1 Павел, посланник Иисус Христов по повелeнию Бога Спаса нашего и Господа Иисуса Христа упования нашего,
2 тимофею присному чаду в вeрe: благодать, милость, мир от Бога Отца нашего и Христа Иисуса Господа нашего.
3 Якоже умолих тя пребыти во ефесe, идый в македонию, да завeщаеши нeким не инако учити,
4 ниже внимати баснем и родословием безконечным, яже стязания творят паче, нежели Божие строение, еже в вeрe.
5 Конец же завeщания есть любы от чиста сердца и совeсти благия и вeры нелицемeрныя,
6 в нихже нeцыи погрeшивше, уклонишася в суесловия,
7 хотяще быти законоучителе, не разумeюще ни яже глаголют, ни о нихже утверждают.
8 Вeмы же, яко добр закон (есть), аще кто его законнe творит,
9 вeдый сие, яко првднику закон не лежит (не положен), но беззаконным и непокоривым, нечестивым (же) и грeшником, неправедным и скверным, отца и матере досадителем, мужеубийцам,
10 блудником, мужеложником, разбойником, (клеветником, скотоложником,) лживым, клятвопреступником, и аще что ино здравому учению противится,
11 по благовeстию славы блаженнаго Бога, еже мнe увeрено бысть.
12 И благодарю укрeпляющаго мя Христа Иисуса Господа нашего, яко вeрна мя непщева, положив (мя) в службу,
13 бывша мя иногда хульника и гонителя и досадителя: но помилован бых, яко невeдый сотворих в невeрствии:
14 упреумножися же благодать Господа нашего (Иисуса Христа) с вeрою и любовию яже о Христe Иисусe.
15 Вeрно слово и всякаго приятия достойно, яко Христос Иисус прииде в мир грeшники спасти, от нихже первый есмь аз.
16 Но сего ради помилован бых, да во мнe первeм покажет Иисус Христос все долготерпeние, за образ хотящих вeровати ему в жизнь вeчную.
17 Царю же вeков нетлeнному, невидимому, единому премдрому Богу, чтсь и слава во вeки вeков. Аминь.
18 Сие же завeщание предаю ти, чадо тимофее, по бывших на тя прежде пророчествиих, да воинствуеши в них доброе воинство,
19 имeя вeру и благую совeсть, юже нeцыи отринувше, от вeры отпадоша:
20 от нихже есть именей и александр, ихже предах сатанe, да накажутся не хулити.
1 Молю убо прежде всeх творити молитвы, моления, прошения, благодарения за вся человeки,
2 за царя и за всeх, иже во власти суть, да тихое и безмолвное житие поживем во всяцeм благочестии и чистототe:
3 сие бо добро и приятно пред спасителем нашим Богом,
4 иже всeм человeком хощет спастися и в разум истины приити.
5 Един бо есть Бог, и един ходатай Бога и человeков, человeк Христос Иисус,
6 давый себе избавление за всeх: свидeтелство времены своими,
7 в неже поставлен бых аз проповeдник и апостол, истину глаголю о Христe, не лгу, учитель языков в вeрe и истинe.
8 Хощу убо, да молитвы творят мужие на всяцeм мeстe, воздeюще прпдбныя руки без гнeва и размышления:
9 такожде и жены во украшении лeпотнeм, со стыдeнием и цeломудрием да украшают себе не в плетениих, ни златом, или бисерми, или ризами многоцeнными,
10 но, еже подобает женам обeщавающымся благочестию, дeлы благими.
11 Жена в безмолвии да учится со всяким покорением:
12 женe же учити не повелeваю, ниже владeти мужем, но быти в безмолвии.
13 Адам бо прежде создан бысть, потом же ева:
14 и адам не прельстися, жена же прельстившися, в преступлении бысть:
15 спасется же чадородия ради (чрез чадородие), аще пребудет в вeрe и любви и во святыни с цeломудрием.
1 Вeрно слово: аще кто епископства хощет, добра дeла желает.
2 Подобает убо епископу быти непорочну, единыя жены мужу, трезвену, цeломудру, (благоговeйну,) честну, страннолюбиву, учителну,
3 не пияницe, не бийцe, не сварливу, не мшелоимцу, но кротку, (не завистливу,) не сребролюбцу,
4 свой дом добрe правящу, чада имущу в послушании со всякою чистотою (честностию):
5 аще же кто своего дому не умeет правити, како о церкви Божией прилeжати возможет?
