?
19 Они же отвeщавше рeша: иоанна крестителя: инии же илию: друзии же, яко пророк нeкий от древних воскресе.
20 Рече же им: вы же кого мя глаголете быти? Отвeщав же петр рече: Христа Божия.
21 Он же запрещь им, повелe никомуже глаголати сего,
22 рек, яко подобает Сыну человeческому много пострадати, и искушену (отвержену) быти от старец и архиерей и книжник, и убиену быти, и в третий день востати.
23 Глаголаше же ко всeм: аще кто хощет по мнe ити, да отвержется себе, и возьмет крест свой, и послeдует ми.
24 Иже бо аще хощет душу свою спасти, погубит ю: а иже погубит душу свою мене ради, сей спасет ю.
25 Что бо пользы имать человeк, приобрeт мир весь, себе же погубив или оттщетив?
26 Иже бо аще постыдится мене и моих словес, сего Сын человeческий постыдится, егда приидет во славe своей и Отчей и святых ангел.
27 Глаголю же вам воистинну: суть нeцыи от здe стоящих, иже не имут вкусити смерти, дондеже видят царствие Божие.
28 Бысть же по словесeх сих яко дний осмь, и поем петра и иоанна и иакова, взыде на гору помолитися.
29 И бысть егда моляшеся, видeние лица его ино, и одeяние его бeло блистаяся.
30 И се мужа два с ним глаголюща, яже бeста моисей и илиа,
31 явльшася во славe, глаголаста же исход его, егоже хотяше скончати во иерусалимe.
32 Петр же и сущии с ним бяху отягчени Сыном: убуждшеся же видeша славу его, и оба мужа стояща с ним.
33 И бысть егда разлучистася от него, рече петр ко Иисусу: наставниче, добро есть нам здe быти: и сотворим сeни три, едину тебe, и едину моисеови, и едину илии: не вeдый, еже глаголаше.
34 Се же ему глаголющу, бысть облак, и осeни их: убояшася же, вшедше во облак.
35 И глас бысть из облака, глаголя: сей есть Сын мой возлюбленный, того послушайте.
36 И егда бысть глас, обрeтеся Иисус един. И тии умолчаша, и никомуже возвeстиша в тыя дни ничесоже от тeх, яже видeша.
37 Бысть же в прочий день, сшедшым им с горы, срeте его народ мног.
38 И се муж из народа возопи, глаголя: учителю, молю ти ся, призри на сына моего, яко единороден ми есть:
39 и се дух емлет его, и внезапу вопиет, и пружается (терзает его) с пeнами, и едва отходит от него, сокрушая его:
40 и молихся учеником твоим, да ижденут его: и не возмогоша.
41 Отвeщав же Иисус рече: О! роде невeрный и развращенный, доколe буду в вас и терплю вы? приведи ми сына твоего сeмо.
42 Еще же грядущу ему, поверже его бeс и стрясе. Запрети же Иисус духови нечистому, и исцeли отрока, и вдаде его отцу его.
43 Дивляхуся же вси о величии Божии. Всeм же чудящымся о всeх, яже творяше Иисус, рече ко учеником своим:
44 вложите вы во ушы ваши словеса сия: Сын бо человeческий имать предатися в руцe человeчестe.
45 Они же не разумeша глагола сего, бe бо прикровен от них, да не ощутят его: и бояхуся вопросити его о глаголe сем.
46 Вниде же помышление в них, кто их вящший бы был.
47 Иисус же вeдый помышление сердец их, прием отроча, постави е у себе
48 и рече им: иже аще приимет сие отроча во имя мое, мене приемлет: и иже аще мене приемлет, приемлет пославшаго мя: иже бо меньший есть в вас, сей есть велик.
49 Отвeщав же иоанн рече: наставниче, видeхом нeкоего о имени твоем изгоняща бeсы: и возбранихом ему, яко вослeд не ходит с нами.
50 И рече к нему Иисус: не браните: иже бо нeсть на вы, по вас есть.
51 Бысть же егда скончавахуся дние восхождению его, и той утверди лице свое ити во иерусалим.
52 И посла вeстники пред лицем своим: и изшедше внидоша в весь самарянску, яко да уготовят ему.
53 И не прияша его, яко лице его бe грядущее во иерусалим.
54 Видeвша же ученика его иаков и иоанн, рeста: Господи, хощеши ли, речема, да огнь снидет с небесе и потребит их, якоже и илиа сотвори?
55 Обращься же запрети има, и рече: не вeста, коего духа еста вы:
56 Сын бо человeческий не прииде душ человeческих погубити, но спасти: и идоша во ину весь.
57 Бысть же идущым им по пути, рече нeкий к нему: иду по тебe, аможе аще идеши, Господи.
58 И рече ему Иисус: лиси язвины имут, и птицы небесныя гнeзда: Сын же человeческий не имать гдe главу подклонити.
59 Рече же ко другому: ходи вслeд мене. Он же рече: Господи, повели ми, да шед прежде погребу отца моего.
60 Рече же ему Иисус: остави мертвыя погребсти своя мертвецы: ты же шед возвeщай царствие Божие.
61 Рече же и другий: иду по тебe, Господи: прежде же повели ми отвeщатися, иже суть (попроститися с сущими) в дому моем.
62 Рече же к нему Иисус: никтоже возложь руку свою на рало и зря вспять, управлен есть в царствии Божии.
1 По сих же яви Господь и инeх седмьдесят, и посла их по двeма пред лицем своим во всяк град и мeсто, аможе хотяше сам ити.
2 Глаголаше же к ним: жатва убо многа, дeлателей же мало: молитеся убо Господину жатвe, да изведет дeлатели на жатву свою.
3 Идите: се аз посылаю вы яко агнцы посредe волков.
4 Не носите влагалища, ни пиры, ни сапог и никогоже на пути цeлуйте.
5 Воньже аще дом внидете, первeе глаголите: мир дому сему.
6 И аще убо будет ту сын мира, почиет на нем мир ваш: аще ли же ни, к вам возвратится.
7 В том же дому пребывайте, ядуще и пиюще, яже суть у них: достоин бо есть дeлатель мзды своея: не преходите из дому в дом.
8 И воньже аще град входите, и приемлют вы, ядите предлагаемая вам:
9 и исцeлите недужныя, иже суть в нем, и глаголите им: приближися на вы царствие Божие.
10 И воньже аще град входите, и не приемлют вас, изшедше на распутия его, рцыте:
11 и прах прилeпший нам от града вашего, оттрясаем вам. обаче сие вeдите, яко приближися на вы царствие Божие.
12 Глаголю вам, яко содомляном в день той отраднeе будет, неже граду тому.
13 Горе тебe, хоразине, горе тебe, вифсаидо: яко аще в тирe и сидонe быша силы были бывшыя в ваю, древле убо во вретищи и пепелe сeдяще покаялися быша:
14 обаче тиру и сидону отраднeе будет на судe, неже вама.
15 И ты, капернауме, иже до небес вознесыйся, до ада низведешися.
16 Слушаяй вас, мене слушает: и отметаяйся вас, мене отметается: отметаяйся же мене, отметается пославшаго мя.
17 Возвратишася же седмьдесят с радостию, глаголюще: Господи, и бeси повинуются нам о имени твоем.
18 Рече же им: видeх сатану яко молнию с небесе спадша.
19 Се даю вам власть наступати на змию и на скорпию и на всю силу вражию: и ничесоже вас вредит.
20 Обаче о сем не радуйтеся, яко дуси вам повинуются: радуйтеся же, яко имена ваша написана суть на небесeх.
21 В той час возрадовася духом Иисус и рече: исповeдаю ти ся, Отче, Господи небесе и земли, яко утаил еси сия от премудрых и разумных, и открыл еси та младенцем: ей, Отче, яко тако бысть благоволение пред тобою.
22 И обращься ко учеником, рече: вся мнe предана быша от Отца моего: и никтоже вeсть, кто есть Сын, токмо Отц: и кто есть Отц, токмо Сын, и емуже аще хощет Сын открыти.
23 И обращься ко учеником, един (особь) рече: блажени очи видящии, яже видите:
24 глаголю бо вам, яко мнози пророцы и царие восхотeша видeти, яже вы видите, и не видeша: и слышати, яже слышите, и не слышаша.
25 И се законник нeкий воста, искущая его и глаголя: учителю, что сотворив, живот вeчный наслeдую,
26 он же рече к нему. в законe что писано есть, како чтеши?
27 Он же отвeщав рече: возлюбиши Господа Бога твоего от всего сердца твоего, и от всея души твоея, и всею крeпостию твоею, и всeм помышлением твоим: и ближняго своего яко сам себе.
28 Рече же ему: право отвeщал еси: сие сотвори, и жив будеши.
29 Он же хотя оправдитися сам, рече ко Иисусу: и кто есть ближний мой?
30 Отвeщав же Иисус рече: человeк нeкий схождаше от иерусалима во иерихон, и в разбойники впаде, иже совлекше его, и язвы возложше отидоша, оставльше едва жива суща.
31 По случаю же священник нeкий схождаше путем тeм, и видeв его, мимоиде.
32 Такожде же и левит, быв на том мeстe, пришед и видeв, мимоиде.
33 Самарянин же нeкто грядый, прииде над него, и видeв его, милосердова:
34 и приступль обвяза струпы его, возливая масло и вино: всадив же его на свой скот, приведе его в гостинницу, и прилeжа ему:
35 и наутрия изшед, изем два сребреника, даде гостиннику, и рече ему: прилeжи ему: и, еже аще прииждивеши, аз егда возвращуся, воздам ти.
36 Кто убо от тeх триех ближний мнит ти ся быти впадшему в разбойники?
37 Он же рече: сотворивый милость с ним. Рече же ему Иисус: иди, и ты твори такожде.
38 Бысть же ходящым им, и сам вниде в весь нeкую: жена же нeкая именем марфа прият его в дом свой.
