1 Павел, апостол ни от человeк, ни человeком, но Иисус Христом и Богом Отцем воскресившим его из мертвых,
2 и иже со мною вся братия, церквам галатийским:
3 благодать вам и мир от Бога Отца и Господа нашего Иисуса Христа,
4 давшаго себе по грeсeх наших, яко да избавит нас от настоящаго вeка лукаваго, по воли Бога и Отца нашего,
5 емуже слава во вeки вeков. Аминь.
6 Чуждуся, яко тако скоро прелагаетеся от звавшаго вы благодатию Христовою, во ино благовeствование:
7 еже нeсть ино, точию нeцыи суть смущающии вы и хотящии превратити благовeствование Христово.
8 Но и аще мы, или ангел с небесе благовeстит вам паче, еже благовeстихом вам, анафема да будет.
9 Якоже предрекохом, и нынe паки глаголю: аще кто вам благовeстит паче, еже приясте, анафема да будет.
10 Нынe бо человeки препираю, или Бога, или ищу человeком угождати? Аще бо бых еще человeком угождал, Христов раб не бых убо был.
11 Сказую же вам, братие, благовeствование благовeщенное от мене, яко нeсть по человeку:
12 ни бо аз от человeка приях е, ниже научихся, но явлением Иисус Христовым.
13 Слышасте бо мое житие иногда в жидовствe, яко по премногу гоних церковь Божию и разрушах ю,
14 и преспeвах в жидовствe паче многих сверстник моих в родe моем, излиха ревнитель сый отеческих моих преданий.
15 Егда же благоволи Бог, избравый мя от чрева матере моея и призвавый благодатию своею,
16 явити Сына своего во мнe, да благовeствую его во языцeх, абие не приложихся плоти и крови,
17 ни взыдох во иерусалим к первeйшым мене апостолом, но идох во аравию, и паки возвратихся в дамаск.
18 Потом же по триех лeтeх взыдох во иерусалим соглядати петра, и пребых у него дний пятьнадесять.
19 Иного же от апостол не видeх, токмо иакова брата Господня.
20 А яже пишу вам, се пред Богом, яко не лгу.
21 Потом же приидох в страны сирския и киликийския.
22 Бeх же не знаемь лицем церквам иудейским, яже о Христe,
23 точию же слышаще бяху, яко гоняй нас иногда, нынe благовeствует вeру, юже иногда разрушаше:
24 и славляху о мнe Бога.
1 Потом же по четыренадесяти лeтeх паки взыдох во иерусалим с варнавою, поем с собою и тита.
2 Взыдох же по откровению, и предложих им благовeствование, еже проповeдую во языцeх, наединe же мнимым, да не како вотще теку, или текох.
3 Но ни тит, иже со мною, еллин сый, нужден бысть обрeзатися.
4 И за пришедшую лжебратию, иже привнидоша соглядати свободы нашея, юже имамы о Христe Иисусe, да нас поработят:
5 имже ни к часу повинухомся в покорение, да истина благовeстия пребудет в вас.
6 От мнящихся же быти что, якови нeкогда бeша, ничтоже ми разнствует: лица Бог человeча не приемлет. Мнe бо мнимии ничтоже привозложиша:
7 но сопротивное, уразумeвше, яко увeрено ми бысть благовeстие необрeзания, якоже петру обрeзания:
8 ибо споспeшествовавый петру в послание обрeзания, споспeшествова и мнe во языки:
9 и познавше благодать данную ми, иаков и кифа и иоанн, мнимии столпи быти, десницы даша мнe и варнавe общения, да мы во языки, они же во обрeзание,
10 точию нищих да помнима: еже и потщахся сие истое сотворити.
11 Егда же прииде петр во антиохию, в лице ему противустах, яко зазорен бe.
12 Прежде бо даже не приити нeким от иакова, с языки ядяше: егда же приидоша, опряташеся и отлучашеся, бояся сущих от обрeзания.
