1 Павел, посланник Иисус Христов волею Божиею, и тимофей брат, церкви Божией сущей в коринфe, со святыми всeми сущими во всей ахаии:
2 благодать вам и мир от Бога Отца нашего, и Господа Иисуса Христа.
3 Благословен Бог и Отец Господа нашего Иисуса Христа, Отец щедрот и Бог всякия утeхи,
4 утeшаяй нас о всяцeй скорби нашей, яко возмощи нам утeшити сущыя во всяцeй скорби, утeшением, имже утeшаемся сами от Бога.
5 Зане якоже избыточествуют страдания Христова в нас, тако Христом избыточествует и утeшение наше.
6 Аще ли же скорбим, о вашем утeшении и спасeнии, дeйствующемся в терпeнии тeхже страданий, яже и мы страждем:
7 и упование наше извeстно о вас. Аще ли утeшаемся, о вашем утeшении и спасeнии, вeдяще, зане якоже общницы есте страстем нашым, такожде и утeшению.
8 Не бо хощем вас, братие, не вeдeти о скорби нашей бывшей нам во асии, яко по премногу и паче силы отяготихомся, яко не надeятися нам и жити.
9 Но сами в себe осуждение смерти имeхом, да не надeющеся будем на ся, но на Бога возставляющаго мертвыя,
10 иже от толикия смерти избавил ны есть и избавляет, наньже и уповахом, яко и еще избавит,
11 споспeшествующым и вам по нас молитвою, да от многих лиц, еже в нас дарование, многими благодарится о вас (в нeкиих списках о нас).
12 Похваление бо наше сие есть, свидeтельство совeсти нашея, яко в простотe и чт(с)отe Божией, а не в мудрости плоти, но благодатию Божиею жихом в мирe, множае же у вас.
13 Не иная бо пишем вам, но яже чтете и разумeваете: уповаю же, яко и до конца уразумeете,
14 якоже и разумeсте нас от части, яко похваление вам есмы, якоже и вы нам, в день Господа нашего Иисуса Христа.
15 И сим упованием хотeх к вам приити прежде, да вторую благть имате,
16 и вами проити в македонию, и паки от македонии приити к вам, и вами проводитися во иудею.
17 Сие же хотя, еда что убо легкотою дeях? Или яже совeщаваю, по плоти совeщаваю, да будет у мене еже ей, ей, и еже ни, ни.
18 Вeрен же Бог, яко слово наше, еже к вам, не бысть ей и ни.
19 Ибо Божий Сын Иисус Христос, иже у вас нами проповeданный, мною и силуаном и тимофеем, не бысть ей и ни, но в нем самeм ей бысть:
20 елика бо обeтования Божия, в том ей и в том аминь: Богу к славe нами.
21 Извeствуяй же нас с вами во Христа и помазавый нас, Бог,
22 иже и запечатлe нас, и даде обручение духа в сердца наша.
23 Аз же свидeтеля Бога призываю на мою душу, яко щадя вас, ктому не приидох в коринф,
24 не яко обладаем вeрою вашею, но яко споспeшницы есмы вашей радости: вeрою бо стоите.
1 Судих же в себe сие, не паки скорбию к вам приити.
2 Аще бо аз скорбь творю вам, то кто есть веселяяй мя, точию приемляй скорбь от мене?
3 И писах вам сие истое, да не пришед скорбь на скорбь прииму, о нихже подобаше ми радоватися, надeяся на вся вы, яко моя радость всeх вас есть.
4 От печали бо многия и туги сердца написах вам многими слезами, не яко да оскорбитеся, но любовь да познаете, юже имам изобильно к вам.
5 Аще ли кто оскорбил мене, не мене оскорби, но от части, да не отягчу, всeх вас.
6 Довольно бо таковому запрещение сие, еже от многих:
7 тeмже сопротивное паче вы да даруете и утeшите, да не како многою скорбию пожерт будет таковый:
8 тeмже молю вы, утвердите к нему любовь.
9 На сие бо и писах, да разумeю искусство ваше, аще во всем послушливи есте.
10 Емуже аще что даруете, и аз: ибо аз аще что даровах, емуже даровах, вас ради, о лицы Иисус Христовe,
11 да не обидими будем от сатаны: Не не разумeваем бо умышлений его.
12 Пришед же в троаду во благовeстие Христово, и двери отверзенe ми бывшей о Господe,
13 не имeх покоя духу моему, не обрeтшу ми тита брата моего: но отрекся им (но цeловав их), изыдох в македонию.