39 И сестра ей бe нарицаемая мариа, яже и сeдши при ногу Иисусову, слышаше слово его.
40 Марфа же молвяше о мнозe службe, ставши же рече: Господи, не брежеши ли, яко сестра моя едину мя остави служити? рцы убо ей, да ми поможет.
41 Отвeщав же Иисус рече ей: марфо, марфо, печешися, и молвиши о мнозe,
42 едино же есть на потребу: мариа же благую часть избра, яже не отимется от нея.
1 И бысть внегда быти ему на мeстe нeкоем молящуся, и яко преста, рече нeкий от ученик его к нему: Господи, научи ны молитися, якоже и иоанн научи ученики своя.
2 Рече же им: егда молитеся, глаголите: Отче наш, иже на небесeх, да святится имя твое: да приидет царствие твое: да будет воля твоя, яко на небеси, и на земли:
3 хлeб наш насущный подавай нам на всяк день:
4 и остави нам грeхи нашя, ибо и сами оставляем всякому должнику нашему: и не введи нас во искушение, но избави нас от лукаваго.
5 И рече к ним: кто от вас имать друга, и идет к нему в полунощи, и речет ему: друже, даждь ми взаим три хлeбы:
6 понеже друг прииде с пути ко мнe, и не имам чесо предложити ему.
7 И той извнутрь отвeщав речет: не твори ми труды: уже двери затворены суть, и дeти моя со мною на ложи суть: и не могу востав дати тебe.
8 Глаголю же вам: аще и не даст ему востав, зане друг ему есть: но за безочьство его, востав даст ему, елика требует.
9 И аз вам глаголю: просите, и дастся вам: ищите, и обрящете: толцыте, и отверзется вам:
10 всяк бо просяй приемлет, и ищяй обрeтает, и толкущему отверзется.
11 Котораго же вас отца воспросит сын хлeба, еда камень подаст ему? или рыбы, еда в рыбы мeсто змию подаст ему?
12 или аще попросит яица, еда подаст ему скорпию?
13 Аще убо вы зли суще, умeете даяния блага даяти чадом вашым, кольми паче Отц, иже с небесе, даст духа святаго просящым у него?
14 И бe изгоня бeса, и той бe нeм: бысть же бeсу изшедшу, проглагола нeмый: и дивишася народи.
15 Нeцыи же от них рeша: о веельзевулe князи бeсовстeм изгонит бeсы.
16 Друзии же искушающе, знамения от него искаху с небесе.
17 Он же вeдый помышления их, рече им: всяко царство само в себe раздeляяся, запустeет: и дом на дом, падает.
18 Аще же и сатана сам в себe раздeлися, како станет царство его, якоже глаголете, о веельзевулe изгонящя мя бeсы.
19 Аще же аз о веельзевулe изгоню бeсы, сынове ваши о ком изгонят? сего ради тии будут вам судии.
20 Аще ли же о перстe Божии изгоню бeсы, убо постиже на вас царствие Божие.
21 Егда крeпкий вооружився хранит свой двор, во смирении (в мирe) суть имeния его:
22 егда же крeплeи его нашед побeдит его, все оружие его возьмет, на неже уповаше, и корысть его раздает.
23 Иже нeсть со мною, на мя есть: и иже не собирает со мною, расточает.
24 Егда же нечистый дух изыдет от человeка, преходит сквозe безводная мeста, ищя покоя: и не обрeтая, глаголет: возвращуся в дом мой, отнюдуже изыдох.
25 И пришед обрящет и пометен и украшен.
26 Тогда идет и поймет седмь других духов горших себе, и вшедше живут ту: и бывают послeдняя человeку тому горша первых.
27 Бысть же егда глаголаше сия, воздвигши нeкая жена глас от народа, рече ему: блажено чрево носившее тя, и сосца, яже еси ссал.
28 Он же рече: тeмже убо блажени слышащии слово Божие и хранящии е.
29 Народом же собирающымся начат глаголати: род сей лукав есть: знамения ищет, и знамение не дастся ему, токмо знамение ионы пророка:
30 Якоже бо бысть иона знамение ниневитом, тако будет и Сын человeческий роду сему.
31 Царица южская востанет на суд с мужи рода сего, и осудит их: яко прииде от конец земли слышати премудрость соломонову: и се множае соломона здe.
32 Мужие ниневитстии востанут на суд с родом сим, и осудят и: яко покаяшася проповeдию иониною: и се множае ионы здe.
33 Никтоже убо свeтильника вжег, в скровe полагает, ни под спудом, но на свeщницe, да входящии свeт видят.
34 Свeтильник тeлу есть око: егда убо око твое просто будет, все тeло твое свeтло будет: егда же лукаво будет, и тeло твое темно.
35 Блюди убо, еда свeт, иже в тебe, тьма есть.
36 Аще бо тeло твое все свeтло, не имый нeкия части темны, будет свeтло все, якоже егда свeтильник блистанием прсвeщает тя.
37 Егда же глаголаше, моляше его фарисей нeкии, да обeдует у него: вшед же возлеже.
38 Фарисей же видeв дивися, яко не прежде крестися (не первeе умыся) прежде обeда.
39 Рече же Господь к нему: нынe вы, фарисее, внeшняя сткляницы и блюда очищаете, внутреннее же ваше полно грабления есть и лукавства.
40 Безумнии, не иже ли сотвори внeшнее, и внутреннее сотворил есть?
41 Обаче от сущих дадите милостыню: и се вся чиста вам будут.
42 Но горе вам фарисеом, яко одесятствуете от мятвы и пигана и всякаго зелия, и мимоходите суд и любовь Божию: сия подобаше сотворити, и онeх не оставляти.
43 Горе вам фарисеом, яко любите предсeдания на сонмищех и цeлования на торжищих.
44 Горе вам, книжницы и фарисее лицемeри, яко есте яко гроби невeдоми, и человeцы ходящии верху не вeдят.
45 Отвeщав же нeкий от законник рече ему: учителю, сия глаголя, и нам досаждаеши.
46 Он же рече: и вам законником горе, яко накладаете на человeки бремена не удобь носима, и сами единeм перстом вашим не прикасаетеся бременем.
47 Горе вам, яко зиждете гробы пророк, отцы же ваши избиша их.
48 Убо свидeтельствуете и соблаговолите дeлом отец ваших: яко тии убо избиша их, вы же зиждете их гробы.
49 Сего ради и премудрость Божия рече: послю в них (к ним) пророки и апостолы, и от них убиют и изженут:
50 да взыщется кровь всeх пророк, проливаемая от сложения мира, от рода сего,
51 от крове авеля даже до крове захарии, погибшаго между олтарем и храмом: ей, глаголю вам, взыщется от рода сего.
52 Горе вам законником, яко взясте ключь разумeния: сами не внидосте, и входящым возбранисте.
53 Глаголющу же ему сия к ним, начаша книжницы и фарисее бeднe (зeло) гнeватися нань и престати (вопрошати) его о мнозe,
54 лающе его (навeтующе нань), ищуще уловити нeчто от уст его, да нань возглаголют.
1 О нихже (между тeм) собравшымся тьмам народа, яко попирати друг друга, начат глаголати учеником своим первeе: внемлите себe от кваса фарисейска, еже есть лицемeрие.
2 Ничтоже бо покровено есть, еже не открыется, и тайно, еже не уразумeется.
3 Зане, елика во тьмe рeсте, во свeтe услышатся: и еже ко уху глаголасте во храмeх, проповeсться на кровeх.
4 Глаголю же вам другом своим: не убойтеся от убивающих тeло и потом не могущих лишше что сотворити.
5 Сказую же вам, кого убойтеся: убойтеся имущаго власть по убиении воврещи в дебрь огненную: ей, глаголю вам, того убойтеся.
6 Не пять ли птиц цeнится пeнязема двeма, и ни едина от них нeсть забвена пред Богом.
7 Но и власи главы вашея вси изочтени суть. не убойтеся убо: мнозeх птиц унши есте вы.
8 Глаголю же вам: всяк, иже аще исповeсть мя пред человeки, и Сын человeческий исповeсть его пред ангелы Божиими:
9 а отвергийся мене пред человeки, отвержен будет пред ангелы Божиими.
10 И всяк иже речет слово на Сына человeческаго, оставится ему: а на святаго духа хулившему не оставится.
11 Егда же приведут вы на соборища и власти и владычества, не пецытеся, како или что отвeщаете, или что речете:
12 святый бо дух научит вы в той час, яже подобает рещи.
13 Рече же ему нeкий от народа: учителю, рцы брату моему раздeлити со мною достояние.
14 Он же рече ему: человeче, кто мя постави судию или дeлителя над вами?
15 Рече же к ним: блюдите и хранитеся от лихоимства: яко не от избытка (внегда избыточествовати) кому живот его есть от имeния его.
16 Рече же притчу к ним, глаголя: человeку нeкоему богату угобзися нива:
17 и мысляше в себe, глаголя: что сотворю, яко не имам гдe собрати плодов моих?
18 И рече: се сотворю: разорю житницы моя, и большыя созижду, и соберу ту вся жита моя и благая моя:
19 и реку души моей: душе, имаши многа блага, лежаща на лeта многа: почивай, яждь, пий, веселися.
20 Рече же ему Бог: безумне, в сию нощь душу твою истяжут от тебе: а яже уготовал еси, кому будут?
21 Тако собираяй себe, а не в Бога богатeя.
22 Рече же ко учеником своим: сего ради глаголю вам: не пецытеся душею вашею, что ясте: ни тeлом, во что облечетеся:
23 душа больши есть пищи, и тeло одежды.
24 Смотрите вран, яко не сeют, ни жнут: имже нeсть сокровища, ни житницы, и Бог питает их: кольми паче вы есте лучши птиц?
25 Кто же от вас пекийся может приложити возрасту своему лакоть един?
26 Аще убо ни мала чесо можете, что о прочих печетеся?
