1 Петр, апостол Иисус Христов, избранным пришельцем разсeяния понта, галатии, каппадокии, асии и вифинии,
2 по прозрeнию Бога Отца, во святыни духа, в послушание и кропление крове Иисус Христовы: благодать вам и мир да умножится.
3 Благословен Бог и Отец Господа нашего Иисуса Христа, иже по мнозей своей милости порождей нас во упование живо воскреснием Иисус Христовым от мертвых,
4 в наслeдие нетлeнно и нескверно и неувядаемо, соблюдено на небесeх вас ради,
5 иже силою Божиею соблюдаеми есте чрез вeру, во спасeние готовое явитися во время послeднее.
6 О немже радуйтеся, мало нынe, аще лeпо есть, прискорбни бывше в различных напастeх:
7 да искушение вашея вeры многочестнeйше злата гибнуща, огнем же искушена, обрящется в похвалу и честь и славу, во откровении Иисус Христовe,
8 егоже не видeвше любите, и на негоже нынe не зряще, вeрующе же, радуетеся радостию неизглаголанною и прославленною,
9 приемлюще кончину вeрe вашей, спасeние душам:
10 о немже спасeнии взыскаша и испыташа пророцы, иже о вашей благодати прорекоша,
11 испытающе, в каково или в кое время являше в них дух Христов, прежде свидeтельствуя о Христовых страстех, и о славах, яже по сих:
12 имже открыся, яко не им самeм, но нам служаху сия, яже нынe возвeстишася вам благовeствовавшими вам духом святым посланным с небесе, в няже желают ангели приникнути.
13 Тeмже, возлюбленнии, препоясавше чресла помышления вашего, трезвящеся, совершеннe уповайте на приносимую вам благодать откровением Иисус Христовым.
14 Яко чада послушания, не преобразующеся первыми невeдeния вашего похотeнии,
15 но по звавшему вы святому, и сами святи во всем житии будите.
16 Зане писано есть: святи будите, яко аз свят есмь.
17 И аще Отца называете нелицемeрно судяща комуждо по дeлу, со страхом жития вашего время жительствуйте,
18 вeдяще, яко не истлeнным сребром или златом избавистеся от суетнаго вашего жития отцы преданнаго,
19 но честною кровию яко агнца непорочна и преч(с)та Христа,
20 предувeдeна убо прежде сложения мира, явльшася же в послeдняя лeта вас ради,
21 иже его ради вeруете в Бога воздвигшаго его из мертвых и славу ему давша, яко да вeра ваша и упование будет на Бога.
22 Душы вашя очистивше в послушании истины духом, в братолюбие нелицемeрно, от чиста сердца друг друга любите прилeжно,
23 порождени не от сeмене истлeнна, но неистлeнна, словом живаго Бога и пребывающа во вeки.
24 Зане всяка плоть яко трава, и всяка слава человeча яко цвeт травный: изсше трава, и цвeт ея отпаде:
25 глагол же Господнь пребывает во вeки. Се же есть глагол благовeствованный в вас.
1 Отложше убо всяку злобу и всяку лесть и лицемeрие и зависть и вся клеветы,
2 яко новорождени младенцы, словесное и нелестное млеко возлюбите, яко да о нем возрастете во спасение:
3 понеже вкусисте, яко благ Господь.
4 К немуже приходяще, камени живу, от человeк убо уничижену, от Бога же избрану, честну,
5 и сами яко камение живо зиждитеся во храм духовен, святителство свято, возносити жертвы духовны, благоприятны Богови Иисус Христом.
6 Зане писано есть в писании: се полагаю в сионe камень краеуголен, избран, честен: и вeруяй вонь не постыдится.
7 Вам убо честь вeрующым, а противящымся камень, егоже небрегоша зиждущии, сей бысть во главу угла, и камень претыкания и камень соблазна:
8 о немже и претыкаются слову противляющиися, на неже и положени быша.
9 Вы же род избран, царское священие, язык свят, людие обновления, яко да добродeтели возвeстите из тмы вас призвавшаго в чудный свой свeт:
10 иже иногда не людие, нынe же людие Божии: иже не помиловани, нынe же помиловани бысте.
