1 Павел, апостол Иисус Христов волею Божиею, по обeтованию жизни, яже о Христe Иисусe,
2 тимофею возлюбленному чаду: благодать, милость, мир от Бога Отца и Христа Иисуса Господа нашего.
3 Благодарю Бога, емуже служу от прародителей чистою совeстию, яко непрестанную имам о тебe память в молитвах моих день и нощь,
4 желая видeти тя, поминая слезы твоя, да радости исполнюся,
5 воспоминание приемля о сущей в тебe нелицемeрнeй вeрe, яже вселися прежде в бабу твою лоиду и в матерь твою евникию: извeстен же есмь, яко и в тебе.
6 Еяже ради вины воспоминаю тебe возгрeвати дар Божий живущий в тебe возложением руку моею:
7 не бо даде нам Бог духа страха, но силы и любве и цeломдрия.
8 Не постыдися убо страстию (свидeтелством) Господа нашего Иисуса Христа, ни мною юзником его: но спостражди благовeствованию (Христову) по силe Бога,
9 спсшаго нас и призвавшаго званием святым, не по дeлом нашым, но по своему благоволению (предложению) и благодати даннeй нам о Христe Иисусe прежде лeт вeчных,
10 явльшейся же нынe просвeщением спасителя нашего Иисуса Христа, разрушившаго убо смерть и возсиявшаго жизнь и нетлeние благовeствованием,
11 в неже поставлен бых аз проповeдник и апостол и учитель языков.
12 Еяже ради вины и сия стражду: но не стыждуся. Вeм бо, емуже вeровах, и извeстихся, яко силен есть предание мое сохранити в день он.
13 Образ имeй здравых словес, ихже от мене слышал еси, в вeрe и любви, яже о Христe Иисусe.
14 Доброе завeщание соблюди духом святым живущим в нас.
15 Вeси ли сие, яко отвратишася от мене вси, иже от асии, от нихже есть фигелл и ермоген.
16 Да даст (же) милость Господь онисифорову дому, яко многажды мя упокои и вериг моих не постыдeся,
17 но пришед в рим, тощнeе взыска мя и обрeте:
18 да даст ему Господь обрeсти милость от Господа в день он: и елико во ефесe послужи ми, добрeе ты вeси.
1 Ты убо, чадо мое, возмогай во благодати, яже о Христe Иисусe,
2 и яже слышал еси от мене многими свидeтели, сия предаждь вeрным человeком, иже доволни будут и иных научити.
3 Ты убо злопостражди яко добр воин Иисус Христов.
4 Никтоже (бо) воин бывая обязуется куплями житейскими, да воеводe угоден будет.
5 Аще же и постраждет (подвизается) кто, не вeнчается, аще не законно мучен будет (будет подвизатися).
6 Труждающемуся дeлателю прежде подобает от плода вкусити.
7 Разумeй, яже глаголю: да даст убо тебe Господь разум о всем.
8 Поминай (Господа) Иисуса Христа воставшаго от мертвых, от сeмене дeвдова, по благовeствованию моему,
9 в немже злостражду даже до уз, яко злодeй: но слово Божие не вяжется.
10 Сего ради вся терплю избранных ради, да и тии спсние улучат еже о Христe Иисусe, со славою вeчною.
11 Вeрно слово: аще бо с ним умрохом, то с ним и оживем:
12 аще терпим, с ним и воцаримся: аще отвержемся, и той отвержется нас:
13 аще не вeруем, он вeрен пребывает: отрещися бо себе не может.
14 Сия воспоминай, засвидeтелствуя пред Господем, не словопрeтися, ни на куюже потребу, на разорение слышащих.
15 Потщися себе искусна поставити пред Богом, дeлателя непостыдна, право правяща слово истины.
16 Скверных же тщегласий отметайся: наипаче бо преспeют в нечестие,
17 и слово их яко гаггрена жир обрящет: от нихже есть именей и филит,
18 иже о истинe погрeшиста, глаголюща, яко воскресние уже бысть: и возмущают нeкоторых вeру.
19 Твердое убо основание Божие стоит, имущее печать сию: позна Господь сущыя своя, и: да отступит от неправды всяк именуяй имя Господне.
20 В велицeм же дому не точию сосуди злати и сребряни суть, но и древяни и глиняни: и ови убо в честь, ови же не в честь.
21 Аще убо кто очистит себе от сих, будет сосуд в честь, освящен и благопотребен влдцe, на всякое дeло благое уготован.
22 Похотей юных бeгай, держися же правды, вeры, любве, мира со всeми призывающими Господа от чистаго сердца.