27 Смотрите крины, како растут: не труждаются, ни прядут: глаголю же вам, яко ни соломон во всей славe своей облечеся, яко един от сих.
28 Аще же траву, на селe днесь сущу и утрe в пещь вмещему, Бог тако одeвает: кольми паче вас, маловeри?
29 И вы не ищите, что ясте, или что пиете: и не возноситеся:
30 всeх бо сих языцы мира сего ищут: ваш же Отец вeсть, яко требуете сих.
31 Обаче ищите царствия Божия, и сия вся приложатся вам.
32 Не бойся, малое стадо: яко благоизволи Отец ваш дати вам царство.
33 Продадите имeния ваша, и дадите милостыню. сотворите себe влагалища не ветшающа, сокровище неоскудeемо на небесeх, идeже тать не приближается, ни моль растлeвает.
34 Идeже бо сокровище ваше, ту и сердце ваше будет.
35 Да будут чресла ваша препоясана, и свeтильницы горящии:
36 и вы подобни человeком чающым господа своего, когда возвратится от брака, да пришедшу и толкнувшу, абие отверзут ему.
37 Блажени раби тии, ихже пришед господь обрящет бдящих: аминь глаголю вам, яко препояшется и посадит их, и минув (приступив) послужит им.
38 И аще приидет во вторую стражу, и в третию стражу приидет, и обрящет их тако, блажени суть раби тии.
39 Се же вeдите, яко аще бы вeдал господин храмины, в кий час тать приидет, бдeл убо бы, и не бы дал подкопати дому своего.
40 И вы убо будите готови: яко, воньже час не мните, Сын человeческий приидет.
41 Рече же ему петр: Господи, к нам ли притчу сию глаголеши, или ко всeм?
42 Рече же Господь: кто убо есть вeрный строитель и мудрый, егоже поставит господь над челядию своею, даяти во время житомeрие?
43 Блажен раб той, егоже пришед господь его обрящет творяща тако:
44 воистинну глаголю вам, яко над всeм имeнием своим поставит его.
45 Аще же речет раб той в сердцы своем: коснит господин мой приити: и начнет бити рабы и рабыни, ясти же и пити и упиватися:
46 приидет господин раба того в день, воньже не чает, и в час, воньже не вeсть: и растешет его, и часть его с невeрными положит.
47 Той же раб вeдeвый волю господина своего, и не уготовав, ни сотворив по воли его, биен будет много.
48 Невeдeвый же, сотворив же достойная ранам, биен будет мало. Всякому же, емуже дано будет много, много взыщется от него: и емуже предаша множайше, множайше просят (истяжут) от него.
49 Огня приидох воврещи на землю, и что хощу, аще уже возгорeся?
50 Крещением же имам креститися, и како удержуся, дондеже скончаются?
51 Мните ли, яко мир приидох дати на землю? ни, глаголю вам, но раздeление.
52 Будут бо отселe пять во едином дому раздeлени, трие на два, и два на три:
53 раздeлится отец на сына, и сын на отца: мати на дщерь, и дщи на матерь: свекры на невeсту свою, и невeста на свекровь свою.
54 Глаголаше же и народом: егда узрите облак восходящь от запада, абие глаголете: туча грядет: и бывает тако.
55 И егда юг вeющь, глаголете: зной будет: и бывает.
56 Лицемeри, лице небу и земли вeсте искушати: времене же сего како не искушаете?
57 Что же и о себe не судите праведное?
58 Егда бо грядеши с соперником твоим ко князю, на пути даждь дeлание (потщися) избыти от него: да не како привлечет тебе к судии, и судия тя предаст слузe, и слуга всадит тя в темницу:
59 глаголю тебe: не изыдеши оттуду, дондеже и послeднюю мeдницу воздаси.
1 Приидоша же нeцыи в то время, повeдающе ему о галилеех, ихже кровь пилат смeси с жертвами их.
2 И отвeщав Иисус рече им: мните ли, яко галилеане сии грeшнeйши паче всeх галилеан бяху, яко тако пострадаша?
3 Ни, глаголю вам: но аще не покаетеся, вси такожде погибнете.
4 Или они осмьнадесяте, на нихже паде столп силоамский и поби их, мните ли, яко тии должнeйши бяху паче всeх живущих во иерусалимe?
5 Ни, глаголю вам: но аще не покаетеся, вси такожде погибнете.
6 Глаголаше же сию притчу: смоковницу имяше нeкий в виноградe своем всаждену: и прииде ищя плода на ней, и не обрeте:
7 рече же к винареви: се третие лeто, отнелиже прихожду ищя плода на смоковницe сей, и не обрeтаю: посeцы ю убо, вскую и землю упражняет?
8 Он же отвeщав рече ему: господи, остави ю и се лeто, дондеже окопаю окрест ея и осыплю гноем:
9 и аще убо сотворит плод: аще ли же ни, во грядущее посeчеши ю.
10 Бяше же учя на едином от сонмищ в субботу:
11 и се жена бe имущи дух недужен лeт осмьнадесять, и бe сляка и не могущи восклонитися отнюд.
12 Видeв же ю Иисус, пригласи и рече ей: жено, отпущена еси от недуга твоего.
13 И возложи на ню руцe: и абие простреся, и славляше Бога.
14 Отвeщав же старeйшина собору, негодуя, зане в субботу исцeли ю Иисус, глаголаше народу: шесть дний есть, в няже достоит дeлати: в тыя убо приходяще цeлитеся, а не в день субботный.
15 Отвeща же убо ему Господь и рече: лицемeре, кождо вас в субботу не отрeшает ли своего вола или осла от яслий, и вед напаяет,
16 сию же дщерь авраамлю сущу, юже связа сатана се осмоенадесяте лeто, не достояше ли разрeшитися ей от юзы сея в день субботный?
17 И сия ему глаголющу, стыдяхуся вси противляющиися ему: и вси людие радовахуся о всeх славных бывающих от него.
18 Глаголаше же: кому подобно есть царствие Божие? и кому уподоблю е?
19 Подобно есть зерну горушну, еже прием человeк вверже в вертоград свой: и возрасте, и бысть древо велие, и птицы небесныя вселишася в вeтвие его.
20 Паки рече: кому уподоблю царствие Божие?
21 Подобно есть квасу, егоже приемши жена, скры в сатeх триех муки, дондеже вскисе все.
22 И прохождаше сквозe грады и веси, учя и шествие творя во иерусалим.
23 Рече же нeкий ему: Господи, аще мало есть спасающихся? Он же рече к ним:
24 подвизайтеся внити сквозe тeсная врата: яко мнози, глаголю вам, взыщут внити, и не возмогут.
25 Отнелeже востанет дому владыка, и затворит двери, и начнете внe стояти и ударяти в двери, глаголюще: Господи, Господи, отверзи нам. И отвeщав речет вам: не вeм вас, откуду есте.
26 Тогда начнете глаголати: ядохом пред тобою и пихом, и на распутиих наших учил еси.
27 И речет: глаголю вам, не вeм вас, откуду есте: отступите от мене, вси дeлателие неправды.
28 Ту будет плачь и скрежет зубом, егда узрите авраама и исаака и иакова и вся пророки во царствии Божии, вас же изгонимых вон.
29 И приидут от восток и запад и сeвера и юга, и возлягут в царствии Божии.
30 И се суть послeднии, иже будут перви, и суть первии, иже будут послeдни.
31 В той день приступиша нeцый от фарисей, глаголюще ему: изыди и иди отсюду, яко ирод хощет тя убити.
32 И рече им: шедше рцыте лису тому: се изгоню бeсы и исцeления творю днесь и утрe, и в третий скончаюся.
33 Обаче подобает ми днесь и утрe и в ближний ити: яко невозможно есть пророку погибнути кромe иерусалима.
34 Иерусалиме, иерусалиме, избивый пророки и камением побивая посланныя к тебe, колькраты восхотeх собрати чада твоя, якоже кокош гнeздо свое под крилe, и не восхотeсте?
35 Се оставляется вам дом ваш пуст. Глаголю же вам, яко не имате мене видeти, дондеже приидет, егда речете: благословен грядый во имя Господне.
1 И бысть егда внити ему в дом нeкоего князя фарисейска в субботу хлeб ясти, и тии бяху назирающе его.
2 И се человeк нeкий, имыи водный труд, бe пред ним.
3 И отвeщав Иисус рече к законником и фарисеом, глаголя: аще достоит в субботу цeлити?
4 Они же умолчаша. И прием исцeли его, и отпусти.
5 И отвeщав к ним рече: котораго от вас осел или вол в студенец впадет, и не абие ли исторгнет его в день субботный?
6 И не возмогоша отвeщати ему к сим.
7 Глаголаше же к званным притчу, обдержя (внимая), како предсeдания избираху, глаголя к ним:
8 егда зван будеши ким на брак, не сяди на преднем мeстe: еда кто честнeе тебе будет званных,
9 и пришед иже тебе звавый и онаго, речет ти: даждь сему мeсто: и тогда начнеши со студом послeднее мeсто держати.
10 Но егда зван будеши, шед сяди на послeднем мeстe, да егда приидет звавый тя, речет ти: друже, посяди выше: тогда будет ти слава пред званными с тобою.
11 Яко всяк возносяйся смирится, и смиряяйся вознесется.
12 Глаголаше же и ко звавшему его: егда сотвориши обeд или вечерю, не зови другов твоих, ни братии твоея, ни сродник твоих, ни сосeд богатых: еда когда и тии тя такожде воззовут, и будет ти воздаяние.
13 Но егда твориши пир, зови нищыя, маломощныя, хромыя, слeпыя:
14 и блажен будеши, яко не имут ти что воздати: воздаст же ти ся в воскрешение праведных.
15 Слышав же нeкий от возлежащих с ним сия, рече ему: блажен, иже Сынeсть обeд в царствии Божии.
