1 павел, зван апостол Иисус Христов волею Божиею, и сосфен брат.
2 церкви Божиеи сущеи в коринфe, освященным о Христe Иисусe, званным святым, со всeми призывающими имя Господа нашего Иисуса Христа, во всяком мeстe, тeх же и нашем.
3 благодать вам и мир от Бога Отца нашего, и Господа Иисуса Христа.
4 благодарю Бога моего всегда о вас, о благодати Божиеи даннeи вам о Христe Иисусe.
5 яко во всем обогатистеся о нем, во всяком словe и всяком разумe,
6 якоже свидeтельство Христово извeстися в вас.
7 яко вам не лишитися ни во едином даровании, чающым откровения Господа нашего Иисуса Христа,
8 иже и утвердит вас даже до конца неповинных в день Господа нашего Иисуса Христа.
9 вeрен Бог, имже звани бысте во общение сына его Иисуса Христа, Господа нашего.
10 молю же вы, братие, именем Господа нашего Иисуса Христа, да тожде глаголете вси, и да не будут в вас распри, да будете же утверждени в томже разумeнии и в тоиже мысли.
11 возвeстися бо ми о вас, братие моя, посланым от хлоиса (от домашних хлоиса), яко рвения в вас суть.
12 глаголю же се, яко кииждо вас глаголет. аз убо есмь павлов, аз же аполлосов, аз же кифин, аз же Христов.
13 еда раздeлися Христос, еда павел распятся по вас, или во имя павлово крестистеся,
14 благодарю Бога, яко ни единаго от вас крестих, точию криспа и гаиа.
15 да не кто речет, яко в мое имя крестих.
16 крестих же и стефанинов дом. прочее не вeм, аще кого иного крестих.
17 не посла бо мене Христос крестити, но благовeстити, не в премудрости слова, да не испразднится крт Христов.
18 слово бо крестное погибающым убо юродство есть, а спасаемым нам сила Божия есть.
19 писано бо есть. погублю премудрость премудрых, и разум разумных отвергу.
20 гдe премудр, гдe книжник, гдe совопросник вeка сего, не обуи ли Бог премудрость мира сего,
21 понеже бо в премудрости Божиеи не разумe мир премудростию Бога, благоизволил Бог буистовм проповeди спасти вeрующих.
22 понеже и иудее знамения просят, и еллини премудрости ищут.
23 мы же проповeдуем Христа распята, иудеем убо соблазн, еллином же безумие,
24 самeм же званным иудеем же и еллином, Христа, Божию силу и Божию премудрость.
25 зане буее Божие премудрeе человeк есть. и немощное Божие крeпчае человeк есть.
26 видите бо звание ваше, братие. яко не мнози премудри по плоти, не мнози сильни, не мнози благородни.
27 но буяя мира избра Бог, да премудрыя посрамит. и немощная мира избра Бог, да посрамит крeпкая.
28 и худородная мира и уничиженная избра Бог, и не сущая, да сущая упразднит.
29 яко да не похвалится всяка плоть пред Богом.
30 из негоже вы есте о Христe Иисусe, иже бысть нам премудрость от Бога, правда же и освящение и избавление,
31 да, якоже пишется. хваляися, о Господe да хвалится.
1 и аз пришед к вам, братие, приидох не по превосходному словеси или премудрости возвeщая вам свидeтельство Божие.
2 не судих бо вeдeти что в вас, точию Иисуса Христа, и сего распята.
3 и аз в немощи и страсe и трепетe мнозe бых в вас.
4 и слово мое и проповeдь моя не в препрeтельных человeческия премудрости словесeх, но в явлении духа и силы.
5 да вeра ваша не в мудрости человeчестeи, но в силe Божиеи будет.
6 премудрость же глаголем в совершенных. премудрость же не вeка сего, ни князеи вeка сего престающих.
7 но глаголем премудрость Божию в таинe сокровенную, юже пред устави Бог прежде вeк в славу нашу.
8 юже никтоже от князеи вeка сего разумe. аще бо быша разумeли, не быша Господа славы распяли.
9 но якоже есть писано. ихже око не видe, и ухо не слыша, и на сердце человeку не взыдоша, яже уготова Бог любящым его.
10 нам же Бог открыл есть духом своим. дух бо вся испытует, и глубины Божия.
11 кто бо вeсть от человeк, яже в человeцe, точию дух человeка, живущии в нем, такожде и Божия никтоже вeсть, точию дух Божии.
12 мы же не духа мира сего прияхом, но духа иже от Бога, да вeмы яже от Бога дарованная нам.
13 яже и глаголем не в наученых человeческия премудрости словесeх, но в наученых духа стаго, духовная духовными сразсуждающе.
14 душевен же человeк не приемлет яже духа Божия. юродство бо ему есть, и не может разумeти, зане духовнe востязуется.
15 духовныи же востязует убо вся, а сам (тои) ни от единаго востязуется.
16 кто бо разумe ум Господень, иже из яснит и, мы же ум Христов имамы.
1 и аз, братие, не могох вам глаголати яко духовным, но яко плотяным, яко младенцем о Христe.
2 млеком вы напоих, а не брашном. ибо не у можасте, но ниже еще можете нынe.
3 еще бо плотстии есте. идeже бо в вас зависти и рвения и распри, не плотстии ли есте, и по человeку ходите,
4 егда бо глаголет кто. аз убо есмь павлов, другии же. аз аполлосов. не плотстии ли есте,
5 кто убо есть павел, кто же ли аполлос, но точию служителие, имиже вeровасте, и комуждо якоже Господь даде.
6 аз насадих, аполлос напои, Бог же возрасти.
7 тeмже ни насаждаяи есть что, ни напаяяи, но возращаяи Бог.