14 Богу же благодарение, всегда побeдители нас творящему о Христe Иисусe и воню разума его являющу нами во всяцeм мeстe.
15 Яко Христово благоухание есмы Богови в спасаемых и в погибающих.
16 Овeм убо воня смертная в смерть, овeм же воня животная в живот. И к сим кто доволен?
17 нeсмы бо, якоже мнози, нечисто проповeдающии слово Божие, но яко от чт(с)оты, но яко от Бога, пред Богом, во Христe глаголем.
1 Зачинаем ли паки нас самeх извeщавати вам? Или требуем, якоже нeцыи, извeщавательных посланий к вам, или от вас извeстительных?
2 Послание бо наше вы есте, написаное в сердцах наших, знаемое и прочитаемое от всeх человeк:
3 являеми, яко есте послание Христово служеное нами, написано не чернилом, но духом Бога жива, не на скрижалех каменных, но на скрижалех сердца плотяных.
4 Надeяние же таково имамы Христом к Богу,
5 не яко довольни есмы от себе помыслити что, яко от себе, но доволство наше от Бога:
6 иже и удоволи нас служители быти нову завeту, не писмени, но духу: писмя бо убивает, а дух животворит.
7 Аще ли служение смерти писмены, образовано в каменех, бысть в славу, яко не мощи взирати сыном израилевым на лице моисеово, славы ради лица его престающия.
8 како не множае паче служение духа будет в славe?
9 Аще бо служение осуждения, слава, много паче избыточествует служение правды в славe.
10 Ибо не прославися прославленное в части сей, за превосходящую славу.
11 Аще бо престающее, славою: много паче пребывающее, в славe.
12 Имуще убо таково упование, многим дерзновением дeйствуем,
13 и не якоже моисей полагаше покрывало на лицы своем, за еже не мощи взирати сыном израилевым на конец престающаго.
14 Но ослeпишася помышления их: даже бо до сего дне тожде покрывало во чтении ветхаго завeта пребывает не откровено, зане о Христe престает.
15 Но даже до днесь, внегда чтется моисей, покрывало на сердцe их лежит:
16 внегда же обратятся ко Господу, взимается покрывало.
17 Господь же дух есть: а идeже дух Господень, ту свобода.
18 Мы же вси откровенным лицем славу Господню взирающе, в тойже образ преобразуемся от славы в славу, якоже от Господня духа.
1 Сего ради имуще служение сие, якоже помиловани быхом, не стужаем си:
2 но отрекохомся тайных срама, не в лукавствии ходяще, ни льстяще словесе Божия, но явлением истины представляюще себе ко всяцeй совeсти человeчестeй, пред Богом.
3 Аще ли же есть покровено благовeствование наше, в гибнущих есть покровено,
4 в нихже бог вeка сего ослeпи разумы невeрных, во еже не возсияти им свeту благовeствования славы Христовы, иже есть образ Бога невидимаго.
5 Не себе бо проповeдаем, но Христа Иисуса Господа: себе же самeх рабов вам Иисуса Господа ради:
6 яко Бог рекий из тмы свeту возсияти, иже возсия в сердцах наших, к просвeщению разума славы Божия о лицы Иисус Христовe.
7 Имамы же сокровище сие в скудельных сосудeх, да премножество силы будет Божия, а не от нас:
8 во всем скорбяще, но не стужающе си: нечаеми, но не отчаяваеми:
9 гоними, но не оставляеми: низлагаеми, но не погибающе:
10 всегда мертвость Господа Иисуса в тeлe носяще, да и живот Иисусов в тeлe нашем явится.
11 Присно бо мы живии в смерть предаемся Иисуса ради, да и живот Иисусов явится в мертвеннeй плоти нашей:
12 тeмже смерть убо в нас дeйствует, а живот в вас.
13 Имуще же тойже дух вeры, по писанному: вeровах, тeмже возглаголах: и мы вeруем, тeмже и глаголем,
14 вeдяще, яко воздвигий Господа Иисуса, и нас со Иисусом воздвигнет, и предпоставит с вами.
15 Вся бо вас ради, да благодать умножившаяся, множайшими благодарении избыточествит в славу Божию.
16 Тeмже не стужаем си: но аще и внeшний наш человeк тлeет, обаче внутренний обновляется по вся дни.
