1 Павел и силуан и тимофей, церкви солунстeй, о Бозe Отцe нашем и Господe Иисусe Христe:
2 благодать вам и мир от Бога Отца нашего, и Господа Иисуса Христа.
3 Благодарити должни есмы Бога всегда о вас, братие, якоже достойно есть, яко превозрастает вeра ваша, и множится любовь единаго коегождо всeх вас друг ко другу:
4 яко самeм нам хвалитися о вас в церквах Божиих, о терпeнии вашем и вeрe во всeх гонениих ваших и скорбех, яже приемлете,
5 показание праведнаго суда Божия, во еже сподобитися вам царствия Божия, егоже ради и страждете.
6 Аще убо праведно у Бога, воздати скорбь оскорбляющым вас,
7 а вам оскорбляемым отраду с нами, во откровении Господа Иисуса с небесе, со ангелы силы своея,
8 во огни пламеннe дающаго отмщение не вeдущым Бога и не послушающым благовeствования Господа нашего Иисуса Христа:
9 иже муку приимут, погибель вeчную, от лица Господня и от славы крeпости его,
10 егда приидет прославитися во святых своих и дивен быти во всeх вeровавших, яко увeрися свидeтельство наше в вас, в день он.
11 За сие и молимся всегда о вас, да вы сподобит званию Бог наш и исполнит всяко благоволение благости и дeло вeры в силe,
12 яко да прославится имя Господа нашего Иисуса Христа в вас, и вы в нем, по благти Бога нашего и Господа Иисуса Христа.
1 Молим же вы, братие, о пришествии Господа нашего Иисуса Христа и нашем собрании о нем,
2 не скоро подвизатися вам от ума, ни ужасатися ниже духом, ниже словом, ни посланием аки от нас посланным, яко уже настоит день Христов.
3 Да никтоже вас прельстит ни по единому же образу: яко аще не приидет отступление прежде, и открыется человeк беззакония, сын погибели,
4 противник и превозносяйся паче всякаго глаголемаго бога или чтилища, якоже ему сeсти в церкви Божией аки богу, показующу себе, яко бог есть.
5 Не помните ли, яко еще живый у вас, сия глаголах вам?
6 И нынe удержавающее вeсте, во еже явитися ему в свое ему время.
7 Тайна бо уже дeется беззакония, точию держяй нынe дондеже от среды будет:
8 и тогда явится беззаконник, егоже Господь Иисус убиет духом уст своих, и упразднит явлением пришествия своего,
9 егоже есть пришествие по дeйству сатанину во всяцeй силe и знамениих и чудесeх ложных,
10 и во всякой льсти неправды в погибающих, зане любве истины не прияша, во еже спастися им.
11 И сего ради послет им Бог дeйство льсти, во еже вeровати им лжи,
12 да суд приимут вси не вeровавшии истинe, но благоволившии в неправдe.
13 Мы же должни есмы благодарити Бога всегда о вас, братие возлюбленная от Господа, яко избрал есть вас Бог от начала во спасeние во святыни духа и вeры истины,
14 в неже призва вас благовeствованием нашим, в получение славы Господа нашего Иисуса Христа.
15 Тeмже убо, братие, стойте и держите предания, имже научистеся или словом, или посланием нашим.
16 Сам же Господь наш Иисус Христос, и Бог и Отец наш, возлюбивый нас и давый утeшение вeчно и упование благо в благти,
17 да утeшит сердца ваша и да утвердит (да утвердит вас) во всяцeм словe и дeлe блазe.
1 Прочее, молитеся о нас, братие, да слово Господне течет и славится, якоже и в вас,
2 и да избавимся от злых и лукавых человeк: не всeх бо есть вeра.
3 Вeрен же есть Господь, иже утвердит вас и сохранит от лукаваго.
4 Уповаем же на Господа о вас, яко, яже повелeваем вам, и творите и сотворите.
5 Господь же да исправит сердца ваша в любовь Божию и в терпeние Христово.
6 Повелeваем же вам, братие, о имени Господа нашего Иисуса Христа, отлучатися вам от всякаго брата безчинно ходяща, а не по преданию, еже прияша от нас:
7 сами бо вeсте, како лeпо есть вам подобитися нам: яко не безчинновахом у вас,
8 ниже туне хлeб ядохом у кого, но в трудe и подвизe, нощь и день дeлающе, да не отягчим никогоже от вас:
9 не яко не имамы власти, но да себе образ дамы вам, во еже уподобитися нам.
10 Ибо егда бeхом у вас, сие завeщавахом вам: яко аще кто не хощет дeлати ниже да яст.
11 Слышим бо нeкия безчинно ходящыя у вас, ничтоже дeлающыя, но лукавно обходящыя:
12 таковым запрещаем и молим о Господe нашем Иисусe Христe, да с безмолвием дeлающе, свой хлeб ядят.
13 Вы же, братие, не стужайте, доброе творяще.
14 Аще же кто не послушает словесе нашего посланием, сего назнаменуйте и не примeшайтеся ему, да посрамится:
15 и не аки врага имeйте его, но наказуйте якоже брата.
16 Сам же Господь мира да даст вам мир всегда во всяцeм образe: Господь со всeми вами.
17 Цeлование моею рукою павлею, еже есть знамение во всяцeм послании: сице пишу:
18 благодать Господа нашего Иисуса Христа со всeми вами. Аминь.