8 насаждаяи же и напаяяи едино еста. кииждо же свою мзду приимет по своему труду.
9 Богу бо есмы споспeшницы. Божие тяжание, Божие здание есте.
10 по благодати Божиеи даннeи мнe, яко премудр архитектон основание положих, ин же назидает. кииждо же да блюдет, како назидает.
11 основания бо инаго никтоже может положити паче лежащаго, еже есть Иисус Христос.
12 аще ли кто назидает на основании сем злато, сребро, камение честное, дрова, сeно, тростие.
13 когождо дeло явлено будет. день бо явит, зане огнем открывается. и когождо дeло, яковоже есть, огнь искусит.
14 (и) егоже аще дeло пребудет, еже назда, мзду приимет.
15 (а) егоже дeло сгорит, отщетится. сам же спасется, такожде якоже огнем.
16 не вeсте ли, яко храм Божии есте, и дух Божии живет в вас,
17 аще кто Божии храм растлит, растлит сего Бог. храм бо Божии свят есть, иже есте вы.
18 никтоже себе да прельщает. аще кто мнится мудр быти в вас в вeцe сем, буи да бывает, яко да премудр будет.
19 премудрость бо мира сего, буиство у Бога есть. писано бо есть. запинаяи премудрым в коварствe их.
20 и паки. Господь вeсть помышления человeческа (мудрых), яко суть суетна.
21 тeмже никтоже да хвалится в человeцeх. вся бо ваша суть.
22 аще павел, или аполлос, или кифа, или мир, или живот, или смерть, или настоящая, или будущая, вся ваша суть.
23 вы же Христовы, Христос же Божии.
1 тако нас да непщует человeк, яко слуг Христовых и строителеи таин Божиих.
2 а еже прочее ищется в строителех, да вeрен кто обрящется.
3 мнe же не велико есть, да от вас истяжуся, или от человeческаго дне (суда). но ни сам себе востязую.
4 ничесоже бо в себe свeм. но ни о сем оправдаюся. востязуяи же мя, Господь есть.
5 тeмже прежде времене ничтоже судите, дондеже приидет Господь, иже во свeтe приведет таиная тьмы и обявит совeты сердечныя. и тогда похвала будет комуждо от Бога.
6 сия же, братие (моя), преобразих на себе и аполлоса вас ради, да от наю научитеся не паче написанных мудрствовати, да не един по единому гордитеся на другаго.
7 кто бо тя разсуждает, что же имаши, егоже нeси приял, аще же и приял еси, что хвалишися яко не прием,
8 се сыти есте, се обогатистеся, без нас воцаристеся. и о дабы воцарилися есте, да и мы быхом с вами цартсвовали.
9 мню бо, яко Бог ны посланники послeдния яви, яко насмертники. зане позор быхом миру и агглом и человeком.
10 мы (убо) буи Христа ради, вы же мудри о Христe. мы немощни, вы же крeпцы. вы славни, мы же безчестни.
11 до нынeшняго часа и алчем, и жаждем, и наготуем, и страждем, и скитаемся,
12 и труждаемся, дeлающе своими руками. укоряеми, благословляем. гоними, терпим.
13 хулими, утeшаемся (молим). якоже отреби миру быхом, всeм попрание доселe.
14 не срамляя вас сия пишу, но якоже чада моя возлюбленная наказую.
15 аще бо (и) многи пeстуны имате о Христe, но не многи отцы. о Христe бо Иисусe благовeствованием аз вы родих.
16 молю же вас. подобни мнe бываите, якоже аз Христу.
17 сего ради послах к вам тимофеа, иже ми есть чадо возлюблено и вeрно о Господe, иже вам воспомянет пути моя, яже о Христe Иисусe, якоже вездe и во всякои церкви учу.
18 яко не грядущу ми к вам, разгордeшася нeцыи.
19 прииду же скоро к вам, аще Господь восхощет, и уразумeю не слово разгордeвшихся, но силу.
20 не в словеси бо царство Божие, но в силe.
21 что хощете, с палицею ли прииду к вам, или с любовию и духом кротости,
1 отнюд слышится в вас блужение, и таково блужение, яковоже ни во языцeх именуется, яко нeкоему имeти жену отчую.
2 и вы разгордeсте, и не паче плакасте, да изьмется от среды вас содeявыи дeло сие.
3 зане аз убо аще не у вас сыи тeлом, ту же живыи духом, уже судих, яко тамо сыи. содeявшаго сице сие,
4 о имени Господа нашего Иисуса Христа собравшымся вам и моему духу, с силою Господа нашего Иисуса Христа,
5 предати таковаго сатанe во измождение плоти, да дух спасется в день Господа нашего Иисуса Христа.
6 не добра похвала ваша. не вeсте ли, яко мал квас все смeшение квасит,
7 очистите убо ветхии квас, да будете ново смeшение, якоже есте безквасни. ибо пасха наша за ны пожрен бысть Христос.
8 тeмже да празднуем не в квасe ветсe, ни в квасe злобы и лукавства, но в безквасиих чистоты и истины.
9 писах вам в послании, не примeшатися блудником.
10 и не всяко блудником мира сего, или лихоимцем, или хищником, или идолослужителем. понеже убо должнибы есте были от мира сего изыти.
11 нынe же писах вам не примeшатися, аще нeкии, брат именуемь, будет блудник, или лихоимец, или идолослужитель, или досадитель, или пияница, или хищник. с таковым ниже ясти.
12 что бо ми и внeшних судити. не внутренних ли вы судите,
13 внeшних же Бог судит. и изьмите злаго от вас самeх.
1 смeет ли кто от вас, вещь имeя ко иному, судитися от неправедных, а не от святых,
2 не вeсте ли, яко стии мирови имут судити, и аще вами суд приимет мир, недостоини есте судищем худым,
3 не вeсте ли, яко аггелов судити имамы, а не точию житеиских,
4 житеиская бо судища аще имате, уничиженных в церкви, сих посаждаете.