11 Возлюбленнии, молю яко пришелцев и странников, огребатися от плотских похотей, яже воюют на душу,
12 житие ваше имуще добро во языцeх, да о немже клевещут вас аки злодeев, от добрых дeл видeвше, прославят Бога в день посeщения.
13 Повинитеся убо всякому человeчу созданию (началству) Господа ради: аще царю, яко преобладающу:
14 аще ли же князем, яко от него посланным, во отмщение убо злодeем, в похвалу же благотворцем.
15 Яко тако есть воля Божия, благотворящым обуздовати безумных человeк невeжство:
16 яко свободни, а не яко прикровение имуще злобы свободу, но яко раби Божии.
17 Всeх почитайте, братство возлюбите, Бога бойтеся, царя чтите.
18 Раби, повинуйтеся во всяцeм страсe владыкам, не токмо благим и кротким, но и строптивым.
19 Се бо есть угодно пред Богом, аще совeсти ради Божия терпит кто скорби, стражда без правды.
20 Кая бо похвала, аще согрeшающе мучими терпите? Но аще добро творяще и страждуще терпите, сие угодно пред Богом,
21 на сие бо и звани бысте: зане и Христос пострада по нас, нам оставль образ, да послeдуем стопам его:
22 иже грeха не сотвори, ни обрeтеся лесть во устeх его:
23 иже укаряемь противу не укаряше, стражда не прещаше, предаяше же судящему првно:
24 иже грeхи нашя сам вознесе на тeлe своем на древо, да от грeх избывше, правдою поживем: егоже язвою исцeлeсте.
25 Бeсте бо яко овцы заблуждшыя не имущя пастыря: но возвратистеся нынe к пастырю и посeтителю душ ваших.
1 Такожде же и жены, повинующяся своим мужем, да и аще нeцыи не повинуются слову, женским житием без слова плeнени будут,
2 видeвше еже со страхом чисто житие ваше.
3 Имже да будет не внeшняя, плетения влас и обложения злата, или одeяния риз, лeпота,
4 но потаеный сердца человeк, в неистлeнии кроткаго и молчаливаго духа, еже есть пред Богом многоцeнно.
5 Тако бо иногда и святыя жены, уповающыя на Бога, украшаху себе, повинующяся своим мужем:
6 якоже сарра послушаше авраама, господина того зовущи: еяже бысте чада, благотворящя и не боящяся ни единаго страха.
7 Мужие такожде, вкупe живуще со своими женами по разуму, яко немощнeйшу сосуду женскому воздающе честь, яко и снаслeдницы благодатныя жизни, во еже не прекращатися молитвам вашым.
8 Конец же, вси единомудрени будите, милостиви, братолюбцы, милосердни, благоутробни, мудролюбцы, смиреномудри:
9 не воздающе зла за зло, или досаждения за досаждение: супротивное же, благословяще, вeдяще, яко на се звани бысте, да благословение наслeдите.
10 Хотяй бо живот любити и видети дни благи, да удержит язык свой от зла, и устнe свои еже не глаголати льсти.
11 Да уклонится от зла, и да сотворит благо, да взыщет мира и да держится его:
12 зане очи Господни на првныя, и ушы его в молитву их, лице же Господне на творящыя злая, еже потребити их от земли.
13 И кто озлобит вас, аще благому подобницы будете?
14 Но аще и страждете правды ради, блажени есте: страха же их не убойтеся, ниже смущайтеся.
15 Господа же Бога освятите в сердцах ваших: готови же присно ко отвeту всякому вопрошающему вы словесе о вашем уповании, с кротостию и страхом:
16 совeсть имуще благу, да о немже клевещут вас аки злодeев, постыдятся злословящии ваше благое о Христe житие.
17 Лучше бо есть благое творящым, аще хощет воля Божия, пострадати, нежели зло творящым:
18 зане и Христос единою о грeсeх наших пострада, првник за неправедники, да приведет ны Богови, умерщвлен убо быв плотию, ожив же духом:
19 о немже и сущым в темницe духовом сошед проповeда,
20 противльшымся иногда, егда ожидаше Божие долготерпeние, во дни ноевы, дeлаему ковчегу, в немже мало, сирeчь осмь душ, спасошася от воды.
