1 Симон петр, раб и посланник Иисус Христов, равночестную с нами получившими вeру в правдe Бога нашего и спаса Иисуса Христа:
2 благодать вам и мир да умножится в познании Бога, и Христа Иисуса Господа нашего.
3 Яко вся нам божественныя силы его, яже к животу и благочестию, подана разумом призвавшаго нас славою и добродeтелию.
4 имиже честная нам и великая обeтования даровашася, да сих ради будете божественнаго причастницы естества, отбeгше, яже в мирe, похотныя тли:
5 и в самое же сие, тщание все привнесше, подадите в вeрe вашей добродeтель, в добродeтели же разум,
6 в разумe же воздержание, в воздержании же терпeние, в терпeнии же благочестие,
7 во благочестии же братолюбие, в братолюбии же любовь.
8 Сия бо сущая в вас и множащаяся, не праздных ниже безплодных сотворят вы в Господа нашего Иисуса Христа познание:
9 емуже бо нeсть сих, слeп есть, мжай, забвение прием очищения древних своих грeхов.
10 Тeмже паче, братие, потщитеся извeстно ваше звание и избрание творити: сия бо творяще, не имате согрeшити никогдаже,
11 сице бо обилно приподастся вам вход в вeчное царство Господа нашего и Спаса Иисуса Христа.
12 Сего ради не облeнюся воспоминати присно вам о сих, аще и вeдите, и утверждени есте в настоящей истинe.
13 Праведно бо мню, донелeже есмь в сем тeлеси, возставляти вас воспоминанием,
14 вeдый, яко скоро есть отложение тeлесе моего, якоже и Господь наш Иисус Христос сказа мнe.
15 Потщуся же и всегда имeти вас по моем исходe память о сих творити.
16 Не ухищренным бо баснем послeдовавше сказахом вам силу и пришествие Господа нашего Иисуса Христа, но самовидцы бывше величествия онаго.
17 Прием бо от Бога Отца честь и славу, гласу пришедшу к нему от велелeпныя славы. сей есть Сын мой возлюбленныи, о немже аз благоизволих.
18 И сей глас мы слышахом с небесе сшедшь, с ним суще на горe святeй.
19 И имамы извeстнeишее пророческое слово: емуже внимающе якоже свeтилу сияющу в темнeм мeстe, добрe творите, дондеже день озарит, и денница возсияет в сердцах ваших,
20 сие прежде вeдуще, яко всяко пророчество книжное по своему сказанию не бывает.
21 Ни бо волею бысть когда человeком пророчество, но от святаго духа просвeщаеми глаголаша святии Божии человeцы.
1 Быша же и лживии пророцы в людeх, якоже и в вас будут лживии учителие, иже внесут ереси погибели, и искупльшаго их влки отметающеся, приводяще себe скору погибель.
2 И мнози послeдствуют их нечистотам, ихже ради путь истинный похулится.
3 И в преумножении льстивых словес вас уловят: ихже суд искони не коснит, и погибель их не дремлет.
4 Аще бо Бог аггелов согрeшивших не пощадe, но пленицами мрака связав, предаде на суд мучимых блюсти:
5 и перваго мира не пощадe, но осмаго ноа правды проповeдника сохрани, потоп миру нечествовавших наведе:
6 и грады содомския и гоморрския сжег, разорением осуди, образ хотящым нечествовати положив:
7 и праведнаго лота, обидима от беззаконных в нечистотe сожития, избави.
8 видeнием бо и слухом праведный, живый в них, день от дне душу првну беззаконными дeлы мучаше:
9 вeсть Господь благочестивыя от напасти избавляти, неправедники же на день судныи мучимы блюсти,
10 наипаче же вслeд плотския похоти сквернения ходящыя и о господствe нерадящыя: продерзателе, себe угодницы, славы не трепещут хуляще:
11 идeже ангели крeпостию и силою больши суще, не терпят на ся от Господа укоризнен суд.
