1 Павел и тимофей, раби Иисус Христовы, всeм святым о Христe Иисусe сущым в филиппeх, с епископы и диаконы:
2 благодать вам и мир от Бога Отца нашего и Господа Иисуса Христа.
3 Благодарю Бога моего о всей памяти вашей,
4 всегда во всяцeй молитвe моей за всeх вас с радостию молитву мою творя,
5 о общении вашем в благовeствование от перваго дне даже и донынe,
6 надeявся на сие истое, яко начный дeло благо в вас совершит е даже до дне Иисус Христова:
7 якоже есть праведно мнe сие мудрствовати о всeх вас, за еже имeти ми в сердцы вас, во узах моих и во отвeтe и извeщении благовeстия, сообщников мнe благодати всeх вас сущих.
8 Свидeтель бо ми есть Бог, яко люблю всeх вас по милости Иисус Христовe (утробою Иисус Христовою):
9 и о сем молюся, да любовь ваша еще паче и паче избыточествует в разумe и во всяцeм чувствии,
10 во еже искушати вам лучшая, да будете чисти и непреткновенни в день Христов,
11 исполнени плодов правды Иисус Христом, в славу и похвалу Божию.
12 Разумeти же хощу вам, братие, яко яже о мнe паче во успeх благовeствования приидоша,
13 яко узы моя явленны о Христe быша во всем судищи и в прочих всeх,
14 и множайшии братия о Господe, надeявшиися о узах моих, паче дерзают без страха слово Божие глаголати.
15 Нeцыи убо по зависти и ревности, друзии же и за благоволение Христа проповeдают:
16 ови убо от рвения Христа возвeщают нечистe, мняще печаль нанести узам моим:
17 ови же от любве, вeдяще, яко во отвeтe благовeствования лежу (во отвeт благовeствования учинен есмь).
18 Что убо? Обаче всяцeм образом, аще виною (лицемeрием), аще истиною Христос проповeдаемь есть, и о сем радуюся, но и возрадуюся:
19 вeм бо, яко сие сбудется ми во спасeние вашею молитвою и подаянием духа Иисус Христова,
20 по чаянию и упованию моему, яко ни о единeм же постыжуся, но во всяцeм дерзновении, якоже всегда, и нынe возвеличится Христос в тeлe моем, аще животом, аще ли смертию.
21 Мнe бо еже жити, Христос, и еже умрети, приобрeтение (есть).
22 Аще же, еже жити (ми) тeлом, сие мнe плод дeла: и что изволю, не вeм.
23 Обдержимь же есмь от обою, желание имый разрeшитися и со Христом быти, много паче лучше:
24 а еже пребывати во плоти, нужнeйше (есть) вас ради.
25 И сие извeстнe вeм, яко буду и спребуду вам всeм в ваш успeх и радость вeры,
26 яко да похвала ваша избыточествует о Христe Иисусe во мнe, моим пришествием паки к вам.
27 Точию достойнe благовeствованию Христову жителствуйте, да аще пришед и видeв вас, аще и не сый у вас, услышу яже о вас, яко (истиною) стоите во единeм дусe, и единодушнe сподвизающеся по вeрe благовeствования (волею),
28 и не колеблющеся ни о единeм же от сопротивных: еже тeм убо есть явление погибели, вам же спасeния. И сие от Бога:
29 яко вам даровася, еже о Христe, не токмо еже в него вeровати, но и еже по нем страдати,
30 тойже подвиг имуще, яков же во мнe видeсте и нынe слышите о мнe.
1 Аще убо кое утeшение о Христe, (или) аще кая утeха любве, аще кое общение духа, аще кое милосердие и щедроты,
2 исполните мою радость, да тожде мудрствуете, ту же любовь имуще, единодушни, единомудренни:
3 ничтоже по рвению или тщеславию, но смиреномдрием друг друга честию болша себе творяще.
4 Не своих си кийждо, но и дружних кийждо смотряйте.