6 не новокрещенну, да не разгордeвся в суд впадет диаволь.
7 Подобает же ему и свидeтелство добро имeти от внeшних, да не в поношение впадет и в сeть неприязнену.
8 Диаконом такожде чистым (честным), не двоязычным, не вину многу внимающым, не скверностяжателным,
9 имущым таинство вeры в чистeй совeсти.
10 И сии убо да искушаются прежде, потом же да служат, непорочни суще.
11 Женам такожде чистым (честным), не клеветивым, (не навадницам,) трезвенным, вeрным во всем.
12 Диакони да бывают единыя жены мужие, чада добрe правяще и своя домы:
13 ибо служившии добрe степень себe добр снискают и многое дерзновение в вeрe, яже о Христe Иисусe.
14 Сия пишу тебe, уповая приити к тебe скоро:
15 аще же замедлю, да увeси, како подобает в дому Божии жити, яже есть церковь Бога жива, столп и утверждение истины.
16 И исповeдуемо велия есть благочестия тайна: Бог явися во плоти, оправдася в дусe, показася ангелом, проповeдан бысть во языцeх, вeровася в мирe, вознесеся во славe.
1 Дух же явственнe глаголет, яко в послeдняя времена отступят нeцыи от вeры, внемлюще духовом лестчым и учением бeсовским,
2 в лицемeрии лжесловесник, сожженных своею совeстию,
3 возбраняющих женитися, удалятися от брашен, яже Бог сотвори в снeдение со благодарением вeрным и познавшым истину.
4 Зане всякое создание Божие добро, и ничтоже отметно, со благодарением приемлемо,
5 освящается бо словом Божиим и молитвою.
6 Сия вся сказуя братии, добр будеши служитель Иисуса Христа, питаемь словесы вeры и добрым учением, емуже послeдовал еси.
7 Скверных же и бабиих басней отрицайся, обучай же себе ко благочстию:
8 тeлесное бо обучение вмалe есть полезно, а благочстие на все полезно есть, обeтование имeющее живота нынeшняго и грядущаго.
9 Вeрно слово и всякаго приятия достойно.
10 На сие бо и труждаемся и поношаеми есмы, яко уповахом на Бога жива, иже есть спаситель всeм человeком, паче же вeрным.
11 Завeщавай сия и учи.
12 Никтоже о юности твоей да нерадит: но образ буди вeрным словом, житием, любовию, духом, вeрою, чистототою.
13 Дондеже прииду, внемли чтению, утeшению, учению.
14 Не неради о своем даровании живущем в тебe, еже дано тебe бысть пророчеством с возложением рук священничества.
15 В сих поучайся, в сих пребывай, (в сих разумeвай,) да преспeяние твое явлено будет во всeх.
16 Внимай себe и учению и пребывай в них: сия бо творя, и сам спасешися и послушающии тебе.
1 Старцу не твори пакости, но утeшай (старца не укоряй, но умоляй) якоже отца: юношы, якоже братию:
2 старицы, якоже матери: юныя, якоже сестры, со всякою чистотою.
3 Вдовицы чти сущыя истинныя вдовицы.
4 Аще же кая вдовица чада или внучата имать, да учатся прежде свой дом благочстиво устроити и взаем воздаяти родителем: сие бо есть благоугодно пред Богом.
5 А сущая истинная вдовица и уединена, уповает на Бога и пребывает в молитвах и молениих день и нощь:
6 питающаяся же пространно, жива умерла.
7 И сия завeщавай, да непорочни будут.
8 Аще же кто о своих, паче же о присных (о домашних) не промышляет, вeры отверглся есть и невeрнаго горший есть.
9 Вдовица же да причитается не менши лeт шестидесятих, бывши единому мужу жена,
10 в дeлeх добрых свидeтелствуема, аще чада воспитала есть, аще святых нозe умы, аще странныя прият, аще скорбным утeшение бысть (скорбных снабдe), аще всякому дeлу благу послeдовала есть.