13 И лицемeришася с ним и прочии иудеи, яко и варнавe пристати лицемeрству их.
14 Но егда видeх, яко не право ходят ко истинe благовeствования, рекох петру пред всeми: аще ты, иудей сый, язычески, а не иудейски живеши, почто языки нудиши иудейски жительствовати?
15 Мы естеством иудее, а не от язык грeшницы:
16 увeдeвше же, яко не оправдится человeк от дeл закона, но токмо вeрою Иисус Христовою, и мы во Христа Иисуса вeровахом, да оправдимся от вeры Христовы, а не от дeл закона: зане не оправдится от дeл закона всяка плоть.
17 Аще ли, ищуще оправдитися о Христe, обрeтохомся и сами грeшницы, Христос убо грeху ли служитель? Да не будет.
18 Аще бо, яже разорих, сия паки созидаю, преступника себе представляю.
19 Аз бо законом закону умрох, да Богови жив буду. Христови сраспяхся:
20 живу же не ктому аз, но живет во мнe Христос. А еже нынe живу во плоти, вeрою живу Сына Божия, возлюбившаго мене и предавшаго себе по мнe.
21 Не отметаю благодати Божия. Аще бо законом правда, убо Христос туне умре.
1 Q несмысленнии галате, кто вы прельстил есть не покоритися истинe, имже пред очима Иисус Христос преднаписан бысть, в вас распят?
2 Сие едино хощу увeдeти от вас: от дeл ли закона духа приясте, или от слуха вeры?
3 Тако ли несмысленни есте? наченше духом, нынe плотию скончаваете?
4 Толика пострадасте туне? Аще точию и туне.
5 Подаяй убо вам духа и дeйствуяй силы в вас, от дeл ли закона, или от слуха вeры?
6 Якоже авраам вeрова Богу, и вмeнися ему в правду.
7 Разумeйте убо, яко сущии от вeры, сии суть сынове авраамли.
8 Предувидeвшее же писание, яко от вeры оправдает языки Бог, прежде благовeствова аврааму, яко благословятся о тебe вси языцы.
9 Тeмже сущии от вeры, благословятся с вeрным авраамом:
10 елицы бо от дeл закона суть, под клятвою суть. Писано бо есть: проклят всяк, иже не пребудет во всeх писанных в книзe законнeй, яко творити я.
11 А яко в законe никтоже оправдается от Бога, явe, яко праведный от вeры жив будет.
12 Закон же нeсть от вeры: но сотворивый та человeк жив будет в них.
13 Христос ны искупил есть от клятвы законныя, быв по нас клятва: писано бо есть: проклят всяк висяй на древe:
14 да в языцeх благословение авраамле будет о Христe Иисусe, да обeтование духа приимем вeрою.
15 Братие, по человeку глаголю: обаче человeческаго предутвержденна завeта никтоже отметает или приповелeвает.
16 Аврааму же речени быша обeты, и сeмени его. Не глаголет же: и сeменем, яко о мнозeх, но яко о едином: и сeмени твоему, иже есть Христос.
17 Сие же глаголю, завeта предутвержденнаго от Бога во Христа, бывый по лeтeх четыриста и тридесятих закон не отметает, во еже разорити обeтование.
18 Аще бо от закона наслeдие, не ктому уже от обeтования: аврааму же обeтованием дарова Бог.
19 Что убо закон? Преступлений ради приложися, дондеже приидет сeмя, емуже обeтовася, вчинен ангелы, рукою ходатая.
20 Ходатай же единаго нeсть, Бог же един есть.
21 Закон ли убо противу обeтованием Божиим? Да не будет. Аще бо дан бысть закон могий оживити, воистинну от закона бы была правда:
22 но затвори писание всeх под грeхом, да обeтование от вeры Иисус Христовы дастся вeрующым.
23 Прежде же пришествия вeры, под законом стрегоми бeхом, затворени в хотящую вeру открытися.
24 Тeмже закон пeстун нам бысть во Христа, да от вeры оправдимся:
25 пришедшей же вeрe, уже не под пeстуном есмы.
