1 Павел юзник Иисус Христов, и тимофей брат, филимону возлюбленному и споспeшнику нашему,
2 и апфии сестрe возлюбленнeи, и архиппу совоинственнику нашему, и домашней твоей церкви:
3 благодать вам и мир от Бога Отца нашего, и Господа Иисуса Христа.
4 Благодарю Бога моего, всегда память о тебe творя в молитвах моих,
5 слышав любовь твою и вeру, юже имаши ко Господу Иисусу и ко всeм святым.
6 яко да общение твоея вeры дeйственно будет в разумe всякаго блага, еже в вас, о Христe Иисусe.
7 Радость бо имам многу и утeшение о любви твоей, яко утробы святых почиша тобою, брате.
8 Сего ради многое дерзновение имeя во Христe повелeвати тебe, еже потребно есть,
9 любве же ради паче молю, таков сый якоже павел старец, нынe же и узник Иисуса Христа:
10 молю тя о моем чадe, егоже родих во узах моих онисима,
11 иногда тебe непотребнаго, нынe же тебe и мнe благопотребна, егоже возпослах тебe,
12 ты же его, сирeчь мою утробу, приими.
13 Егоже аз хотeх у себе держати, да вмeсто тебе послужит ми во узах благовeствования:
14 без твоея же воли ничтоже восхотeх сотворити, да не аки по нужди благое твое будет, но по воли.
15 Негли бо ради сего разлучися на час, да вeчна того приимеши,
16 не ктому аки раба, но выше раба, брата возлюбленна, паче же мнe, кольми же паче тебe, и по плоти и о Господe.
17 Аще убо имаши мене общника, приими сего якоже мене.
18 Аще же в чесом обидe тебе, или должен есть, мнe сие вмeни.
19 Аз павел написах рукою моею: аз воздам: да не реку тебe, яко и сам себе ми еси должен.
20 Ей, брате, аз да получу еже прошу у тебе о Господe: упокой мою утробу о Господe.
21 Надeявся на послушание твое написах тебe, вeдый, яко и паче, еже глаголю, сотвориши.
22 Купно же и уготови ми обитель: уповаю бо, яко молитвами вашими дарован буду вам.
23 Цeлует тя епафрас, сплeнник мой о Христe Иисусe,
24 марко, аристарх, димас, лука, споспeшницы мои.
25 Благодать Господа нашего Иисуса Христа со духом вашим. Аминь.