5 Сие бо да мудрствуется в вас, еже и во Христe Иисусe:
6 иже, во образe Божии сый, не восхищением непщева быти равен Богу:
7 но себе умалил (истощил), зрак раба приим, в подобии человeчестeм быв, и образом обрeтеся якоже человeк:
8 смирил себе, послушлив быв даже до смерти, смерти же крестныя.
9 Тeмже и Бог его превознесе и дарова ему имя, еже паче всякаго имене,
10 да о имени Иисусовe всяко колeно поклонится небeсных и земных и преисподних,
11 и всяк язык исповeсть, яко Господь Иисус Христос в славу Бога Отца.
12 Тeмже, возлюбленнии мои, якоже всегда послушасте мене, не якоже в пришествии моем точию, но нынe много паче во отшествии моем, со страхом и трепетом свое спсние содeвайте:
13 Бог бо есть дeйствуяй в вас и еже хотeти и еже дeяти о благоволении.
14 Вся творите без роптания и размышления,
15 да будете неповинни и цeли, чада Божия непорочна посредe рода строптива и развращена, в нихже являетеся якоже свeтила в мирe,
16 слово животно придержаще, в похвалу мнe в день Христов, яко не вотще текох, ни вотще трудихся.
17 Но аще и жрен бываю о жертвe и службe вeры вашея, радуюся и сорадуюся всeм вам:
18 такожде и вы радуйтеся и сорадуйтеся мнe.
19 Уповаю же о Господe Иисусe тимофеа вскорe послати к вам, да и аз благодушствую, увeдeв яже о вас.
20 Ни единаго бо имам равнодушна, иже приснeе о вас попечется:
21 вси бо своих си ищут, (а) не яже Христа Иисуса.
22 Искусство же его знаете, зане якоже отцу чадо, со мною поработал в благовeстии.
23 Сего же убо уповаю послати абие, повнегда увeм яже о мнe.
24 Надeюся же о Господe, яко и сам скоро прииду к вам.
25 Потребнeе же возмнeх епафродита брата и споспeшника и своинника моего, вашего же посланника и служителя потребe моей, послати к вам,
26 понеже желанием желаше видeти всeх вас, и тужаше, зане слышасте, яко болe.
27 Ибо болe близ смерти: но Бог помилова его, не его же токмо, но и мене, да не скорбь на скорбь прииму.
28 Скорeе убо послах его, да видeвше его паки, возрадуетеся, и аз безпечален пребуду.
29 Приимите убо его о Господe со всякою радостию, и таковыя честны имeйте,
30 зане за дeло Христово даже до смерти приближися, понудив себе вседушно (презрeв душу свою), да исполнит ваше лишение службы яже ко мнe.
1 Прочее же, братие моя, радуйтеся о Господe. Таяжде (бо) писати вам, мнe убо нелeностно, вам же твердо.
2 Блюдитеся от псов, блюдитеся от злых дeлателей, блюдитеся от сeчения:
3 мы бо есмы обрeзание, иже духом Богу служим и хвалимся о Христe Иисусe, а не в плоти надeемся:
4 ибо и аз имeю надeяние такожде во плоти. Аще кто ин мнит надeятися во плоти, аз паче,
5 обрeзан осмодневно, от рода Израилева, колeна вениаминова, евреин от еврей, по закону фарисей,
6 по ревности гоних церковь Божию, по правдe законнeй быв непорочен.
7 Но яже ми бяху приобрeтения, сия вмeних Христа ради тщету.
8 Но убо вмeняю вся тщету быти за превосходящее разумeние Христа Иисуса Господа моего, егоже ради всeх отщетихся, и вмeняю вся уметы быти, да Христа приобрящу
9 и обрящуся в нем, не имый моея правды, яже от закона, но яже вeрою (Иисус) Христовою, сущую от Бога правду в вeрe:
10 яко (еже) разумeти его, и силу воскресeния его, и сообщение страстей его, сообразуяся смерти его,
11 аще како достигну в воскресeние мертвых.