5 к сраму вам глаголю. тако ли нeсть в вас мудр ни един, иже может разсудити между братии своих,
6 но брат с братом судится, и то пред невeрными.
7 уже убо отнюд вам срам есть, яко тяжбы имате между собою. почто не паче обидими есте, почто не паче лишени бываете,
8 но вы сами обидите и лишаете, да еще братию.
9 или не вeсте, яко неправедницы царствия Божия не наслeдят, не льстите себе. ни блудницы, ни идолослужители, ни прелюбодeи, ни сквернители, ни малакии, ни мужеложницы,
10 ни лихоимцы, ни татие, ни пияницы, ни досадители, ни хищницы царствия Божия не наслeдят.
11 и сими убо нeцыи бeсте. но омыстеся, но освятистеся, но оправдистеся именем Господа нашего Иисуса Христа и духом Бога нашего.
12 вся ми лeть суть, но не вся на пользу. вся ми лeть суть, но не аз обладан буду от чего.
13 брашна чреву, и чрево брашном. Бог же и сие и сия упразднит. тeло же не блужению, но гви, и Господь тeлу.
14 Бог же и Господа воздвиже, и нас воздвигнет силою своею.
15 не вeсте ли, яко тeлеса ваша удове Христовы суть, вземь ли убо уды Христовы, сотворю уды блудничи, да не будет.
16 или не вeсте, яко прилeпляяися сквернодeицe едино тeло есть с блудодeицею, будета бо, рече, оба в плоть едину.
17 прилeпляяися же Господеви един дух есть с Господем.
18 бeгаите блудодeяния. всяк бо грeх, егоже аще сотворит человeк, кромe тeла есть. а блудяи, во свое тeло согрeшает.
19 или не вeсте, яко тeлеса ваша храм живущаго в вас стаго духа суть, егоже имате от Бога, и нeсте свои,
20 куплени бо есте цeною. прославите убо Бога в тeлесeх ваших и в душах ваших, яже суть Божия.
1 а о нихже писасте ми, добро человeку женe не прикасатися.
2 но блудодeяния ради кииждо свою жену да имать, и каяждо жена своего мужа да имать.
3 женe муж должную любовь да воздает. такожде и жена мужу.
4 жена своим тeлом не владeет, но муж. такожде и муж своим тeлом не владeет, но жена.
5 не лишаите себе друг друга, точию по согласию до времене, да пребываете в постe и молитвe. и паки вкупe собираитеся, да не искушает вас сатана невоздержанием вашим.
6 сие же глаголю по совeту, а не по повелeнию.
7 хощу бо, да вси человeцы будут якоже и аз. но кииждо свое дарование имать от Бога, ов убо сице, ов же сице.
8 глаголю же безбрачным и вдовицам. добро им есть, аще пребудут якоже и аз.
9 аще ли не удержатся, да посягают. лучше бо есть женитися, нежели разжизатися.
10 а оженившымся завeщаваю не аз, но Господь. женe от мужа не разлучатися.
11 аще ли же и разлучится, да пребывает безбрачна, или да смирится с мужем своим. и мужу жены не отпущати.
12 прочым же аз глаголю, а не Господь. аще которыи брат жену имать невeрну, и та благоволит жити с ним, да не оставляет ея.
13 и жена аще имать мужа невeрна, и тои благоволит жити с нею, да не оставляет его.
14 святится бо муж невeрен о женe вeрнe, и святится жена невeрна о мужи вeрнe. иначе бо чада ваша нечиста были бы, нынe же свята суть.
15 аще ли невeрныи отлучается, да разлучится. не поработися бо брат или сестра в таковых. в мир бо призва нас Господь Бог.
16 что бо вeси, жено, аще мужа спасеши, или что вeси, мужу, аще жену спасеши,
17 точию коемуждо якоже раздeлил есть Бог, кииждо якоже призван бысть Господем, тако да ходит. и тако во всeх церквах повелeваю.
18 во обрeзании ли кто призван бысть, да не отторгнется (да не творит себe необрeзания). в необрeзании ли кто призван бысть, да не обрeзуется.
19 обрeзание ничтоже есть, и необрeзание ничтоже есть, но соблюдение заповeдеи Божиих.
20 кииждо в звании, в немже призван бысть, в том да пребывает.
21 раб ли призван был еси, да не нерадиши (да не печалишися). но аще и можеши свободен быти, больше поработи себе.
22 призванныи бо о Господe раб, свободник Господень есть. такожде и призванныи свободник, раб есть Христов.
23 цeною куплени есте. не будите раби человeком.
24 кииждо в немже призван бысть, братие, в том да пребывает пред Богом.
25 о дeвах же повелeния Господня не имам. совeт же даю, яко помилован от Господа вeрен быти.
26 мню убо сие добро быти за настоящую нужду, яко добро человeку тако быти.
27 привязался ли еси женe, не ищи разрeшения. отрeшился ли еси жены, не ищи жены.
28 аще ли же и оженишися, не согрeшил еси. и аще посягнет дeва, не согрeшила есть. скорбь же плоти имeти будут таковии. аз же вы щажду.
29 сие же глаголю, братие, яко время прекращено есть прочее, да и имущии жены, якоже не имущии будут.
30 и плачущиися, якоже не плачущии. и радующиися, якоже не радующеся. и купующии, яко не содержаще.
31 и требующии мира сего, яко не требующе. преходит бо образ мира сего.
32 хощу же вас безпечальных быти. не оженивыися печется о Господних, како угодити Господеви.
33 а оженивыися печется о мирских, како угодити женe. раздeлися жена и дeва.