17 Еже бо нынe легкое печали нашея, по преумножению в преспeяние тяготу вeчныя славы содeловает нам,
18 не смотряющым нам видимых, но невидимых: видимая бо временна, невидимая же вeчна.
1 Вeмы бо, яко аще земная наша храмина тeла разорится, создание от Бога имамы, храмину нерукотворену, вeчну на небесeх.
2 Ибо о сем воздыхаем, в жилище наше небесное облещися желающе:
3 аще точию и облекшеся, не нази обрящемся.
4 Ибо сущии в тeлe сем воздыхаем отягчаеми, понеже не хощем совлещися, но пооблещися, да пожерто будет мертвенное животом.
5 Сотворивый же нас в сие истое Бог, иже и даде нам обручение духа.
6 Дерзающе убо всегда и вeдяще, яко живуще в тeлe отходим от Господа:
7 вeрою бо ходим, а не видeнием:
8 дерзаем же и благоволим паче отити от тeла и внити ко Господу:
9 тeмже и тщимся, аще входяще, аще отходяще, благоугодни ему быти:
10 всeм бо явитися нам подобает пред судищем Христовым, да приимет кийждо, яже с тeлом содeла, или блага, или зла.
11 Вeдуще убо страх Господень, человeки увeщаваем, Богови же явлени есмы: уповаем же, яко и в совeстех ваших явлени есмы.
12 Не паки бо себе хвалим пред вами, но вину даем вам похвалению о нас, да имате к хвалящымся в лицы, а не в сердцы.
13 Аще бо изумихомся, Богови: аще ли цeломудрствуем, вам.
14 Ибо любы Божия обдержит нас суждших сие: яко аще един за всeх умре, то убо вси умроша.
15 Христос же за всeх умре, да живущии не ктому себe живут, но умершему за них и воскресшему.
16 Тeмже и мы отнынe ни единаго вeмы по плоти: аще же и разумeхом по плоти Христа, но нынe ктому не разумeем.
17 Тeмже аще кто во Христe, нова тварь: древняя мимоидоша, се быша вся нова:
18 Всяческая же от Бога, примирившаго нас себe Иисус Христом и давшаго нам служение примирения:
19 зане Бог бe во Христe мир примиряя себe, не вмeняя им согрeшений их и положив в нас слово примирения.
20 По Христe убо молим (посолствуем), яко Богу молящу нами, молим по Христe: примиритеся с Богом.
21 Не вeдeвшаго бо грeха по нас грeх сотвори, да мы будем правда Божия о нем.
1 Споспeшествующе же и молим, не вотще благодать Божию прияти вам.
2 Глаголет бо: во время приятно послушах тебе, и в день спасeния помогох ти. Се нынe время благоприятно, се нынe день спасeния.
3 Ни едино ни в чемже дающе претыкание, да служение безпорочно будет,
4 но во всем представляюще себе якоже Божия слуги, в терпeнии мнозe, в скорбех, в бeдах, в тeснотах,
5 в ранах, в темницах, в нестроениих, в трудeх, во бдeниих, в пощениих,
6 во очищении, в разумe, в долготерпeнии, в благости, в дусe святe, в любви нелицемeрнe,
7 в словеси истины, в силe Божией, оружии правды десными и шуими,
8 славою и безчестием, гаждением и благохвалением: яко лестцы, и истинни:
9 яко незнаеми, и познаваеми: яко умирающе, и се живи есмы: яко наказуеми, а не умерщвляеми:
10 яко скорбяще, присно же радующеся: яко нищи, а многи богатяще: яко ничтоже имуще, а вся содержаще.
11 Уста наша отверзошася к вам, коринфяне, сердце наше распространися.
12 Не тeсно вмeщаетеся в нас, утeсняетеся же во утробах ваших.
13 Тожде же возмездие, якоже чадом глаголю, распространитеся и вы.
14 Не бывайте удобь преложни ко иному ярму, якоже невeрнии (не бывайте преложни ко иному ярму невeрных). Кое бо причастие правдe к беззаконию? Или кое общение свeту ко тьмe?
15 Кое же согласие Христови с велиаром? Или кая часть вeрну с невeрным?
16 Или кое сложение церкви Божией со идолы? Вы бо есте церкви Бога жива, якоже рече Бог: яко вселюся в них и похожду, и буду им Бог, и тии будут мнe людие.