12 Не зане уже достигох, или уже совершихся: гоню же, аще и постигну, о немже и постижен бых от Христа Иисуса.
13 Братие, аз себе не у помышляю достигша: едино же, задняя убо забывая, в предняя же простираяся,
14 со усердием гоню (к намeренному теку), к почести вышняго звания Божия о Христe Иисусe.
15 Елицы убо совершенни, сие да мудрствуим: и еже аще ино что мыслите, и сие Бог вам открыет.
16 Обаче в неже достигохом, тоже да мудрствуем и тeмже правилом жителтвуем.
17 Подобни ми бывайте, братие, и смотряйте тако ходящыя, якоже имате образ нас.
18 Мнози бо ходят, ихже многажды глаголах вам, нынe же и плачя глаголю, враги креста Христова:
19 имже кончина погибель, имже бог чрево, и слава в студe их, иже земная мудрствуют.
20 Наше бо житие на небесeх есть, отонудуже и спасителя ждем, Господа (нашего) Иисуса Христа,
21 иже преобразит тeло смирения нашего, яко быти сему сообразну тeлу славы его, по дeйству еже возмогати ему и покорити себe всяческая.
1 Тeмже, братие моя возлюбленная и вожделeнная, радосте и вeнче мой, тако стойте о Господe, возлюбленнии.
2 Еводию молю и синтихию молю тожде мудрствовати о Господe:
3 ей, молю и тебе, супружниче присный, споспeшествуй им, яже во благовeствовании сподвизашася со мною и с климентом и с прочими споспeшники моими, ихже имена в книгах животных.
4 Радуйтеся всегда о Господe: и паки реку: радуйтеся.
5 Кротость ваша разумна да будет всeм человeком. Господь близ.
6 Ни о чемже пецытеся, но во всем молитвою и молением со благодарением прошения ваша да сказуются к Богу:
7 и мир Божий, превосходяй всяк ум, да соблюдет сердца ваша и разумeния ваша о Христe Иисусe.
8 Прочее же, братие (моя), елика суть истинна, елика чт(с)на, елика првдна, елика пречеста, елика прелюбезна, елика доброхвальна, аще кая добродeтель и аще кая похвала, сия помышляйте.
9 Имже и научистеся, и приясте, и слышасте, и видeсте во мнe, сия творите: и Бог мира будет с вами.
10 Возрадовахся же о Господe вельми, яко уже когда воспомянусте пещися о мнe: понеже и печастеся, но непогодным (неудобным) временем обдержастеся.
11 Не яко по скудости глаголю: аз бо навыкох, в нихже есмь, доволен быти:
12 вeм и смиритися, вeм и избыточествовати: во всем и во всeх навыкох, и насыщатися и алкати, и избыточествовати и лишатися.
13 Вся могу о укрeпляющем мя (Иисусe) Христe.
14 Обаче добрe сотвористе, сприобщившеся печали моей.
15 Вeсте же и вы, филипписиане, яко в началe благовeствования, егда изыдох от македонии, ни едина ми церковь общевася в слово даяния и приятия, точию вы едини:
16 яко и в солунь и единою и дващи в требование (мое) посласте ми.
17 Не яко ищу даяния, но ищу плода множащагося в слово ваше (в пользу вашу).
18 Приях же вся и избыточествую: исполнихся, приемь от епафродита посланная от вас, воню благоухания, жертву приятну, благоугодну Богу.
19 Бог же мой да исполнит всякое требование ваше по богатству своему в славe, о Христe Иисусe.
20 Богу же и Отцу нашему слава во вeки вeков. Аминь.
21 Цeлуйте всякаго свята о Христe Иисусe. Цeлуют вы сущая со мною братия.
22 Цeлуют вы святии вси, паче же иже от кесарева дому.
23 Благодать Господа нашего Иисуса Христа со всeми вами. Аминь.