1 Павел, апостол Иисус Христов волею Божиею, и тимофей брат,
2 сущым в колоссаех святым и вeрным братиям о Христe Иисусe:
3 благодать вам и мир от Бога Отца нашего, и Господа Иисуса Христа. Благодарим Бога и Отца Господа нашего Иисуса Христа, всегда о вас молящеся,
4 слышавше вeру вашу, яже о Христe Иисусe, и любовь, юже имате ко всeм святым,
5 за упование отложенное вам на небесeх, еже прежде слышасте в словеси истины благовeствования,
6 сущаго в вас, якоже и во всем мирe: и есть плодоносно и растимо, якоже и в вас, от негоже дне слышасте и разумeсте благодать Божию во истинe:
7 якоже и увeдeсте от епафраса, возлюбленнаго соработника нашего, иже есть вeрен о вас служитель Христов,
8 иже и яви нам вашу любовь в дусe.
9 Сего ради и мы, от негоже дне слышахом, не престаем о вас молящеся и просяще, да исполнитеся в разумe воли его, во всяцeй премудрости и разумe духовнeм,
10 яко ходити вам достоинe Богу во всяцeм угождении и всяком дeлe блазe, плодоносяще и возрастающе в разумe Божии,
11 всякою силою возмогающе по державe славы его, во всяцeм терпeнии и долготерпeнии с радостию.
12 благодаряще Бога и Отца, призвавшаго вас в причастие наслeдия святых во свeтe.
13 иже избави нас от власти темныя и престави в царство Сына любве своея,
14 о немже имамы избавление кровию его и оставление грeхов.
15 иже есть образ Бога невидимаго, перворожден всея твари.
16 яко тeм создана быша всяческая, яже на небеси и яже на земли, видимая и невидимая, аще престоли, аще господствия, аще начала, аще власти: всяческая тeм и о нем создашася.
17 и той есть прежде всeх, и всяческая в нем состоятся.
18 И той есть глава тeлу церкве, иже есть начаток, перворожден из мертвых, яко да будет во всeх той первенствуя.
19 яко в нем благоизволи всему исполнению вселитися,
20 и тeм примирити всяческая к себe, умиротворив кровию креста его, чрез него, аще земная, аще ли небeсная.
21 И вас, иногда сущих отчужденных и врагов помышленьми в дeлeх лукавых,
22 нынe же примири в тeлe плоти его смертию его, представити вас стых и непорочных и неповинных пред собою,
23 аще убо пребываете в вeрe основани и тверди, и неподвижими от упования благовeствования, еже слышасте, проповeданное всей твари поднебеснeй, емуже бых аз павел служитель.
24 Нынe радуюся во страданиих моих о вас, яко исполняю лишение скорбей Христовых во плоти моей за тeло его, еже есть церковь.
25 ейже бых аз служитель по смотрению Божию, данному мнe в вас, исполнити слово Божие,
26 тайну сокровенную от вeк и от родов: нынe же явися святым его,
27 имже восхотe Бог сказати, кое богатство славы тайны сея во языцeх, иже есть Христос в вас, упование славы,
28 егоже мы проповeдуем, наказующе всякаго человeка и учаще всяцeй премудрости, да представим всякаго человeка совершенна о Христe Иисусe:
29 в немже и труждаюся и подвизаюся по дeйству его дeйствуемому во мнe силою.
1 хощу убо вас вeдeти, колик подвиг имам о вас и о сущих в лаодикии и во иераполи, и елицы не видeша лица моего во плоти,
2 да утeшатся сердца их, снемшихся в любви и во всяцeм богатствe извeщения разума, в познание тайны Бога и Отца и Христа,
3 в немже суть вся сокровища премдрости и разума сокровенна.
4 Сие же глаголю, да никтоже вас прельстит в словопрeнии.
5 аще бо и плотию отстою, но духом с вами есмь, радуяся и видя ваш чин и утверждение вашея вeры, яже во Христа.
6 Якоже убо приясте Христа Иисуса Господа, такожде в нем ходите,
7 укоренени и наздани в нем и извeствовани вeрою, якоже научистеся, избыточествующе в ней благодарением.
8 (Братие,) блюдитеся, да никтоже вас будет прельщая философиею и тщетною лестию, по преданию человeческому, по стихиам мира, а не по Христe.
9 яко в том живет всяко исполнение Божества тeлеснe:
10 и да будете в нем исполнени, иже есть глава всякому началу и власти:
11 о немже и обрeзани бысте обрeзанием нерукотворенным, в совлечении тeла грeховнаго плоти, во обрeзании Христовe,
12 спогребшеся ему крещением: о немже и совостасте вeрою дeйствия Бога, воскресившаго его из мертвых.
13 и вас, мертвых сущих в прегрeшениих и в необрeзании плоти вашея, сооживил есть с ним, даровав нам вся прегрeшения,
14 истребив еже на нас рукописание ученьми, еже бe сопротивно нам, и то взят от среды, пригвоздив е на крестe:
15 совлек начала и власти, изведе в позор дерзновением, изобличив их в себe [побeдив их на нем].
16 Да никтоже убо вас осуждает о ядении, или о питии, или о части праздника, или о новомeсячиих, или о субботах:
17 яже суть стeнь грядущих, тeло же Христово.