17 Тeмже изыдите от среды их и отлучитеся, глаголет Господь, и нечистотe не прикасайтеся, и аз прииму вы:
18 и буду вам во Отца, и вы будете мнe в сыны и дщери, глаголет Господь вседержитель.
1 Сицева убо имуще обeтования, о возлюбленнии, очистим себе от всякия скверны плоти и духа, творяще святыню в страсe Божии.
2 Вмeстите ны: ни единаго обидeхом, ни единаго истлихом, ни единаго лихоимствовахом.
3 Не на осуждение глаголю: прежде бо рeх, яко в сердцах наших есте, во еже умрети с вами и сожити.
4 Много ми дерзновение к вам, многа ми похвала о вас: исполнихся утeхи, преизбыточествую радостию о всяцeй печали нашей.
5 Ибо пришедшым нам в македонию, ни единаго имe покоя плоть наша, но во всем скорбяще: внeуду брани, внутрьуду боязни.
6 Но утeшаяй смиренныя, утeши нас Бог пришествием титовым,
7 не токмо же пришествием его, но и утeшением, имже утeшися о вас, повeдая нам ваше желание, ваше рыдание, вашу ревность по мнe, яко ми паче возрадоватися.
8 Яко аще и оскорбих вас посланием, не раскаюся, аще и раскаял бых ся: вижду бо, яко послание оно, аще и к часу, оскорби вас.
9 Нынe радуюся, не яко скорбни бысте, но яко оскорбистеся в покаяние: оскорбeсте бо по Бозe, да ни в чемже отщетитеся от нас.
10 Печаль бо, яже по Бозe, покаяние нераскаянно во спасeние содeловает, а сего мира печаль смерть содeловает.
11 Се бо сие самое, еже по Бозe оскорбитися вам, колико содeла в вас тщание? но отвeт? но негодование, но страх, но вожделeние, но ревность, но отмщение? Во всем представисте себе чисты быти в вещи.
12 Аще бо и писах вам, не обидeвшаго ради, ниже обидимаго ради, но за еже явитися в вас тщанию нашему, еже о вас пред Богом.
13 Сего ради утeшихомся о утeшении вашем: лишше же паче возрадовахомся о радости титовe, яко покоися дух его от всeх вас:
14 яко аще что ему о вас похвалихся, не посрамихся: но яко вся воистинну глаголахом вам, тако и похваление наше, еже к титу, истинно бысть:
15 и утроба его излиха к вам есть, воспоминающаго всeх вас послушание, яко со страхом и трепетом приясте его.
16 Радуюся убо, яко во всем дерзаю в вас.
1 Сказуем же вам, братие, благодать Божию, данную в церквах македонских:
2 яко во мнозeм искушении скорбей избыток радости их, и яже во глубинe нищета их избыточествова в богатство простоты их:
3 яко по силe их, свидeтельствую, и паче силы доброхотни,
4 со многим молением моляще нас, благодать и общение служения, еже ко святым, прияти нам:
5 и не якоже надeяхомся, но себе вдаша первeе Господеви, и нам волею Божиею:
6 во еже умолити нам тита, да якоже прежде начат, такожде и скончает в вас и благодать сию.
7 Но якоже во всем избыточествуете, вeрою и словом, и разумом, и всяцeм тщанием, и любовию, яже от вас к нам, да и в сей благодати избыточествуете.
8 Не по повелeнию глаголю, но за иных тщание и вашея любве истинное искушая.
9 Вeсте бо благодать Господа нашего Иисуса Христа, яко вас ради обнища богат сый, да вы нищетою его обогатитеся.
10 И совeт даю о сем: се бо вам есть на пользу, иже не точию, еже творити, но и еже хотeти, прежде начасте от прешедшаго лeта.
11 Нынe же и сие творити скончайте, да якоже бысть усердие хотeти, тако будет и исполнити от сего, еже имате.
12 Аще бо усердие предлежит, по елику аще кто имать, благоприятен есть, а не по елику не имать.
13 Не бо да иным убо отрада, вам же скорбь: но по изравнению.
14 В нынeшнее время ваше избыточествие во онeх лишение, да и онeх избыток будет в ваше лишение, яко да будет равенство,
15 якоже есть писано: иже многое, не преумножил есть: и иже малое, не умалил (не преизбыточествова, иже много: и иже мало, не мнeе прият).
16 Благодарение же Богови, давшему тожде тщание о вас в сердце титово:
17 яко моление убо прият, тщаливeйший же сый, своею волею изыде к вам.