23 Буих же и ненаказанных стязаний отрицайся, вeдый, яко раждают свары:
24 рабу же Господню не подобает сваритися, но тиху быти ко всeм, учителну, незлобиву,
25 с кротостию наказующу противныя, еда како даст им Бог покаяние в разум истины,
26 и возникнут от диаволския сeти, живи уловлени от него в свою его волю.
1 Сие же вeждь, яко в послeдния дни настанут времена люта.
2 Будут бо человeцы самолюбцы, сребролюбцы, величави, горди, хулницы, родителем противящиися, неблагодарни, неправедни, нелюбовни,
3 непримирителни, (продерзиви, возносливи, прелагатае,) клеветницы, невоздержницы, некротцы, неблаголюбцы,
4 предателе, нагли, напыщени, сластолюбцы паче нежели Боголюбцы,
5 имущии образ благочстия, силы же его отвергшиися. И сих отвращайся.
6 От сих бо суть поныряющии в домы и плeняющии женишца отягощенныя грeхами, водимыя похотьми различными,
7 всегда учащяся и николиже в разум истины приити могущыя.
8 Якоже ианний и иамврий противистася моисею, такожде и сии противляются истинe, человeцы растлeнни умом (и) неискусни о вeрe.
9 Но не преуспeют болeе: безумие бо их явлено будет всeм, якоже и онeх бысть.
10 Ты же послeдовал еси моему учению, житию, привeту, вeрe, долготерпeнию, любви, терпeнию,
11 изгнанием, страданием, якова ми быша во антиохии, (и) во иконии, (и) в листрeх: якова изгнания приях, и от всeх мя избавил есть Господь.
12 И вси же хотящии благочстно жити о Христe Иисусe, гоними будут:
13 лукавии же человeцы и чародeе преупeют на горшее, прельщающе и прельщаеми.
14 Ты же пребывай в нихже научен еси и яже ввeрена суть тебe, вeдый, от кого научился еси:
15 и яко измлада священная писания умeеши, могущая тя умудрити во спсние вeрою, яже о Христe Иисусe.
16 Всяко писание Богодухновенно и полезно (есть) ко учению, ко обличению, ко исправлению, к наказанию еже в правдe,
17 да совершен будет Божий человeк, на всякое дeло благое уготован.
1 Засвидeтелствую убо аз пред Богом и Господем нашим Иисус Христом, хотящим судити живым и мертвым в явлении его и царствии его:
2 проповeдуй слово, настой благовременнe и безвременнe, обличи, запрети, умоли со всяким долготерпeнием и учением.
3 Будет бо время, егда здраваго учения не послушают, но по своих похотех изберут себe учители, чешеми слухом:
4 и от истины слух отвратят, и к баснем уклонятся.
5 Ты же трезвися о всем, злопостражди, дeло сотвори благовeстника, служение твое извeстно сотвори.
6 Аз бо уже жрен бываю, и время моего отшествия наста:
7 подвигом добрым подвизахся, течение скончах, вeру соблюдох:
8 прочее убо соблюдается мнe вeнец правды, егоже воздаст ми Господь в день он, првдный судия: не токмо же мнe, но и всeм возлюбльшым явление его.
9 Потщися скоро приити ко мнe.
10 Димас бо мене остави, возлюбив нынeшний вeк, и иде в солунь: крискент в галатию, тит в далматию: лука един есть со мною.
11 Марка поемь приведи с собою, есть бо ми благопотребен в службу.
12 Тихика же послах во ефес.
13 Фелон, егоже оставих в троадe у карпа, грядый принеси, и книги, паче же кожаныя.
14 Александр ковачь многа ми зла сотвори: да воздаст ему Господь по дeлом его:
15 от негоже и ты себе блюди, зeло бо противится словесем нашым.
16 В первый мой отвeт никтоже бысть со мною, но вси мя оставиша: да не вмeнится им.
17 Господь же мнe предста и укрeпи мя, да мною проповeдание извeстно будет, и услышат вси языцы: и избавлен бых от уст львов.
18 И избавит мя Господь от всякаго дeла лукава и спасет во царствие свое небесное: емуже слава во вeки вeков. Аминь.
19 Цeлуй прискиллу и акилу и онисифоров дом.
20 Ераст оста в коринфe: трофима же оставих в милитe боляща.
21 Потщися прежде зимы приити. Цeлует тя еввул и пуд, и лин и клавдиа и братия вся.
22 Господь Иисус Христос со духом твоим. Благодать с вами. Аминь.