34 непосягшая печется о Господних, како угодити Господви, да будет свята и тeлом и духом. а посягшая печется о мирских, како угодити мужу.
35 сие же на пользу вам самeм глаголю. не да сило вам наложу, но к благообразию и благоприступанию Господеви безмолвну.
36 аще ли же кто без образити о дeвe своеи непщует, аще есть превозрастна, и тако должна есть быти. еже хощет, да творит. не согрeшает, аще посягнет.
37 а иже стоит твердо сердцем, не имыи нужды, власть же имать о своеи воли, и се разсудил есть в сердцe своем, блюсти дeву свою, добрe творит.
38 тeмже и вдаяи браку свою дeву, добрe творит. и не вдаяи, лучше творит.
39 жена привязана есть законом, в елико время живет муж ея. аще же умрет муж ея, свободна есть, за негоже хощет, посягнути, точию о Господe.
40 блаженнeиша же есть, аще тако пребудет, по моему совeту. мнюся бо и аз духа Божия имeти.
1 о идоложертвенных же вeмы. яко вси разум имамы. разум убо кичит, а любы созидает.
2 аще ли кто мнится вeдeти что, не у что разумe, якоже подобает разумeти.
3 аще же кто любит Бога, сеи познан бысть от него.
4 о ядении же идоложертвенных вeмы, яко идол ничтоже есть в мирe, и яко никтоже Бог ин, токмо един.
5 аще бо и суть глаголемии бози, или на небеси, или на земли. якоже суть бози мнози и господие мнози.
6 но нам един Бог Отец, из негоже вся, и мы у него. и един Господь Иисус Христос, имже вся, и мы тeм.
7 но не во всeх разум. нeцыи же совeстию идольскою даже доселe якоже идоложертвенное ядят, и совeсть их, немощна сущи, сквернится.
8 брашно же нас не поставляет пред Богом. ниже бо аще ямы, избыточествуем. ниже аще не ямы, лишаемся.
9 блюдите же, да не како власть ваша сия преткновение будет немощным.
10 аще бо кто видит тя, имуща разум, в требищи возлежаща, не совeсть ли его, немощна сущи созиждется идоложертвенная ясти,
11 и погибнет немощныи брат в твоем разумe, егоже ради Христос умре.
12 такожде согрeшающе в братию и биюще их совeсть немощну сущу, во Христа согрeшаете.
13 тeмже аще брашно соблазняет брата моего, не имам ясти мяса во вeки, да не соблазню брата моего.
1 нeсмь ли апл, нeсмь ли свободь, не Иисуса Христа ли Господа нашего видeх, не дeло ли мое вы есте о Господe,
2 аще иным и нeсмь апл, но обаче вам есмь. печать бо моего апостольства вы есте о Господe.
3 мои отвeт востязующым мене сеи есть.
4 еда не имамы власти ясти и пити,
5 еда не имамы власти сестру жену водити, яко и прочии апли, и братия Господня, и кифа,
6 или един аз и варнава не имамы власти еже не дeлати,
7 кто воинствует своими оброки когда, или кто насаждает виноград, и от плода его не яст, или кто пасет стадо, и от млека стада не яст,
8 еда по человeку сия глаголю, не и закон ли сия глаголет,
9 в моисеовe бо законe писано. да не заградиши устну вола молотяща. еда о волeх радит Бог,
10 или нас ради всяко глаголет, нас бо ради написася, яко о надежди должен есть оряи орати, и молотяи с надеждею своего упования причащатися.
11 аще мы духовная сeяхом вам, велико ли, аще мы ваша тeлесная пожнем,
12 аще инии власти вашея причащаются, не паче ли мы, но не сотворихом по области сеи. но вся терпим, да не прекращение кое дамы благовeствованию Христову.
13 не вeсте ли, яко дeлающии священная, от святилища ядят, и служащии олтарю, со олтарем дeлятся,
14 тако и Господь повелe проповeдающым благовeстие, от благовeстия жити.
15 аз же ни едино сотворих от сих. не писах же сия, да тако будет о мнe. добрeе бо мнe паче умрети, нежели похвалу мою кто да испразднит.
16 аще бо благовeствую, нeсть ми похвалы. нужда бо ми належит. горе же мнe есть, аще не благовeствую.
17 аще убо волею сие творю, мзду имам. аще же неволею, строение ми есть предано.
18 кая убо ми есть мзда, да благовeствуяи без мзды положу благовeстие Христово, во еже не творити ми по области моеи в благовeствовании.
19 свободен бо сыи от всeх, всeм себе поработих, да множаишыя приобрящу.
20 бых иудеем яко иудеи, да иудеи приобрящу. подзаконным яко подзаконен, да подозаконныя приобрящу.
21 беззаконным яко беззаконен, не сыи беззаконник Богу, но законник Христу, да приобрящу беззаконныя.
22 бых немощным яко немощен, да немощныя приобрящу. всeм бых вся, да всяко нeкия спасу.
23 сие же творю за благовeстие, да сообщник ему буду.
24 не вeсте ли, яко текущии в позорищи, вси убо текут, един же приемлет почесть, тако тецыте, да постигнете.
25 всяк же подвизаяися, от всeх воздержится. и они убо да истлeнен вeнец приимут, мы же неистлeнен.
26 аз убо тако теку, не яко безвeстно. тако подвизаюся, не яко воздух бияи.
27 но умерщвляю тeло мое и порабощаю, да не како, иным проповeдуя, сам неключимь буду.
1 не хощу же вас не вeдeти, братие, яко отцы наши вси под облаком быша, и вси сквозe море проидоша.
2 и вси в моисеа крестишася во облацe и в мори.
3 и вси тожде брашно духовное ядоша.
4 и вси тожде пиво духовное пиша. пияху бо от духовнаго послeдующаго камене. камень же бe Христос.