18 Послахом же с ним и брата, егоже похвала во евлии по всeм церквам:
19 не точию же, но и освящен от церквей с нами ходити, со благодатию сею, служимою нами к самого Господа славe и усердию вашему:
20 блюдущеся того, да не кто нас поречет во обилии сем служимeм нами:
21 промышляюще добрая не токмо пред Богом, но и пред человeки.
22 Послахом же с ними и брата нашего, егоже искусихом во многих многащи встанлива (многажды тщательна) суща, нынe же зeло встанливeйша (множае тщательнeйша), надeянием многим на вас.
23 Аще ли же о титe, общник мнe и к вам споспeшник: аще ли братия наша, посланницы церквей, слава Христова.
24 Показание убо любве вашея и нашего хваления о вас, к ним покажите, и в лице церквей.
1 О службe бо, яже ко святым, лишше ми есть писати вам,
2 вeм бо усердие ваше, имже о вас хвалюся македоняном, яко ахаиа приготовися от мимошедшаго лeта: и яже от вас ревность раздражи множайших.
3 Послах же братию, да не похваление наше, еже о вас, испразднится в части сей, но да, якоже глаголах, приготовани будете:
4 да не како, аще приидут со мною македоняне и обрящут вас неприготованных, постыдимся мы, да не глаголем вы, в части сей похваления.
5 Потребно убо умыслих умолити братию, да прежде приидут к вам и предуготовят прежде возвeщенное благословение ваше, сие готово быти тако, якоже благословение, а не яко лихоимство.
6 Се же глаголю: сeяй скудостию, скудостию и пожнет: а сeяй о благословении, о благословении и пожнет.
7 Кийждо якоже изволение имать сердцем, не от скорби, ни от нужды: доброхотна бо дателя любит Бог.
8 Силен же Бог всяку благодать изобиловати в вас, да о всем всегда всяко довольство имуще, избыточествуете во всяко дeло благо,
9 якоже есть писано: расточи, даде убогим: правда его пребывает во вeк вeка.
10 Даяй же сeмя сeющему и хлeб в снeдь, да подаст и умножит сeмя ваше, и да возрастит жита правды вашея,
11 да о всем богатящеся во всяку простоту, яже содeвает нами благодарение Богу.
12 Яко работа сего служения не токмо есть исполняющая лишения святых, но и избыточествующая многими благодареньми Богови:
13 искушением служения сего славяще Бога о покорении исповeдания вашего в благовeствовании Христовe, и о простотe сообщения к ним и ко всeм,
14 и о тeх молитвe о вас, возжелeющих вас за премногую благодать Божию на вас.
15 Благодарение же Богови о неисповeдимeм его дарe.
1 Сам же аз павел молю вы кротостию и тихостию Христовою, иже в лице убо смирен в вас, не сый же у вас дерзаю в вас.
2 Молю же, да не присущ дерзаю надeянием, имже помышляю смeти на нeкия непщующыя нас яко по плоти ходящих.
3 Во плоти бо ходяще, не по плоти воинствуем:
4 оружия бо воинства нашего не плотская, но сильна Богом на разорение твердем: помышления низлагающе,
5 и всяко возношение взимающееся на разум Божий, и плeняюще всяк разум в послушание Христово,
6 и в готовости имуще отмстити всяко преслушание, егда исполнится ваше послушание.
7 Яже ли пред лицем, зрите? Аще кто надeется себе Христова быти, да помышляет паки от себе, зане, якоже он Христов, такожде и мы Христовы.
8 Аще бо и лишше что похвалюся о власти нашей, юже даде нам Господь в создание, а не на разорение ваше, не постыжуся.
9 Но да не явлюся, яко страшя вас посланьми.
10 Яко послания убо, рече, тяжка и крeпка, а пришествие тeла немощно, и слово уничиженно:
11 сие да помышляет таковый, яко яцы же есмы словом посланий, отстояще, таковии и ту суще есмы дeлом.
12 Не смeем бо судити (присовокупляти), или прикладовати себе иным хвалящым себе самeх: но сами в себe себе измeряюще, и прилагающе себе самим себe, не разумeвают.
13 Мы же не в безмeрная похвалимся, но по мeрe правила, егоже раздeли нам Бог мeру, достизати даже и до вас.