16 Он же рече ему: человeк нeкии сотвори вечерю велию, и зва многи:
17 и посла раба своего в год вечери рещи званным: грядите, яко уже готова суть вся.
18 И начаша вкупe отрицатися вси. Первый рече ему: село купих, и имам нужду изыти и видeти е. Молю ти ся, имeй мя отречена.
19 И другий рече: супруг волов купих пять, и гряду искусити их. Молю тя, имeй мя отречена.
20 И другий рече: жену поях, и сего ради не могу приити.
21 И пришед раб той повeда господину своему сия. Тогда разгнeвався дому владыка, рече рабу своему: изыди скоро на распутия и стогны града, и нищыя и бeдныя и слeпыя и хромыя введи сeмо.
22 И рече раб. Господи, бысть якоже повелeл еси, и еще мeсто есть.
23 И рече господин к рабу: изыди на пути и халуги, и убeди внити, да наполнится дом мой:
24 глаголю бо вам, яко ни един мужей тeх званных вкусит моея вечери: мнози бо суть звани, мало же избранных.
25 Идяху же с ним народи мнози: и обращься рече к ним:
26 аще кто грядет ко мнe, и не возненавидит отца своего и матерь, и жену, и чад, и братию, и сестр, еще же и душу свою, не может мой быти ученик:
27 и иже не носит креста своего и вслeд мене грядет, не может мой быти ученик.
28 Кто бо от вас, хотяй столп создати, не прежде ли сeд разчтет имeние, аще имать, еже есть на совершение?
29 да не, когда положит основание и не возможет совершити, вси видящии начнут ругатися ему,
30 глаголюще, яко сей человeк начат здати и не може совершити.
31 Или кий царь идый ко иному царю Сынитися с ним на брань, не сeд ли прежде совeщавает, аще силен есть срeсти с десятию тысящ грядущаго со двeмадесятьма тысящама нань?
32 Аще ли же ни, еще далече ему сущу, моление послав молится о смирении.
33 Тако убо всяк от вас, иже не отречется всего своего имeния, не может быти мой ученик.
34 Добро есть соль: аще же соль обуяет, чим осолится?
35 Ни в землю, ни в гной потребна есть: вон изсыплют ю. Имeяй ушы слышати, да слышит.
1 Бяху же приближающеся к нему вси мытарие и грeшницы, послушати его.
2 И роптаху фарисее и книжницы, глаголюще, яко сей грeшники приемлет и с ними яст.
3 Рече же к ним притчу сию, глаголя:
4 кий человeк от вас имый сто овец, и погубль едину от них, не оставит ли девятидесяти и девяти в пустыни, и идет вслeд погибшия, дондеже обрящет ю?
5 И обрeт возлагает на рамe свои радуяся:
6 и пришед в дом, созывает други и сосeды, глаголя им: радуйтеся со мною, яко обрeтох овцу мою погибшую.
7 Глаголю вам, яко тако радость будет на небеси о едином грeшницe кающемся, нежели о девятидесятих и девяти праведник, иже не требуют покаяния.
8 Или кая жена имущи десять драхм, аще погубит драхму едину, не вжигает ли свeтильника, и пометет храмину, и ищет прилeжно, дондеже обрящет?
9 И обрeтши созывает другини и сосeды, глаголющи: радуйтеся со мною, яко обрeтох драхму погибшую.
10 Тако, глаголю вам, радость бывает пред ангелы Божиими о едином грeшницe кающемся.
11 Рече же: человeк нeкий имe два сына:
12 и рече юнeйший ею (от них) отцу: отче, даждь ми достойную часть имeния. И раздeли има имeние.
13 И не по мнозeх днех собрав все мний сын, отиде на страну далече, и ту расточи имeние свое, живый блудно.
14 Изжившу же ему все, бысть глад крeпок на странe той, и той начат лишатися.
15 И шед прилeпися единому от житель тоя страны: и посла его на села своя пасти свиния.
16 И желаше насытити чрево свое от рожец, яже ядяху свиния: и никтоже даяше ему.
17 В себе же пришед, рече: колико наемником отца моего избывают хлeбы, аз же гладом гиблю?
18 Востав иду ко отцу моему, и реку ему: отче, согрeших на небо и пред тобою,
19 и уже нeсмь достоин нарещися сын твой? сотвори мя яко единаго от наемник твоих.
20 И востав иде ко отцу своему. Еще же ему далече сущу, узрe его отец его, и мил ему бысть, и тек нападе на выю его, и облобыза его.
21 Рече же ему сын: отче, согрeших на небо и пред тобою, и уже нeсмь достоин нарещися сын твой.
22 Рече же отец к рабом своим: изнесите одежду первую и облецыте его, и дадите перстень на руку его и сапоги на нозe:
23 и приведше телец упитанный заколите, и ядше веселимся:
24 яко сын мой сей мертв бe, и оживе: и изгибл бe, и обрeтеся. И начаша веселитися.
25 Бe же сын его старeй на селe: и яко грядый приближися к дому, слыша пeние и лики:
26 и призвав единаго от отрок, вопрошаше: что убо сия суть?
27 Он же рече ему, яко брат твой прииде: и закла отец твой тельца упитанна, яко здрава его прият.
28 Разгнeвася же, и не хотяше внити. Отец же его изшед моляше его.
29 Он же отвeщав рече отцу: се толико лeт работаю тебe, и николиже заповeди твоя преступих, и мнe николиже дал еси козляте, да со други своими возвеселился бых:
30 егда же сын твой сей, изядый твое имeние с любодeйцами, прииде, заклал еси ему тельца питомаго.
31 Он же рече ему: чадо, ты всегда со мною еси и вся моя твоя суть:
32 возвеселити же ся и возрадовати подобаше, яко брат твой сей мертв бe, и оживе: и изгибл бe, и обрeтеся.
1 Глаголаше же ко учеником своим: человeк нeкий бe богат, иже имяше приставника: и той оклеветан бысть к нему, яко расточает имeния его.
2 И пригласив его рече ему: что се слышу о тебe? воздаждь отвeт о приставлении домовнeм: не возможеши бо ктому дому строити.
3 Рече же в себe приставник дому: что сотворю, яко господь мой отемлет строение дому от мене? копати не могу, просити стыжуся:
4 разумeх, что сотворю, да егда отставлен буду от строения дому, приимут мя в домы своя.
5 И призвав единаго когождо от должник господина своего, глаголаше первому: колицeм должен еси господину моему?
6 Он же рече: сто мeр масла. И рече ему: приими писание твое, и сeд скоро напиши пятьдесят.
7 Потом же рече другому: ты же колицeм должен еси? Он же рече: сто мeр пшеницы. И глагола ему: приими писание твое, и напиши осмьдесят.
8 И похвали господь дому строителя неправеднаго, яко мудрe сотвори: яко сынове вeка сего мудрeйши паче сынов свeта в родe своем суть.
9 И аз вам глаголю: сотворите себe други от мамоны неправды, да, егда оскудeете, приимут вы в вeчныя кровы.
10 Вeрный в малe, и во мнозe вeрен есть: и неправедный в малe, и во мнозe неправеден есть.
11 Аще убо в неправеднeм имeнии вeрни не бысте, во истиннeм кто вам вeру имет?
12 И аще в чужем вeрни не бысте, ваше кто вам даст?
13 Никий же раб может двeма господинома работати: ибо или единаго возненавидит, а другаго возлюбит: или единаго держится, о друзeм же нерадeти начнет: не можете Богу работати и мамонe.
14 Слышаху же сия вся и фарисее, сребролюбцы суще, ругахуся ему.
15 И рече им: вы есте оправдающе себе пред человeки, Бог же вeсть сердца ваша: яко, еже есть в человeцeх высоко, мерзость есть пред Богом.
16 Закон и пророцы до иоанна: оттолe царствие Божие благовeствуется, и всяк в не нудится (с нуждею входит).
17 Удобeе же есть небу и земли прейти, неже от закона единой чертe погибнути.
18 Всяк пущаяй жену свою и приводя ину, прелюбы дeет: и женяйся пущеною от мужа, прелюбы творит.
19 Человeк же нeкий бe богат, и облачашеся в порфиру и виссон, веселяся на вся дни свeтло.
20 Нищь же бe нeкто, именем лазарь, иже лежаше пред враты его гноен
21 и желаше насытитися от крупиц падающих от трапезы богатаго: но и пси приходяще облизаху гной его.
22 Бысть же умрети нищему, и несену быти ангелы на лоно авраамле: умре же и богатый, и погребоша его.
23 И во адe возвeд очи свои, сый в муках, узрe авраама издалеча, и лазаря на лонe его:
24 и той возглашь рече: отче аврааме, помилуй мя, и посли лазаря, да омочит конец перста своего в водe и устудит язык мой: яко стражду во пламени сем.
25 Рече же авраам: чадо, помяни, яко восприял еси благая твоя в животe твоем, и лазарь такожде злая: нынe же здe утeшается, ты же страждеши:
26 и над всeми сими между нами и вами пропасть велика утвердися, яко да хотящии прейти отсюду к вам не возмогут, ни иже оттуду, к нам преходят.
27 Рече же: молю тя убо, отче, да послеши его в дом отца моего:
28 имам бо пять братий: яко да засвидeтельствует им, да не и тии приидут на мeсто сие мучения.
29 Глагола ему авраам: имут моисеа и пророки: да послушают их.
30 Он же рече: ни, отче аврааме: но аще кто от мертвых идет к ним, покаются.
31 Рече же ему: аще моисеа и пророков не послушают, и аще кто от мертвых воскреснет, не имут вeры.
1 Рече же ко учеником своим: не возможно есть не приити соблазном, горе же, егоже ради приходят:
2 унeе ему было бы, аще жернов осельскии облежал бы о выи его, и ввержен в море, неже да соблазнит от малых сих единаго.
3 Внемлите себe. Аще согрeшит к тебe брат твой, запрети ему: и аще покается, остави ему:
4 и аще седмищи на день согрeшит к тебe, и седмищи на день обратится, глаголя: каюся: остави ему.