5 но не во множаиших их благоволи Бог. поражени бо быша в пустыни.
6 сия же образы нам быша, яко не быти нам похотником злых, якоже и они похотeша.
7 ни идолослужители бываите, якоже нeцыи от них, якоже есть писано. сeдоша людие ясти и пити, и восташа играти.
8 ниже соблудим, якоже нeцыи от них соблудиша, и падоша во един день двадесять три тысящы.
9 ни да искушаим Христа, якоже нeцыи от них искусиша, и от змии погибоша.
10 ни ропщите, якоже нeцыи от них ропташа, и погибоша от всегубителя.
11 сия же вся образи прилучахуся онeм. писана же быша в научение наше, в нихже концы вeк достигоша.
12 тeмже мняися стояти, да блюдется, да не падет.
13 искушение вас не достиже, точию человeческое. вeрен же Бог, иже не оставит вас искуситися паче, еже можете, но сотворит со искушением и избытие, яко возмощи вам понести.
14 тeмже, братие моя возлюбленная, бeгаите от идолослужения.
15 яко мудрым глаголю. судите вы, еже глаголю.
16 чаша благословения, юже благословляем, не общение ли крове Христовы есть, хлeб, егоже ломим, не общение ли тeла Христова есть,
17 яко един хлeб, едино тeло есмы мнози. вси бо от единаго хлeба причащаемся.
18 видите ииля по плоти. не ядущии ли жертвы общницы олтареви суть,
19 что убо глаголю, яко идол что есть, или идоложертвенное что есть,
20 но зане, яже жрут языцы, бeсом жрут, а не Богови. не хощу же вас общников быти бeсом.
21 не можете чашу Господню пити и чашу бeсовскую. не можете трапезe Господнеи причащатися и трапезe бeсовстeи.
22 или раздражаем Господа, еда крeпчаиши его есмы,
23 вся ми лeть суть, но не вся на пользу. вся ми лeть суть, но не вся назидают.
24 никтоже своего си да ищет, но еже ближняго кииждо.
25 все, еже на торжищи продаемое, ядите, ничтоже сумнящеся, за совeсть.
26 Господня бо земля и исполнение ея.
27 аще ли кто от невeрных призывает вы, и хощете ити, все предлагаемое вам ядите, ничтоже сумнящеся, за совeсть.
28 аще ли же кто вам речет. сие идоложертвенно есть. не ядите, за оного повeдавшаго и совeсть. Господня бо земля и исполнение ея.
29 совeсть же глаголю не свою, но другаго. вскую бо свобода моя судится от иныя совeсти,
30 аще аз благодатию причащаюся, почто хулу приемлю, о немже аз благодарю,
31 аще убо ясте, аще ли пиете, аще ли ино что творите, вся в славу Божию творите.
32 безпреткновени бываите иудеем и еллином и церкви Божиеи.
33 якоже и аз во всем всeм угождаю, не искии своея пользы, но многих, да спасутся.
1 подражатели мнe бываите, якоже и аз Христу.
2 хвалю же вы, братие, яко вся моя помните, и якоже предах вам, предания держите.
3 хощу же вас вeдeти, яко всякому мужу глава Христос есть. глава же женe, муж. глава же Христу, Бог.
4 всяк муж, молитву дeя или пророчествуяи покрытою главою, срамляет главу свою.
5 и всяка жена, молитву дeющая или пророчествующая откровенною главою, срамляет главу свою. едино бо есть и тожде (тожде, еже быти) остриженнeи.
6 аще бо не покрывается жена, да стрижется. аще ли же срам женe стрищися или бритися, да покрывается.
7 муж убо не должен есть покрывати главу, образ и слава Божия сыи. жена же слава мужу есть.
8 нeсть бо муж от жены, но жена от мужа.
9 ибо не создан бысть муж жены ради, но жена мужа ради.
10 сего ради должна есть жена власть имeти на главe аггл ради.
11 обаче ни муж без жены, ни жена без мужа, о Господe.
12 якоже бо жена от мужа, сице и муж женою. вся же от Бога.
13 в вас самeх судите, лeпо ли есть женe откровеннeи Богу молитися,
14 или и не самое естество учит вы, яко муж убо аще власы растит, безчестие ему есть,
15 жена же аще власы растит, слава еи есть, зане растeние власов вмeсто одeяния дано бысть еи.
16 аще ли кто мнится спорлив быти, мы таковаго обычая не имамы, ниже церкви Божия.
17 сие же завeщавая не хвалю, яко не на лучшее, но на хуждшее сбираетеся.
18 первое убо, сходящымся вам в церковь, слышу в вас распри сущыя, и часть нeкую сих вeрую.
19 подобает бо и ересем в вас быти, да искуснии явлени бывают в вас.
20 сходящымся убо вам вкупe, нeсть Господскую вечерю ясти.
21 кииждо бо свою вечерю предваряет в снeдение, и ов убо алчет, ов же упивается.
22 еда бо домов не имате, во еже ясти и пити, или о церкви Божиеи нерадите, и срамляете не имущыя, что вам реку, похвалю ли вы о сем, не похвалю.
23 аз бо приях от Господа, еже и предах вам, яко Господь Иисус в нощь, в нюже предан бываше, прием хлeб,
24 и благодарив преломи, и рече. приимите, ядите. сие есть тeло мое, еже за вы ломимое. сие творите в мое воспоминание.
25 такожде и чашу по вечери, глаголя. сия чаша новыи завeт есть в моеи крови. сие творите, елижды аще пиете, в мое воспоминание.
26 елижды бо аще ясте хлeб сеи и чашу сию пиете, смерть Господню возвeщаете, дондеже приидет.