26 Вси бо вы Сынове Божии есте вeрою о Христe Иисусe:
27 елицы бо во Христа крестистеся, во Христа облекостеся.
28 Нeсть иудей, ни еллин: нeсть раб, ни свободь: нeсть мужеский пол, ни женский: вси бо вы едино есте о Христe Иисусe.
29 Аще ли вы Христовы, убо авраамле сeмя есте, и по обeтованию наслeдницы.
1 Глаголю же: в елико время наслeдник млад есть, ничимже лучший есть раба, господь сый всeх:
2 но под повелители и приставники есть даже до нарока отча.
3 Такожде и мы, егда бeхом млади, под стихиами бeхом мира порабощени:
4 Егда же прииде кончина лeта, посла Бог Сына своего единороднаго, раждаемаго от жены, бываема под законом,
5 да подзаконныя искупит, да всыновление восприимем.
6 И понеже есте Сынове, посла Бог духа Сына своего в сердца ваша, вопиюща: авва Отче.
7 Тeмже уже нeси раб, но сын: аще ли же сын, и наслeдник Божий Иисус Христом.
8 Но тогда убо, не вeдуще Бога, служисте не по естеству сущым богом:
9 нынe же, познавше Бога, паче же познани бывше от Бога, како возвращаетеся паки на немощныя и худыя стихии, имже паки свыше (вспять) служити хощете?
10 дни смотряете, и мeсяцы, и времена, и лeта.
11 Боюся о вас, еда како всуе трудихся в вас.
12 Будите якоже аз, зане и аз, якоже вы: братие, молю вы. Ничимже мене обидeсте:
13 вeсте же, яко за немощь плоти благовeстих вам первeе.
14 и искушения моего, еже во плоти моей, не уничижисте, ни оплевасте, но якоже ангела Божия приясте мя, яко Христа Иисуса.
15 Кое убо бяше блаженство ваше, свидeтельствую бо вам, яко, аще бы было мощно, очеса ваша извертeвше дали бысте ми.
16 Тeмже враг вам бых, истину вам глаголя?
17 Ревнуют по вас не добрe, но отлучити вас хотят, да им ревнуете.
18 Добро же, еже ревновати всегда в добрeм, и не точию внегда приходити ми к вам.
19 Чадца моя, имиже паки болeзную, дондеже вообразится Христос в вас:
20 хотeл же бых приити к вам нынe и измeнити глас мой, яко не домышляюся о вас.
21 Глаголите ми, иже под законом хощете быти: закона ли не слушаете?
22 Писано бо есть, яко авраам два сына имe: единаго от рабы, а другаго от свободныя.
23 Но иже от рабы, по плоти родися: а иже от свободныя, по обeтованию.
24 Яже суть иносказаема: сия бо еста два завeта: един убо от горы синайския, в работу раждаяй, иже есть агарь:
25 агарь бо, сина гора есть во аравии, прилагается же нынeшнему иерусалиму, работает же с чады своими:
26 а вышний иерусалим свободь есть, иже есть мати всeм нам.
27 Писано бо есть: возвеселися, неплоды, не раждающая: расторгни и возопи, неболящая: яко многа чада пустыя паче, нежели имущия мужа.
28 Мы же, братие, по исааку обeтования чада есмы.
29 Но якоже тогда по плоти родивыйся гоняше духовнаго, тако и нынe.
30 Но что глаголет писание? Изжени рабу и сына ея, не имать бо наслeдовати сын рабынин с сыном свободныя.
31 Тeмже, братие, нeсмы рабынина чада, но свободныя.
1 Свободою убо, еюже Христос нас свободи, стойте, и не паки под игом работы держитеся.
2 Се аз павел глаголю вам, яко аще обрeзаетеся, Христос вас ничтоже пользует.
3 Свидeтельствую же паки всякому человeку обрeзающемуся, яко должен есть весь закон творити.