5 И рекоша апостоли Господеви: приложи нам вeру.
6 Рече же Господь: аще бысте имeли вeру яко зерно горушно, глаголали бысте убо ягодичинe сей: восторгнися и всадися в море: и послушала бы вас.
7 Который же от вас раба имeя орюща или пасуща, иже пришедшу ему с села речет: абие минув (пришед) возлязи?
8 Но не речет ли ему: уготовай, что вечеряю, и препоясався служи ми, дондеже ям и пию: и потом яси и пиеши ты?
9 Еда имать хвалу (благодарит) рабу тому, яко сотвори повелeнная? не мню.
10 Тако и вы, егда сотворите вся повелeнная вам, глаголите, яко раби неключими есмы: яко, еже должни бeхом сотворити, сотворихом.
11 И бысть идущу ему во иерусалим, и той прохождаше между самариею и галилеею.
12 Входящу же ему в нeкую весь, срeтоша его десять прокаженных мужей, иже сташа издалеча:
13 и тии вознесоша глас, глаголюще: Иисусе наставниче, помилуй ны.
14 И видeв рече им: шедше покажитеся священником. И бысть идущым им, очистишася.
15 Един же от них, видeв, яко исцeлe, возвратися, со гласом велиим славя Бога,
16 и паде ниц при ногу его, хвалу ему воздая: и той бe самарянин.
17 Отвeщав же Иисус рече: не десять ли очистишася? да девять гдe?
18 како не обрeтошася возвращшеся дати славу Богу, токмо иноплеменник сей?
19 И рече ему: востав иди: вeра твоя спасе тя.
20 Вопрошен же быв от фарисей, когда приидет царствие Божие, отвeщав им рече: не приидет царствие Божие с соблюдением (со усмотрением):
21 ниже рекут: се здe, или: ондe. Се бо царствие Божие внутрь вас есть.
22 Рече же ко учеником своим: приидут дние, егда вожделeете единаго дне Сына человeческаго видeти, и не узрите.
23 И рекут вам: се здe, или: се, ондe: не изыдите, ни пожените.
24 Яко бо молния блистающися от поднебесныя на поднебеснeй свeтится: тако будет Сын человeческий в день свой.
25 Прежде же подобает ему много пострадати и искушену (отвержену) быти от рода сего.
26 И якоже бысть во дни ноевы, тако будет и во дни Сына человeческа:
27 ядяху, пияху, женяхуся, посягаху, до негоже дне вниде ное в ковчег: и прииде потоп, и погуби вся.
28 Такожде и якоже бысть во дни лотовы: ядяху, пияху, куповаху, продаяху, саждаху, здаху:
29 воньже день изыде лот от содомлян, одожди камык горящь и огнь с небесе, и погуби вся.
30 По томуже будет и в день, воньже Сын человeческий явится.
31 В той день, иже будет на кровe, и сосуди его в дому, да не слазит взяти их: и иже на селe, такожде да не возвратится вспять:
32 поминайте жену лотову.
33 Иже аще взыщет душу свою спасти, погубит ю: и иже аще погубит ю, живит ю.
34 Глаголю вам: в ту нощь будета два на одрe едином: един поемлется, а другий оставляется.
35 Будетe двe вкупe мелющe: едина поемлется, а другая оставляется.
36 Два будета на селe: един поемлется, а другий оставляется.
37 И отвeщавше глаголаша ему: гдe, Господи? Он же рече им: идeже тeло, тамо соберутся и орли.
1 Глаголаше же и притчу к ним, како подобает всегда молитися и не стужати си,
2 глаголя: судия бe нeкий в нeкоем градe, Бога не бояся и человeк не срамляяся.
3 Вдова же нeкая бe во градe том: и прихождаше к нему, глаголющи: отмсти мене от соперника моего.
4 И не хотяше на долзe времени. Послeди же рече в себe: аще и Бога не боюся, и человeк не срамляюся:
5 но зане творит ми труды вдовица сия, отмщу ея: да не до конца приходящи застоит (трудит) мене.
6 Рече же Господь: слышите, что судия неправды глаголет?
7 Бог же не имать ли сотворити отмщение избранных своих, вопиющих к нему день и нощь, и долготерпя о них?
8 Глаголю вам, яко сотворит отмщение их вскорe. Обаче Сын человeческий пришед убо обрящет ли си вeру на земли?
9 Рече же и ко другим уповающым собою, яко суть праведницы, и уничижающым прочих, притчу сию:
10 человeка два внидоста в церковь помолитися: един фарисей, а другий мытарь.
11 Фарисей же став, сице в себe моляшеся: Боже, хвалу тебe воздаю, яко нeсмь якоже прочии человeцы, хищницы, неправедницы, прелюбодeе, или якоже сей мытарь:
12 пощуся двакраты в субботу, десятину даю всего елико притяжу.
13 Мытарь же издалеча стоя, не хотяше ни очию возвести на небо: но бияше перси своя, глаголя: Боже, милостив буди мнe грeшнику.
14 Глаголю вам, яко сниде сей оправдан в дом свой паче онаго: яко всяк возносяйся смирится, смиряяй же себе вознесется.
15 Приношаху же к нему и младенцы, да их коснется: видeвше же ученицы запретиша им.
16 Иисус же призвав их, глагола: оставите дeтей приходити ко мнe и не браните им: таковых бо есть царствие Божие.
17 Аминь бо глаголю вам: иже аще не приимет царствия Божия яко отроча, не имать внити в не.
18 И вопроси его нeкий князь, глаголя: учителю благий, что сотворив, живот вeчный наслeдствую?
19 Рече же ему Иисус: что мя глаголеши блага, никтоже благ, токмо един Бог.
20 Заповeди вeси: не прелюбы твори: не убий: не укради: не лжесвидeтельствуй: чти отца твоего и матерь твою.
21 Он же рече: вся сия сохраних от юности моея.
22 Слышав же сия, Иисус рече ему: еще единаго не докончал еси: вся, елика имаши, продаждь, и раздай нищым: и имeти имаши сокровище на небеси: и гряди вослeд мене.
23 Он же слышав сие, прискорбен бысть: бe бо богат зeло.
24 Видeв же его Иисус прискорбна бывша, рече: како не удобь имущии богатство в царствие Божие внидут:
25 удобeе бо есть вельбуду сквозe иглинe ушы проити, неже богату в царствие Божие внити.
26 Рeша же слышавшии: то кто может спасен быти?
27 Он же рече: невозможная у человeк возможна суть у Бога.
28 Рече же петр: се мы оставихом вся и по тебe идохом.
29 Он же рече им: аминь глаголю вам, яко никтоже есть, иже оставит дом, или родители, или братию, или сестры, или жену, или чада, царствия ради Божия,
30 иже не приимет множицею во время сие, и в вeк грядущий живот вeчный.
31 Поем же обанадесяте ученики своя, рече к ним? се восходим во иерусалим, и скончаются вся писанная пророки о Сынe человeчестe:
32 предадят бо его языком, и поругаются ему, и укорят его, и оплюют его,
33 и бивше убиют его: и в третий день воскреснет.
34 И тии ничесоже от сих разумeша: и бe глагол сей сокровен от них, и не разумeваху глаголемых.
35 Бысть же егда приближишася во иерихон, слeпец нeкий сeдяше при пути прося:
36 слышав же народ мимоходящь, вопрошаше: что убо есть се?
37 Повeдаша же ему, яко Иисус назарянин мимоходит.
38 И возопи, глаголя: Иисусе Сыне давидов, помилуй мя.
39 И предидущии прещаху ему, да умолчит: он же паче множае вопияше: Сыне давидов, помилуй мя.
40 Став же Иисус повелe привести его к себe: приближшуся же ему к нему, вопроси его,
41 глаголя: что хощеши, да ти сотворю? Он же рече: Господи, да прозрю.
42 Иисус же рече ему: прозри: вeра твоя спасе тя.
43 И абие прозрe, и вослeд его идяше, славя Бога. И вси людие видeвше воздаша хвалу Богови.
1 И вшед прохождаше иерихон.
2 И се муж нарицаемый закхей, и сей бe старeй мытарем, и той бe богат:
3 и искаше видeти Иисуса, кто есть, и не можаше от народа, яко возрастом мал бe.
4 И предитек, возлeзе на ягодичину, да видит, яко хотяше мимо ея проити.
5 И яко прииде на мeсто, воззрeв Иисус видe его, и рече к нему: закхее, потщався слeзи: днесь бо в дому твоем подобает ми быти.
6 И потщався слeзе, и прият его радуяся.
7 И видeвше вси роптаху, глаголюще, яко ко грeшну мужу вниде витати.
8 Став же закхей рече ко Господу: се пол имeния моего, Господи, дам нищым: и аще кого чим обидeх, возвращу четверицею.
9 Рече же к нему Иисус: яко днесь спасeние дому сему бысть, зане и сей сын авраамль есть:
10 прииде бо Сын человeчь взыскати и спасти погибшаго.
11 Слышащым же им сия, приложь рече притчу, зане близ ему быти иерусалима, и мняху, яко абие царство Божие хощет явитися.
12 Рече убо: человeк нeкий добра рода иде на страну далече, прияти себe царство и возвратитися.
13 Призвав же десять раб своих, даде им десять мнас, и рече к ним: куплю дeйте, дондеже прииду.
14 И граждане его ненавидяху его, и послаша послы вслeд его, глаголюще: не хощем сему, да царствует над нами.
15 И бысть егда возвратися приим царство, рече пригласити рабы тыя, имже даде сребро, да увeсть, какову куплю суть сотворили.
16 Прииде же первый, глаголя: господи, мнас твоя придeла десять мнас.
17 И рече ему: благо, рабе добрый: яко о малe вeрен был еси, буди область имeя над десятию градов.
18 И прииде вторый, глаголя: господи, мнас твоя сотвори пять мнас.