26 тeмже иже аще яст хлeб сеи или пиет чашу Господню недостоинe, повинен будет тeлу и крови Господни.
28 да искушает же человeк себе, и тако от хлeба да яст и от чаши да пиет.
29 ядыи бо и пияи недостоинe, суд себe яст и пиет, не разсуждая тeла Господня.
30 сего ради в вас мнози немощни и недужливи, и спят (усыпают) довольни.
31 аще бо быхом себе разсуждали, не быхом осуждени были.
32 судими же, от Господа наказуемся, да не с миром осудимся.
33 тeмже, братие моя, сходящеся ясти, друг друга ждите.
34 аще ли кто алчет, в дому да яст, да не в грeх сходитеся. о прочих же, егда прииду, устрою.
1 о духовных же, братие, не хощу вас не вeдeти.
2 вeсте, яко егда невeрни бeсте, ко идолом безгласным яко ведоми ведостеся.
3 тeмже сказую вам, яко никтоже, духом Божиим глаголяи, речет анафема Иисуса. и никтоже может рещи Господа Иисуса, точию духом святым.
4 раздeления же даровании суть, а тоижде дух.
5 и раздeления служении суть, а тоижде Господь.
6 и раздeления дeиств суть, а тоижде есть Бог, дeиствуяи вся во всeх.
7 комуждо же дается явление духа на пользу.
8 овому бо духом дается слово премудрости, иному же слово разума, о томже дсe.
9 другому же вeра, тeмже духом. иному же дарования исцeлении, о томже дсe.
10 другому же дeиствия сил, иному же пророчество, другому же разсуждения духовом, иному же роди языков, другому же сказания языков.
11 вся же сия дeиствует един и тоижде дух, раздeляя властию коемуждо якоже хощет.
12 якоже бо тeло едино есть, и уды имать многи, вси же уди единаго тeла, мнози суще, едино суть тeло. тако и Христос.
13 ибо единeм духом мы вси во едино тeло крестихомся, аще иудеи, аще еллини, или раби, или свободни. и вси единeм духом напоихомся.
14 ибо тeло нeсть един уд, но мнози.
15 аще речет нога, яко нeсмь рука, нeсмь от тeла. еда сего ради нeсть от тeла,
16 и аще речет ухо, яко нeсмь око, нeсмь от тeла. еда сего ради нeсть от тeла,
17 аще все тeло око, гдe слух, аще же все слух, гдe ухание,
18 нынe же положи Бог уды, единаго коегождо их в тeлеси, якоже изволи.
19 аще ли быша вси един уд, гдe тeло,
20 нынe же мнози убо удове, едино же тeло.
21 не может же око рещи руцe. не требe ми еси. или паки глава ногама. не требe ми есте.
22 но много паче, мнящиися уди тeла немощнeиши быти, нужнeиши суть.
23 и ихже мним безчестнeиших быти тeла, сим честь множаишую прилагаем.
24 и неблагообразнии наши благообразие множаише имут. а благообразнии наши не требe имут. но Бог раствори тeло, худeишему большу дав честь,
25 да не будет распри в тeлеси, но да тожде в себe (да равно един о другом) пекутся уди.
26 и аще страждет един уд, с ним страждут вси уди. аще ли же славится един уд, с ним радуются вси уди.
27 вы же есте тeло Христово и уди от части.
28 и овых убо положи Бог в церкви первeе аплов, второе пророков, третие учителеи. потом же силы, таже дарования исцeлении, заступления, правления, роди языков.
29 еда вси апли, еда вси пророцы, еда вси учители, еда вси силы,
30 еда вси дарования имут исцeлении, еда вси языки глаголют, еда вси сказуют,
31 ревнуите же даровании больших. и еще по превосхождению путь вам показую.
1 аще языки человeческими глаголю и аггльскими, любве же не имам, бых яко мeдь звенящи, или кимвал звяцаяи.
2 и аще имам пророчество, и вeм таины вся и весь разум, и аще имам всю вeру, яко и горы преставляти, любве же не имам, ничтоже есмь.
3 и аще раздам вся имeния моя, и аще предам тeло мое во еже сжещи е, любве же не имам, никая польза ми есть.
4 любы долготерпит, милосердствует. любы не завидит. любы не превозносится, не гордится,
5 не безчинствует, не ищет своих си, не раздражается, не мыслит зла,
6 не радуется о неправдe, радуется же о истинe.
7 вся любит (покрывает), всему вeру емлет, вся уповает, вся терпит.
8 любы николиже отпадает, аще же пророчествия упразднятся, аще ли языцы умолкнут, аще разум испразднится.
9 от части бо разумeваем, и от части пророчествуем.
10 егда же приидет совершенное, тогда, еже от части, упразднится.
11 егда бeх младенец, яко младенец глаголах, яко младенец мудрствовах, яко младенец смышлях. егда же бых муж, отвергох младенческая.
12 видим убо нынe якоже зерцалом в гадании, тогда же лицем к лицу. нынe разумeю от части, тогда же познаю, якоже и познан бых.
13 нынe же пребывают вeра, надежда, любы, три сия. больши же сих любы.
1 держитеся любве. ревнуите же духовным, паче же да пророчествуете.
2 глаголяи бо языки, не человeком глаголет, но Богу. никтоже бо слышит, духом же глаголет таины.
3 пророчествуяи же, человeком глаголет созидание и утeшение и утверждение.
4 глаголяи бо языки, себе зиждет. а пророчествуяи, церковь зиждет.
5 хощу же всeх вас глаголати языки, паче же да прорицаете. болии бо пророчествуяи, нежели глаголяи языки, развe аще кто сказует, да церковь созидание приемлет.