4 Упразднистеся от Христа, иже законом оправдаетеся, от благодати отпадосте:
5 мы бо духом от вeры упования правды ждем.
6 О Христe бо Иисусe ни обрeзание что может, ни необрeзание, но вeра любовию поспeшествуема.
7 Течасте добрe: кто вам возбрани не покарятися истинe?
8 Препрeние не от призвавшаго вы.
9 Мал квас все смeшение квасит.
10 Аз надeюся о вас в Господe, яко ничтоже ино разумeти будете: смущаяй же вас понесет грeх, кто бы ни был.
11 Аз же, братие, аще обрeзание еще проповeдую, почто еще гонимь есмь? убо упразднися соблазн креста.
12 Q, дабы отсeчени были развращающии вас.
13 Вы бо на свободу звани бысте, братие: точию да не свобода ваша в вину плоти, но любовию работайте друг другу.
14 Ибо вес закон в единeм словеси исполняется, во еже: возлюбиши ближняго твоего якоже себе.
15 Аще же друг друга угрызаете и снeдаете, блюдитеся, да не друг от друга истреблени будете.
16 Глаголю же: духом ходите, и похоти плотския не совершайте:
17 плоть бо похотствует на духа, дух же на плоть: сия же друг другу противятся, да не яже хощете, сия творите.
18 Аще ли духом водими есте, нeсте под законом.
19 Явлена же суть дeла плотская, яже суть прелюбодeяние, блуд, нечистота, студодeяние,
20 идолослужение, чародeяния, вражды, рвения, завиды, ярости, разжжения, распри, соблазны, ереси,
21 зависти, убийства, пиянства, безчинни кличи и подобная сим: яже предглаголю вам, якоже и предрекох, яко таковая творящии царствия Божия не наслeдят.
22 Плод же духовный есть любы, радость, мир, долготерпeние, благость, милосердие, вeра,
23 кротость, воздержание: на таковых нeсть закона.
24 А иже Христовы суть, плоть распяша со страстьми и похотьми.
25 Аще живем духом, духом и да ходим.
26 Не бываим тщеславни, друг друга раздражающе, друг другу завидяще.
1 Братие, аще и впадет человeк в нeкое прегрeшение, вы духовнии исправляйте таковаго духом кротости: блюдый себе, да не и ты искушен будеши.
2 Друг друга тяготы носите, и тако исполните закон Христов.
3 Аще бо кто мнит себе быти что, ничтоже сый, умом льстит себе.
4 Дeло же свое да искушает кийждо, и тогда в себe точию хваление да имать, а не во инeм:
5 кийждо бо свое бремя понесет.
6 Да общается же учяйся словеси учащему во всeх благих.
7 Не льститеся: Бог поругаемь не бывает. Еже бо аще сeет человeк, тожде и пожнет:
8 яко сeяи в плоть свою, от плоти пожнет истлeние: а сeяи в дух, от духа пожнет живот вeчный.
9 Доброе же творяще, да не стужаем си: во время бо свое пожнем, не ослабeюще.
10 Тeмже убо, дондеже время имамы, да дeлаим благое ко всeм, паче же к присным в вeрe.
11 Видите, колицeми книгами писах вам моею рукою.
12 Елицы хотят хвалитися по плоти, сии нудят вы обрeзатися, точию да не креста ради Христова гоними будут:
13 ни бо обрeзающиися сами закон хранят, но хотят вам обрeзоватися, да в вашей плоти похвалятся:
14 мнe же да не будет хвалитися, токмо о крестe Господа нашего Иисуса Христа, имже мнe мир распятся, и аз миру.
15 О Христe бо Иисусe ни обрeзание что может, ни необрeзание, но нова тварь.
16 И елицы правилом сим жительствуют, мир на них и милость, и на израили Божии.
17 Прочее, труды да никтоже ми дает: аз бо язвы Господа Иисуса на тeлe моем ношу.
18 Благодать Господа нашего Иисуса Христа со духом вашим, братие. Аминь.