19 Рече же и тому: и ты буди над пятию градов.
20 И другий прииде, глаголя: господи, се мнас твоя, юже имeх положену во убрусe:
21 бояхся бо тебе, яко человeк яр еси, вземлеши, егоже не положил еси, и жнеши, егоже не сeял еси.
22 Глагола же ему: от уст твоих сужду ти, лукавый рабе: вeдeл еси, яко аз человeк яр есмь, вземлю, егоже не положих, и жну, егоже не сeях:
23 и почто не вдал еси моего сребра купцем, и аз пришед с лихвою истязал бых е?
24 И предстоящым рече: возьмите от него мнас, и дадите имущему десять мнас.
25 И рeша ему: господи, имать десять мнас.
26 Глаголю бо вам, яко всякому имущему дастся: а от неимущаго, и еже имать, отимется от него:
27 обаче враги моя оны, иже не восхотeша мене, да царь бых был над ними, приведите сeмо и изсeцыте предо мною.
28 И сия рек, идяше преди, восходя во иерусалим.
29 И бысть яко приближися в виффагию и вифанию, к горe нарицаемeй елеон, посла два ученик своих,
30 глаголя: идита в прямную весь: и в нюже входяща обрящета жребя привязано, на неже никтоже николиже от человeк всeде: отрeшша е приведита.
31 И аще кто вы вопрошает: почто отрeшаета, сице рцыта ему, яко Господь его требует.
32 Шедша же посланная обрeтоста, якоже рече има.
33 Отрeшающема же има жребя, рекоша господие его к нима: что отрeшаета жребя?
34 Она же рекоста, яко Господь его требует.
35 И приведоста е ко Иисусови: и возвергше ризы своя на жребя, всадиша Иисуса.
36 Идущу же ему, постилаху ризы своя по пути.
37 Приближающу же ся ему уже абие к низхождению горe елеонстeи, начаша все множество ученик радующеся хвалити Бога гласом велиим о всeх силах, яже видeша,
38 глаголюще: благвен грядый царь во имя Господне: мир на небеси, и слава в вышних.
39 И нeцыи фарисее от народа рeша к нему: учителю, запрети учеником твоим.
40 И отвeщав рече им: глаголю вам, яко, аще сии умолчат, камение возопиет.
41 И яко приближися, видeв град, плакася о нем,
42 глаголя: яко аще бы разумeл и ты, в день сей твой, еже к смирению (к миру) твоему: нынe же скрыся от очию твоею:
43 яко приидут дние на тя, и обложат врази твои острог о тебe, и обыдут тя, и обимут тя отвсюду,
44 и разбиют тя и чада твоя в тебe, и не оставят камень на камени в тебe: понеже не разумeл еси времене посeщения твоего.
45 И вшед в церковь, начат изгонити продающыя в ней и купующыя,
46 глаголя им: писано есть: дом мой дом молитвы есть: вы же сотвористе его пещеру разбойником.
47 И бe учя по вся дни в церкви. Архиерее же и книжницы искаху его погубити, и старeйшины людем.
48 И не обрeтаху, что бы сотворили ему: людие бо вси держахуся его, послушающе его.
1 И бысть во един от дней онeх, учащу ему люди в церкви и блговeствующу, приидоша священницы и книжницы со старцы
2 и рeша к нему, глаголюще: рцы нам, коею областию сия твориши, или кто есть давый тебe власть сию?
3 Отвeщав же рече к ним: вопрошу вы и аз единаго словесе, и рцыте ми:
4 крещение иоанново с небесе ли бe, или от человeк?
5 Они же помышляху в себe, глаголюще, яко аще речем: с небесе, речет: почто убо не вeровасте ему?
6 аще ли же речем: от человeк, вси людие камением побиют ны: извeстно бо бe о иоаннe, яко пророк бe.
7 И отвeщаша: не вeмы откуду.
8 Иисус же рече им: ни аз глаголю вам, коею областию сия творю.
9 Начат же к людем глаголати притчу сию: человeк нeкий насади виноград, и вдаде его дeлателем, и отиде на лeта многа.
10 И во время посла к дeлателем раба, да от плода винограда дадут ему: дeлатели же бивше его, послаша тща.
11 И приложи послати другаго раба: они же и того бивше и досадивше ему, послаша тща.
12 И приложи послати третияго: они же и того уязвльше изгнаша.
13 Рече же господин винограда: что сотворю? послю сына моего возлюбленнаго, еда како, его видeвше, усрамятся.
14 Видeвше же его дeлателе, мышляху в себe, глаголюще: сей есть наслeдник: приидите, убием его, да наше будет достояние.
15 И изведше его вон из винограда, убиша. Что убо сотворит им господин винограда?
16 Приидет и погубит дeлатели сия, и вдаст виноград инeм. Слышавше же рекоша: да не будет.
17 Он же воззрeв на них, рече: что убо писаное сие: камень, егоже небрегоша зиждущии, сей бысть во главу угла?
18 Всяк падый на камени том, сокрушится: а на немже падет, стрыет его.
19 И взыскаша архиерее и книжницы возложити нань руцe в той час, и убояшася народа: разумeша бо, яко к ним притчу сию рече.
20 И наблюдше послаша лаятели (навeтников), притворяющих себе праведники быти: да имут его в словеси, во еже предати его начальству и области игемоновe.
21 И вопросиша его, глаголюще: учителю, вeмы, яко право глаголеши и учиши, и не на лица зриши, но воистинну пути Божию учиши:
22 достоит ли нам кесареви дань даяти, или ни?
23 Разумeв же их лукавство, рече к ним: что мя искушаете?
24 покажите ми цату (в греч. динарий): чий имать образ и надписание? Отвeщавше же рекоша: кесарев.
25 Он же рече им: воздадите убо, яже кесарева, кесареви, и яже Божия, Богови.
26 И не могоша зазрeти глагола его пред людьми: и дивишася о отвeтe его, и умолчаша.
27 Приступиша же нeцыи от саддукей, глаголющии воскресeнию не быти, вопрошаху его,
28 глаголюще: учителю, моисей написа нам: аще кому брат умрет имый жену, и той безчаден умрет, да брат его поймет жену и возставит сeмя брату своему.
29 Седмь убо братий бe: и первый поят жену, умре безчаден:
30 и поят вторый жену, и той умре безчаден:
31 и третий поят ю: такожде же и вси седмь: и не оставиша чад, и умроша:
32 послeжде же всeх умре и жена.
33 В воскресeние убо, котораго их будет жена? седмь бо имeша ю жену.
34 И отвeщав рече им Иисус: сынове вeка сего женятся и посягают:
35 а сподобльшиися вeк он улучити и воскресeние, еже от мертвых, ни женятся, ни посягают:
36 ни умрети бо ктому могут: равни бо суть ангелом, и сынове суть Божии, воскресeния сынове суще.
37 А яко востают мертвии, и моисей сказа при купинe, якоже глаголет Господа Бога авраамля и Бога исаакова и Бога иаковля.
38 Бог же нeсть мертвых, но живых: вси бо тому живи суть.
39 Отвeщавше же нeцый от книжник рекоша: учителю, добрe рекл еси.
40 Ктомуже не смeяху его вопросити ничесоже. Рече же к ним:
41 како глаголют Христа Сына давидова быти?
42 Сам бо давид глаголет в книзe псаломстeй: рече Господь Господеви моему: сeди одесную мене,
43 дондеже положу враги твоя подножие ногама твоима.
44 Давид убо Господа его нарицает, и како Сын ему есть?
45 Слышащым же всeм людем, рече учеником своим:
46 внемлите себe от книжник, хотящих ходити во одеждах, и любящих цeлования на торжищах и предсeдания на сонмищах, и преждевозлежания на вечерях:
47 иже Сынeдают домы вдовиц, и виною далече молятся (и лицемeрно на долзe молятся): сии приимут лишше осуждение.
1 Воззрeв же видe вметающыя в храм набдящий имeния (в сокровищное хранилище) дары своя богатыя.
2 Видe же и нeкую вдовицу убогу вметающу ту двe лептe,
3 и рече: воистинну глаголю вам, яко вдовица сия убогая множае всeх вверже.
4 вси бо сии от избытка своего ввергоша в дары Богови: сия же от лишения своего все житие, еже имe, вверже.
5 И нeким глаголющым о церкви, яко камением дорбым и сосуды украшена, рече:
6 сия яже видите, приидут дние, в няже не останет камень на камени, иже не разорится.
7 Вопросиша же его, глаголюще: учителю, когда убо сия будут? и что есть знамение, егда хотят сия быти?
8 Он же рече: блюдите, да не прельщени будете: мнози бо приидут во имя мое, глаголюще, яко аз есмь: и время приближися. Не изыдите убо вослeд их.
9 Егда же услышите брани и нестроения, не убойтеся: подобает бо сим быти прежде: но не у абие кончина.
10 Тогда глаголаше им: востанет бо язык на язык, и царство на царство:
11 труси же велицы по мeстом, и глади и пагубы будут, страхования же и знамения велия с небесе будут.
12 Прежде же сих всeх возложат на вы руки своя, и ижденут, предающе на сонмища и темницы, ведомы к царем и владыкам, имене моего ради.
13 Прилучится же вам во свидeтельство.
14 Положите убо на сердцах ваших, не прежде поучатися отвeщавати:
15 аз бо дам вам уста и премудрость, ейже не возмогут противитися или отвeщати вси противляющиися вам.
16 Предани же будете и родители и братиею и родом и други, и умертвят от вас:
17 и будете ненавидими от всeх имене моего ради.
18 И влас главы вашея не погибнет.
19 В терпeнии вашем стяжите душы вашя.
20 Егда же узрите обстоимь иерусалим вои, тогда разумeйте, яко приближися запустeние ему.
21 Тогда сущии во иудеи да бeгают в горы: и иже посредe его, да исходят: и иже во странах, да не входят вонь:
22 яко дние отмщению сии суть, яко исполнитися всему писанному.