14 Не яко бо не досяжуще до вас, паче простираем себе, даже бо и до вас достигохом благовeстием Христовым:
15 не в безмeрная хвалящеся в чуждих трудeх, упование же имуще, растущей вeрe вашей, в вас величатися по правилу нашему изобильно,
16 во еже и в дальших вас странах благовeстити, не чужим правилом в готовых похвалитися.
17 Хваляйся же, о Господe да хвалится:
18 не хваляй бо себе сей искусен, но егоже Бог восхваляет.
1 О, да бысте мало потерпeли безумию моему! Но и потерпите мя.
2 Ревную бо по вас Божиею ревностию: обручих бо вас единому мужу дeву чисту представити Христови.
3 Боюся же, да не како, якоже змий еву прельсти лукавством своим, тако истлeют и разумы ваши от простоты, яже о Христe.
4 Аще бо грядый инаго Иисуса проповeдает, егоже не проповeдахом, или духа инаго приемлете, егоже не приясте, или благовeствование ино, еже не приясте, добрe бысте потерпeли.
5 Непщую бо ничимже лишитися предних апостол:
6 аще бо и невeжда словом, но не разумом: но вездe явльшеся о всем в вас (но во всем явленни есмы во всeх к вам).
7 Или грeх сотворих себе смиряя, да вы вознесетеся, яко туне Божие благовeствование благовeстих вам?
8 От иных церквей уях, приим оброк к вашему служению: и пришед к вам, и в скудости быв, не стужих ни единому:
9 скудость бо мою исполниша братия, пришедше от македонии: и во всем без стужения вам себе соблюдох и соблюду.
10 Есть истина Христова во мнe, яко похваление сие не заградится о мнe в странах ахайских.
11 Почто? зане не люблю ли вас? Бог вeсть. А еже творю, и сотворю,
12 да отсeку вину хотящым вины, да, о немже хвалятся, обрящутся якоже и мы.
13 Таковии бо лживи апостоли, дeлателе льстивии, преобразующеся во апостолы Христовы.
14 И не дивно: сам бо сатана преобразуется во ангела свeтла:
15 не велие убо, аще и служителие его преобразуются яко служители правды: имже кончина будет по дeлом их.
16 Паки глаголю: да никтоже мнит мя безумна быти: аще ли ни, поне яко безумна приимите мя, да и аз мало что похвалюся.
17 А еже глаголю, не глаголю по Господe, но яко в безумии в сей части похвалы:
18 понеже мнози хвалятся по плоти, и аз похвалюся.
19 Любезно бо приемлете безумныя, мудри суще:
20 приемлете бо, аще кто вас порабощает, аще кто поядает, аще кто не влeпоту проторит (отемлет), аще кто по лицу биет вы, аще кто величается.
21 По досаждению глаголю, зане аки мы изнемогохом. О немже аще дерзает кто, несмысленно глаголю, дерзаю и аз.
22 Еврее ли суть? и аз. Израилите ли суть? и аз. Сeмя авраамле ли суть? и аз.
23 Служителие ли Христовы суть? не в мудрости глаголю, паче аз. В трудeх множае, в ранах преболe, в темницах излиха, в смертех многащи.
24 От иудей пять краты четыредесять развe единыя приях:
25 трищи палицами биен бых, единою каменьми наметан бых, трикраты корабль опровержеся со мною: нощь и день во глубинe сотворих:
26 в путных шествиих множицею: бeды в рeках, бeды от разбойник, бeды от сродник, бeды от язык, бeды во градeх, бeды в пустыни, бeды в мори, бeды во лжебратии:
27 в трудe и подвизe, во бдeниих множицею, во алчбe и жажди, в пощениих многащи, в зимe и наготe.
28 Кромe внeшних, нападение еже по вся дни, и попечение всeх церквей.
29 Кто изнемогает, и не изнемогаю? Кто соблазняется, и аз не разжизаюся?
30 Аще хвалитися ми подобает, о немощи моей похвалюся.
31 Бог и Отец Господа нашего Иисуса Христа вeсть, сый благословен во вeки, яко не лгу.
32 В дамасцe языческий князь арефы царя стрежаше дамаск град, яти мя хотя: и оконцем в кошницe свeшен бых по стeнe, и избeгох из руку его.
1 Похвалитися же не пользует ми: прииду бо в видeния и откровения Господня.
2 Вeм человeка о Христe, прежде лeт четыренадесяти: аще в тeлe, не вeм, аще ли кромe тeла, не вeм, Бог вeсть: восхищена бывша таковаго до третияго небесе.