12 Сии же, яко скоти животни естеством бывше в погибель и тлю, в нихже не разумeют хуляще, во истлeнии своем истлeют,
13 приемлюще мзду неправедну, сласть мняще вседневное насыщение, сквернители и порочницы, питающеся лестьми своими, ядуще с вами,
14 очи имуще исполнь блудодeяния и непрестаемаго грeха, прельщающе душы неутверждены, сердце научено лихоимству имуще, клятвы чада:
15 оставльше правый путь заблудиша, послeдовавше пути валаама восорова, иже мзду неправедну возлюби,
6 обличение же имe своего беззакония: подяремник безгласен, человeческим гласом провeщавшь, возбрани пророка безумие.
17 Сии суть источницы безводни, облацы и мглы от вeтр преносими, имже мрак темный во вeки блюдется.
18 Прегордая бо суеты вeщающе, прельщают в скверны плотския похоти, отбeгающих всячески от них живущих во льсти,
19 свободу им обeщавающе, сами раби суще тления: имже бо кто побeжден бывает, сему и работен есть.
20 Аще бо отбeгше скверн мира в разум Господа и Спаса нашего Иисуса Христа, сими же паки сплетшеся побeждаеми бывают, быша им последняя горша первых.
21 Лучше бо бe им не познати пути правды, нежели познавшым возвратитися вспять от преданныя им святыя заповeди.
22 Случися бо им истинная притча: пес возвращься на свою блевотину, и: свиния, омывшися, в кал тинный.
1 Сие уже, возлюбленнии, второе вам пишу послание, в нихже возбуждаю воспоминанием ваш чистый смысл,
2 помянути прежде реченныя глаголы от святых пророк, и апостол ваших заповeдь Господа и Спаса:
3 сие прежде вeдяще, яко приидут в послeдния дни ругателе, по своих похотeх ходяще
4 и глаголюще: гдe есть обeтование пришествия его, отнелeже бо отцы успоша, вся тако пребывают от начала создания.
5 Таится бо им сие хотящым, яко небеса бeша исперва, и земля от воды и водою составлена, Божиим словом:
6 тeмже тогдашнии мир, водою потоплен быв, погибе.
7 А нынeшняя небеса и земля тeмже словом сокровена суть, огню блюдома на день суда и погибели нечестивых человeк.
8 Едино же сие да не утаится вас, возлюбленнии, яко един день пред Господем яко тысяща лeт, и тысяща лeт яко день един.
9 Не коснит Господь обeтования, якоже нeцыи коснeние мнят: но долготерпит на нас, не хотя да кто погибнет, но да вси в покаяние приидут.
10 Приидет же день Господень яко тать в нощи, в оньже небеса убо с шумом мимо идут, стихии же сжигаемы разорятся, земля же и яже на ней дeла сгорят.
11 Сим убо всeм разоряемым, кацeм подобает быти вам во святых пребываниих и благочестиих,
12 чающым и скорeе быти желающым пришествия Божияго дне, егоже ради небеса жегома разорятся, и стихии опаляемы растаются?
13 Нова же небесе и новы земли по обeтованию его чаем, в нихже правда живет.
14 Тeмже, возлюбленнии, сих чающе, потщитеся нескверни и непорочни тому обрeстися в мирe,
15 и Господа нашего долготерпeние спасeние непщуите, якоже и возлюбленный наш брат павел по даннeй ему премудрости написа вам,
16 якоже и во всeх своих посланиих, глаголя в них о сих: в нихже суть неудобь разумна нeкая, яже ненаучени и неутверждени развращают, якоже и прочая писания, к своей погибели им.
17 Вы же убо, возлюбленнии, предвeдяще хранитеся, да не лестию беззаконных сведени бывше, отпадете своего утверждения.
18 но да растете во благодати и разумe Господа нашего и Спаса Иисуса Христа. Тому слава и нынe и в день вeка. Аминь.