1 Старец гаиеви возлюбленному, егоже аз люблю воистинну.
2 Возлюбленне, во всeх молюся (о тебe) благоспeятися тебe и здравствовати, якоже благоспeется тебe душа.
3 Возрадовахся зeло, пришедшым братиям и свидeтельствующым твою истину, якоже ты во истинe ходиши.
4 Болши сея не имам радости, да слышу моя чада во истинe ходяща.
5 Возлюбленне, вeрно твориши, еже аще дeлаеши в братию и в странныя,
6 иже свидeтельствоваша о твоей любви пред церковию. ихже предпослав достойно Богу, добрe твориши.
7 о имени бо его изыдоша, ничтоже приемлюще от язык.
8 Мы убо должни есмы приимати таковых, да поспeшницы будем истинe.
9 Писах церкви: но первенстволюбец их диотреф не приемлет нас.
10 Сего ради, аще прииду, воспомяну его дeла, яже творит, словесы лукавыми укоряя нас: и недоволен бывая о сих, ни сам приемлет братию, и хотящым возбраняет, и от церкве изгонит.
11 Возлюбленне, не уподобляися злому, но благому. Благотворяй от Бога есть: а злотворяй не видe Бога.
12 Димитриеви свидeтельствовася от всeх и от самыя истины: и мы же свидeтельствуем, и вeсте, яко свидeтельство наше истинно есть.
13 Многа имeх писати, но не хощу чернилом и тростию писати тебe,
14 уповаю же абие видeти тя и усты ко устом глаголати.
15 Мир тебe. Цeлуют тя друзи: цeлуи други по имени. Аминь.