3 И вeм такова человeка: аще в тeлe, или кромe тeла, не вeм: Бог вeсть:
4 яко восхищен бысть в рай, и слыша неизрeченны глаголы, ихже не лeть есть человeку глаголати.
5 О таковeм похвалюся: о себe же не похвалюся, токмо о немощех моих.
6 Аще бо восхощу похвалитися, не буду безумен, истину бо реку: щажду же, да не како кто вознепщует о мнe паче, еже видит мя, или слышит что от мене.
7 И за премногая откровения да не превозношуся, дадеся ми пакостник плоти, аггел сатанин, да ми пакости дeет, да не превозношуся.
8 О сем трикраты Господа молих, да отступит от мене,
9 и рече ми: довлeет ти благодать моя: сила бо моя в немощи совершается. Сладцe убо похвалюся паче в немощех моих, да вселится в мя сила Христова.
10 Тeмже благоволю в немощех, в досаждениих, в бeдах, во изгнаниих, в тeснотах по Христe: егда бо немощствую, тогда силен есмь.
11 Бых несмыслен хваляся: вы мя понудисте. Аз бо должен бeх от вас хвалимь бывати: ничимже бо лишихся первeйших апостол, аще и ничтоже есмь:
12 знамения бо апостолова содeяшася в вас во всяцeм терпeнии, в знамениих и чудесeх и силах.
13 Что бо есть, егоже лишистеся паче прочих церквей, развe точию яко аз сам не стужих вам? Дадите ми неправду сию.
14 Се третие готов есмь приити к вам, и не стужу вам: не ищу бо ваших, но вас. Не должна бо суть чада родителем снискати имeния, но родителе чадом.
15 Аз же в сладость иждиву и иждивен буду по душах ваших, аще и излишше вас любя, менше любимь есмь.
16 Буди же, аз не отягчих вас, но коварен сый, лестию вас приях.
17 Еда коим от посланных к вам лихоимствовах вас?
18 Умолих тита, и с ним послах брата: еда лихоимствова чим вас тит? не тeмже ли духом ходихома? не тeмиже ли стопами?
19 Паки ли мните, яко отвeт вам творим? Пред Богом, о Христe глаголем: вся же, возлюбленнии, о вашем созидании и утверждении.
20 Боюся же, еда како пришед, не яцeх же хощу, обрящу вас, и аз обрящуся вам, якова же не хощете: да не како будут рвения, зависти, ярости, рети, клеветы, шептания, кичения, нестроения:
21 да не паки пришедша мя смирит Бог мой у вас, и восплачуся многих прежде согрeшших и не покаявшихся о нечистотe и блужении и студоложствии, яже содeяша.
1 Третицею се гряду к вам: при устeх двою или триех свидeтелей станет всяк глагол.
2 Прежде рeх и предглаголю, яко у вас быв второе, и отсутствуя нынe пишу прежде согрeшившым и прочым всeм, яко аще прииду паки, не пощажду:
3 понеже искушения ищете глаголющаго во мнe Христа, иже в вас не изнемогает, но может в вас:
4 ибо аще и распят бысть от немощи, но жив есть от силы Божия: ибо и мы немощствуем в нем, но живи будем с ним от силы Божия в вас:
5 Себе искушайте, аще есте в вeрe: себе искушайте. Или не знаете себе, яко Иисус Христос в вас есть? Развe точию чим неискусни есте.
6 Уповаю же, яко разумeти имате, яко мы нeсмы неискусни.
7 Молимся же к Богу, не сотворити вам ни единаго зла, не яко да мы искусни явимся, но да вы доброе сотворите, мы же яко неискусни будем.
8 Ничтоже бо можем на истину, но по истинe.
9 Радуемся бо, егда мы немощствуем, вы же сильни бываете: о сем же и молимся, о вашем совершении.
10 Сего ради не сый у вас сия пишу, да не пришед безщадно сотворю по власти, юже Господь дал ми есть в создание, а не на разорение.
11 Прочее же, братие, радуйтеся, совершайтеся, утeшайтеся, тожде мудрствуйте, мир имeйте. И Бог любве и мира будет с вами.
12 Цeлуйте друг друга лобзанием святым.
13 Цeлуют вы святии вси.
14 Благодать Господа нашего Иисуса Христа, и любы Бога и оца, и общение святаго духа со всeми вами. Аминь.