1 Павел, раб Божий, апостол же Иисус Христов, по вeрe избранных Божиих и разуму истины, яже по благочестию,
2 о уповании жизни вeчныя, юже обeтова неложный Бог прежде лeт вeчных,
3 яви же во времена своя слово свое проповeданием, еже мнe поручено бысть по повелeнию спасителя нашего Бога:
4 титу, присному чаду по общей вeрe: благодать, милость, мир от Бога Отца и Господа Иисуса Христа Спаса нашего.
5 Сего ради оставих тя в критe, да недокончанная исправиши и устроиши по всeм градом пресвитеры, якоже тебe аз повелeх:
6 аще кто есть непорочен, единыя жены муж, чада имый вeрна, не во укорении блуда, или непокорива.
7 Подобает бо епископу без порока быти, якоже Божию строителю: не себe угождающу, (не дерзу, не напрасливу,) не гнeвливу, не пияницe, не биицe, не скверностяжательну,
8 но страннолюбиву, благолюбцу, цeломдренну, праведну, преподобну, воздержательну,
9 держащемуся вeрнаго словесе по учению, да силен будет и утeшати во здравeм учении, и противящыяся обличати.
10 Суть бо мнози непокориви, суесловцы и умом прельщени, наипаче же сущии от обрeзания,
11 ихже подобает уста заграждати: иже вся домы развращают, учаще яже не подобает, сквернаго ради прибытка.
12 Рече же нeкто от них, свой им пророк: критяне присно лживи, злии звeрие, утробы праздныя.
13 Свидeтельство сие истинно есть. еяже ради вины обличай их нещадно, да здрави будут в вeрe,
14 не внимающе иудейским баснем, ни заповeдем человeк отвращающихся от истины.
15 Вся убо чиста чистым: оскверненым же и невeрным ничтоже чисто, но осквернися их и ум и совeсть.
16 Бога исповeдуют вeдeти, а дeлы отмещутся его, мерзцы суще и непокориви и на всякое дeло благое неискусни.
1 Ты же глаголи, яже подобает здравому учению:
2 старцем трезвенным быти, честным, цeломдренным, здравствующым вeрою, любовию, терпeнием:
3 старицам такожде во украшении столeпным, не клеветивым, не вину многу порабощенным, доброучительным,
4 да уцeломудрят юныя, мужелюбицам быти, чадолюбицам,
5 цeломдренным, чистым, домы добрe правящым, благим, покаряющымся своим мужем, да не слово Божие хулится:
6 юношы такожде моли цeломудрствовати.
7 О всем (же) сам себе подавая образ добрых дeл, во учении независтное (цeлость), честность, нетлeние,
8 слово здравое, незазорное. да противный посрамится, ничтоже имeя глаголати о нас укорно.
9 Рабы, своим господем повиноватися, во всем благоугодным быти, не прекословным,
10 не крадущым, но вeру всяку являющым благу. да учение спасителя нашего Бога украшают во всем.
11 Явися бо благодать Божия спасительная всeм человeком,
12 наказующи нас, да отвергшеся нечестия и мирских похотей, цeломдренно и праведно и благочестно поживем в нынeшнем вeцe,
13 ждуще блаженнаго упования и явления славы великаго Бога и спаса нашего Иисуса Христа,
14 иже дал есть себе за ны, да избавит ны от всякаго беззакония и очистит себe люди избранны, ревнители добрым дeлом.
15 Сия глаголи, и моли, и обличай со всяким повелeнием. да никтоже тя преобидит (презирает).
1 Воспоминай тeм началствующым и владeющым повиноватися и покарятися, и ко всякому дeлу благу готовым быти:
2 ни единаго хулити, не сварливым быти, но тихим, всяку являющым кротость ко всeм человeком.
3 Бeхом бо иногда и мы несмысленни, и непокориви, и прельщени, работающе похотем и сластем различным, в злобe и зависти живуще, мерзцы (суще и) ненавидяще друг друга.
4 Егда же благодать и человeколюбие явися спаса нашего Бога,
5 не от дeл првных, ихже сотворихом мы, но по своей его милости, спасе нас банею пакибытия и обновления духа святаго,
6 егоже излия на нас обильно Иисус Христом, спасителем нашим,
7 да оправдившеся благодатию его, наслeдницы будем по упованию жизни вeчныя.
8 (Чадо тите,) вeрно слово, и о сих хощу тя извeщати (утвердити), да пекутся добрым дeлом прилeжати вeровавшии Богу: сия суть полезна человeком и добра.
9 Буих же стязаний и родословий и рвений и сваров законных отступай: суть бо неполезны и суетны.
10 Еретика человeка по первом и вторeм наказании отрицайся,
11 вeдый, яко развратися таковый, и согрeшает, и есть самоосужден.
12 егда послю артему к тебe или тихика, потщися приити ко мнe в никополь: тамо бо судих озимeти.
13 Зину законника и аполлоса скоро предпосли, и да ничтоже им скудно будет.
14 Да учатся же и наши добрым дeлом прилeжати в нужная требования, да не будут безплодни.
15 Цeлуют тя со мною сущии вси. Цeлуй любящыя ны в вeрe. Благодать со всeми вами. Аминь.