6 нынe же, братие, аще прииду к вам языки глаголя, кую вам пользу сотворю, аще вам не глаголю или во откровении, или в разумe, или в пророчествии, или в научении,
7 обаче бездушная глас дающая, аще сопeль, аще гусли, аще разнствия писканием не дадят, како разумно будет пискание или гудение,
8 ибо аще безвeстен глас труба даст, кто уготовится на брань,
9 тако и вы аще не благоразумно слово дадите языком, како уразумeется глаголемое, будете бо на воздух глаголюще.
10 толицы убо, аще ключится, роди гласов суть в мирe, и ни един их безгласен.
11 аще убо не увeм силы гласа, буду глаголющему иноязычник. и глаголющии, мнe иноязычник.
12 тако и вы, понеже ревнители есте духовом, яже к созиданию церкве просите (ищите), да избыточествуете.
13 тeмже глаголяи языком, да молится, да сказует.
14 аще бо молюся языком, дух мои молится, а ум мои без плода есть.
15 что убо есть, помолюся духом, помолюся же и умом. воспою духом, воспою же и умом.
16 понеже аще благословиши духом, исполняяи мeсто невeжды како речет аминь, по твоему благодарению, понеже не вeсть, что глаголеши.
17 ты убо добрe благодариши, но другии не созидается.
18 благодарю Бога моего, паче всeх вас языки глаголя.
19 но в церкви хощу пять словес умом моим глаголати, да и ины пользую, нежели тьмы словес языком.
20 братие, не дeти бываите умы. но злобою младенствуите, умы же совершени бываите.
21 в законe пишет. яко иными языки и устны иными возглаголю людем сим, и ни тако послушают мене, глаголет Господь.
22 тeмже языцы в знамение суть не вeрующым, но невeрным. а пророчество не невeрным, но вeрующым.
23 аще убо снидется церковь вся вкупe, и вси языки глаголют, внидут же и неразумивии или невeрнии, не рекут ли, яко бeснуетеся,
24 аще же вси пророчествуют, внидет же нeкии невeрен или невeжда, обличается всeми, и истязуется от всeх.
25 и сице таиная сердца его явлена бывают. и тако пад ниц, поклонится Богови, возвeщая, яко воистинну Бог с вами есть.
26 что убо есть, братие, егда сходитеся, кииждо вас псалом имать, учение имать, язык имать, откровение имать, сказание имать. вся же к созиданию да бывают.
27 аще языком кто глаголет, по двeма, или множае по трием, и по части. и един да сказует.
28 аще ли не будет сказатель, да молчит в церкви, себe же да глаголет и Богови.
29 пророцы же два или трие да глаголют, и друзии да разсуждают.
30 аще ли иному открыется сeдящу, первыи да молчит.
31 можете бо вси по единому пророчествовати, да вси учатся и вси утeшаются.
32 и дуси пророчестии пророком повинуются.
33 нeсть бо нестроения Бог, но мира, яко во всeх церквах святых.
34 жены вашя в церквах да молчат. не повелeся бо им глаголати, но повиноватися, якоже и закон глаголет.
35 аще ли чесому научитися хотят, в дому своих мужеи да вопрошают. срамно бо есть женe в церкви глаголати.
36 или от вас слово Божие изыде, или вас единых достиже,
37 аще кто мнится пророк быти или духовен, да разумeет, яже пишу вам, зане Господни суть заповeди.
38 аще ли кто не разумeет, да не разумeвает.
39 тeмже, братие моя, ревнуите еже пророчествовати, и еже глаголати языки не возбраняите.
40 вся же благообразно и по чину да бывают.
1 сказую же вам, братие, благовeствование, еже благовeстих вам, еже и приясте, в немже и стоите,
2 имже и спасаетеся, кацeм словом благовeстих вам, аще содержите. развe аще не всуе вeровасте.
3 предах бо вам исперва, еже и приях, яко Христос умре грeх наших ради, по писанием.
4 и яко погребен бысть, и яко воста в третии день, по писанием.
5 и яко явися кифe, таже единонадесятим.
6 потом же явися болe пяти сот братиям единою, от нихже множаишии пребывают доселe, нeцыи же и почиша.
7 потом же явися иакову, таже аплом всeм.
8 послeди же всeх, яко нeкоему извергу, явися и мнe.
9 аз бо есмь мнии аплов, иже нeсмь достоин нарещися апл, зане гоних церковь Божию.
10 благодатию же Божиею есмь, еже есмь. и благодать его, яже во мнe, не тща бысть, но паче всeх их потрудихся. не аз же, но благодать Божия, яже со мною.
11 аще убо аз, аще ли они, тако проповeдуем, и тако вeровасте.
12 аще же Христос проповeдуется, яко из мертвых воста, како глаголют нeцыи в вас, яко воскресeния мертвых нeсть,
13 и аще воскресeния мертвых нeсть, то ни Христос воста.
14 аще же Христос не воста, тще убо проповeдание наше, тща же и вeра ваша.
15 обрeтаемся же и лжесвидeтеле Божии, яко послушествовахом на Бога, яко воскреси Христа, егоже не воскреси, аще убо мертвии не востают.
16 аще бо мертвии не востают, то ни Христос воста.
17 аще же Христос не воста, суетна вeра ваша. еще есте во грeсeх ваших.
18 убо и умершии о Христe, погибоша.
19 и аще в животe сем точию уповающе есмы во Христа, окаяннeиши всeх человeк есмы.
20 нынe же Христос воста от мертвых, начаток умершым бысть.
21 понеже бо человeком смерть бысть, и человеком воскресeние мертвых.
22 якоже бо о адамe вси умирают, такожде и о Христe вси оживут.
23 кииждо же во своем чину. начаток Христос, потом же Христу вeровавшии, в пришествии его.
24 таже кончина, егда предаст царство Богу и Отцу, егда испразднит всяко начальство и всяку власть и силу.