21 Егоже воображение нынe и нас спасает крещение, не плотския отложение скверны, но совeсти благи вопрошение у Бога, воскреснием Иисус Христовым,
22 иже есть одесную Бога, возшед на небо, покоршымся ему ангелом и властем и силам.
1 Христу убо пострадавшу за ны плотию, и вы в ту же мысль вооружитеся: зане пострадавый плотию, преста от грeха,
2 во еже не ктому человeческим похотем, но воли Божией прочее во плоти жити время.
3 Довлeет бо вам мимошедшее время жития, волю языческую творившым, хождшым в нечистотах, в похотех, в мужеложствe, в скотоложствe, в помыслeх, в пиянствe, в козлогласованиих, в лихоимании и богомерзких идолослужениих:
4 о немже дивятся, не сходящымся вам в тоже блуда разлияние, хуляще:
5 иже воздадят слово готову сущему судити живым и мертвым.
6 На се бо и мертвым благовeстися, да суд убо приимут по человeку плотию, поживут же по Бозe духом.
7 Всeм же кончина приближися. Уцeломудритеся убо и трезвитеся в молитвах.
8 Прежде же всeх друг ко другу любовь прилeжну имeйте, зане любовь покрывает множество грeхов.
9 Страннолюбцы друг ко другу, без роптании.
10 Кийждо якоже прият дарование, между себе сим служаще, яко добрии строителие различныя благодати Божия.
11 Аще кто глаголет, яко словеса Божия: аще кто служит, яко от крeпости, юже подает Бог: да о всем славится Бог Иисус Христом, емуже есть слава и держава во вeки вeков. Аминь.
12 Возлюбленнии, не дивитеся еже в вас раждежению ко искушению вам бываему, яко чужду вам случающуся:
13 но понеже приобщаетеся Христовым страстем, радуйтеся, яко да и в явление славы его возрадуетеся веселящеся.
14 Аще укоряеми бываете о имени Христовe, блажени есте яко славы и Божий дух на вас почивает: онeми убо хулится, а вами прославляется.
15 Да не кто убо от вас постраждет яко убийца, или яко тать, или яко злодeй, или яко чуждопосeтитель:
16 аще ли же яко Христианин, да не стыдится, да прославляет же Бога в части сей.
17 Яко время начати суд от дому Божия: аще же прежде от вас, кая кончина противящымся Божию евлию?
18 И аще првник едва спасется, нечестивый и грeшный гдe явится?
19 Тeмже и страждущии по воли Божией, яко вeрну зиждителю да предадят душы своя во благотворении.
1 Старцы иже в вас молю, яко старец сый и свидeтель Христовым страстем, иже и хотящей славe явитися общник:
2 пасите еже в вас стадо Божие, посeщающе не нуждею, но волею и по Бозe, ниже неправедными прибытки, но усердно,
3 ни яко обладающе причту, но образи бывайте стаду:
4 и явльшуся пастыреначальнику, приимете неувядаемый славы вeнец.
5 Такоже юнии, повинитеся старцем: вси же друг другу повинующеся, смиреномудрие стяжите, зане Бог гордым противится, смиренным же дает благодать.
6 Смиритеся убо под крeпкую руку Божию, да вы вознесет во время:
7 всю печаль вашу возвергше нань, яко той печется о вас.
8 Трезвитеся, бодрствуйте, зане супостат ваш диавол, яко лев рыкая, ходит, иский кого поглотити:
9 емуже противитеся тверди вeрою, вeдуще, яко тeже страсти случаются вашему братству, еже в мирe.
10 Бог же всякия благодати, призвавый вас в вeчную свою славу о Христe Иисусe, мало пострадавшыя, той да совершит вы, да утвердит, да укрeпит, да оснует.
11 Тому слава и держава во вeки вeков. Аминь.
12 Силуаном вам вeрным братом, яко непщую, вмалe написах, моля и засвидeтельствуя сей быти истиннeй благодати Божией, в нейже стоите.
13 Цeлует вы яже в вавилонe соизбранная, и марко сын мой.
14 Цeлуйте друг друга лобзанием любве. Мир вам всeм о Христe Иисусe. Аминь.