23 Горе же имущым во утробe и доящым в тыя дни: будет бо бeда велия на земли, и гнeв на людех сих.
24 И падут во острии меча, и плeнени будут во вся языки: и иерусалим будет попираемь языки, дондеже скончаются времена язык.
25 И будут знамения в солнцe и лунe и звeздах: и на земли туга языком от нечаяния, шума морскаго и возмущения,
26 издыхающым человeком от страха и чаяния грядущих на вселенную: силы бо небесныя подвигнутся.
27 И тогда узрят Сына человeческа грядуща на облацeх с силою и славою многою.
28 Начинающым же сим бывати, восклонитеся и воздвигните главы вашя: зане приближается избавление ваше.
29 И рече притчу им: видите смоковницу и вся древа:
30 егда прошибаются уже, видяще сами вeсте, яко близ жатва есть.
31 Тако и вы, егда узрите сия бывающа, вeдите, яко близ есть царствие Божие.
32 Аминь глаголю вам, яко не имать прейти род сей, дондеже вся сия будут.
33 Небо и земля мимоидет, а словеса моя не имут прейти.
34 Внемлите же себe, да не когда отягчают сердца ваша обядением и пиянством и печальми житейскими, и найдет на вы внезапу день той:
35 яко сeть бо приидет на вся живущыя на лицы всея земли.
36 Бдите убо на всяко время молящеся, да сподобитеся убeжати всeх сих хотящих быти, и стати пред Сыном человeческим.
37 Бe же во дни во церкви учя: нощию же исходя водворяшеся в горe нарицаемeй елеон.
38 И вси людие из утра прихождаху к нему во церковь послушати его.
1 Приближашеся же праздник опрeснок, глаголемый пасха.
2 И искаху архиерее и книжницы, како бы убили его: бояхуся бо людей.
3 Вниде же сатана во иуду нарицаемаго искариот, суща от числа обоюнадесяте.
4 И шед глагола архиереом и воеводам, како его предаст им.
5 И возрадовашася, и совeщаша ему сребреники дати:
6 и исповeда (обeщася), и искаше удобна времене, да предаст его им без народа.
7 Прииде же день опрeсноков, воньже подобаше жрети пасху:
8 и посла петра и иоанна, рек: шедша уготовайта нам пасху, да ямы.
9 Она же рекоста ему: гдe хощеши уготоваем?
10 Он же рече има: се восходящема вама во град, срящет вы человeк в скудельницe воду нося: по нем идeта в дом, воньже входит,
11 и рцeта дому владыцe: глаголет тебe учитель: гдe есть обитель, идeже пасху со ученики моими Сынeм?
12 И той вама покажет горницу велию постлану: ту уготовайта.
13 Шедша же обрeтоста, якоже рече има: и уготоваста пасху.
14 И егда бысть час, возлеже, и обанадесяте апостола с ним.
15 И рече к ним: желанием возжелeх сию пасху ясти с вами, прежде даже не прииму мук:
16 глаголю бо вам, яко отселe не имам ясти от нея, дондеже скончаются во царствии Божии.
17 И приим чашу, хвалу воздав, рече: приимите сию, и раздeлите себe:
18 глаголю бо вам, яко не имам пити от плода лознаго, дондеже царствие Божие приидет.
19 И приим хлeб, хвалу воздав преломи, и даде им, глаголя: сие есть тeло мое, еже за вы даемо: сие творите в мое воспоминание.
20 Такожде же и чашу по вечери, глаголя: сия чаша новый завeт моею кровию, яже за вы проливается.
21 Обаче се рука предающаго мя со мною есть на трапезe.
22 И Сын убо человeческий идет по реченному (по предуставленному совeту): обаче горе человeку тому, имже предаетеся.
23 И тии начаша искати в себe, который убо от них хощет сие сотворити.
24 Бысть же и пря в них, кий мнится их быти болий.
25 Он же рече им: царие язык господствуют ими, и обладающии ими благодателе нарицаются.
26 Вы же не тако: но болий в вас, да будет яко мний: и старeй, яко служай.
27 Кто бо болий, возлежай ли, или служай? не возлежай ли? Аз же посредe вас есмь яко служай.
28 Вы же есте пребывше со мною в напастех моих:
29 и аз завeщаваю вам, якоже завeща мнe Отец мой, царство,
30 да ясте и пиете на трапезe моей во царствии моем: и сядете на престолeх, судяще обeманадесяте колeнома израилевома.
31 Рече же Господь: симоне, симоне, се сатана просит вас, да бы сeял, яко пшеницу:
32 аз же молихся о тебe, да не оскудeет вeра твоя: и ты нeкогда обращься утверди братию твою.
33 Он же рече ему: Господи, с тобою готов есмь и в темницу и на смерть ити.
34 Он же рече: глаголю ти, петре, не возгласит пeтель днесь, дондеже трикраты отвержешися мене не вeдeти.
35 И рече им: егда послах вы без влагалища и без мeха и без сапог, еда чесого лишени бысте? Они же рeша: ничесоже.
36 Рече же им: но нынe иже имать влагалище, да возьмет, такожде и мeх: а иже не имать, да продаст ризу свою, и купит нож.
37 Глаголю бо вам, яко еще писаное се, подобает, да скончается о мнe, еже: и со беззаконными вмeнися. Ибо еже о мнe, кончину имать.
38 Они же рeша: Господи, се ножа здe два. Он же рече им: довольно есть.
39 И изшед иде по обычаю в гору елеонскую: по нем же идоша ученицы его.
40 Быв же на мeстe, рече им: молитеся, да не внидете в напасть.
41 И сам отступи от них яко вержением камене, и поклонь колeна моляшеся,
42 глаголя: Отче, аще волиши мимонести чашу сию от мене: обаче не моя воля, но твоя да будет.
43 Явися же ему ангел с небесе, укрeпляя его.
44 И быв в подвизe, прилeжнeе моляшеся: бысть же пот его яко капли крове каплющыя на землю.
45 И востав от молитвы, и пришед ко учеником, обрeте их спящих от печали
46 и рече им: что спите? воставше молитеся, да не внидете в напасть.
47 Еще же ему глаголющу, се народ, и нарицаемый иуда, един от обоюнадесяте, идяше пред ними, и приступи ко Иисусови цeловати его. Сие бо бe знамение дал им: егоже аще лобжу, той есть.
48 Иисус же рече ему: иудо, лобзанием ли Сына человeческаго предаеши?
49 Видeвше же, иже бeху с ним, бываемое, рeша ему: Господи, аще ударим ножем?
50 И удари един нeкий от них архиереова раба, и урeза ему ухо десное.
51 Отвeщав же Иисус рече: оставите до сего. И коснувся уха его, исцeли его.
52 Рече же Иисус ко пришедшым нань архиереом и воеводам церковным и старцем: яко на разбойника ли изыдосте со оружием и дрекольми яти мя?
53 по вся дни сущу ми с вами в церкви, не простросте руки на мя: но се есть ваша година и область темная.
54 Емше же его ведоша, и введоша его во двор архиереов. Петр же вослeд идяше издалеча.
55 Возгнeщшым же огнь посредe двора и вкупe сeдящым им, сeдяше петр посредe их.
56 Узрeвши же его рабыня нeкая сeдяща при свeтe (огни), и воззрeвши нань, рече: и сей с ним бe.
57 Он же отвержеся его, глаголя: жено, не знаю его.
58 И помалe другий видeв его, рече: и ты от них еси. Петр же рече: человeче, нeсмь.
59 И мимошедшу яко часу единому, ин нeкий крeпляшеся глаголя: воистинну и сей с ним бe: ибо галилеанин есть.
60 Рече же петр: человeче, не вeм, еже глаголеши. И абие, еще глаголющу ему, возгласи пeтель.
61 И обращься Господь воззрe на петра: и помяну петр слово Господне, якоже рече ему, яко прежде даже пeтель не возгласит, отвержешися мене трикраты.
62 И изшед вон, плакася горько.
63 И мужие держащии Иисуса ругахуся ему, биюще:
64 и закрывше его, бияху его по лицу, и вопрошаху его, глаголюще: прорцы, кто есть ударей тя?
65 И ина многа хуляще глаголаху нань.
66 И яко бысть день, собрашася старцы людстии и архиерее и книжницы, и ведоша его на сонм свой,
67 глаголюще: аще ты еси Христос? рцы нам. Рече же им: аще вам реку, не имете вeры:
68 аще же и вопрошу вы, не отвeщаете ми, ни отпустите:
69 отселe будет Сын человeческий сeдяй одесную силы Божия.
70 Рeша же вси: ты ли убо еси Сын Божий? Он же к ним рече: вы глаголете, яко аз есмь.
71 Они же рeша: что еще требуем свидeтельства, сами бо слышахом от уст его.
1 И воставше все множество их, ведоша его к пилату.
2 Начаша же нань вадити, глаголюще: сего обрeтохом развращающа язык наш и возбраняюща кесареви дань даяти, глаголюща себе Христа царя быти.
3 Пилат же вопроси его, глаголя: ты ли еси царь иудеом? он же отвeщав рече ему: ты глаголеши.
4 Пилат же рече ко архиереом и народу: никоеяже обрeтаю вины в человeцe сем.
5 Они же крeпляхуся глаголюще, яко развращает люди, учя по всеи иудеи, начен от галилеи до здe.
6 Пилат же слышав галилею, вопроси, аще человeк галилеанин есть?
7 И разумeв, яко от области иродовы есть, посла его ко ироду, сущу и тому во иерусалимe в тыя дни.
8 Ирод же видeв Иисуса рад бысть зeло: бe бо желая от многа времене видeти его, зане слышаше многа о нем: и надeяшеся знамение нeкое видeти от него бываемо.
9 Вопрошаше же его словесы многими: он же ничесоже отвeщаваше ему.