25 подобает бо ему царствовати, дондеже положит вся враги под ногама своима.
26 послeднии же враг испразднится смерть.
27 вся бо покори под нозe его. внегда же рещи, яко вся покорена суть ему, явe, яко развe покоршаго ему вся.
28 егда же покорит ему всяческая, тогда и сам Сын покорится покоршему ему всяческая, да будет Бог всяческая во всeх.
29 понеже что сотворят крестящиися мертвых ради, аще отнюд мертвии не востают, что и крещаются мертвых ради,
30 почто же и мы бeды приемлем на всяк час,
31 по вся дни умираю. тако ми ваша похвала, братие, юже имам о Христe Иисусe Господe нашем.
32 аще бо по человeку со звeрем боряхся в ефесe, кая ми польза, аще мертвии не востают, да ямы и пием, утрe бо умрем.
33 не льститеся. тлят обычаи благи бесeды злы.
34 истрезвитеся праведно и не согрeшаите. невeдeние бо Божие нeцыи имут, к сраму вам глаголю.
35 но речет нeкто. како востанут мертвии, коим же тeлом приидут,
36 безумне, ты еже сeеши, не оживет, аще не умрет.
37 и еже сeеши, не тeло будущее сeеши, но голо зерно, аще случится, пшеницы или иного от прочих.
38 Бог же дает ему тeло, якоже восхощет, и коемуждо сeмени свое тeло.
39 не всяка плоть таже плоть. но ина убо плоть человeком, ина же плоть скотом, ина же рыбам, ина же птицам.
40 и тeлеса небесная, и тeлеса земная. но ина убо небесным слава, и ина земным.
41 ина слава солнцу, и ина слава лунe, и ина слава звeздам. звeзда бо от звeзды разнствует во славe.
42 такожде и воскресeние мертвых. сeется в тлeние, востает в нетлeнии.
43 сeется не в честь, востает в славe. сeется в немощи, востает в силe.
44 сeется тeло душевное, востает тeло духовное. есть тeло душевное, и есть тeло духовное.
45 тако и писано есть. бысть первыи человeк адам в душу живу, послeднии адам в дух животворящь.
46 но не прежде духовное, но душевное, потом же духовное.
47 первыи человeк от земли, перстен. вторыи человек Господь с нбсе.
48 яков перстныи, такови и перстнии. и яков нбныи, тацы же и нбнии.
49 и якоже облекохомся во образ перстнаго, да облечемся и во образ нбнаго.
50 сие же глаголю, братие, яко плоть и кровь царствия Божия наслeдити не могут, ниже тлeние нетлeния наслeдствует.
51 се таину вам глаголю. вси бо не успнем, вси же измeнимся
52 вскорe, во мгновении ока, в послeднеи трубe. вострубит бо, и мертвии востанут нетлeнни, и мы измeнимся.
53 подобает бо тлeнному сему облещися в нетлeние, и мертвенному сему облещися в безсмертие.
54 егда же тлeнное сие облечется в нетлeние и смертное сие облечется в безсмертие, тогда будет слово написанное. пожерта бысть смерть побeдою.
55 гдe ти, смерте, жало, гдe ти, аде, побeда,
56 жало же смерти, грeх. сила же грeха, закон.
57 Богу же благодарение, давшему нам побeду Господем нашим Иисус Христом.
58 тeмже, братие моя возлюбленная, тверди бываите, непоступни, избыточествующе в дeлe Господни всегда, вeдяще, яко труд ваш нeсть тощь пред Господем.
1 о милостыни же, яже ко святым, якоже устроих церквам галатииским, тако и вы сотворяите.
2 по единeи от суббот кииждо вас да полагает у себе сохраняя, еже аще что благопоспeшится. да, не егда прииду, тогда собрания бывают.
3 егда же прииду, ихже аще искусите, с посланьми сих послю отнести благодать вашу во иерлим.
4 аще же достоино будет и мнe ити, со мною поидут.
5 прииду же к вам, егда македонию преиду. македонию бо прохожду.
6 у вас же, аще случится мнe, пребуду, или и озимeю, да вы мя проводите, аможе аще поиду.
7 не хощу бо вас нынe в мимохождении видeти. уповаю же время нeкое пребыти у вас, аще Господь повелит.
8 пребуду же во ефесe до пентикостии.
9 дверь бо ми отверзеся велика и поспeшна, и сопротивнии мнози.
10 аще же приидет тимофеи, блюдите, да без страха будет у вас. дeло бо Господне дeлает, якоже и аз.
11 да никтоже убо его уничижит. проводите же его с миром, да приидет ко мнe. жду бо его с братиею.
12 о аполлосe же братe. много молих его, да приидет к вам с братиею. и всяко не бe воля, да нынe приидет. приидет же, егда упразднится.
13 бодрствуите, стоите в вeрe, мужаитеся, утверждаитеся.
14 вся вам любовию да бывают.
15 молю же вы, братие. вeсте дом стефанинов, яко есть начаток ахаии, и в служение святым учиниша себе.
16 да и вы повинуитеся таковым и всякому споспeшствующу и труждающуся.
17 возрадовахся же о пришествии стефаниновe и фуртунатовe и ахаиковe, яко ваше лишение сии исполниша.
18 упокоиша бо мои дух и ваш. познаваите убо таковыя.
19 цeлуют вы церкви асииския. цeлуют вы о Господe много акила и прискилла с домашнею их церковию.
20 цeлуют вы братия вся. цeлуите друг друга лобзанием святым.
21 цeлование моею рукою павлею.
22 аще кто не любит Господа Иисуса Христа, да будет проклят, маран афа (Господь наш прииде. (сирскии глас).
23 благодать Господа нашего Иисуса Христа с вами,
24 и любы моя со всeми вами о Христe Иисусe. аминь.