18 Никтоже вас да прельщает изволенным ему смиреномудрием и службою ангелов, яже не увeдe учя, [в тeх ходя],без ума [всуе] дмяся от ума плоти своея,
19 а не держя главы, из неяже все тeло, составы и соузы подаемо и снемлемо, растит возращение Божие.
20 Аще убо умросте со Христом от стихий мира, почто аки живуще в мирe стязаетеся?
21 Не коснися, ниже вкуси, ниже осяжи:
22 яже суть вся во истлeние употреблением, по заповeдем и учением человeческим:
23 яже суть слово убо имуща премудрости в самовольнeй службe и смиреномудрии и непощадeнии тeла, не в чести коей к сытости плоти.
1 Аще убо воскреснусте со Христом, вышних ищите, идeже есть Христос о десную Бога сeдя:
2 горняя мудрствуйте, а не земная.
3 умросте бо, и живот ваш сокровен есть со Христом в Бозe:
4 егда же Христос явится, живот ваш, тогда и вы с ним явитеся в славe.
5 Умертвите убо уды вашя, яже на земли: блуд, нечистоту, страсть, похоть злую и лихоимание, еже есть идолослужение,
6 ихже ради грядет гнeв Божии на сыны противления.
7 в нихже и вы иногда ходисте, егда живясте в них.
8 Нынe же отложите и вы та вся: гнeв, ярость, злобу, хуление, срамословие от уст ваших:
9 не лжите друг на друга, совлекшеся ветхаго человeка с дeяньми его
10 и облекшеся в новаго, обновляемаго в разум по образу создавшаго его,
11 идeже нeсть еллин, ни иудей, обрeзание и необрeзание, варвар и скиф, раб и свободь, но всяческая и во всeх Христос.
12 Облецытеся убо якоже избраннии Божии, святи и возлюбленни, во утробы щедрот, благость, смиреномудрие, кротость и долготерпeние,
13 приемлюще друг друга и прощающе себe, аще кто на кого имать поречение: якоже и Христос простил есть вам, тако и вы.
14 Над всeми же сими (стяжите) любовь, яже есть соуз совершенства:
15 и мир Божии да водворяется в сердцах ваших, в оньже и звани бысте во едином тeлe: и благодарни бывайте.
16 Слово Христово да вселяется в вас богатно, во всякой премудрости: учаще и вразумляюще себе самeх во псалмeх и пeниих и пeснех духовных, во благодати поюще в сердцах ваших Господеви.
17 И все, еже аще что творите словом или дeлом, вся во имя Господа Иисуса Христа, благодаряще Бога и Отца тeм.
18 Жены, повинуйтеся своим мужем, якоже подобает о Господe.
19 Мужие, любите жены вашя, и не огорчайтеся к ним.
20 Чада, послушайте родителей (своих) во всем: сие бо угодно есть Господеви.
21 Отцы, не раздражайте чад ваших, да не унывают.
22 Раби, послушайте по всему плотских господии (ваших), не пред очима точию работающе аки человeкоугодницы, но в простотe сердца, боящеся Бога.
23 И всяко, еже аще что творите, от души дeлайте, якоже Господу, а не человeком,
24 вeдяще, яко от Господа приимете воздаяние достояния: Господу бо Христу работаете.
25 А обидяй восприимет, еже обидe: и нeсть лица обиновения.
1 Господие, правду и уравнение рабом подавайте, вeдяще, яко и вы имате Господа на небесeх.
2 В молитвe терпите, бодрствующе в ней со благодарением:
3 молящеся и о нас вкупe, да Бог отверзет нам двери слова, проглаголати тайну Христову, еяже ради и связан есмь:
4 да явлю ю, якоже подобает ми глаголати.
5 В премудрости ходите ко внeшним, время искупующе.
6 Слово ваше (да бывает) всегда во благодати, солию растворено, вeдeти, како подобает вам единому комуждо отвeщавати.
7 Яже о мнe, вся скажет вам тихик, возлюбленный брат и вeрен служитель и соработник о Господe,
8 егоже послах к вам на се истое, да разумeет яже о вас и утeшит сердца ваша,
9 со онисимом, вeрным и возлюбленным братом нашим, иже есть от вас: вся вам скажут, яже здe.
10 Цeлует вы аристарх сплeнник мой, и марко анепсий варнавин, о немже приясте заповeди: аще приидет к вам, приимите его:
11 и иисус нареченный иуст, сущий от обрeзания: сии едини споспeшницы во царство Божие, иже быша ми утeшение.
12 Цeлует вы епафрас, иже от вас, раб Иисуса Христа, всегда подвизаяйся о вас в молитвах, да будете совершени и исполнени во всяцeй воли Божией.
13 Свидeтелствую бо о нем, яко имать ревность многу (и болeзнь) о вас и о сущих в лаодикии и во иераполи.
14 Цeлует вы лука врачь возлюбленный, и димас.
15 Цeлуйте братию сущую в лаодикии, и нимфана, и домашнюю его церковь.
16 И егда прочтется послание сие у вас, сотворите, да и в лаодикиистeй церкви прочтено будет, и написаное от лаодикии да и вы прочтете.
17 И рцыте архиппу: блюди служение, еже приял еси о Господe, да довершиши е.
18 Цeлование моею рукою павлею. Поминайте моя узы. Благодать со (всeми) вами. Аминь.