11 Юных же вдовиц отрицайся: егда бо разсвирeпeют о Христe (противу Христа), посягати хотят,
12 имущыя грeх, яко первыя вeры отвергошася:
13 купно же и праздны учатся обходити домы, не точию же праздны, но и блядивы и оплазивы (любопытны), глаголющыя, яже не подобает.
14 Хощу убо юным вдовицам посягати, чада раждати, дом строити, ни едины же вины даяти противному хулы ради:
15 се бо нeкия развратишася вслeд сатаны.
16 Аще кто вeрен или вeрна имать вдовицы, да довлит их, и да не тяготится церковь, да сущих истинных вдовиц удоволит.
17 Прилeжащии же добрe пресвитери сугубыя чести да сподобляются: паче же труждающиися в словe и учении.
18 Глаголет бо писание: вола молотяща не обротиши: и: достоин дeлатель мзды своея.
19 На пресвитера хулы не приемли, развe при двою или триех свидeтелех.
20 Согрeшающих же пред всeми обличай, да и прочии страх имут.
21 Засвидeтелствую пред Богом, и Господем Иисус Христом, и избранными (его) ангелы, да сия сохраниши без лицемeрия, ничесоже творя по уклонению.
22 Руки скоро не возлагай ни на когоже, ниже приобщайся чужым грeхом: себе чиста соблюдай.
23 Ктому не пий воды, но мало вина приемли, стомаха ради твоего и частых твоих недугов.
24 Нeких (же) человeк грeси предявлени суть, предваряюще на суд: нeким же и послeдствуют.
25 Такожде и добрая дeла предявлена суть: и сущая инако, утаитися не могут.
1 Елицы суть под игом раби, своих господий всякия чести да сподобляют, да имя Божие не хулится и учение.
2 Имущии же вeрных господий да не нерадят о них, понеже братия суть: но паче да работают, зане вeрни суть и возлюблени, иже благодать восприемлющии. Сия учи и моли.
3 Аще ли кто инако учит и не приступает к здравым словесем гда нашего Иисуса Христа и учению, еже по благовeрию,
4 разгордeся, ничтоже вeдый, но недугуяй о стязаниих и словопрeниих, от нихже бывает зависть, рвение, хулы, непщевания лукава,
5 бесeды злыя растлeнных человeков умом и лишенных истины, непщующих приобрeтение быти благочистотие. Отступай от таковых.
6 Есть же снискание велие благочистотие с доволством.
7 Ничтоже бо внесохом в мир сей: явe, яко ниже изнести что можем.
8 Имeюще же пищу и одeяние, сими доволни будем.
9 А хотящии богатитися впадают в напасти и сeть, и в похоти многи несмысленны и вреждающыя, яже погружают человeки во всегубителство и погибель:
10 корень бо всeм злым сребролюбие есть, егоже нeцыи желающе заблудиша от вeры, и себе пригвоздиша болeзнем многим.
11 Ты же, о человeче Божий, сих бeгай: гони же правду, благочистотие, вeру, любовь, терпeние, кротость:
12 подвизайся добрым подвигом вeры, емлися за вeчную жизнь, в нюже и зван был еси, и исповeдал еси доброе исповeдание пред многими свидeтели.
13 Завeщаваю ти пред Богом оживляющим всяческая, и Христом Иисусом свидeтелствовавшим при понтийстeм пилатe доброе исповeдание:
14 соблюсти тебe заповeдь нескверну и незазорну, даже до явления Господа нашего Иисуса Христа,
15 еже во своя времена явит блаженный и един сильный, Царь царствующих и Господь господствующих,
16 един имeяй безсмертие и во свeтe живый неприступнeм, егоже никтоже видeл есть от человeк, ниже видeти может: емуже чистоть и держава вeчная. Аминь.
17 Богатым в нынeшнем вeцe запрещай не высокомудрствовати, ниже уповати на богатство погибающее, но на Бога жива, дающаго нам вся обилно в наслаждение:
18 благое дeлати, богатитися в дeлeх добрых, благоподатливым быти, общителным,
19 сокровищующе себe основание добро в будущее, да приимут вeчную жизнь.
20 О, тимофее, предание сохрани, уклоняяся скверных суесловий и прекословий лжеименнаго разума:
21 о немже нeцыи хвалящеся, о вeрe погрeшиша. Благодать с тобою. Аминь.