10 Стояху же архиерее и книжницы, прилeжно вадяще нань.
11 Укорив же его ирод с вои своими и поругався, оболк его в ризу свeтлу, возврати его к пилату.
12 Быста же друга ирод же и пилат в той день с собою: прежде бо бeста вражду имуща между собою.
13 Пилат же созвав архиереи и князи и люди,
14 рече к ним: приведосте ми человeка сего, яко развращающа люди: и се аз пред вами истязав, ни единыя же обрeтаю в человeцe сем вины, яже нань вадите:
15 но ни ирод: послах бо его к нему, и се ничтоже достойно смерти сотворено есть о нем:
16 наказав убо его отпущу.
17 Нужду же имяше на вся праздники отпущати им единаго.
18 Возопиша же вси народи, глаголюще: возьми сего, отпусти же нам варавву.
19 Иже бe за нeкую крамолу бывшую во градe и убийство ввержен в темницу.
20 Паки же пилат возгласи, хотя отпустити Иисуса.
21 Они же возглашаху, глаголюще: распни, распни его.
22 Он же третицею рече к ним: что бо зло сотвори сей? ничесоже достойна смерти обрeтох в нем: наказав убо его отпущу.
23 Они же прилeжаху гласы великими, просяще его на распятие: и устояху (превозмогаху) гласи их и архиерейстии.
24 Пилат же посуди быти прошению их:
25 отпусти же бывшаго за крамолу и убийство всаждена в темницу, егоже прошаху: Иисуса же предаде воли их.
26 И яко поведоша его, емше симона нeкоего киринеа, грядуща с села, возложиша нань крест, нести по Иисусe.
27 Идяше же вослeд его народ мног людей, и жены, яже и плакахуся и рыдаху его.
28 Обращься же к ним Иисус рече: дщери иерусалимски, не плачитеся о мнe, обаче себе плачите и чад ваших:
29 яко се дние грядут, в няже рекут: блажены неплоды, и утробы, яже не родиша, и сосцы, иже не доиша.
30 Тогда начнут глаголати горам: падите на ны: и холмом: покрыйте ны.
31 Зане, аще в суровe древe сия творят, в сусe что будет?
32 Ведяху же и ина два злодeя с ним убити.
33 И егда приидоша на мeсто, нарицаемое лобное, ту распяша его и злодeя, оваго убо одесную, а другаго ошуюю.
34 Иисус же глаголаше: Отче, отпусти им: не вeдят бо что творят. Раздeляюще же ризы его, метаху жребия.
35 И стояху людие зряще. Ругахуся же и князи с ними, глаголюще: иныя спасе, да спасет и себе, аще той есть Христос Божий избранный.
36 Ругахуся же ему и воини, приступающе и оцет придeюще ему,
37 и глаголаху: аще ты еси царь иудейск, спасися сам.
38 Бe же и написание написано над ним писмены еллинскими и римскими и еврейскими: сей есть царь иудейск.
39 Един же от обeшеною злодeю хуляше его, глаголя: аще ты еси Христос, спаси себе и наю.
40 Отвeщав же другий прещаше ему, глаголя: ни ли ты боишися Бога, яко в томже осужден еси?
41 и мы убо в правду: достойная бо по дeлом наю восприемлева: сей же ни единаго зла сотвори.
42 И глаголаше Иисусови: помяни мя, Господи, егда приидеши во царствии си.
43 И рече ему Иисус: аминь глаголю тебe, днесь со мною будеши в раи.
44 Бe же час яко шестый, и тьма бысть по всей земли до часа девятаго:
45 и померче солнце, и завeса церковная раздрася посредe.
46 И возглашь гласом велиим Иисус, рече: Отче, в руцe твои предаю дух мой. И сия рек издше.
47 Видeв же сотник бывшее, прослави Бога, глаголя: воистинну человeк сей праведен бe.
48 И вси пришедшии народи на позор сей, видяще бывающая, биюще перси своя возвращахуся.
49 Стояху же вси знаемии его издалеча, и жены спослeдствовавшыя ему от галилеи, зрящя сия.
50 И се муж именем иосиф, совeтник сый, муж благ и праведен,
51 сей не бe пристал совeту и дeлу их, от аримафеа града иудеиска, иже чаяше и сам царствия Божия:
52 сей приступль к пилату, проси тeлесе Иисусова:
53 и Сынем е, обвит плащаницею, и положи е во гробe изсeченe, в немже не бe никтоже никогдаже положен.
54 И день бe пяток, и суббота свeташе.
55 Вослeд же шедшыя жены, яже бяху пришли с ним от галилеи, видeша гроб, и яко положено бысть тeло его.
56 Возвращшяся же уготоваша ароматы и миро: и в субботу убо умолчаша по заповeди.
1 Во едину же от суббот зeло рано приидоша на гроб, носящя яже уготоваша ароматы: и другия с ними:
2 обрeтоша же камень отвален от гроба,
3 и вшедшя не обрeтоша тeлесе Господа Иисуса.
4 И бысть не домышляющымся им о сем, и се мужа два стаста пред ними в ризах блещащихся.
5 Пристрашным же бывшым им и поклоньшым лица на землю, рекоста к ним: что ищете живаго с мертвыми?
6 нeсть здe, но воста: помяните, якоже глагола вам, еще сый в галилеи,
7 глаголя, яко подобает Сыну человeческому предану быти в руцe человeк грeшник, и пропяту быти, и в третий день воскреснути.
8 И помянуша глаголы его:
9 и возвращшяся от гроба, возвeстиша вся сия единомунадесяте и всeм прочым.
10 Бяше же магдалина мариа и иоанна и мариа иаковля, и прочыя с ними, яже глаголаху ко апостолом сия.
11 И явишася пред ними яко лжа глаголы их, и не вeроваху им.
12 Петр же востав тече ко гробу, и приник видe ризы едины лежащя: и отиде, в себe дивяся бывшему.
13 И се два от них бeста идуща в тойже день в весь, отстоящу стадий шестьдесят от иерусалима, ейже имя еммаус:
14 и та бесeдоваста к себe о всeх сих приключшихся.
15 И бысть бесeдующема има и совопрошающемася, и сам Иисус приближився идяше с нима:
16 очи же ею держастeся, да его не познаета.
17 Рече же к нима: что суть словеса сия, о нихже стязаетася к себe идуща, и еста дряхла?
18 отвeщав же един, емуже имя клеопа, рече к нему: ты ли един пришлец еси во иерусалим, и не увeдeл еси бывших в нем во дни сия?
19 И рече има: киих? Она же рeста ему: яже о Иисусe назарянинe, иже бысть муж пророк, силен дeлом и словом пред Богом и всeми людьми:
20 како предаша его архиереи и князи наши на осуждение смерти, и распяша его:
21 мы же надeяхомся, яко сей есть хотя избавити израиля: но и над всeми сими, третий сей день есть днесь, отнелиже сия быша.
22 Но и жены нeкия от нас ужасиша ны, бывшыя рано у гроба:
23 и не обрeтшя тeлесе его, приидоша, глаголющя, яко и явление ангел видeша, иже глаголют его жива.
24 И идоша нeцыи от нас ко гробу, и обрeтоша тако, якоже и жены рeша: самаго же не видeша.
25 И той рече к нима: о! несмысленная и косная сердцем, еже вeровати о всeх, яже глаголаша прр(о)оцы:
26 не сия ли подобаше пострадати Христу и внити в славу свою?
27 И начен от моисеа и от всeх пророк, сказаше има от всeх писаний яже о нем.
28 И приближишася в весь, в нюже идяста: и той творяшеся далечайше ити.
29 И нуждаста его, глаголюща: облязи с нама, яко к вечеру есть, и приклонился есть день. И вниде с нима облещи.
30 И бысть яко возлеже с нима, и приим хлeб благослови, и преломив даяше има.
31 Онeма же отверзостeся очи, и познаста его: и той невидимь бысть има.
32 И рекоста к себe: не сердце ли наю горя бe в наю, егда глаголаше нама на пути и егда сказоваше нама писания?
33 И воставша в той час, возвратистася во иерусалим, и обрeтоста совокупленных единонадесяте и иже бяху с ними,
34 глаголющих, яко воистинну воста Господь и явися симону.
35 И та повeдаста, яже быша на пути, и яко познася има в преломлении хлeба.
36 Сия же им глаголющым, и сам Иисус ста посредe их, и глагола им: мир вам.
37 Убоявшеся же и пристрашни бывше, мняху дух видeти.
38 И рече им: что смущени есте? и почто помышления входят в сердца ваша?
39 видите руцe мои и нозe мои, яко сам аз есмь: осяжите мя и видите: яко дух плоти и кости не имать, якоже мене видите имуща.
40 И сие рек, показа им руцe и нозe.
41 Еще же не вeрующым им от радости и чудящымся, рече им: имате ли что Сынeдно здe?
42 Они же даша ему рыбы печены часть и от пчел сот.
43 И взем пред ними яде.
44 Рече же им: сия суть словеса, яже глаголах к вам еще сый с вами, яко подобает скончатися всeм написанным в законe моисеовe и пророцeх и псалмeх о мнe.
45 Тогда отверзе им ум разумeти писания.
46 И рече им, яко тако писано есть, и тако подобаше пострадати Христу, и воскреснути от мертвых в третий день,
47 и проповeдатися во имя его покаянию и отпущению грeхов во всeх языцeх, наченше от иерусалима.
48 Вы же есте свидeтелие сим.
49 И се аз послю обeтование оца моего на вы: вы же сeдите во градe иерусалимстe, дондеже облечетеся силою свыше.
50 Извед же их вон до вифании, и воздвиг руцe свои, и благослови их.
51 И бысть егда благословляше их, отступи от них, и возношашеся на небо.
52 И тии поклонишася ему, и возвратишася во иерусалим с радостию великою:
53 и бяху выну в церкви, хваляще и благословяще Бога. Аминь.